أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > أدب > أدب ساخر

إضافة موضوع جديد  إضافة رد
 
أدوات الموضوع
قديم 11/11/2008   #1
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي اختراقات يومية , مقدمة


اختراقات يومية , عبارة عن مذكرات مجنون , يعني مجنون يحكي مذكراتو , من خلال حياة عاشها في مكان معين وزمان متلو معين أيضا , كيف؟ ..... والمجنون اللي عم يحكي مو العاقل يعني ممكن ما يكون المكان أو الزمان اللي عم يحكي عنو ‘مو دقيق كون المجون بيخلط بالمكان والزمان , بس بما أنو اللي عم يسمع عاقل , وبالتالي العاقل بيعيد صياغة الزمان والمكان من جديد وبيتابع السمع على حكي المجنون , أو حكايات المجنون وبيصير المجنون يحكي والعاقلين يسمعو
وبما أن الدنيا اليوم بسوريا برد وقرب كانون " أخ يا شي شوي برد من بردات الكفارين أو صلنفة أو صافيتا بتروح معنا سنة من شوب الصحرا"
اجتمعو حول هالصوبا "أو الصوبيا" يعني المدفأة , وبما أنّو أنا اللي رح أحكي يا بقعد تحت الكوع يا أما بسكت وبيخلص الفلم قبل ما يبلش
اللي أثار الموضوع عندي هوي الحوار اللي فتحو الشباب بالمنبر للحديث عن الخصوصية ’ ةبما أنّو أنا اللي بيملك أو بيتمتع بأكبر خصوصية هون , وبدون ما ابذل أي جهد بالدفاع عنها , لأني مجنون والمجنون بيعمل اللي بيريحو , فأقل واحد ممكن تنتهك خصوصيات , ولا أحد منكم يفكر يعمل مجنون منشان هيك لأنو بيكون عم ينتهك خصوصية المجتمع العاقل وخصوصية المجانين , هوي صحيح متعودين على الإنتهاكات اللي آخرها انتهاك السيادة الوطنية لجمهورية الأبو كمال الصديقة المجاورة , بس لن نسكت ولن نحتفظ بحق الرد , مو منشان شي , المستودع تبع حفظ احتفاظنا بحق الرد امتلا عالأخير
يالله ماضل في وقت يا شباب , حطولكون شي قرمة شجرة بصوبيا الحطب , وبين ما تشعل مظبوط بكون رجعت من الدوان ومنبلش قص ,........ شو بدنا نقص ؟ يعني نروي .. ولك لا ..لا..... نحكي أول قصة

أنا الآن لا أخشى الإله مطلقا. ربما يعود ذلك إلى أنني نفذت تعاليمه. لا أخاف الموت لأنه لا يساوي شيئاً. وكما أنني لا أساوي شيئا بدوري، فأنا لا أخشى أخطر عناصر الطبيعة، مهما فعلت، وحتى إذ جاء ذنب مذنب ليضربنا ويحولنا إلى سلاطة طماطم، فأنا أضحك
  رد مع اقتباس
قديم 11/11/2008   #2
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


منتظر... وبشغف

الحرية لكل أسرى الحرية في سوريا...


العربي الذي لايجرأ من الذل والخوف على رفع رأسه لرؤية القمر !!!

كيف سينتصر على غزاة القمر؟؟!!
  رد مع اقتباس
قديم 11/11/2008   #3
شب و شيخ الشباب Remember Me
عضو
-- قبضاي --
 
الصورة الرمزية لـ Remember Me
Remember Me is offline
 
نورنا ب:
Sep 2006
المطرح:
هون على الأصلي ... يعني بالشام أكيد
مشاركات:
557

افتراضي


الفكرة ملعوبة كتير , وكلنا عم نستنى

Remember Meeeeeeee

حزب المعارضة
http://www.akhwia.com/showthread.php?p=732515
  رد مع اقتباس
قديم 12/11/2008   #4
صبيّة و ست الصبايا غيديون
عضو
-- أخ لهلوب --
 
الصورة الرمزية لـ غيديون
غيديون is offline
 
نورنا ب:
Jul 2008
المطرح:
فوق الارض...وتحت السماء
مشاركات:
145

افتراضي


لك رح صير مجنون من وراك ما فهمت شيبس مستنية مع المستنيين

!!?? the question that derives me hazY... : am i or are the others crazy
........................... ALBERT EINESTEIN .....................
  رد مع اقتباس
قديم 12/11/2008   #5
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي متى استعبدتم الناس


الإنسان يولد حراً , كما يقول جميع العقلاء , فما الذي يقوله المجنون , شيء مضحك أن يقتنع البني آدم بهذه الكذبة التي كذبها على نفسه وأراد أن يصدقها, وهو مقتنع أنه بني آدم ,أي ابنه لآدب أبو البشر , والذي ارتكب أول معصية عندما حاول الحصول على المعرفة وأكل من شجرة المرفة وانسحب جريمته على بنيه من البني آدمين , لذلك ولدت يا أخي من جد جدو لجدو لجدي آدم عليه الجريمة الأولى وليس عليه السلام إلا إذا أردنا السلام لمرتكبي الجرائم , فأنت أيها البني آدم المنتهكة خصوصيتك قبل أن تأتي إلى الضو وأنت تغني :"طلعنا على الضو , طلعنا على الحرية.
لإنتقال جريمة إليك بدون معرفة حتى رأيك فيها
والإنتهاك الثاني لك أنك لا يد لك ولا راي في قبول المجيء إلى هذا العالم من عدم قبوله أيها المسكين المغلوب على أمرك , وحتى لو كان لديك الرغبة في أن تطل علينا وتؤنس وحشتنا الممتدة ملايين السنين , ولكنك لم تختر لا زمن الإطلالة البهية ولا مكانها , فربما كنت ترغب أن تأتي في القرون الوسطى ,إذا كنت من المستمتيع والمعجبين بأساليب التعذيب , ولست ممن يحبون الموت بطلقة رصاص أو بإبرة الموت الرحيم, وربما كنت تحب أن يكون موطىء قدمك الأول في العراق أو أفغانستان بدلا من السويد أو السويسرا ,لأنك إنسان تحب الهدوء والسكينة والإيمان بالله بدلا من العيش في بلاد فاسقة فاجرة لاتعرف الله ولا تجله ولا تقتل البشر باسمه ولا تلتزم بأوامره , عز وجل , وعلى ذكره عز وجل ,فقد عز على النوم وطيفك على بالي
وتصبحون على خير وللحديث بقايا
  رد مع اقتباس
قديم 12/11/2008   #6
شب و شيخ الشباب العربي الأصيل
عضو
-- أخ لهلوب --
 
الصورة الرمزية لـ العربي الأصيل
العربي الأصيل is offline
 
نورنا ب:
Jul 2008
المطرح:
Hell...A Place On Earth
مشاركات:
122

افتراضي


أكمل يا صديق..انفخ بعض النار في رماد أيامي....وبعض النور في ظلام نفسي....

أقرأك يا مجنون...علّ كلماتك تذيب بعض الجليد عن تلافيف دماغي المثقلة بتفاهات الزمن الحاضر...وللسخرية..الزمن الغائب أيضاً....

أتابعك..بما تبقى داخلي من شغف

قل للغياب نقصتني..

وحضرت لأكملك
  رد مع اقتباس
قديم 13/11/2008   #7
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


و طوبى... للجنون


متابع


أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 13/11/2008   #8
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي


اقتباس:
كاتب النص الأصلي : VivaSyria عرض المشاركة
منتظر... وبشغف
انتظر يا ابني بس بتبرك عاقل ما بتحكي بالسياسة , لأنو ما بيجي منها غير وجع الراس , وبعدين الحكي بالسياسة بهالبلد بيجنن , اسلني أنا على مبدأ اسآل مجرب ولا تسأل حكيم, فكيف إذا كان المجرب حكيم متل حضرتنا , ومو حكيم وبس , حكيم ومجنون ,وكمان بيقول المثل " خذو الحكمة من أفواه المجانين

اقتباس:
لك رح صير مجنون من وراك ما فهمت شيبس مستنية مع المستنيين
طبعاً إذا ما جنيت شلون بدك تفهم لغة ,إذا بدك تفهم لغة لازم تتعلم وهاي مو حيّالله لغة

اقتباس:
لفكرة ملعوبة كتير , وكلنا عم نستنى
كل الحياة لعبة وعم نلعب كلنا خلينا نكفي لعب بس بطريقتنا
  رد مع اقتباس
قديم 13/11/2008   #9
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي


اقتباس:
كاتب النص الأصلي : العربي الأصيل عرض المشاركة
أكمل يا صديق..انفخ بعض النار في رماد أيامي....وبعض النور في ظلام نفسي....

أقرأك يا مجنون...علّ كلماتك تذيب بعض الجليد عن تلافيف دماغي المثقلة بتفاهات الزمن الحاضر...وللسخرية..الزمن الغائب أيضاً....

أتابعك..بما تبقى داخلي من شغف
يكفيني أن يجعلك حكي مجنون تكتشف شغفاً في زاوية ما من روحك , وإن استطعت أن أرسم ابتسامة ولو فيها من المرارة الكثير على وجهك أكون مسرورا لذلك

اقتباس:
و طوبى... للجنون
يحيا الجنون
ويسقط العقل في زمن ال..........
وكلنا مجانين
  رد مع اقتباس
قديم 13/11/2008   #10
صبيّة و ست الصبايا Sun Shine Art
عضو
-- زعيـــــــم --
 
الصورة الرمزية لـ Sun Shine Art
Sun Shine Art is offline
 
نورنا ب:
Jul 2008
المطرح:
مابين الالهه والشمس
مشاركات:
1,218

افتراضي


ياريت هل الجنون ...بزيد شوي تاني ومنخلص ...
  رد مع اقتباس
قديم 14/11/2008   #11
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي


اقتباس:
كاتب النص الأصلي : Sun Shine Art عرض المشاركة
ياريت هل الجنون ...بزيد شوي تاني ومنخلص ...
لولا شوي كنت رح قلك "فوق كل تعبك على هالرد ,الله لا يعطيكي العافية " أكتر من هيك جنون ,منرجع عاقلين شو منكون اعملنا , ومين قلك أنو بعد هالجنان منرجع منعقل , بعدين إذا أنا اقتنعت بأني رجعت لعقلي شو بيقنع حضرتك وحضراتكون
  رد مع اقتباس
قديم 14/11/2008   #12
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي طلعنا على الضو


كأنو وصلتني الأخبار من إذاعة لنضن أنو الجو برد كتير بسوريا , رح منتحمل برد متل كل الشعب السوري حتى نكون بنفس الإحساس
أنت هاي Sun Shine Art , وين داحشي حالك بالصوبا , برد , طيب إذا بتعرفي شو بتعني كلمة صوبيا خليكي ملدحشي تحت كوع الصوبا , وإلنا رجعة لقصة الصوبا
ما إن تمد رأسك إلى النور يا بني آدم وأنت تغنّي أغنية السيدة فيروز طلعنا على الضو , طلعنا على الحرية , وقبل أن تلفظ كلمة الحرية تكون إحدى الجميلات المحيطات بوالدتك المصون قد التقطتك , مباشرة إلى مسبح المياه المالحة , ولشدة المفاجأة وعدم وجود الذخيرة الدفاعية لديك إلا سلاح الواع ويع , وثم يشد عليك النطاق المجهز مسبقاً حيث يتم لفك بقطعة قماش لفاً شديداً كما يلف سيخ اللحم وتصبح كالصندويشة الباكية , وكل ذلك حتى يتم الحفاظ على الجسم قوياً مستقيما لتستطيع مستقبلا أن تدافع عن حريتك المستلبة , منذ هذه اللحظة
وقبل أن تصمت , إذا كنت ولداً تستقبلك النسوة بالزغاريد والفرح وربما بالتطبيل والتذمير لكونك الحافظ على أمجاد العائلة والأسرة والحي والقبيلة من لحظة الميلاد وإلى دهر الداهرين , آمين
أمّا إذا كان المولود أنثى , فحدث ولا حرجا , وخاصة إذا كنت الأنثى الثانية أو الثالثة ولا أخ لك , فتصور ي ما الكارثة التي أتيت بها معك ,وربما وصل الأمر إلى الحلفان بالطلاق وانتقل انتهاك الحقوق من حضرة جنابك إلى المسكينة أمك التي لا تعرف أن تنجب إلاّ مقصوفات الرقبة البنات ,وبالتالي ربما كان ميلادك في هذا الوطن الممتد من الماء إلى الماء مبنياً على مشاكل لا حل لها ولا ربط
وفي الحالتين إن كان القادم صبيا أم صبية , فقد أصبح من عداد الموجودين , وأصبح يستطيع أن ينتهك خصوصيات غيره لأنتهاكهم لخصوصياته قبل وأثناء وبعد الولادة , وكل الذي حدث هو عملية ازدياد لعدد المنتهكة خصوصياتهم وعدد منتهكي الخصوصيات
  رد مع اقتباس
قديم 14/11/2008   #13
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


متابع للعظم ........

أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران

اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟

لن نبق اسرى الماضي ...
  رد مع اقتباس
قديم 15/11/2008   #14
صبيّة و ست الصبايا Sun Shine Art
عضو
-- زعيـــــــم --
 
الصورة الرمزية لـ Sun Shine Art
Sun Shine Art is offline
 
نورنا ب:
Jul 2008
المطرح:
مابين الالهه والشمس
مشاركات:
1,218

افتراضي


اقتباس:
كاتب النص الأصلي : مجنون يحكي وعاقل يسمع عرض المشاركة
لولا شوي كنت رح قلك "فوق كل تعبك على هالرد ,الله لا يعطيكي العافية " أكتر من هيك جنون ,منرجع عاقلين شو منكون اعملنا , ومين قلك أنو بعد هالجنان منرجع منعقل , بعدين إذا أنا اقتنعت بأني رجعت لعقلي شو بيقنع حضرتك وحضراتكون
انت بتعرف انه بتمون تقول الي بدك يا... يا صديقي ...

بس المطالبه بزياده الجنون احسن من انه نفقد الاحساس ..انا بدي ضل حس بالجنون .ومابدي اعقل لان ماشي ...بضل داحشي حالي بالصوبيا ع قولتك ...

متابعه بشغف كبير ..وماطول علينا ...
  رد مع اقتباس
قديم 18/11/2008   #15
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي وبعد ذلك


أيه ياسيدنا ملا أنت أو ياستنا ملّا أنت , وهاي زاد عدد الناس اللي رح تنتهك خصوصياتون وأعراضون ويلتعن سلاف سلافون ,لأنو رح يعيش بين الماءين ,أو بين المحيط والخليج , وشو ؟يا سيدنا لسا ما إلك بالقصر من مبارح العصر ودغري صرت عندك تاريخ ولا في أختو , رح يعطوك اسم , منشان شو ؟ مومنشان شي يقطع هالعيشة , ودورها لشوف , كل الغاية من الآسم حتى تتميز عن غيرك من البشر ,كذبة كبيرة . كبيييرة كتير , ححياتك بتبدى بكذبة كتييير كبيرة لعدة أسباب, شو الإسم منشان التمييز ,مين قال هالحكي , وشلون بدنا نميز هالأسماء لنهرف مين الأفضل وشو الفرق بيناتها يعني الفرق بين قرد وجحش واضح وضوح الشمس رغم الإلتباسات الفكرية وثورة تغيير المفاهيم,بل قلبها 180 درجة دورانية ويعني لما الحرامية بيصيرو أبطال وطنيين وعم يسرقو ليعملو شركات كل الغاية منها تشغيل أبناء الوطن , وكل غاية الحرامي اللي سرقك "هاي الكلمة بالمعنى الحداثوي هون"أنّو شايف حالو وصي عليك لأنك قاصر اقتصاديا ومو عارف تدبر أمورك الإقتصادية والحياتية, منرجع على الأسماء العربية , طيب شو لو سموك خالد ,ياسلام شو هاد ياهيك الأسماء يابلا , ولك لسّا ما بين خيّرك من شرك صرت خالد , في ناس عملو عمايل ما عملها عنتر ليحصلو على اسم خالد , ومع ذلك كمان في ناس بترفض تطلق عليهم هالإسم وبتقول على شو خالد , بعدين لا تقلّي اسم خالد أخلد من اسم نيرون , لا بتكون غلطان كتير ,وإذا سمّوك مصطفى ياحبيب القلب , بشو أنت مصطفى ومين اللي اصطفاك . وعن مين اصطفاك , وشو علاقتك بأغنية مصطفى يا مصطفى ... تعا لقلك يا مصطفى
أو إذا سموك حسن . حسن بالنسبة لمين ولشو أنت حسن ,كأنّو نظرية النسبية تبع أين شتين اللي بيسمو بالفرب اإنشتاين ما وصلت لعنا لليوم , شو في انقطاع حضاري بالأمة , طيب هالإنتقطاع الحضاري مقصود واللا مو مقصود ,وأنت مو من حقك الشخصي أنو ما يصير عليك انقطاع حضاري , طيب هيدا مو انتهاك لحقك الشخصي
بالآخر وين بدك تهرب , كل الأسماء كبيرة وكل الأسماء عظيمة , وكلها بتهد جبال وبعدك كل شي إلك تحت منك , شلون بدك تشيل هالإسم وتفز من الورطة اللي ورطوك فيها , تصور حالك أهلك سموك سعيد وانت بين الماءين , لا لسا لو كنت لبناني والقصف بكل الوسائل وخاصة وسائل الشتم وبيمرق عليك واحد وبيقللك نهارك سعيد يا سعيد " هاي تحية في بعض مناطق سوريا ولبنان متل مرحبا "وأنت ياسعيد ما عارف حالك لا وين كنت ولا وين رايح
وعم تتمنّى يكون أهلك مو عامليلك غير شغلة وحدة صح وهيي لو أنّو مسمايينك تعيس بدل سعيد على القليلة كانت حياتك بديت صح على الأقل
ونهاركون سعيد كلكلون قشّة لفة


الحلقة القدمة نفس الموضوع بس أسماء الإناس
وأنا رايح فوت أنعس ونام ,يعني رايح فوت نام وصير احلم ..أنّو بلدنا صارت بلد
الحديث القادم
  رد مع اقتباس
قديم 01/12/2008   #16
شب و شيخ الشباب sslieman
شبه عضو
-- اخ حرٍك --
 
الصورة الرمزية لـ sslieman
sslieman is offline
 
نورنا ب:
Nov 2008
المطرح:
كنت تحت الدلف بس هلق تحت المزراب
مشاركات:
40

افتراضي


الاسامي كلام شو خص الكلام عينينا هني اسامينا
  رد مع اقتباس
قديم 01/12/2008   #17
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي الأسامي كلام


اي صحيح ,,, الأسامي كلام ,ومتل ما بتقول فيروز اللي اسمى عطى للفيروز قيمة إضافية , وشو خص الكلام عنينا هني أسامينا
ومتلما وعدتكون نحكي اليوم عن أسماء الحبيبات والأمهات والأخوات وبعض الإنتهاكات لحقوقهن , وهاي نون النسوة
الصبح لبكرا , مش سهلة والواحد لما بدو يستخدمها لازم يدير بالو ,
زبلة اسم جميل , لأنو هو مرحلة من مراحل حياة الوردة , وهي حالة الذبول , ومتل ما شاعرنا الأخضل , واللي سمو عكس ما هو , الصغير, وهو أكبر من تلات رباع شعراء عصرو من الكذابين والتزلفين وشعراء البلاط , حيث قال
وعمر الورد ما يهمي شذاه
على دنياه لا شهر وعام
وزبلة بطلة الموضوع اليوم . بدوية من الصحراء , وهي التي يصف عيناها شاعرنا نزار قباني بالعيون الحور , ويمكن يكون إلها علاقة بحوريات الجنة , ما بحط شي على ذمتي , لسا ما رحت لهنيك , بس قريت كتب في وصف الجنة وزنه حوالي تنين ونصف كيلو لأحد الأئمة اللي ما بحياتو كمان راح لهنيك ورح يروح علىما يبدو
منشان ما نطول علبم وبما أنو الأدب العربي عوَيص وبالفاموس زبلة تعني الوردة الزابلة , بس إلها معني آخر حيث بيقول لسان العرب
مصدر زَبَلْت الأَرض إِذا أَصلـحتها بالزِّبْل وزَبَل الأَرضَ والزرعَ يَزْبِله زَبْلاً سَمَّدَه ,الـمَزْبَلة
فريحة شو بدها تعطينا هالحورية بعد كلشي صار وشلون بدها تتخلص من هالورطة ,ومين رح يصدق أنو ريحتها ريحة الورد مو ريحة الزبل بالمعنى الآخر
عندي صديقة اسمها صفاء , والإسم على مسمى وهون الكارثة , بدك تقلي شو المشكل , المشكل أنّو صفاء هي أكثر صفاءاً مو من كاس الماء , أكثر صفاء من الكاس اللي مقطر قطرة ورا قطرا , تبع أبوها لنفنافة , بغنية نفنافة يا نفنافة انتبهيلي عا هالجرة مليانة عرق صافي . كمان بدك تقلي شو المشكل , بعرف بعرف , المشكل وين بعد في صفاء بهالدنيا وبهالعصر , وخود يا فوت بالحيطان , من يوم ما وعيت صفاء وهيي من حيط لحيط ,حتى صارت صحبة بينها وبين الحيطان.
يعني بهيك بلد وبهيك زمن لازم تكون الواحدة أسمها صفا وصفا يعني الصخرة , يعني الحجر الكبيرة اللي هيي بينعمل منها الحيطات , ونحنا متل ما بتعرفو بزمن الحيطان

حلقتنا القادمة باللاءات العشرة تبع اللوح المحفوظ المفروض عليك تنفذها كلها , لا لا لالالالا واللي كانت سبب غنية ال لالا
  رد مع اقتباس
قديم 01/12/2008   #18
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي عينينا هني أسامينا



أي صحيح ,,, الأسامي كلام ,ومتل ما بتقول فيروز اللي اسمها عطى للفيروز قيمة إضافية , وشو خص الكلام عنينا هني أسامينا
ومتلما وعدتكون نحكي اليوم عن أسماء الحبيبات والأمهات والأخوات وبعض الإنتهاكات لحقوقهن , وهاي نون النسوة
الصبح لبكرا , مش سهلة والواحد لما بدو يستخدمها لازم يدير بالو ,
زبلة اسم جميل , لأنو هو مرحلة من مراحل حياة الوردة , وهي حالة الذبول , ومتل ما شاعرنا الأخطل , واللي سموه عكس ما هو , الصغير, وهو أكبر من تلات رباع شعراء عصرو من الكذابين والمتزلفين وشعراء البلاط , حيث قال
وعمر الورد ما يهمي شذاه
على دنياه لا شهر وعام
وزبلة بطلة الموضوع اليوم . بدوية من الصحراء , وهي التي يصف عيناها شاعرنا نزار قباني بالعيون الحور , ويمكن يكون إلها علاقة بحوريات الجنة , ما بحط شي على ذمتي , لسا ما رحت لهنيك , بس قريت كتاب في وصف الجنة وزنه حوالي تنين ونصف كيلو لأحد الأئمة اللي ما بحياتو كمان راح لهنيك وما بظن رح يروح علىما يبدو
منشان ما نطول عليكون وبما أنو الأدب العربي عوَيص وبالقاموس زبلة تعني الوردة الزابلة , بس إلها معني آخر حيث بيقول لسان العرب
مصدر زَبَلْت الأَرض إِذا أَصلـحتها بالزِّبْل وزَبَل الأَرضَ والزرعَ يَزْبِله زَبْلاً سَمَّدَه ,الـمَزْبَلة
فريحة شو بدها تعطينا هالحورية بعد كلشي صار وشلون بدها تتخلص من هالورطة ,ومين رح يصدق أنو ريحتها ريحة الورد مو ريحة الزبل بالمعنى الآخر
عندي صديقة اسمها صفاء , والإسم على مسمى وهون الكارثة , بدك تقلي شو المشكل , المشكل أنّو صفاء هي أكثر صفاءاً مو من كاس الماء , أكثر صفاء من الكاس اللي مقطر قطرة ورا قطرا , تبع أبوها لنفنافة , بغنية نفنافة يا نفنافة انتبهيلي عا هالجرة مليانة عرق صافي . كمان بدك تقلي شو المشكل , بعرف بعرف , المشكل وين بعد في صفاء بهالدنيا وبهالعصر , وخود يا فوت بالحيطان , من يوم ما وعيت صفاء وهيي من حيط لحيط ,حتى صارت صحبة بينها وبين الحيطان.
يعني بهيك بلد وبهيك زمن لازم تكون الواحدة أسمها صفا وصفا يعني الصخرة , يعني الحجر الكبيرة اللي هيي بينعمل منها الحيطان , ونحنا متل ما بتعرفو بزمن الحيطان

حلقتنا القادمة باللاءات العشر تبع اللوح المحفوظ المفروض عليك تنفذها كلها , لا لا لالالالا واللي كانت سبب غنية ال لالا
وعاللالا ولالا ولالا وليش الزعل يا خالة وهيي زعلت لحالا

  رد مع اقتباس
إضافة موضوع جديد  إضافة رد



ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 19:20 (بحسب عمك غرينتش الكبير +3)


Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.10260 seconds with 13 queries