زجل لبناني

[مراد70]

ومشكور وارجو منك المزيد

[hiba_lebanon]

thanks a lot for this great work

[نجيب سجيم]

ليش ما عم اقدر احصر الوصلات الزجلية عندكم يا اخوية ولو لو خيي شو القصة

[3ajeeb]

ما ذكر مرة اسم طانيوس الحملاوي، إلاّ وذكرت القرّاديّة التي قالها في اثناءإحدى رحلاته إلى عالم الإغتراب.
.... كان الجو صافياً ، والباخرة تمخر عباب الأطلنتيك بهدوء.فجأة، تغير الجو، أصبح عاصفاً...وهاج الأطلنتيك.
دبّ الذعر في نفوس الركاب،وارتفعت الأصوات. الحملاوي تمالك أعصابه، وقف بينهم وقال ردّته الشهيرة:



بتتمرجل يا أطلنتيك***والحملاوي مسافر فيك
إنـ ألله لقّطني بالبر***ونقفت الدّف بفرجيك



وفي طريق عودته من رحلة ثانية ذكـّر الأطلنتيك ، وقال:

بتتذكـّر يا أطلنتيك*** بـ الماضي شو قايلـّك؟
لا تحرّك ساكن، خلّيك***هادي ، يمّا بتقلّك



بعد الرحله...عاد الحملاوي الى لبنان، وفور وصوله إلى مطار بيروت، قال لرجل الأمن ألّذي بدأ بتفتيش حقائبه।:

ما في داعي للتفتيش *** بعد الرحله المشهوره
راجع دف بلا خشاخيش***والدربكّه مكسوره

[3ajeeb]

إلتقى شحرور الوادي في احد حفلاته بشخص واقف في الخارج فسأله شو عم تعمل مانك بالسهرة جاوب:

صرلي سبع تماني شهور *** ب الضيعه قاعد ناطور
صالي ديــك الباروده *** وناطر تَ يمرّ الشحرور

ضحك الشحرور وأجابه:

ناطر شحرور العادي *** يمـّا شحرور الوادي؟
شحرور الفكرك مـِنـّو *** حارق قلب الصيــّادي.

...و قال علي الحاج للشحرور:

ب إيدي جفوت المندكه***ما بتــّك ولا تــكــّه
انما صابت جـِنح الشحرور***بيوقع من صوت الدّكــّه

أجاب الشحرور:

جفتك المصدّي حديدو***روح زتــّو لشو بتريدو
الشحرور الجاي تصـيدو***ياما صيـّادي مبكــّي

[smooooor_1]

مشكوووووووووووووووووور يا حبيب القلب

[smooooor_1]

حبييييييييييييييييييييييب ليش عندي عم يقول لايمكنك التحميل خطأ بالحساب أو شي

[frfoh]

شكرا شكرا

[3ajeeb]

كاتب النص الأصلي : joujou66

kif bedna nesma3 aghani ana b7eb ktir zajal

كاتب النص الأصلي : zaglol

ليش عم يصير هيك
شوف بعينك

zaglol و الله يا معلم ماعندك صلاحية لتوصل لهي الصفحة. مدري ليش :

1. يمكن ماعندك تصريح أنو تفوت على هي الصفحة ، رأو الظاهر أنك عم تحاول تعدل لشي حدا أو عم تجرب توصل لخصائص أدارية. على كل حال تأكد أنو أنت مصرحلك أنو تدخل عهالقسم من صفحة نظام القسم.
2. إذا كنت عم تحاول المشاركة، يمكن تكون الأدارة موقفة حسابك، أو يمكن حسابك لسى ماتنشط يا حبيب .
3. لو تصويت-استفتاء، وانت مش مصوّت فيه او مشارك فيه. فما حتقدر اتشوف نتيجتو لبعد ما اتصوت.

كاتب النص الأصلي : aboulayla

مرحبا يا شباب و يا صبايا....
انا كتير مولع بالزجل...بس لمن خاولت اسمع الزجل يلي عند الزميل اخضر العينين ما زبطت...
يا ريت حدا يقلي شو لازم اعمل لتمشي....
وشكرا سلف

كاتب النص الأصلي : راديا

لك رجعو حطوهون عادي
لانو المرفقات عندي ما بيشتغلو
بحب الزجل انا
يا الله هاتولي ياه لشووووف

كاتب النص الأصلي : khalid3arda

اول شي شكرا كثير على الموضوع وعلى الاغاني

بس انا يا صديقي مش زابط معي التنزيل

كل ما احاول اني انزل الاغاني الموقع برفض

فشو اسوي

كاتب النص الأصلي : منشد2006

مش راض ينزل أنا ما إلي إلا 13 مشاركة بس
طب شو المطلوب بالزبط عشان ننزلهم أنا من هواه الزجل بشكل عام
بس عالعموم أنا حطيت الصفحة في المفضلة عندي وبستنى منك ترشدي شو أسوي عشان أنزلهم

كاتب النص الأصلي : khalid3arda

وانا صاير في زيك

فاذا بتلاقي حل فيا ريت ادلني

بكون ممنونك

كاتب النص الأصلي : سواد الليل

لك ليييييييييييييييييييييييي ييييييييييييييييش

كاتب النص الأصلي : cha77

أنا جديد على منتدى سماعي ومش عم أعرف كيف بدّي إسمع الحفلات اللي هون. بتقدر تساعدني خيي

كاتب النص الأصلي : سومر مالك

السلام عليكم ورحمة الله وبركاته

مدري ماعميسمحلي حمل مدري بده ياني جاوب مدري أشي القصة

هات لأجرب بعد الرد

عطــــــيهــــا

كاتب النص الأصلي : سومر مالك

دخيلكون يا جماعة ما بخليني أحمل المقاطع شو أعمل

كاتب النص الأصلي : mnbvcx81

شوووووووووووووووووووووووو وووووكرا
بس مش عم اعرف خمل من المرفقات
ممكن حدا يعلمني شو الطريقة

كاتب النص الأصلي : MFD2525

ممكن لو سمحتم مو عارف شلون انزل المقاطع الزجلية

رجاء خبروني شلون لاني بدي اسمع الزجل

كاتب النص الأصلي : MFD2525

يسلمو كتييييييييييييييييييييييي ييييييييييييييييييييييييي ييييييييييييييييييييييير
وما بعرف كيف بدي انزلهم
يا ريت تقلولي
لانهم ما راضيييين ينزلو معاي

كاتب النص الأصلي : بيدق

الرابط لا يعمل .............................................ز

كاتب النص الأصلي : MFD2525

مرحبا
بجد انا شاكر الك كتيرررررررررررررررررررررر ررررررررر ومو عارف شلون بدي انزل المقاطع
يا ريت تدلني


بجد صرلي فترة عم بحاول ومو راضي يزبط معي

كاتب النص الأصلي : نجيب سجيم

ليش ما عم اقدر احصر الوصلات الزجلية عندكم يا اخوية ولو لو خيي شو القصة

كاتب النص الأصلي : smooooor_1

حبييييييييييييييييييييييب ليش عندي عم يقول لايمكنك التحميل خطأ بالحساب أو شي

شباب رح حمّل الملفات على رابط خارجي مشان اللي عندو مشاكل بالمرفقات

[3ajeeb]

لعيون اهل اخوية :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[3ajeeb]

قريت انو في مهتمين بالمبارايات الزجلية بهالمنتدى بقا قلت لشارك باللي عندي عسا الجميع يشاركوا

رح حمل حفلة المشرف مسجلة من شريط مسجلة عالكمبيوتر للاسف خسرنا كم دقيقة من الحفلة بس حتى اللي بقو عظيمات
الوجه التاني للشريط . زغلول الدامور بيتبارى مع موسى زغيب . شاعرين من العيار النادر

اتمنى استمتاعكم وردودكم.

حفلة المشرف في ايلول 1970

بين فرقتين مشهورتين هما جوقة خليل روكز اللتي سميت لاحقا جوقة القلعة وجوقة زغلول الدامور

ورح اكتب شو لقيت عن هالجوقتين :

جوقة خليل روكز: على إثر وفاة الشاعر خليل روكز عام 1962 قرر أعضاء الفرقة موسى زغيب وجريس البستاني من تغيير اسم فرقة الجبل إلي اسم فرقة خليل روكز تخليدا لذكراه، وحققت منجزات كبيرة وخاضت تحديات منبرية كثيرة، كانأعضاؤها، موسى زغيب، جريس البستاني، أنيس الفغالي وبطرس ديب، اشتركت في مهرجانات مباريات المدينة الرياضية، ومباراة القلعة والمشرف وكانت الأكثر نشاطا ويذكر انه في شهر آب 1969 سجلت 30 حفلة أي لأن كل ليلة حفلة

جوقة زغلول الدامور: أسسها الشاعر جوزيف الهاشم الملقب بزغلول الدامور سنة 1944 وكانت مؤلفة في بدايتها من الشعراء إضافة إلي الزغلول الشعراء جوزيف الخويري، طانيوس الحاج وواكيم سعادة. وهي لا تزال حتى يومنا هذا، وتتبدل أسماء الشعراء فيها من وقت لوقت، فيخرج شاعر ليدخلها آخر ومر بها كثير من الشعراء المشهورين وهنا بعضا منهم لا حصرا، خليل روكز، زين شعيب، جان رعد، أسعد سعيد، جوزيف الخويري، فرحان العريضي، طانيوس الحاج، موسى زغيب، كميل زيادة، انطوان باسيل، كميل شلهوب، طليع حمدان، ادوار حرب، الياس خليل، أديب محاسب، فايز المغربي، سمير عبدالنور، وغيرهم.....
كانت ولم تزل لها مشاركات بارزة في المباريات المنبرية، إذ خاضت مباراة المشرف أيلول 1970 ومن ثم مباراة القلعة – بيت مري تموز1971، وبعدها مهرجانات المدينة الرياضة حزيران 1972، والكثير الكثير كما شاركت في مهرجانين من مهرجانات جرش ولم تتوقف عن إحياء الحفلات صيفا أو شتاء وفي بلاد الاغتراب، ولا تزل حتى اليوم.

الوجه الاول للشريط :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الوجه الثاني للشريط :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[3ajeeb]

بالرغم من المشاركات الخجولة للاخوة بالردود رح كمل وحط حفلة جديدة لكبار الشعار

حفلة بيت مري او متل ما سموها حفلة القلعة

هون نفس الجوقتين اللي كانو بحفلة المشرف

جوقة خليل روكز بقيادة موسى زغيب واللي فازت بحفلة المشرف قبل عام (باعتراف الحكام والشعب)

جوقة زغلول الدامور بقيادة جوزيف الهاشم الملقب بزغلول الدامور

الزغلول حضر المنافسة في الوقت الذي يدور فيه عزاء أخيه إذ توفاه الله في 30 تموز حين أن الاحتفالات كانت مقررة في 31تمو ز1971.

رح حط الروابط ثم اكتب ما وجدت من النص الزجلي للحفلة

الرابط الاول:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الرابط الثاني:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الرابط الثالث:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[3ajeeb]

افتتاحية المُضيف موسى زغيب

أنا .. إنْتُو ..

أنا لا تِسْألوني

لَشو طَلِّ القَسا بْعِقْدِة جْفوني

فْطَمِتْ جُودي بَعْد ماكِنْتْ بَيْدَرْ

يِجُو .. حَبِّة وْحَبِّة .. يْنَقُودوني

كِنِتْ إسْهَرْ

وْشوف اللَّيْل أقْصَرْ مِنِ الْحِلْم

الـْ عمِ يْداعِبْ ظْنوني

وْما قِدْرِتْ عَ السّْريرِ الأمّْ تِسْهَرْ

لَو ما تِشْتِري يَقْظِةِ عْيوني

طْلَقِتْ فِكْري

بْجَوانِحْ نِسِرْ أسْمَرْ

وْصارُو يِرْفَعوني وْيِرْفَعوني

حَتَّى صِرْتْ شُوفْ الأرْض أصْغَر مِنِ اللِّي عَ التَّحَدِّي بْيِطِلْبوني

وْصِرِتْ

مِنْ حارْسينِ النَّارْ أكْفَر

وْجَنَّنْت الْعَواصِفْ مِنِ جْنُوني

وْما جَنَّنِّي الزَّمانْ

وْلا الِمْقَدَّرْ

فقَطْ أهْلِ الِمْعَنَّى جَنَّنُوني

وْما جاييْ بْرِفْقِة الزَّغْلولْ إكْبَر

عَ أحْلام القَساوِة ..

واللِّيُونِة

جاييْ بْجَوْقْتي تَوِّجِ الْمَنْبَرْ

وْخَلِّي

بْقَلْب هاللَّجْنِة الكَريمِة

الـْ بَعْد مابْيَعِرْفُوني

يَعِرْفُوني

*********

كان الشِّعِرْ مِينا بْلا مَنارَة

وْدَهَبْ مَدْفُونْ بِزْوايا الِمْغارَة

رِجِعْ ميشال (1) هالْحَفْلِة تْبَنَّى

لَقَى مْحِبِّينْ

مِشْ صَفْقِة تِجارَة ..

الـْ كانو يِهِرْبو بالأمْس مِنَّا كأنُّو بْكاسْنا عَدْوى وْمَرارَة

إجُو يِتْأكَّدُو إنُّو المْعَنَّى حِلِم أبْيَض

بِعَيْنَيْن العَذارى

يازَغْلُول لَوْالمَوْت امْتَحَنَّا

ضَرُوري نْقابِلِ الدَّهْرِ بْجَسارَة

دُرُوبِ الشَّاعِرِ رْماحْ وْأسِنَّة

وْعَ تُمُّو الضِّحْك

وِبْقَلْبُو المَرارَة

زَجَلْنا ..

مْلاحِم فْلِسْطين غَنَّى .. وْكَشَف كِلِّ الْوُجُوه الْمُسْتَعارَة

وْإلي

بْإسْمِ المْعَنَّى في وَطَنَّا

عبارَة

للرَّئيس وْللْوَزارَة:

إذا مْهاجِر بِأرْض الْغَرْب جَنَّى وْإلُو عَ مَوْطَنو

شَوْق وْحَرارَة

وْإذا بَدْكُنْ يْرَوِّجْ لَعِنَّا

وَدُّولو بْإسِمْ لبْنان شاعِرْ كَإنْكُنْ عمِ تْوَدُّولُو سَفارَة

********

[3ajeeb]

زَجَلْنا احْتَلّْ ذُرْوِةْ إزدِهارُو

وْفَرَض، عَ كِلّ مَوْقَفْ،

إعْتِبارُو

انْطَلَقْ عَ الْكَوْن مِنْ سِجْنُو المْأبَّد

تـَ يَعْطي النَّاسْ

فِكْرَة عَنِ عْيارُو

المِطْران الِقْلاعي(2) إبِنْ لِحْفّدْ، تْغَنَّى ..

والزَّجَلْ جَلَّلْ وِقارُو

والبَطْرَك العاقوري (3) تْوَدَّدْ

لـَ هااللَّون الحُلُو

وْبارَك ثْمارُو

وْحَتَّى مارْ افْرامْ(4)

بْكِلّْ مَعْبَدْ أناشيدُو صَلا للدِّيْنْ صارو

وْ فخر الدَّين (5) للأزجال عَدَّدْ

وْقَصيْدُو للجَبَل رَجَّف حْجارُو

وْ ناصيف اليازجي (6) البَحْرَين أوْجَدْ

رِبي بْدَمُّو المْعَنَّى

وْما اسْتَعارُو

وْ إبِن نَخْلِة (7) نشيد الأرْز أنْشَدْ

الْلُّغة رِبْيِتْ عَلى خْميرِة دْيارُو

وْإلا بالمْعَنَّى ما اسْتَشْهَد

أميرُو وْسَيِّدُو (8 وْرافِعْ شِعارُو

وْ عَ أيَّامُو

إجا الشَّحرور أسعد (9)

جْناحُو مِنْ سَما بْدادون (10) طارو

وْعَيْنَيْن الملِك فاروق (11) جَمَّدْ

عَلى كَرِّة قَصيْدُو وْإبْتِكارُو

وْطريق الشِّعْر للجَوْقاتْ

عَبَّد تـَ حَتَّى الكِلّ يِقْتِفْيُو أثارُو

وْإجا روكز (12) عَلى المَنْبَر

تَمَرَّدْ تَمَرُّدْ سيف عَمْ تِلْعَب شْفارُو

وْبَعْد ما بَدَّل وْطَعَّم وْجَدَّد

وْنال مْنِ الثِّقَة إكْليلْ غارُو

افْتَتَح دَرْب التَّحَدي بْقَلْب أبْرَد مِنِ التَّلْج

اسألُو الـْ عِلْقُو وْتَبارُو

وْبِقي الجَوْق الخَليلي

حِصِنْ أصمَدْ مِنِ الْحِصْن الـْ كِعي اسكنْدَرْ (13) حِصارُو

بِقَفْلِة حاجْبُو

في ليل أسوَدْ عَ هالْعِمْيان ما بْيِطْلَع نْهارُو.

وْهَوني ..

بِنْصَح الزَّغلول يِبْعَدْ .. أشْرَف ما يْتَلِّتْ إنْكِسارُو (14)

وْبآخِرْ مُلْتَقى ألله بْيِشْهَد ..

بِقَلْب الدَّيْر (15)

أيَّا جَوْق مِنَّا بَدُّو يْلُوح بَيْرَق إنْتِصارُو

********

اشْهَدي بالدَّيْر يا أقْدَم قْلاعي

عَ سَطْوِة جَوْق بو الخلِّ الرُّباعي

وْيازَغْلُول ..

ما بْيِسْوى التَّجَنِّي الـ ظَّهَرْ مِنَّك عَلى البَثِّ الإذاعي (16)

عِشِتْ حَدِّي عَواطِف مِسْتَكِنِّةْ

وْبِإيْدي كِنْت أطْوَع مِن يَراعي

لَكِنْ .. مِنْ بَعْد ما بْعِدِتْ عَنِّي اسْتحى مْنِ لْسانَكْ

لْسان الأفاعي

إذا عَ النَّصِر جايي تِمْتِحِنِّي

أنا .. اقْواسِ النَّصِر شَقْلِتْ كْواعي

وْكِتِر ما الدَّهْر .. بالْخِبْرَة عَجَنِّي

انْوَصَلْ عِمْر الزَّمان بْطول باعي

وْشُو بَدَّكْ تْغَنِّي تـَ تْغَنِّي ؟؟

أنا بَحْر .. وإنِتْ ..

صّدْفِة بِقاعي

وْصِرِتْ عايِشْ عَ هاجِسْ رُعْب مِنِّي:

طَيْفي بْيِرِعْبَكْ لَو كِنْت نايِم وْإسْمي بْيِرِعْبَكْ لَو كِنْت واعي

********

شِفِتْ عَ جَبِهْتَك مَسْحِة كَآبِة

ابْتَدا عَ شَيْبْتَكْ يِشْفُق شَبابي

احْتِجِزْ حِمْلانَك بْقَلْب العَمارَة

قَبِلْ ما يِفْلَتُو عْلَيْهُن دْيابي

وْحَتَّى يْخَبّْرُو جَوْقَك تَبارى مَعِ الْجَوْق الـْ ما بِيْضَيِّعْ إصابِة

بَدَّكْ تِلْتِجي لـْ عَذْرا العَذارى

وْتِتْمَرَّد عَلى الطِّيْن التُّرابي

وْمِنِ البُركان .. تِسْتَقْرِضْ حَرارَة وْمِنِ الْجَلْمُود .. تِسْتَقْرِضْ صَلابِة

وْمِنِ السَّبْعَين .. تِسْتَقْرِضْ جَسارَة

وْمِنِ السِّلْطان .. تِسْتَقْرِضْ إهابِة

وْمِنِ الْخِيَّال .. تِسْتَقْرِضْ مَهارَة

وْ عَ قَلْعَة !!

بَيْنْها وْبَيْني قَرابِة .. انْ سَرَجْت الدَّهْر حتَّى تْشِنّْ غارَة

بْيِبْقى الدَّهْر أوطى مِنِ رْكابي

إنِت مُطْرِب مَعَكْ جَوْقِة تِجارَة: قِسِم كَوْرَسْ .. قِسِمْ يِعْزُفْ رَبابِة

وْإذا مُعْجَب بِصَوْتَكْ (17) ..

عَنْ جَدارَة !!

عَلَيكِ الأوْف ..

والباشا المُلحِّنْ .. عَلَيه اللَّحْن،

وعْلَيْنا الكِتابِة

********

اسْتِحي مْنِ البَحْر

يا نَبْعَة شْحيحَة .. وَلا تْتَّلِّتْ فَضيحَة عَ فَضيحَة

الْعَيْن مْفَتّْحَة عْلَيْنا بْعِنايِة .. بْمُلوك العامِّيِّة والْفَصيحَة

إنِتْ بالشِّعْر مِشْ مِنْ مُسْتَوايي وَلا خَرْج المُباراة الفَصيحَة

إنِتْ بالـ تَّلْفَزِة خَرْج الدِّعايِة (18

لـْ نينِكْس وْباتَّا وْصابونْ رِيْحَة.

وْبَعْد ما كِنْت نَهْنَهْتَك كْفايِة وْعَطَيْتَكْ للهَرَبْ آخِرْ نَصيحَة

بِأيَّا قلْب .. يازَغْلولْ ..

جايي عَ شاعر، وَثْبِةِ النِّمْر بْطُموحُو .. وْبِعَيْنُو

غَضْبِة اللَّبْوِة الجَريْحَة !!.

وْهَلَّق يا أبو روكز الغالي ..

عَلى التَّطْمين .. بِبْعَتْلَك رِسالِة:

ما تِفْزَع تا يْرُوح التَّاجْ مِنَّا ..

بْطانِة تاجْنا نْجوم اللَّيالي

نامْ ..

بْفَسْحِة الوادي ..

تْهَنَّا عَ أحلام الْبُطولِة

والبَسالِة

قَطَعْنا الدَّرْب .. وِبْقينا بْوَطَنَّا أسْيادِ القَلَم

والإرْتِجالي

وْإذا بْيِتْغَرْبَلُو رْجال المْعَنَّى مِنِ الشِّعَّارْ

ما بيْضَلّْ إلا:

أنا .. وْجِريُسْ وْبُطرُسْ والفغالي (19)

********

[3ajeeb]

الحواشي والشروحات

(1)ميشال زيادة، مدير المهرجان وراعيه.

(2)المطران جبرائيل القلاعي لاهوتيٌّ من لحفد – جبيل - لبنان من أوائل شعراء السريانية في مطلع القرن السادس عشر وهو مؤرخٌ وأديبٌ.

(3)البطرك يوسف العاقوري لاهوتيٌّ وأديبٌ وشاعرٌ ونحويٌّ سريانيٌّ من أعلام لبنان في القرن السابع عشر.

(4)مار أفرام من سلسلة الآباء القديسين في الكنيسة السريانية من القرن الرابع وقد تنقل بين أديرة نصيبين والرَّها وغيرها من المدن السورية عاملاً في التعليم الأدبي والديني وله أشعار بالسريانية اعتمدت منذ زمن بعيد أناشيدَ للقدَّاسات الكنسية في المناسبات والطقوس.

(5)فخر الدين المعني الثاني بطل لبنان في القرن السابع عشر بنى مدنه وموانئه وجسوره ورعا الآداب والفنون والعلوم وكانت سلطة الباب العالي في السلطنة العثمانية حاقدة عليه بسبب نجاحه في إعلان دولة لبنان الكبير وفي بناء اقتصاد مزدهر متطور.

(6)الشاعر اللبناني الكبير (1800-1871) الذي كتب مؤلَّفه الشهير (مجمع البحرين).

(7)اللاهوتي والفيلسوف والأديب الإرشمندريت شكرالله بن نخلة البيطار من زغرتا وهو شاعرٌ وعالمٌ في النحو والبلاغة في بداية القرن العشرين.

(8أمير المعنَّى هو الشاعر اللبناني رشيد نخله (1873-1939) من الباروك، مؤلف "نشيد الأرز" – النشيد الوطني اللبناني في عام 1926 وكان عاشقاً للشعر باللغة اللبنانية إضافة إلى العربية الفصحى، ولكنَّ نماذجه التي استخدمها في أحاديثه كان معظمها من ما اشتهر من الشعر المحكي.

(9)شحرور الوادي هو أسعد الفغالي، رائد منبر الزجل في ثلاثينيات القرن الماضي ومؤسس فرفة الشحرور الزجلية منذ ذلك الحين وكان من بين أعضائها أنيس روحانا، وقد تكنَّت به إبنة أخيه الفنانة صباح فعرفت بشحرورة الوادي. وهما من بلدة بدادون.

(10)بدادون بلدة تابعة لقضاء (عاليه) في محافظة جبل لبنان وقد اشتهرت بمهرجانات الزجل وفرقه والتي منها فرقة شحرور الوادي.

(11)إشارة إلى تقدير الملك فاروق في مصر لقصائد الزَّجل التي سمعها من شحرور الوادي – أسعد الفغالي.

(12)خليل روكوز (أبو روكوز) عضو سابق في جوقة الأرز التي أسسها في أوائل الأربعينيات حنا موسى ومؤسس عدة جوقات زجلية كانت آخرها جوقة الجبل عام 1954 وضمَّت الشعراء زين شعيب، أسعد سعيد وغنيم الزغبي وأعيد تشكيلها بانضمام محمد المصطفى الذي تركها فأعيد تشكيل الفرقة في أواخر الخمسينيات وكانت تضم إضافة إليه موسى زغيب كلاً من جريس البستاني وأنيس الفغالي حتى وفاة خليل روكز.

(13)اسكندر هو القائد العسكري الروماني ألكسندر المقدوني الذي عرف عنه استسلام جميع من حاصرتهم قواته.

(14)إشارة إلى خسارة زغلول الدَّامور وجوقته في اللقاءين الأوَّل والثاني.

(15)دير قلعة بيت مري حيث يقام المهرجان الثالث.

(16)إشارة إلى تعرُّض جوزيف الهاشم إلى موسى زغيب في برنامجٍ إذاعي قبيل المهرجان.

(17)إشارة إلى تفاخر الزغلول بصوته الغنائي الجميل.

(18إشارة إلى اشتراك الزغلول بتنفيذ إعلانات تلفزيونية تجارية.

(19)جريس البستاني وبطرس ديب وأنيس الفغالي أعضاء الجوقة التي ترأسها موسى زغيب بعد وفاة خليل روكز عام 1962 وسُمِّيَت "جوقة خليل روكز" وكانت جوقة نشيطة للغاية شاركت في مهرجانات المدينة الرياضية والمشرف والقلعة وفي مئات الحفلات في ستينيات وسبعينيات القرن العشرين.

[3ajeeb]

افتتاحية الضيف

زغلول الدَّامور

اعْذِريني يا حْروفِ الأبْجَدِيِّة إذا ما بَعْمُلِ الواجِبْ عَلَيِّي

خْسِرِتْ خَيِّي (20) اللِّي مِفْضل عَ اوْلادي وْعَلَيِّي

مِتِل إمِّي وْمِتِل بَيِّي

خَمِس ٍاعات صارْ لُو .. مِشْ زْيادِة

ما حالُّو يِبْتِدي النِّسْيان فيِّي

بْعزا خَيِّي رْجِعِت

عَزِّي فؤادي .. لأنِّي

بِعْتِبِرْ كِلّ شخْص مِنْكُنْ،

بَعْد ما مات خَيِّي، مْحَلّ خَيِّي

*******

وْياقَلْعِة بيتْمِرِي الـْ ما بْتِجْهَليني

أنا إبْنِك وْإنتِ بْتَعِرْفيني

حِمِلْني والْدي مْنِ الشُّوف خِلْعَة وْنَقَلْني

مِنْ مَدينِة عَ مَدينِة

خْلِقِتْ بِجْدَيدْتِك وطْلِعِتْ طَلْعَة

تَشِفْت الشَّمْس أوطى مِنِ جْبيني

وْمِنِ الشِِّعَّار !!

كَمْ شَلْعَة بِشَلْعَة مِشُو خْواريف عَ شْمالي وْيَميني ..

ياقَلْعِة بيت مِري ..

لَوْ ألْف بَلعة عَطَيتي لـَ لِتْحَدَّاني بْعَريني

لـَ لِتْحَدَّاني بْعَريني

لـَ خَلِّي الصَّوْت

مِن قَلْعَة لـِ قَلْعَة .. يِدْوي

مِتِل قِنْبِلْةِ الـْ فَجَرها الأميرْكانْ

بْهيروشيما الحَزينِة

وْيا سِنْةِ الْواحِد وْسَبْعينْ

كُوني الْحَكَم بَيْن القَساوِة والْلُّيونِة (21)

اسْهَري، عَ جَوقْةِ الْمَرْحوم، معْنا

مِتِل ما بْتِسْهَر الأرْض الحَنُونِة

وْياموسى بَعْد ما المِشْرِفْ (22)

جَمَعْنا .. وْعَطَيْناكُنْ عَ عَََشْرِ شْهور مُونِة

الْمُونِة خِلْصِتْ

وْنِحْنا رْجِعْنا اطْلُبوني يا يَتامى

بْتوجََدوني

اشْبَعُو ..

نِحنا قَبِلْ مِنْكُنْ شْبِعْنا

الْبِسُونا بْصِدِرْكُن

قونِة وْقونِة

احْصِدوا .. نِحْنا كَرامِتْكُنْ زَرَعْنا ..

اعْتَدْتُو تاكْلُوني بْلَيْل أعْمى ..

وْعَلى صْياحِ الدُّيوك

بْتِنِكْروني

********

[3ajeeb]

وإذا بالْمِشْرِف، بْآخر قَصيدِة،

خَتَمْ (23) موسى عَلَيِّي

مِشْ بْعيدِة

أنا تْنازَلْت عَنْ حَقِّي وْعَطَيْتُو

وْعَ ذَوْقُو بَلَّشْ يْصِفّ الجَريدِة

وْعِنْد ما، بْآخِر الجَوْلِة، لَقَيْتُو

عَم يْدَبْدِبْ مِتِل طِفْلِة وَحيدِة ..

عْصَرْتْ دَمَّاتْ عاطِفْتي

وْسَقَيْتُو ..

لَقَيْتِ الضَّرْب أغلى مْنِ الطّريدِة (24)

نَفَخْ حالُو .. عِنْد ما انْكَبّ زَيْتُو ..

وْشَمَخْ بو الْحِنّ

بِجْناحُو النّبيدي .. وْبِدي يْعَرِّمْ عَلى أطْفال بَيْتُو

مِتِل مِطْرِبْ بِإيَّام الْحَصيدِة

وْ تـَ يِتْخَلَّصْ مِنِ غْرورو

دَعَيْتُو

عَ هالْحَفْلِة .. عَ هالْعَرْكِة الجّديدِة

اشْهَدُو عْلَيِّي .. وْ عَ هالْحَكْي الـْ حَكَيْتُو ..

عَ إيْدي تِحْرَم دْفوف الِمْعَنَّى

إذا ما بْبَّوِّس الْمَغْرور إيدي

********

وْيا أنْصار الزَّجَل والْعَبْقَرِيِّة

ضَروري تْناصْرُو موسى

عَلَيِّي

لأنُّو بَعِدْ بَدُّو كْتير يِطْلَع تـَ يوصَل عَ السَّماوات الْعَلِيِّة

ضَروري تْزَقّفولو بْكِلّ مَطْلَع ..

ضَروري يْشُوف جَنْبُو

الأكْثَرِيِّة

ضَروري عَ عْيونُو الضَّو يِطْلَعْ ..

صَلاة الصِّبِح أفْضَل مِنْ عَشِيِّة

أنا ناطِرْ خَمير الشِّعْر يِطْلَع

ما راحْ بِفْطَر عَلى لِقْمِة طَرِيِّة

وْإذا خِلْقي عَلى موسى بْيِطْلَع

تـَ إهْدُم طُور موسى عَ حَراجِل

وْقَبِل يارينغ (25) إنْهيلُو الْقَضِيِّة.

********

يا موسى ..

الحَظّ قَدَّمْلَكْ هَدايا .. وْبنالَكْ بَيْت عَ الأربَع زَوايا

نَصيبَكْ .. ماتْ نِسْرِ الأوَّلاني (26) الـْ كَساكُن عِنْد ما كِنْتُو عَرايا

وْنَصيبَكْ ما الْتَقَيْنا بْجَوّ تاني

تـَ تِحْتَكِّ الشَّظايا بِالشَّظايا

وْنَصيبَكْ ..

بَعْد ما فِضْيُو القَناني لَقَيْتَكْ مِن بَقاياهُنْ بَقايا

أنا ..

لَمَّا الوَطَنْ كِلُّو دعاني تـَ غَنِّي

بالمَدايِنْ والْقَرايا

كَرامِة عَيْن وِلْفي الأسْمَراني

ما سَفَّهْت الشَّباب وْلا الصَّبايا

وْقَبِل ما الدُّرّ يِخْلَق عَنِ لْساني

لْبِسِتْ بَدْلِة زَغاليل النَّوايا

وْرِياشي ..

بَيْن أرزِة وْسِنِدْيانِة إذا بْيِتْنَفَّضُو بْيِبْنُو سَرايا!

عَطَيْت الشِّعْر، مِنْ روحي، مَعاني

صَرَخ لِبْنان: يا نِعْم الْعَطايا

وْإذا بْسَجِّل بِصَوْتي إسْطوانِة عَ صخْر الصَّم ..

بيصَفِّي مَرايا

أنا يوسِف .. أنا ألله اصْطَفاني .. أنا مْرَبِّي

الْمَحى بْدَمُّو

الخَطايا

وْإذا موسى (27) سْمِيَّك

عَ زماني بْيِجي

تـَ شَلّحُو لَوح الْوَصايا (28 .

يا زَيْن شْعَيْب (29) يارِكْنِ الْمَباني

وْيا بِنْ حَمْدان (30) ياصَقْر المنايا

وْإنِت يا حَرْب (31)

ياخَزْنِة مَلانِة

لا تِهْتَمُّو بِتَحْليل القَضايا

أنا وَحْدي .. إذا بِسْرُجْ حِصاني

بِسِرْجو بْكَتِّف الأرْبَع مَطايا

وْعَناصِر جَوق موسى الكسِرْواني(32)

الـْ عَشِيِّة شَرَّفُو أربَع فَوارِسْ

عَ بُكْرا بْيِرْجَعُو أربع ضحايا.

****************

[3ajeeb]

الحواشي والشروحات

(20)في ظهيرة ذاك اليوم توفي الأخ الأكبر للشاعر جوزيف الهاشم ولم يعتذر عن المجيء إلى المهرجان.

(21)إشارة إلى تفاخره بليونته ونعومة خطابه مقارنة مع قسوة موسى زغيب وحِدّة خطابه، الذي لَمَّح إلى ذلك أيضاً (وْما جايي بْرِفْقِةِ الزَّغْلول إكْبَر عَ أحْلام القساوِة واللِّيونِة).

(22)المِشْرِف هي مكان لقاء الشاعرين في المهرجان الثاني الذي ربح فيه موسى زغيب في عام 1970.

(23)الشاعر الذي يختُم اللقاء هو الرَّابح.

(24)عندما يكون الطَّير صغيراً يراه الصياد أغلى من طلقته فيعزف عن اصطياده.

(25)غونار يارينغ هو المندوب السويدي الجنسية الذي كان مكلَّفاً بمتابعة ملفِّ (قضية) العلاقة المتوتِّرة بين الدول العربية وإسرائيل بعد هزيمة العام 1976 واستمرَّت مهمتُه عدَّة سنوات (ولم تنته معه القضية).

(26)إشارة إلى خليل روكز الذي كان الجميع يكنُّون له كلَّ الاحترام والتقدير.

(27)النَّبي موسى بن داوود.

(28لوح الوصايا العشر للديانة الموسوية.

(29)زين شعيب أحد أعضاء جوقة زغلول الدَّامور التي أسَّسها في العام 1944 جوزيف الهاشم وضمَّت حينئذٍ جوزيف الخويري، طانيوس الحاج وواكيم سعادة وهي لا تزال حتى يومنا هذا ولكنَّ أعضاءها تغيَّروا عدَّة مَرَّات، وحتى خليل روكز. وضمَّت الجوقة في الستينيات والسَّبعينيات من القرن العشرين إضافة إلى زين شعيب، جان رعد، أسعد سعيد، جوزيف الخويري، فرحان العريضي، طانيوس الحاج، موسى زغيب، كميل زيادة، انطوان باسيل، كميل شلهوب، طليع حمدان، ادوار حرب، الياس خليل، أديب محاسب، فايز المغربي، سمير عبدالنور، وغيرهم.

(30)أبو حمدان هو طليع حمدان من جوقة زغلول الدَّامور.

(31)حرب .. هو إدوار حرب من الجوقة أيضاً. يقوم أعضاء الجوقة عادة بتحليل ما يقول الشاعر الخصم وتلخيص بعض النقاط بسرعة كبيرة وتقديم النصائح الفورية لرئيس جوقتهم.

(32)موسى زغيب من بلدة حراجل في قضاء كسروان.