أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > علوم > علوم و تكنولوجيا

إضافة موضوع جديد  إضافة رد
 
أدوات الموضوع
قديم 10/05/2007   #37
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
Lightbulb رد 1


أوّل شي بحبّ إشكرك معلم جو، بالفعل حرئصتلي دماغي حرئصة غير شكل، يعني ماشي بالقراءة و بدّي إخلص مشان روووح مخمخ عالردّ ...!
و من هلأ عم خبركن إنـّـو الردّ رح يكون طويل كتير و يمكن ما يوسع بمشاركة وحدة، بئا اللي مستعد يكمـّـل بالقراءة ...
أوّل شي منحكي عن النئطة، و النئطة يا سيدي مفهوم رياضيّ [مو رياضي يعني Sporting لأ يعني Mathematician ] ، و رغم إنـّـو تعريفها صعب جدّاً ينفهم بالنسبة لغير المختصـّـين بس رح إذكرو يعني بجوز نستفيد منو ...
النقطة بالمفهوم التبولوجي هي عنصر من المجموعة ، أكيد من الخمس كلمات السابقة في عشر كلمات مو مفهومة ، و هدول كمان مو مشكلة كبهن ...
و التعريف الأوضح للنقطة (رياضيـّـاً طبعاً) و اللي ممكن نعتبرو التعريف الرسمي للنقطة هو التالي: في فضاء ذي n بعد مثل Rn النقطة تـُـعيـّـن بـالإحداثيـّـات (x1,x2,…,xn) و التي تسمّــى الإحداثيـّـات الديكارتيـّـة، و للتوضيح أشرحها بالنسبة لفضاء ذي بعد واحد (مستقيم) و لفضاء ذي بعدين (مستو) و فضاء ذي ثلاثة أبعاد (الفراغ)، مع الإشارة إلى أنّ كلمة فضاء تعني هنا رياضيـّـاً المنطقة التي تتمّ فيها الدراسة، أوّلاً في فضاء ذي بعد واحد أي المستقيم، هلأ كلنا منعرف مستقيم الأعداد اللي أخدناه في الصفّ الأوّل الابتدائي و اللي كان على شكل محور أفقي موجـّـه من اليمين إلى اليسار و كنـّـا نعيـّـن عليه الأعداد بالتسلسل من الصفر و نحنا طالعين، و بالمراحل التالية عرفنا الأعداد السالبة و صرنا نعيـّـن أعداد من الصفر و نحنا طالعين على اليمين و نحنا نازلين على اليسار، هلأ كلّ عدد من هدول الأعداد اسمو نئطة، << إٍسـّـا فايئ و لا نمت ؟! ... صحصح ... ئوم غسـّـل وجهك و ارجع كمـّـل >> طيـّـب هلأ ركـّـز شوي، كنّــا منعرف الأعداد ...،3،2،1،... يعني اللي سمـّـناهن الأعداد الصحيحة (Z)، بس بعدين صار عندنا أعداد بيناتهن متل 1.5 و 2.3 و إلخ يعني صار بين هالنئط اللي طلعو معنا أوّل شي نئط غيرهن ... هن اللي اسمهن الأعداد العاديّــة (Q) ، هلأ كمان رح تئلي في بين الـ 1.5 و الـ 1.6 مسافة، صح كلامك، و الحلّ مو متل ما متل ما مفكرين البعض إنـّـو بين الـ 1.5 و الـ 1.6 في عشر أرقام اللي هن 1.51،1.52،1.53،...،1.59 لأن كمان فينا نطلـّـع بين كل اتنين من هدول رقم تاني مثلاً 1.567 بين الـ 1.56 و 1.57 فالحلّ هوّ بالمجموعة الأشمل للأعداد و هيـّـه الأعداد الحقيقيـّـة (R) ، هلأ بئدر ئلك إنـّـو غطينا كلّ النئط الموجودة يعني ما بئا أصغر من هيك ، لأن صار في بين كلّ عددين عاديين عدد لا نهائي من الأعداد الحقيقيـّـة، و الأعداد الحقيقـّـة فيها أعداد غير منتهية و دوريـّـة، يعني بعبارة أخرى مغطية كلّ شي، فصار عندنا النئطة يمكن التعبير عنها بالعدد الحقيقي و نرمز لكلّ نقطة بعدد حقيقي.
في الفضاء ذي بعدين، و اللي هوّ المستوي العادي، يعني الأرض أو السئف أو الحيط أو الورئة اللي منكتب عليها (بس ما تكون مجعلكة!)، إذا رسمنا محوري الإحداثيـّـات، محور السينات (أفقي) متل المحور اللي رسمناها بالفقرة السابقة، و محور العينات (عمودي) متل المحور الأوّل بس عمودي عليه، هلأ بالمستوي صارت النقطة مو عدد حقيقي واحد ، هئ .. صارت ثنائيـّـة، << رجعت نعست .. بعرف .. هانت ! >> شو يعني ثنائيـّـة ، يعني هيك (x,y) الثنائيـّـة فيها شغلتين منسمـّـيهن مساقط ، المسقط الأوّل x و المسقط التاني y هلأ هدول التنين مع بعض بعينو نئطة من المستوي، كيف يعني متل لمـّـا عيـّـنا نئطة على المستقيم بعدد حقيقي ، هون بدنا عدد أفقي و عدد عمودي منرفع منهن أعمدة و بيلتئوا بنئطة هي هيـّـه النئطة..
و بالفراغ أبو تلات أبعاد لازم نرسم تلات محاور و بتصير النئطة (x,y,z) بتلات مساقط، و انتبه دوماً في عندنا بين كلّ نئطتين نئطة تالتة، و هي المعلومة بتحلـّـنا تلات ارباع المشكلة، يعني النئطة بهالحالة ما رح تصير لا ضلع و لا مضّــلع و لا دائرة و لا أي شي تاني ، لأن بس لئيت إمكانيـّـة لتميـّـز بين بداية و نهاية للنئطة ما عاد اسمها نئطة ، لأن هون صار عندي على الأقلّ نئطتين هنن نئطة البداية و نئطة النهاية ، و حسب ما ئلنا في نئطة تالتة بيناتهن، و منرج لنفس الدوّيـخة، بصير في عندنا بين نئطة البداية و النئطة التالتة اللي بالنصّ نئطة رابعة و هيييييييك لبين ما تموت و يجي ابنك و بعدو حفيدك و يكملو رسم نئط و ما رح يخلصو ، من عندي عم ئلك ما رح يخلصو ..!



خلصت المساحة المخصصة كملو تحت


®

مهندس هذا الكون العظيم قد بدأ يظهر على أنـّـه عالمٌ رياضيّ بحت.
^
^
المبادئ الرياضيـّـة هي الأبجديـّـة التي كتب بها الله هذا العالم وبدونها سوف يكون صعباً علينا أن نفهم كلمةً واحدةً من كتاب الطبيعة.


®
  رد مع اقتباس
قديم 10/05/2007   #38
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
Lightbulb رد 2


ئلـّـك شغلة بدّي اعترف ، أكيد خطرلك إنـّـو بدّي اعترف إن الحكي كلو غلط! لأ اتطمـّـن صحّ و حياتك صحّ ون هاندرد برسنت ، بس بدّي اعترف بتعريف واضح أكتر للنئطة هلأ خطرلي، النقطة هي الشكل الهندسي الذي أبعاده صفر !
بس منرجع لنقطة التقاطع بين ضلعي المثلـّـث، اللي هيـّـه سبب المشكلة، هون بس في شغلة لازم نفهمها و هيـّـه هامـّـة كتير كتير ...
الأشكال التي نرسمها ليست إلا تمثيل لما ندرس، و ليست الحقيقة، و الأشياء التي ندرسها بعقلنا و نتخيـّـلها لا يمكن نقلها إلا الواقع بأمانة تامـّـة مهما اجتهدنا، فهذا الشكل الذي نراه بثلاث أضلاع نصطلح على أنـّـه المثلـّـث، فنظريـّـاً المثلـّـث هو خط منكسر مغلق فيه ثلاثة زوايا و ثلاثة أضلاع ، مجموع الزوايا فيه 180 درجة و الأضلاع هي عبارة عن مستقيمات، الآن لأبيـّـن لك أنـّـه من المستحيل رسم مثلـّـث يحقـّـق هذه الشروط:
أوّلاً الخطّ و المستقيم يجب أن يكون ثخنه صفر ، و هذا أوّل خطأ نرتكبه بنحن نرسم بقلم رصاص بسماكة 0.5 مم و في أحسن الأحوال بيرسمو طلاب العمارة بقلم روترينغ ألماني أصلي 0.3 مم يعني بعبارة أخرى نحن عم نرسم مستطيل عرضه 0.3 مم و طوله هو الطول اللي نحن عم نحدّده..
تاني شغلة و اللي رح تكون صدمة، مستحيــــــــــــــــــــ ــــــــل نئدر نعمل خط مستقيم ، و التوضيح التالي: ارسم خط مستقيم بين عمـّـك الكبير غرينتش و لندن، شئد طولو؟ ما بعرف بس ئصير نسبيـّـاً يعني على الأغلب ما بيتجاوز 10 كم ، عظيم هلأ ضلّ ماشي بهالخطّ باتـّـجاه الشرق لتوصـّـل لبرلين، كمان امشي شوي تانية لتوصل لوارسو، هلأ إنتي مفكـّـر حالك رسمت خطّ مستقيم، يا عزيزي يؤسفني أن أبشرك إنـّـو إنت رسمت قوس من دائرة، و إذا مو مسدئ اطلع لفوووء لفوووء كتير لبين ما تشوف الأرض صارت ئد ملعب الـ75 ألف بحلب، وئتها رح تشوف المسافة بين لندن و وارسو ئد المسافة بين الحارس و قوس منطقة الجزاء، و أكيد رح يبيـّـن معك بوضوح تامّ إنـّـو هو مو خط مستقيم هو قوس، يعني منحني !
كمان هون رح تحتجّ و تئلي بسيطة برسم خطّ بين الأرض و الشمس، و ئتها بدّي كمان ئلك اطلع لفووووووووووء لفوووووووووووء أكتر بكتير هالمرّة يعني روح لعند جيراننا بمجرة أندروميدا (المرأة المسلسة) و بتكتشف إنـّـو قوس و كلّ ما طوّلت الخطّ أكتر بدّي ابعتك لمحلّ أبعد بئا اقتنع بالحسنى ...
تالت شغلة، هي كمان رح أثبتلك ياها بالكرة الأرضيـّـة، ارسم مثلـّـث على الورئة عندك، ئيس الزوايا رح يطلعو 180 درجة، طيـّـب كبّرلي هالمثلـّـث ليصير ئد بيتكن، ئيسو كمان 180 ، طيـّـب كبرو و اعملو بين بيونس آيرس و إدلب و أوتاوه ، ئيس ، ما رح يطلع 180 درجة ، رح يطلع أكتر! و مشان توضح أكتر ، كبّ بيونس أيرس و أوتاوه، و اترك إدلب بس ما إلنا شغلة فيها، المهمّ اعمل هالمثلـّـث بين نقطة القطب الشمالي فوووء بالزنبوعة تبع الكرة الأرضيـّـة و مدينة الخرطوم و مدينة دكار اللي تنيناتهن بصيرو على الخطّ 15 شمال خط الاستواء، يعني صار مثلـّـث بين القطب و الخرطوم و دكار، و أضلاعه خطّ العرض 15 بين الخرطوم و دكار و خطّ الطول بين الخرطوم و القطب و خطّ الطول بين دكار و القطب، هلأ اللي منعرفو إنـّـو خطوط الطول و العرض متعامدة يعني الزاوية بين كلّ خطّـين 90 ، أوكي صار هلأ عندنا مجموع الزوايا كمايلي: زاوية الخرطوم 90 و زاوية دكار 90 صارو 180 لحالهن و هلأ انشالله تكون الزاوية بالقطب 1 درجة بكون صار المجموع 181 و هاد غلط!
لذلك الرسم متل ما ئال واحد من الأعضاء هو المشكلة، يعني كلّ ما كان الرسم دقيق أكتر وصلنا لصورة أقرب للتعريف النظري لما ندرس بعقلنا، و انتبه لإنـّـو ممكن نئرّب للحئيئة بس ما منئدر نوصـّـل مطلقاً و بكفـّـي إنـّـو ما فينا نرسم خط عرضه صفر لنعرف شئد صعب الوصول للمطلوب.


كمان خلصت المساحة ... كملو تحت ...


®
  رد مع اقتباس
قديم 10/05/2007   #39
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
Lightbulb رد 3


لهون بكون أدّيت مهمـّـتي على أكمل وجه بالنسبة لتعريف النئطة ...!
بس في النئاط التانية اللي حرئصتلي دماغي ..
أوّلهن الإلكترون ..
يا جماعة الإلكترون مو أصغر شي بالوجود ..
لأن الإلكترون بدورو مؤلــف من الكواركات ...!
هلأ ما حدا يسألني من شو مؤلفة الكواركات لأن إسـّـا هدول الكواركات طلعانين على الساحة جديد يعني ما لحئنا نفرطهن ..!
بس بشكل مختصر و سريع .. الكواركات تلات أنواع .. أعلى و أسفل و صفر ... هدول أسمائهن ... و أظنّ الأصل : UP – DOWN – NON و تفصيلهن : UP شحنته +2/3 و الـ DOWN شحنته -1/3 و الـ NON شحنته 0 ...
و شوفو شلون بيعملو الإلكترونات و البروتونات و النترونات ...
PROTON: UP + UP + DOWN = 2/3 + 2/3 – 1/3 = +1
ELECTRON: DOWN + DOWN + DOWN = -1/3 -1/3 -1/3 = -1
NEUTRON: UP + DOWN + DOWN = 2/3 -1/3 -1/3 = 0
هلأ في نظريـّـة (نظريـّـة الأوتار الفائقة) عم يحاولوا العلماء يشتغلوا فيها مشان يكملوا الطريئ لجوا الكواركات ، و اللي بتفترض إنـّـو كلّ جزيء هو عبارة عن وتر مهتزّ و اهتزازه المميـّـز هوّ اللي بيعطيه طبيعته و كمان كونه وتر مغلق أو حرّ الطرفين بيعطيه ميـّـزات تانية و هيك شي ، بس نظريـّـة معئدة كتير كتير و شغلتها بتجنـّـن و أينشتاين بذاته ضلّ آخر 30 سنة من عمره عم يحاول يوصلها و ما مشي الحال و لهلأ العلماء ما وصلوا للحلّ و للي بدّو يبحث فيها و وين وصلوا يلحئ العالم الإنكليزي ستيفن هاوكينغ ، هاد أكتر واحد نشط حاليـّـاً فيها ..
و منرجع للنقطة اللي ئلت حضرتك إنو هيه النئطة الأساسيـّـة و إنـّـو النئطة بس نئطة بالتعريف و هاد اللي اتـّـضح لإلنا من بعد ما صارو عيوننا متل عيون الشخص اللي حاطو (كرهان حالي) بصورته الشخصيـّـة .
بس كمان هون في تنويه ..
هوّ مزبوط النقطة ممكن نعرّفها إنـّـو هي تلاقي مستقيمين ، بس منرجع للدويخة ، شو المستقيم ؟ هو مجموعة من النقاط !! و على كلّ حال التنويه مو هون ... التنويه إنـّـو مو أي جسمين بيتقاطعوا بنقطة متل ما ذكر واحد من الشباب عن القلمين ، و للتوضيح شوف مثلاً مستويين متل السئف و الحيط هدول مستويين متقاطعين و شو نتيجة التقاطع ؟ هيه مستقيم ! كملن خود مثلاً تقاطع التفاحة مع السكـّـين ، بيطلع دائرة و هيك .. يعني النئطة هي فقط تقاطع مستقيمين ، منرجع لإنـّـو المستقيم لازم يكون عرضه صفر ليكون التعريف صحيح !
كمان تذكـّـرت شغلة مشان الإلكترون ..
في نظريـّـة اللي هيـّـه أحد أساسات ميكانيك الكمّ ... و اسمها مبدأ الشكّ أو عدم التعيـّـين لهايزنبرغ ، و بتئول ، لا يمكن أبداً تعيين موضع و كميـّـة حركة دقيقة صغيرة جدّاً تدور في حيـّـز صغير جدّاً كالإلكترون في آن و واحد و بدقـّـة .
و النظريـّـة التانية بمكيانيك الكمّ ، بتئول للإلكترون طبيعة ثنائيـّـة فهو يسلك سلوك جسيم أحياناً و سلوك جسيم أحياناً .
و كمان منتذكـّـر إنـّـو أشـّـعة بيتـّـا مؤلـّـفة من الإلكترونات ... كمان الأشــّـعة المهبطيـّـة ، و كمان في علماء أو معظم العلماء هلأ بيعتبروا الإلكترون ما بدور حول النواة في مسار متل ما بتدور الأرض حول الشمس ، هئ ، الإلكترون عبارة عن غمامة بتحيط بالنواة و هاد الشي بناءً على نظريـّـة هايزنبرغ ...!
خيـّـو في كلام كتير اسّــا بينحكا ..
بس و الله ما عاد فيني .. صرلي ئاعد على هاد الموضوع تلات ساعات ... و أنا إنسان على باب الله فئير و منتوف و من مال الله يا محسنين .. و وئتي ديئ و عندي دراسة و و مضغوط كتير بالموادّ و كلنا هيك بالفصل التاني ... و بدنا نخطب و نتجوّز و بدنا نترفـّـع هالسنة و ما معي ادفع فاتورة التليفون و العيشة صعبة و الصيف اجا ع بكير السنة ..
كان بدّي إحكي عن المسألة اللي حطـّـيتا عن الحلاق ...
بس يالله اتركها لوئت تاني ..
لأن حاسس هلأ بدّو ينهدر دمـّـي على طول الردّ ...
و أنا بتذكــّـر إنـّـو حكيت بزماني عن هيك مسائل بقسم المسابقات ... بس يبدو إنـّـو الموضوع طار وئت سكـّـر المنتدى إثر الهجمة الإمبرياليـّـة ...
يالله ملحوئة ..
يا شباب مشاااااااان الله لا تواخذوني ... بس بهالموضوع و الحكي عنـّـو انتشيت ...
دمتم للتميـّـز ..
®
  رد مع اقتباس
قديم 11/05/2007   #40
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


معلمي راو


يا معلمي راو


خدني بحلمك شوي زغيرة


اقتباس:
العالم الإنكليزي ستيفن هاوكينغ ، هاد أكتر واحد نشط حاليـّـاً فيها ..
والله بيتهيألي انو الزلمة عطاك عمرو من فترة قريبة .. يعني بزكر انو هيك سمعت، عموما انشالله يطلع حكيي غلط

طبعا تعريفك للنقطة رياضي رائع جدا سواء الطبولوجي الهندسي او التحليلي
و انشالله مزال عملت هالجهد كلو بشرح النقطة بركي برجع و بحط رأي سادتنا و افلاطون و اقليدس و فيثاغورس بهالنقطة يللي اخدت من وقتك كل هالوقت



و لوقتها بتشكرك ع التعريف الجميل و الصحيح و الدقيق جدا جدا و شكرا ع شرحك للمجموعات و العناصر


بس يا ريت لو تركت الالكترون و نظريات "الكم" و "كل شيء" و "لاينزينغ" لموضوع تاني و بتمنى من المشرفين ع هالقسم يفصلوهم و ينقلوا الموضوع كلو لقسم العلوم و التكنولوجيا

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you
  رد مع اقتباس
قديم 14/05/2007   #41
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
وتجاوزا يتغاضى العالمون عن عدم الدقه بشرط ان يكون الشخص موقن لحقيقة عدم الدقه وعارف لطبيعة المثلثات وعلمها
والله كبرتولي معلاقي ترا

خيو كلامك مزبوط و صحيح.. بس شو قصة هالتغافل الصريح من قبل العلماء و المهندسين ؟؟ يعني كيف بلش هالتغافل؟

بلش هذا التغافل في "اكاديميا"
و اكاديميا هيي المدرسة يللي انشأها مولانا افلاطون قدس فيثاغوراس سره، و كتب على بابها "لا يدخل هذا المكان من لا يعرف الهندسة"
طبعا مولانا و سيدنا افلاطون لا يقصد الاهانة لأحد، فبرأيه كل الناس خير و بركة، بس يا خيي نحنا بهالاكاديميا شغل مخمخة و تكبير معلاق و وجع راس، ازا ما بتفهم بالهندسة و بديهياتها خليك برا ارحملك و ارحملنا

طيب شنو هذي الهندسة يللي بدنا نعرفها لحتى ندخل اكاديميا؟
الهندسة باللغة تعني العلم القادم من الهند، و سنشرح ذلك لاحقا

ببساطة الهندسة او الطبولوجيا المطلوب معرفتها هو ما تفضل به عظيمنا راو من معلومات في الردود السابقة، بالاضافة إلى امور ثلاثة لعن الله الثلاثة
1- ورقة او حيط او اي شي ممكن نسجل و ندون عليه
2- قلم او ريشة او ازميل او اي شي ممكن انو نسجل و ندون بواسطته
3- مسطرة + فرجار (يعني بيكار)

هلأ بما انو العيشة سودا و مش بيضا
و بما انو سيدنا و مولانا و كبيرنا افلاطون صلى فيثاغوراس عليه و سلم يهمه ما بداخل الراس و ليس ما على الراس من شعر و بويا و مساحيق تجميل.... فقد رأى ان هذه الامور الثلاثة كافية لحتى نشتغل بالهندسة و نفهمها و نمخمخ فيها...
هلأ .. هي الامور الثلاثة، كافية جدا انها تسمح لاجدادنا الفراعنة انهم يبنوا صروح هرمية ضخمة جدا تخلي الدب النايم يشتلق انهم بيفهموا بالهندسة اكتر مني و منكم اجمعين، لكن مع الاسف هي الامور نفسها غير كافية انها تخلينا نرسم مثلث بدقة متناهية .. و هو ما جعل مولانا اينشتاين رضي نيوتن عنه يقول: كل شيء نسبي و لا شيء مطلق
اذن، هذا العلم بهذه الادوات البسيطة و التافهة سمحت لنا ان ننشد كل هذا العمران و لكنها لم تسمح لنا بانشاء مثلث بدقة، و طز شو يعني؟ و هو ما يجعلني اقول: بدنا العنبات يا خيي و ستين مليون طز بالناطور
  رد مع اقتباس
قديم 14/05/2007   #42
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
الهندسة باللغة تعني العلم القادم من الهند، و سنشرح ذلك لاحقا
في الحقيقة ان الهندوس، و هم بشر يسكنون الهند و يدينون الديانة الهندوسية، بيدرسوا "الرياضيات" بشكل عام ضمن دراستهم لديانتهم، يعني الرياضيات مذكورة بكتبهم المقدسة و تعتبر جزء من دياناتهم، و هالتقديس كان منذ القدم .. لهذا اشتهر الهنود بانهم من اهم الرياضيين
و فوق ذلك، فالصينيون ايضا رياضيين عظماء، و لكن برأيي الاعظم على الاطلاق من حيث التطبيق لعلوم الرياضيات هنن الفراعنة، يعني تركولنا صروح ضخمة جدا لحتى نفهم انهم الاعظم في علوم الرياضيات بدون منافسة، و حتى اللحظة لم نتمكن من معرفة جزء يسير من معارفهم الرياضية
و لكي لا اكون ظلوما، ايضا اجدادنا السومريين و الكلدان كان عندهم اطلاع و معرفة جيدتين بعلوم الرياضيات، و ما تركوه في علم الفلك و بعض الاوابد العمرانية الرائعة من برج بابل الاسطوري إلى الحدائق المعلقة الاسطورية إلى قلعة سمعان في شمال سوريا، بالاضافة الى الكثير من النظريات الهندسية الطبولوجية و التحليلية اللي تركوها على رقم فخارية بتدلنا على هالشي...


طيب في شغلة، ليش انا و انتوا منحسب انو هالرياضيات العظيمة بلشت باليونان و على ايدي اقليدس و فيثاغوراس و افلاطون و شلة الانس اياها؟

منحسب هيك لاسباب ثلاثة لعن الله الثلاثة:
1- لأنو اغلب يللي تركولنا ياه ضيعناه و سخفناه و تفهناه في خضم حروبنا

2- لأنو نحنا بشكل عام ما عم نفهم عليهم، يعني هنن تركوا اهرامات اكبر من اكبر العمارات يللي عنا، بس نحنا منتفرج عليها و مننسطل و مندور بعدين على شخلعات نانسي و هيفا و ما بيهمنا من الرياضيات غير ايمت بييجي رمضان و ايا عيد اصح عيد الفصح الغربي يمن الشرقي.. و ما اليه من سخافاتنا

3- لأنو كل شي تركولنا ياه و بقي و اهتمينا فيه بعد هيفا و قصف حيفا و ما اليه... لم يتم ابجدته
يعني ببساطة، اجدادنا و كتير بشر عظماء عاشوا من قبل التاريخ، بيعرفوا بالرياضيات ما لا نعرف خنصره، بس كتبوه بلغات و باساليب نحنا ما منفهمها، لأنو اجدادي الفينيقيين اخترعوا شي اسمو ابجدية، كل شي تم ابجدته فهمناه و مشي الحال، بس جزء كبير جدا من المعرفة البشرية و خصوصا الرياضية منها ما تم ابجدته و بالتالي حطيناه ع الرف و قاعدين عم نتفرج عليه كأنو لغز كبير

بينما اليونانيين عمدوا الى ابجدة معارف فيثاغوراس و افلاطون رغم انو فيثاغوراس هوي ذات الرجل يللي حرم اكل الفول على اتباعو و هذه حيونة ما بعدها حيونة مع احترامي الشديد له
و افلاطون رغم فضلو المحمود على العلم و الهندسة و الفلسفة إلا انو هوي الشخص الاحمق نفسو صاحب الجمهورية و هوي نفسو يللي سفه اعمال الفيلسوف العظيم مولانا اناكساغوراس يللي اكد حقائق مهمة منها: لا شيء يخلق من العدم و لا شيء يختفي، و كل شيء يتغير من شكل الى اخر، و هو ما خلص اليه مولانا لافوازييه رضي كانط عنه و ارضاه بعد انكساغوراس باكتر من 1800 سنة

ببساطة، ما فكر فيه عظيمنا جو في تفسير النقطة، هو ما بدأه احد اجدادنا البشر باكثر من مكان في العالم، و اجتمع مع مجموعة من البشر الواعيين حينها متل راو، و جعلوا حياتنا تختلف عن حياة الكائنات الحية الاخرى من حيث انو بياكلوا و بيشربوا و بيمارسوا الجنس و بيموتوا

شكرا لكل من ساهم في هذا الموضوع
  رد مع اقتباس
قديم 14/05/2007   #43
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


يا عمي تثبيت......


شو هالعمر اللي مش باقي شي
لولا الوقت الولا خلى شي
خلالي طريقي و رح أمشيه


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 15/05/2007   #44
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
Arrow :)


اقتباس:
والله بيتهيألي انو الزلمة عطاك عمرو من فترة قريبة .. يعني بزكر انو هيك سمعت، عموما انشالله يطلع حكيي غلط
بالنسبة إلي ما سمعت إنـّـو مات .. بس بجوز حضرتك سمعت إنـّـو انشلّ و هاد الشي مزبوط الزلمة هلأ مشلول
و على كلّ حال مو مشكلة ميـّـت و لا عايش ... نحنا ما حكينا عن ئصّــة حياتووو


اقتباس:
طبعا تعريفك للنقطة رياضي رائع جدا سواء الطبولوجي الهندسي او التحليلي
و انشالله مزال عملت هالجهد كلو بشرح النقطة بركي برجع و بحط رأي سادتنا و افلاطون و اقليدس و فيثاغورس بهالنقطة يللي اخدت من وقتك كل هالوقت
سيدي الله يعطيك العافية حبيبنا كريم ...


اقتباس:
و لوقتها بتشكرك ع التعريف الجميل و الصحيح و الدقيق جدا جدا و شكرا ع شرحك للمجموعات و العناصر

أنا بتشكّـرك لأنّــك صبرت على الردّ الطويـــــل ,,,, ،،،،




اقتباس:
بس يا ريت لو تركت الالكترون و نظريات "الكم" و "كل شيء" و "لاينزينغ" لموضوع تاني و بتمنى من المشرفين ع هالقسم يفصلوهم و ينقلوا الموضوع كلو لقسم العلوم و التكنولوجيا
ان شا الله منحكي عن الموضوع هااد .. بس لنجمـّـع شويـّـة معلومات تانية ... لأن معلوماتي اسـّـا ما كاملة عن هالئصص ...

شكراً إلك و للمشرفة ريم ..


®

آخر تعديل Raw يوم 15/05/2007 في 00:50. السبب: وين التوقيع يا جماعة ؟؟؟
  رد مع اقتباس
قديم 15/05/2007   #45
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

Wink


اقتباس:
كاتب النص الأصلي : Raw عرض المشاركة
ان شا الله منحكي عن الموضوع هااد .. بس لنجمـّـع شويـّـة معلومات تانية ... لأن معلوماتي اسـّـا ما كاملة عن هالئصص ...

شكراً إلك و للمشرفة ريم ..


®



لساتني منسقه..بس ان شاء الله بنصير بالاشراف.....

كريم عم نعمل موضوع منفصل تماما بهالخصوص....بالاتفاق مع مولانا raw ولا يهمك
  رد مع اقتباس
قديم 16/05/2007   #46
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
افتراضي


اقتباس:
كاتب النص الأصلي : Reemi عرض المشاركة
لساتني منسقه..بس ان شاء الله بنصير بالاشراف.....
اقتباس:
كاتب النص الأصلي : Reemi عرض المشاركة

كريم عم نعمل موضوع منفصل تماما بهالخصوص....بالاتفاق مع مولانا raw ولا يهمك


الله كريــــــم عزيزتي ريمي ... إلا ما تصيري بالإشراف ... بس يعني بدّك ترشرشي .. هون هنيك يعني فهمتي عليي ...!!

لك شو هي مولانا ... الله يوفئك و يخليكي بلاها بلاها ... هلأ بحسب حالي مولى عن جد ... أنا مو أد هالشغلات ... أنا شغلتي درويشة و على باب الله ... و من مال الله يا محسنين

و هلأ شكراً للمنسـّـقة ريم ..




®[/center]
  رد مع اقتباس
قديم 17/05/2007   #47
شب و شيخ الشباب محمد ابراهيم
عضو
-- مستشــــــــــار --
 
الصورة الرمزية لـ محمد ابراهيم
محمد ابراهيم is offline
 
نورنا ب:
Nov 2005
المطرح:
في بيتنا
مشاركات:
5,722

افتراضي


اقتباس:
كاتب النص الأصلي : krimbow عرض المشاركة
والله كبرتولي معلاقي ترا

خيو كلامك مزبوط و صحيح.. بس شو قصة هالتغافل الصريح من قبل العلماء و المهندسين ؟؟ يعني كيف بلش هالتغافل؟

بلش هذا التغافل في "اكاديميا"
و اكاديميا هيي المدرسة يللي انشأها مولانا افلاطون قدس فيثاغوراس سره، و كتب على بابها "لا يدخل هذا المكان من لا يعرف الهندسة"
طبعا مولانا و سيدنا افلاطون لا يقصد الاهانة لأحد، فبرأيه كل الناس خير و بركة، بس يا خيي نحنا بهالاكاديميا شغل مخمخة و تكبير معلاق و وجع راس، ازا ما بتفهم بالهندسة و بديهياتها خليك برا ارحملك و ارحملنا

طيب شنو هذي الهندسة يللي بدنا نعرفها لحتى ندخل اكاديميا؟
الهندسة باللغة تعني العلم القادم من الهند، و سنشرح ذلك لاحقا

ببساطة الهندسة او الطبولوجيا المطلوب معرفتها هو ما تفضل به عظيمنا راو من معلومات في الردود السابقة، بالاضافة إلى امور ثلاثة لعن الله الثلاثة
1- ورقة او حيط او اي شي ممكن نسجل و ندون عليه
2- قلم او ريشة او ازميل او اي شي ممكن انو نسجل و ندون بواسطته
3- مسطرة + فرجار (يعني بيكار)

هلأ بما انو العيشة سودا و مش بيضا
و بما انو سيدنا و مولانا و كبيرنا افلاطون صلى فيثاغوراس عليه و سلم يهمه ما بداخل الراس و ليس ما على الراس من شعر و بويا و مساحيق تجميل.... فقد رأى ان هذه الامور الثلاثة كافية لحتى نشتغل بالهندسة و نفهمها و نمخمخ فيها...
هلأ .. هي الامور الثلاثة، كافية جدا انها تسمح لاجدادنا الفراعنة انهم يبنوا صروح هرمية ضخمة جدا تخلي الدب النايم يشتلق انهم بيفهموا بالهندسة اكتر مني و منكم اجمعين، لكن مع الاسف هي الامور نفسها غير كافية انها تخلينا نرسم مثلث بدقة متناهية .. و هو ما جعل مولانا اينشتاين رضي نيوتن عنه يقول: كل شيء نسبي و لا شيء مطلق
اذن، هذا العلم بهذه الادوات البسيطة و التافهة سمحت لنا ان ننشد كل هذا العمران و لكنها لم تسمح لنا بانشاء مثلث بدقة، و طز شو يعني؟ و هو ما يجعلني اقول: بدنا العنبات يا خيي و ستين مليون طز بالناطور

هذا هو ردي
اقتباس:
كاتب النص الأصلي : hashtnasht عرض المشاركة
شبااااااااااااااااب ..

المثلث الو 3 اضلاع فقط لاغير....أما الاضلاع اللي عم يطلعو بالتكبير هني أخطاء برسم المثلث ...يعني تمثيل المثلث بشكل مرئي عم يكون غير دقيق.... ببساطة لا يمكن رسم المثلث بدقة .
  رد مع اقتباس
قديم 17/05/2007   #48
شب و شيخ الشباب محمد ابراهيم
عضو
-- مستشــــــــــار --
 
الصورة الرمزية لـ محمد ابراهيم
محمد ابراهيم is offline
 
نورنا ب:
Nov 2005
المطرح:
في بيتنا
مشاركات:
5,722

افتراضي


اقتباس:
كاتب النص الأصلي : krimbow عرض المشاركة

ببساطة، ما فكر فيه عظيمنا جو في تفسير النقطة، هو ما بدأه احد اجدادنا البشر باكثر من مكان في العالم، و اجتمع مع مجموعة من البشر الواعيين حينها متل راو، و جعلوا حياتنا تختلف عن حياة الكائنات الحية الاخرى من حيث انو بياكلوا و بيشربوا و بيمارسوا الجنس و بيموتوا

اي معناها بدأ احد اجدادنا البشر بالتفكير الخاطئ بس ما بعرف كيف باكثر من مكان بالعالم بتحصل نفس الغلطه من قبل (احد ) لابد ان يكون المقصود بعض او اي شيئ الا (احد )فأنا اعرف احد جيدا وتربطني به علاقة صداقه من النوع الحميم ولا يمكن ان يكون فعل ذلك باكثر من مكان واحد

المهم بعيدا عن المزح وبمزيد من الجديه اقول هذه الفكره غير صحيحه وهنا لا اجد الا اقتباس كلمة عزيزي المحترم هشت نشت في احدى ارائه الهشتيه النشتيه
بان المثلث له ثلاثة اضلاع فقط وان الرسم به اخطاء اذا ظهر بعكس ذلك .
واحب اقول اني استبعد تمام الاستبعاد ان يكون باني الهرم على سبيل المثال صاحب فكره مثل هذه باعتباره قد يكون (احد ) .
  رد مع اقتباس
قديم 17/05/2007   #49
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
اي معناها بدأ احد اجدادنا البشر بالتفكير الخاطئ بس ما بعرف كيف باكثر من مكان بالعالم بتحصل نفس الغلطه من قبل (احد ) لابد ان يكون المقصود بعض او اي شيئ الا (احد )فأنا اعرف احد جيدا وتربطني به علاقة صداقه من النوع الحميم ولا يمكن ان يكون فعل ذلك باكثر من مكان واحد
لا يا حبيبي، مش قصة تفكير خاطئ، جو فكر بالنقطة و تعريفها .. سواء عن طريق زاوية مثلث او عن طريق زاوية مربع او اي طريق آخر يحلو لك

و اجزم ان احد ما (اي واحد على الاقل) قد فكر بالنقطة قبل جو بآلاف السنين بأي طريق كان
و اجزم ان احد ما (اي واحد على الاقل) قد ساعده بايجاد تفسير

اقتباس:
المهم بعيدا عن المزح وبمزيد من الجديه اقول هذه الفكره غير صحيحه وهنا لا اجد الا اقتباس كلمة عزيزي المحترم هشت نشت في احدى ارائه الهشتيه النشتيه
بان المثلث له ثلاثة اضلاع فقط وان الرسم به اخطاء اذا ظهر بعكس ذلك .
لك يا عيني ممكن بس تفهمني وين شفتني بكل ردي عم ادعي غير هالكلام؟؟؟؟
اقتباس:
بل انا اكدت بكلامي و دعمت صحة ادعاءك و ادعاء حشت نشت المعظم
  رد مع اقتباس
قديم 17/05/2007   #50
شب و شيخ الشباب محمد ابراهيم
عضو
-- مستشــــــــــار --
 
الصورة الرمزية لـ محمد ابراهيم
محمد ابراهيم is offline
 
نورنا ب:
Nov 2005
المطرح:
في بيتنا
مشاركات:
5,722

افتراضي


اقتباس:
كاتب النص الأصلي : krimbow عرض المشاركة
لا يا حبيبي، مش قصة تفكير خاطئ، جو فكر بالنقطة و تعريفها .. سواء عن طريق زاوية مثلث او عن طريق زاوية مربع او اي طريق آخر يحلو لك
هذا التفكير ادى الى ان للمثلث ستة اضلاع وبالتأكيد هذا خاطئ تماما
واذا كنت مع كلام العظيم هشت نشت (القائل بان للمثلث ثلاثة اضلاع) فكيف تكون مع كلام جو بأن للمثلث ستة اضلاع !!!!!!!!!!!!!!!!!!!!!!
فاما للمثلث ثلاثة اضلاع او ستة اضلاع ولا يمكن ان تكون مع هذا وذاك الا اذا كنت تجهل الفرق بين الاثنتين او كنت منافقا .
اقتباس:
و اجزم ان احد ما (اي واحد على الاقل) قد فكر بالنقطة قبل جو بآلاف السنين بأي طريق كان
و اجزم ان احد ما (اي واحد على الاقل) قد ساعده بايجاد تفسير
تستطيع ان تجزم بكل ردودك القادمه الى ان اعود لاضع ردا جديدا بان احد ما (اي واحد على الاقل) قد فكر بالنقطة قبل جو بآلاف السنين بأي طريق كان و ايضا تجزم ان احد ما (اي واحد على الاقل) قد ساعده بايجاد تفسير

ولكنك لن تستطيع ان تفهم معنى احد طالما اتبعت نفس الاسلوب ,فانا اقول لك اني اعلم احدا جيدا وهو ليس كذلك (وصدقني التجربه خير معلم)
صدقني احدا ليس كما تظن احدا ليس كذلك (كلا البته يا عزيزي)
  رد مع اقتباس
قديم 17/05/2007   #51
شب و شيخ الشباب محمد ابراهيم
عضو
-- مستشــــــــــار --
 
الصورة الرمزية لـ محمد ابراهيم
محمد ابراهيم is offline
 
نورنا ب:
Nov 2005
المطرح:
في بيتنا
مشاركات:
5,722

افتراضي


اقتباس:
كاتب النص الأصلي : krimbow عرض المشاركة
بل انا اكدت بكلامي و دعمت صحة ادعاءك و ادعاء حشت نشت المعظم
هذا الاقتباس للتوضيح وضعه كريم وليس له علاقه بما كتبت (اي ) انه ليس مقتبس من كلامي

اقتضى التوضيح شكرا
  رد مع اقتباس
قديم 17/05/2007   #52
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
Exclamation رد 4


يا شباب يا شباب طوّلوا بالكن ؛؛؛
شو يعني ما بصير بلا العلئات !؟!!
بليز بي ريلاكس ؛؛؛
.
منجي للموضوع المجرم ؛؛
.
عزيزي محمـّـد إبراهيم اسمحي خالفك بشغلة ؛ يعني الأخ كريم لمـّـا ئال [[ ببساطة، ما فكر فيه عظيمنا جو في تفسير النقطة، هو ما بدأه احد اجدادنا البشر باكثر من مكان في العالم، و اجتمع مع مجموعة من البشر الواعيين حينها متل راو، و جعلوا حياتنا تختلف عن حياة الكائنات الحية الاخرى من حيث انو بياكلوا و بيشربوا و بيمارسوا الجنس و بيموتوا ]] ما بيعني تفكير خاطئ ؛؛
يعني كيف ممكن يكون تفكير خاطئ لمـّـا منفكـّـر شو ياللي عم يصير حولينا ؛؛ و لو لا هالتساؤلات اللي كانت تغزو عقول الناس (الأحد) ما كان حدا اخترع شي و لا حدا اكتشف شي ؛؛ و كلّ ما كان التساؤل غريب أكتر بكون الاكتشاف أعظم و أدئ رئبة ؛؛ يعني تساؤل بسيط متل ليه التفّــاحة لمـّـا بتنفصل من الشجرة بتنزل لتحت ما بتطلع لفوء هوّ اللي كان السبب في وضع قوانين الجاذبيـّـة ؛؛ و تساؤل أغرب متل النئطة كان السبب في اكتشاف كتير من النظريـّـات الرياضيـّـة و اللي كلّ ما ازداد غرابتها و تعئيدها منوصل لنتائج أكبر يعني لبين ما وصلنا فووووء لنظريـّـة الأوتار الائقة اللي كانت في البداية مجرّد تساؤل أو حلم لتوحيد قوى الطبيعة بنظريـّـة وحدة ؛؛ للعلم فإنّ أينشتاين لمـّـا كان عم يئول إنـّـو بدّو يوحـّـد قوى الطبيعة بمعادلة وحدة وئتها استهزأ به معظم العلماء في هداك الوئت ؛؛ و ئال البعض (( إنّ أينشتاين يرد أن يقرأ ذهن الله )) و ئصدو إنـّـو مستحيل يئدر يوصل للي بدّو ياه ؛؛؛؛
و متل ما هلأ شايف كأن عم يصير شي مشابه ؛؛ شخص عم يتساءل تساؤل غريب و مهما كان السؤال مالو أهمـّـيـّـة فأنا أعتقد اعتقاد جازم أنـّـه سيستفيد بطريقة ما من هذا التساؤل الذي تدّعي حضرتك أنّ تفكيره خاطئ .
.
أمـّـا إنـّـك بتعرف ناس ما فكـّروا هيك تفكير فهاد شي طبيعي و كلّ الناس بتعرف ناس ما فكّــروا بهالطريئة لأن لو كلّ الناس بدّا تفكـّر بنفس الاتـّـجاه ما كان صار عندنا علماء و فلاسفة و مفكّــرين و زبـّـالين و أيـّـافة من كلّ الدرجات ###
.




®
  رد مع اقتباس
قديم 17/05/2007   #53
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
Exclamation رد 5



و أعود و أقتبس كلامك أخ محمـّـد [[ هذا التفكير ادى الى ان للمثلث ستة اضلاع وبالتأكيد هذا خاطئ تماما ]]
يا أخي مهلاً مهلاً ؛؛؛
إنّ هذا التفكير لم يؤدّ إلى أنّ المثلـّـث أصبح بستّــة أضلاع ، لا إنـّـه أدّى إلى نشوء فرع جديد في علم الفيزياء و هو الأخطاء النسبيـّـة ، حيث ندرس فيه الأخطاء المرتكبة في القياس و الرسم مثلاً و لذلك نشأ المفهوم الذي يسمـّـى (هامش خطأ) حيث في كلّ أمر هناك خطأ نسبي يمكن ارتكابه و قد ابتكرت طرق رياضيـّـة لحساب تلك الأخطاء ؛؛ لأنـّـه لا يمكن أن نهملها دوماً فعلى سبل المثال لو أهملنا خطأ بمقدار انزياح 1 مم لاطلاق مكـّـوك فضائي فإنّ هذا الـ 1 مم سيتضاعف بشكل أسـّـي بسبب المسافات الكبيرة التي سيسرها المكـّـوك و السرعة العالية التي سيبلغها !!




®
  رد مع اقتباس
قديم 17/05/2007   #54
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
Exclamation رد 6


أمّـا خلافكم على كلمة (أحد)
كأنو عم شوف عم تحكوا نفس الشي بس كل واحد بطريئة ؛؛؛ يعني الواضح و المعروف إنـّو (أحد) يتعني واحد على الأقلّ أو شخصاً ما أو someone و بالرياضيـّـات منئول يوجد على الأقلّ كذا ، و لإثبات قضيـّـة فيها هذا الجملة يكفي أن نورد مثال واحد فقط أي يوجد شخص واحد فقط ، و لنفيها يجب أن لا يكون ولا أيّ شخص أي لا يكفي أن نجد شخص واحد فقط لا يحقـّـقها .


بس و الله دوختوني بهالاقتباسات ...!!



®
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 05:17 (بحسب عمك غرينتش الكبير +3)


Powered by vBulletin® Copyright ©2000 - 2021, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.44298 seconds with 12 queries