أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 29/04/2007   #1
شب و شيخ الشباب fady juventus
عضو
-- مستشــــــــــار --
 
الصورة الرمزية لـ fady juventus
fady juventus is offline
 
نورنا ب:
Aug 2005
المطرح:
______________
مشاركات:
2,432

افتراضي سوريا... دولة الشرف الوحيدة في العالم العربي


هذه العبارة هي شهادة من رجل عرف بمواقفه الشجاعة و آرائه الصريحة دون تبعية أو محاكاة أو مغازلة للموقف الأميريكي .
إنه النائب في البرلمان البريطاني "جورج غالوي" و قد قال هذا في أحد لقاءاته الذي تابعته مؤخراً على شاشة الجزيرة.
كما قال فيه(أنه وعلى الرغم من عدم رضاه عن بعض ممارسات النظام السوري"وخصوصاً في مجال حقوق الإنسان" إلا أنه يعتقد بأن سوريا هي الدولة الوحيدة في العالم العربي التي تتمتع بالشرف و بالمواقف المشرفة بالنسبة للقضية العربية الإسرائيلية.
فهي لم تتنازل ولم تركع للضغوط و الحصار و محاولات عزلها , بل استمرت بدعم كافة أشكال المقاومة بالمنطقة دون خجل وبلا حدود , وهي تتبنى هذه المقاومات وتدعمها علناً ضاربة بعرض الحائط كل الضغوط الدولية و خصوصاً الأميريكية منها ومضحية بالكثير من المكاسب التي يمكن أن تجنيها في حال نبذ هذه الحركات المقاومة).

إن شهادة غالوي هذه مهمة جداً كونها تأتي من شخص محايد و جريء لا يخشى قول الحق و قد سبب هذا له الكثير من المضايقات في بلده وعبر الأطلسي في الكونغرس الأميريكي الذي استدعاه لمساءلته عن بعض المواقف التي هاجم فيها وبشدة سياسات أميريكا المتغطرسة في أنحاء العالم.

أعود إلى السياسة السورية...
فقد جعلت سوريا من حق العودة للاجئين الفلسطينيين أحد أهم شروط التوصل لاتفاق سلام مع إسرائيل وهو ما أدى بالكثير من الوساطات وجولات التفاوض إلى طريق مسدود ولم تتراجع سوريا و التي اكتسبت بمواقفها المبدئية سمعة جيدة على الأقل عند من يملكون رأيهم و ليس مصادراً من البعبع الأميريكي.

صمدت سوريا بمواقفها في أصعب الظروف و فشلت محاولات عزلها فشلاً ذريعاً و التي إنكسرت أولاً بتقرير بيكر هاملتون , وثانياً باعتراف الإتحاد الأوروبي(ومنه جاك شيراك الحريري) بضرورة الحوار مع سوريا , وأخيراً بقيام أعضاء من مجلسي الكونغرس والشيوخ الأميريكي ومن الحزبين بزيارات متتاليةلسوريا وفي مقدمتهم نانسي بيلوسي التي انتظرتها لدى عودتها حملة انتقادات منظمة شرسة في الإعلام الأميريكي الذي يسيطر عليه اليهود , ولم تخلو الحملة من كاريكاتورات ساخرة صورتها مع الرئيس الأسد...
لكنها لم تتراجع و زادت بقولها أن زيارتها كانت ضرورية و كان الرد الأكبر بالإعلان عن مزيد من الزيارات لنواب أميريكيين إلى سوريا.

لقد أدار الرئيس الأسد اللعبة السياسية في المنطقة"وخاصة خلال السنوات الأربع الماضية" بمهارة و حنكة كبيرين على الرغم من قصر المدة التي قضاها عملياً في قلب الحدث و صلب المعركة و قد جرت الأمور كما أرادها هو وليس كما خططوا لها وخرج من الأزمة منتصراً دون التراجع قيد أنملة عن الموقف المبدئي لسوريا.
وقد اقتنع الإتحاد الأوروبي و الكونغرس بالواقع الجديد بينما بقي على عناده كل من جورج بوش و محافظوه الجدد الذين لم يبقوا جدداً بل قدامى و مهترئين و متعفنين إلى حد بات من المستحيل معه التستر على عيوبهم و قذارتهم ... وسرقاتهم و فضائحهم التي لن يكون آخر فصولها فضيحة بول وولفوفيتس صقر صقورهم والمرشح المدلل لبوش لرئاسة البنك الدولي رغم عديد المعارضات في ذلك الوقت.


يخطىء من يظن أن أميريكا ستغفر لسوريا مساهمتها الفعالة في إفشال مشاريع بوش الإستعمارية بالمنطقة , فهي لن تستكين و ستحاول اصطياد الأزمات لسوريا...
و يبقى لبنان ... الباب المناسب لأميريكا للإيقاع بسوريا , وهي تحاول ذلك من خلال خدامها القذرين.. الخائن جنبلاط و اللص الحريري و المجرم جعجع و الملحد صفير والذي غفر لجعجع جريمة تفجير كنيسة سيدة النجاة في سبيل إدخاله مع أتباعه في المعركة السياسية لمواجهة سوريا والإنتقام منها , وهؤلاء العملاء يسعون ليل نهار لإقرار المحكمة تحت البند السابع الذي يجيز استخدام القوة العسكرية لتحقيق متطلبات المحكمة و توصياتها"المعروفة سلفاً"
يخيل لمتتبع الأحداث من خلال إصرار هؤلاء اللاهثين وراء هذه المحكمة العجيبة أنها ستكون حلاً لكل مشكلات لبنان وأنها ستدر الأموال و الإستثمارات على بلدهم و تشطب /40/ مليار دولار من الديون"التي سببها الحريري للبنان" وأنها ستلغي الطائفية و تجعل لبنان قطعة من الجنة !!!؟؟؟
هذه المحكمة من المفترض أنها ستعاقب مجرمين مذنبين بقتل الحريري ... فكيف لها أن تكون بكل هذه الأهمية للعملاء لو لم يتلقى هؤلاء تعليمات من قادتهم في أميريكا و إسرائيل بضرورة التأكيد و السعي لإقرار المحكمة حتى لو دمر لبنان و إقتصاده !!!
ولو أن هذه المحكمة ستتصف بالعدل و المنطقية و النزاهة لما أرادتها أميريكا ... لأنها إن كشفت الحقيقة فستكشف أن الموساد هو الفاعل بمساعدة عملائه القذرين في لبنان.

أعـشق عـمري لأنـي إذا مـتُّ أخجل من دمـع حـبـيـبـتـي ... و أمـي
______
في حضرة الإمبراطور اليوفي و الأسطروة دل بييرو .. يركع الملكي المدريدي
______
احذروا قناة العربية
لأنها قناة حريرية عبرية أميريكية سعودية قذرة
همها الأوحد تشويه صورة سوريا العظيمة

آخر تعديل fady juventus يوم 29/04/2007 في 22:22.
  رد مع اقتباس
قديم 30/04/2007   #2
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


لدى سوريا تجارب سابقة بمقاومة الضغوط الاقتصادية الغربية ( و لا سيما بالثمانينات )
و بمقاومة اسرائيل عسكريا لعقود عديدة
و بما انو الضربة يللي ما بتكسر ....بتقوي فلا خوف على الموقف السوري
أما بالنسبة للفريق الحاكم بلبنان ...فبظن انهن بلشو بالسقوط..و الدليل تصريحات جنبلاط الأخيرة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 30/04/2007   #3
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


من يدفع الثمن ؟؟؟؟؟؟؟؟؟؟؟؟؟؟؟؟؟؟

سيدي الرئيس ......... تحية وبعد
اتسمع الاحرار حين يسألون.......
امرتين الشهداء يقتلون ...........
اطفالنا في المهد بعد يحلمون....
من ينقذ الاحلام حين ينعسون...
[thread=51430][COLOR=red]تعالي نرتوي الحب لسنا سوى ظلال وغبار[/COLOR][/thread]
[B][COLOR=seagreen]شيطان انا واقف على الباب .................................. هوايتي ان ارقص مع الذئاب[/COLOR][/B]
[B][COLOR=#2e8b57][COLOR=blue]اذا اردت ان تقول الحقيقة بغير وقتها .................... فاعلم انك في نظر الكل خائن[/COLOR] [/COLOR][/B]
  رد مع اقتباس
قديم 30/04/2007   #4
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


اقتباس:
كاتب النص الأصلي : كوستا عرض المشاركة
من يدفع الثمن ؟؟؟؟؟؟؟؟؟؟؟؟؟؟؟؟؟؟
المواطن الشريف
  رد مع اقتباس
قديم 30/04/2007   #5
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : كوستا عرض المشاركة
من يدفع الثمن ؟؟؟؟؟؟؟؟؟؟؟؟؟؟؟؟؟؟
في مواقف ..ثمنها كتير غالي ....بس مندفعو و نحنا مبسوطين
و في أثمان تانية بتضل صعبة ...حتى لو رخصت
يعني المسألة هون نسبية
  رد مع اقتباس
قديم 30/04/2007   #6
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
كاتب النص الأصلي : whiterose عرض المشاركة
المواطن الشريف
بالله شو ؟؟؟؟؟؟؟؟؟؟؟؟
هاد وين منلاقي منو ؟؟؟؟؟؟؟؟؟؟؟؟؟
اكيد بالمتاحف تبع عصور ما قبل التاريخ مع الديناصورات


اقتباس:
كاتب النص الأصلي : madmax عرض المشاركة
في مواقف ..ثمنها كتير غالي ....بس مندفعو و نحنا مبسوطين

و في أثمان تانية بتضل صعبة ...حتى لو رخصت

يعني المسألة هون نسبية
مندفعو لانو منشوف ولادنا رح يعيشو ويتنعمو بهاد الثمن
بس يللي بقصدو انو شو استفدنا منو هاد النائب البريطاني ومن تصريحو
اقتباس:
إلا أنه يعتقد بأن سوريا هي الدولة الوحيدة في العالم العربي التي تتمتع بالشرف و بالمواقف المشرفة بالنسبة للقضية العربية الإسرائيلية.
اكلنا خبز ؟؟؟؟؟؟؟؟؟؟ لا
لقينا شغل ؟؟؟؟؟؟؟؟لا
اشترينا بيت ؟؟؟؟؟؟؟؟؟؟لا
....................................
  رد مع اقتباس
قديم 30/04/2007   #7
شب و شيخ الشباب fady juventus
عضو
-- مستشــــــــــار --
 
الصورة الرمزية لـ fady juventus
fady juventus is offline
 
نورنا ب:
Aug 2005
المطرح:
______________
مشاركات:
2,432

افتراضي


اقتباس:
كاتب النص الأصلي : madmax عرض المشاركة
في مواقف ..ثمنها كتير غالي ....بس مندفعو و نحنا مبسوطين

و في أثمان تانية بتضل صعبة ...حتى لو رخصت

يعني المسألة هون نسبية
إذا فهمتك صح فبتوقع إنو متفقين
يمكن نحنا كسوريين عم نعاني من كتير أمور بالبلد بس في شي على حساب شي
الوضع المعيشي التعبان و الديمقراطية و البيروقراطية والفساد و......

بس مشان الديمقراطية
لو فرضنا إنو أميريكا جابتلنا الديمقراطية تبع العراق لعنا "لا سمح الله" ... وبلشت السيارات المفخخة تفرقع بالناس ... و متت أنا أو إنت أو أحد الغوالي علينا "كمان لا سمح الله" إي مو طز بالديمقراطية
الأمان اللي عايشينو بسوريا نعمة ... والله العظيم نعمة يا ناس

في شغلة بحب قولا...
نحنا بالأساس كان بيوم من الإيام عنا ديمقراطية ورثناها من الإستعمار الفرنسي(هي حقيقة لازم نعترف فيها)
بس هالديمقراطية كانت هشة... و كانت الإنقلابات شي روتيني و تعود عليه الشعب
لأنو أصلاً ما في عنا أساس للديمقراطية , أو ما عنا ثقافة الديمقراطية الموجودة بالغرب
شعبنا مقسم بشكل عجيب و لا يمكن غير الله يوحدو
و الطائفية سمة مميزة لتفكير 95% من الشعب
يعني أحزابنا في حال تطبيق الديمقراطية رح تكون أحزاب طائفية(متل العراق) ... وهي كارثة
و بس نوصل لمرحلة من الوعي الديمقراطي و نتحرر من مرض الطائفية ممكن وقتها نأسس لنظام ديمقراطي راسخ و صلب.
  رد مع اقتباس
قديم 30/04/2007   #8
شب و شيخ الشباب fady juventus
عضو
-- مستشــــــــــار --
 
الصورة الرمزية لـ fady juventus
fady juventus is offline
 
نورنا ب:
Aug 2005
المطرح:
______________
مشاركات:
2,432

افتراضي


اقتباس:
كاتب النص الأصلي : كوستا عرض المشاركة
بالله شو ؟؟؟؟؟؟؟؟؟؟؟؟
بس يللي بقصدو انو شو استفدنا منو هاد النائب البريطاني ومن تصريحو

اكلنا خبز ؟؟؟؟؟؟؟؟؟؟ لا
لقينا شغل ؟؟؟؟؟؟؟؟لا
اشترينا بيت ؟؟؟؟؟؟؟؟؟؟لا
....................................
أخي كوستا ما بعرف ليش عم تضيق مساحة النظر للأمور
بلدك بصراع وجود ... و هي حقيقة مو شعار أو حجة بيستخدمها النظام لتبرير بطء الإصلاحات
قبل ما يتحقق سلام مع اسرائيل لا يمكن يتحسن الوضع
و إذا بتحب ناقشك بالحل التاني و اللي هوي تلبية طلبات الشعب الجوعان وطلبات الغرب الديمقراطي و نسيان أراضينا المحتلة و شي مليون لاجىء فلسطيني بالبلد ... فيا ريت تقلي بالأول إنت شو تصورك للحل البديل؟
  رد مع اقتباس
قديم 30/04/2007   #9
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : fady juventus عرض المشاركة
بس مشان الديمقراطية
لو فرضنا إنو أميريكا جابتلنا الديمقراطية تبع العراق لعنا "لا سمح الله" ... وبلشت السيارات المفخخة تفرقع بالناس ... و متت أنا أو إنت أو أحد الغوالي علينا "كمان لا سمح الله" إي مو طز بالديمقراطية.
بما أنو انفتحت سيرة الديمقراطية هلأ..... بحب ضيف اني أنا حاليا ضد الديمقراطية بكافة أشكالها
لأنو شعبنا حاليا ما بتحكروا الا الطائفية و رأس المال و بيختلف ترتيب هالأولويتين من شخص لشخص
بس بيضلو هني المحرك الاساس لأي نشاط لهالشعب
لذلك بكير كتير على الديمقراطية حاليا
  رد مع اقتباس
قديم 30/04/2007   #10
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
كاتب النص الأصلي : fady juventus عرض المشاركة
أخي كوستا ما بعرف ليش عم تضيق مساحة النظر للأمور
بلدك بصراع وجود ... و هي حقيقة مو شعار أو حجة بيستخدمها النظام لتبرير بطء الإصلاحات
قبل ما يتحقق سلام مع اسرائيل لا يمكن يتحسن الوضع
و إذا بتحب ناقشك بالحل التاني و اللي هوي تلبية طلبات الشعب الجوعان وطلبات الغرب الديمقراطي و نسيان أراضينا المحتلة و شي مليون لاجىء فلسطيني بالبلد ... فيا ريت تقلي بالأول إنت شو تصورك للحل البديل؟
اي فادي
هلأ اذا انت عايش بسوريا بتكون بتعرف الوضع يللي نحنا فيه
اما اذا مغترب فهاد شي تاني لانك ما عم تلمس واقع الحياة بسوريا
من هون فيك تقول عن تضييق او توسيع مساحة الامور
اقتباس:
بلدك بصراع وجود ... و هي حقيقة مو شعار أو حجة بيستخدمها النظام لتبرير بطء الإصلاحات
وين صراع الوجود هاد ؟؟؟؟؟
اذا عم تحكي عن الشعب فهو اثبت وجودو من زمان والدليل انو خارج سوريا شعبنا وصل لابعد ما وصلو كتير من الناس ان كانو عرب او اجانب ....... دكاترة ومخترعين وصناعيين .............الخ
ويللي بالداخل رغم انو ملتعن نفسو قدر يعيش ويشتغل ويوصل بجهوده الفردية فقط وليس بمساعدة الدولة
بعدين عن السلام مع اسرائيل هاد حجة عم نسمعها من 1974 لحد هلأ وما كنا نخلص وصدق انو ما رح تخلص ولا بعشرين سنة اذا ضل الوضع على ما هو
اقتباس:
اللي هوي تلبية طلبات الشعب الجوعان
ليش الشعب جاع ؟؟؟
لانو النقد صار ضئيل بين ايدو ومحصور بين فئة معينة وعدد من الاشخاص و الضرائب عم تزيد ويخترعو ضرايب جديدة وتصاعدية .................
اقتباس:
وطلبات الغرب الديمقراطي
هي ما فهمت قصدك فيها
اقتباس:
نسيان أراضينا المحتلة و شي مليون لاجىء فلسطيني بالبلد ..
اراضينا المحتلة .................. يعني اذا تحررت مفكر يللي عايشين فيها رح يرضو يعيشو تحت ظل النظام الحالي
صدق انو الاراضي المحتلة مباعة من زمان ومقبوض ثمنها في سبيل تحقيق غير مصالح وهي الاستمرار في الجلوس على الكرسي
و الفلسطينية ما فيك تساوزي معهون شي لانو صار عندون املاك وارزاق وفي منهو امتزج مع السوريين بالمصاهرة وبالتالي بيتجنسو سوريين
بس المشكلة مو الفلسطينية
المشكلة مع اربع ملايين ونصف عراقي ومليونين سوداني عدا بقية المغتربين يللي تعدادون حوالي 8 مليون
  رد مع اقتباس
قديم 30/04/2007   #11
شب و شيخ الشباب fady juventus
عضو
-- مستشــــــــــار --
 
الصورة الرمزية لـ fady juventus
fady juventus is offline
 
نورنا ب:
Aug 2005
المطرح:
______________
مشاركات:
2,432

افتراضي


حبيبي كوستا
لسه ما عطيتني الحل البديل لحتى ناقشك فيه؟
  رد مع اقتباس
قديم 30/04/2007   #12
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
كاتب النص الأصلي : fady juventus عرض المشاركة
حبيبي كوستا
لسه ما عطيتني الحل البديل لحتى ناقشك فيه؟
تومورو شريك
لانو فرطت من النعس ...............وانا اسف
واحلى وردة
  رد مع اقتباس
قديم 30/04/2007   #13
شب و شيخ الشباب fady juventus
عضو
-- مستشــــــــــار --
 
الصورة الرمزية لـ fady juventus
fady juventus is offline
 
نورنا ب:
Aug 2005
المطرح:
______________
مشاركات:
2,432

افتراضي


اقتباس:
كاتب النص الأصلي : كوستا عرض المشاركة
تومورو شريك
لانو فرطت من النعس ...............وانا اسف
واحلى وردة
لكان تصبح على خير ......... وديمقراطية
  رد مع اقتباس
قديم 30/04/2007   #14
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
و الملحد صفير
عن جد؟
يعني عن جد؟

انو كاردينال و قبل اسمو كلمة مار قدها و دلقها و بطريرك لطايفة عندها من الحقوق ما تحسدها جميع الطوايف و بالآخر بتعملو ملحد؟
لو كان ملحد كان اشرف بني الانسان طرا
لما يصير ملحد رح يملك من الشرف ما لا يضاهيه شرف

عن جد يعني هزلت

اقتباس:
اكلنا خبز ؟؟؟؟؟؟؟؟؟؟ لا
لقينا شغل ؟؟؟؟؟؟؟؟لا
اشترينا بيت ؟؟؟؟؟؟؟؟؟؟لا
ايوا منقوم منسب و منلعن الرئيس
طيب خبرني مين يللي بتعتقد انو ما خرج ينسب طالما الموضوع موضوع اكل عيش؟

معلمي .. خدني ع قد عقلي، نحنا مشكلتنا فساد و تخلف و فقر، و الرئيس ما معو "عصاية سحرية" يقول للشي كن فيكون...
من سبع سنين لليوم زادت الرواتب 100%، و انفتحت جامعات و مصارف خاصة و انعمل قانون استثمار جديد مرتب ما في متلو بكل الشرق الاوسط... يعني باختصار ما ترك وسيلة للقضاء على البطالة إلا و عم ينفذوها، و الرئيس اول مين صرخ و اعلن انو عنا فساد، و فعلا من سنة لليوم ما بيمر شهر إلا و منسمع عن حدا من اعضاء العصابات عم يحجزوا اموالو، بس الفساد يلي عنا كتير مستشري، و سبع سنين ما بتكفي للقضاء عليه نهائيا

اما عن رامي مخلوف و اعمالو، يعني عفوا، لو ما كان رامي مخلوف كان رح يكون "نكيب ساويرس" او "الوليد بن طلال" او "الخرافي" او او ....الخ
يعني برأيي انو رامي احسن من كل هالناس لسببين لعن الله الثلاثة:
الاول انو سوري
التاني انو يللي بيربحو من مشاريعو عم يستثمرو بسوريا

ببساطة يا معلم، سوريا داخلة ع الغات السنة الجايي، و غالبا رح تدخل اتفاقية الشراكة الاوروبية بهالسنتين، ازا ما كان عنا راس مال وطني قادر انو يوقف بوجه رؤوس الاموال الاجنبية رح ناكل هوا رسمي ...

هيك اقتصاد السوق، مو بدنا اقتصاد سوق؟، هي اقتصاد سوق متل ما بدنا
يعني ببساطة باي سوق (ازا اعتبرنا الدول اسواق حسب اقتصاد السوق) رح نلاقي ازا مو مخلوف ساويرس، او وليد او جورج ساوروس او بيل غيتس او حريري او او .... الخ

و الفقر مش مشكلة سوريا وحدها معلم، متل ما بسوريا في فقرا بالسعودية في فقرا و بسويسرا في فقرا
يعني مش مشكلة النظام

و التخلف كمان مش مشكلة النظام، عفوا منك، بتصور انو الدعم يللي بيوليه الرئيس للثقافة بسوريا ما في متلو بكل العالم العربي، من معارض الكتب، للمهرجانات الثقافية، لتعيين نائب رئيس خاص بالشؤون الثقافية، لتشجيع حركة الترجمة، و عرض اكتر من 35 مسلسل سوري برمضان الماضي، مع وجود اكتر من 60 عمل فني ما تم عرضو لأنو ما في وقت، بالمقابل وجود ما يقل عن 10 اعمال فنية مصرية و خليجية و لبنانية و مغربية معا، دليل مهم على حركة الثقافة القوية بسوريا

بس شو بيساويلنا الرئيس ازا نحنا شعب متخلف ما منحب التقدم؟؟ يعني كل هالشي، و بالاخير هيفا وهبي بتتصدر المبيعات، بينما ناس متل زياد رحباني ما عم يلاقوا ياكلوا
شو بيساويلنا ازا نحنا شعب ما منحب نقرا، و ما منحب غير الهشك بشك؟؟؟

شو بيساويلنا ازا نحنا راكضين نحضر برامج الطبخ و النفخ و الفتاوي اللي عم تصدر عن شيوخ ما عارفة راسها من دك البستان؟؟
كم واحد بتعرفو بيتابع برنامج "مع هيكل" و كم واحد بيتابع برنامج "الشريعة و الحياة"؟؟؟
شو بيلحقنا بالعصاية لنقرا مثلا؟

شو بيساويلنا ازا نحنا "شعب إذا ضرب الحذاء به، صاح الحذاء بأي ذنب أضرب"
شو بيساويلنا ازا نحنا "أمة ضحكت من جهلها الأمم"

بيكبنا و بيجيب شعب غيرنا مثلا؟؟؟

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you
  رد مع اقتباس
قديم 30/04/2007   #15
شب و شيخ الشباب وائل 76
عضو
-- مستشــــــــــار --
 
الصورة الرمزية لـ وائل 76
وائل 76 is offline
 
نورنا ب:
Jul 2006
المطرح:
Gaza Palestine
مشاركات:
2,210

افتراضي


اقتباس:
كاتب النص الأصلي : krimbow عرض المشاركة


و التخلف كمان مش مشكلة النظام، عفوا منك، بتصور انو الدعم يللي بيوليه الرئيس للثقافة بسوريا ما في متلو بكل العالم العربي، من معارض الكتب، للمهرجانات الثقافية، لتعيين نائب رئيس خاص بالشؤون الثقافية، لتشجيع حركة الترجمة، و عرض اكتر من 35 مسلسل سوري برمضان الماضي، مع وجود اكتر من 60 عمل فني ما تم عرضو لأنو ما في وقت، بالمقابل وجود ما يقل عن 10 اعمال فنية مصرية و خليجية و لبنانية و مغربية معا، دليل مهم على حركة الثقافة القوية بسوريا

بس شو بيساويلنا الرئيس ازا نحنا شعب متخلف ما منحب التقدم؟؟ يعني كل هالشي، و بالاخير هيفا وهبي بتتصدر المبيعات، بينما ناس متل زياد رحباني ما عم يلاقوا ياكلوا
شو بيساويلنا ازا نحنا شعب ما منحب نقرا، و ما منحب غير الهشك بشك؟؟؟

شو بيساويلنا ازا نحنا راكضين نحضر برامج الطبخ و النفخ و الفتاوي اللي عم تصدر عن شيوخ ما عارفة راسها من دك البستان؟؟
كم واحد بتعرفو بيتابع برنامج "مع هيكل" و كم واحد بيتابع برنامج "الشريعة و الحياة"؟؟؟
شو بيلحقنا بالعصاية لنقرا مثلا؟

شو بيساويلنا ازا نحنا "شعب إذا ضرب الحذاء به، صاح الحذاء بأي ذنب أضرب"
شو بيساويلنا ازا نحنا "أمة ضحكت من جهلها الأمم"

بيكبنا و بيجيب شعب غيرنا مثلا؟؟؟

الموضوع متعلق بسوريا و نقاشكم انتو كسوريين كتير حلو و مميز . انا ما دخلني بهالقصة كلها . بس مشاركتك كريم هاي و تحديداً الجزء الأخير كأنك عم توصف حال الدول العربية كلها مو سوريا و بس .
فعلا حطيت إيدك على الوجع بدون خجل و بدون تتمارى و تلزق كلشي بضهر الرئيس .

يا جماعة صارلنا الف سنة عم نقول الرئيس عمل الرئيس ساوى ـ، طيب تمام و كلنا متفقين انو كل النظام الرسمي بدو حرق ، بس بالمقابل شو عملنا !!!!!
للأسف متل ما حكي كريم و جملة صغيرة من كلام كريم بتوصف الحال مزبوط ، كم واحد بيتابع برنامج مع هيكل و كم واحد بيتابع الشريعة و الحياة ؟؟؟
هاد بإختصار حالنا ، راح يمضى العمر كله و تفنى أجيال و أجيال و إحنا بعدنا عم نعلق فشلنا و تخبطنا و تقاعسنا على الرئيس و على غياب الديمقراطية .

سامحوني شباب و سامحوا تطفلي عليكم

إن تراب العالم لا يغمض عيني جمجمة تبحث عن وطن!

19 / 6 / 2007
  رد مع اقتباس
قديم 30/04/2007   #16
شب و شيخ الشباب Barleb
عضو
-- مستشــــــــــار --
 
الصورة الرمزية لـ Barleb
Barleb is offline
 
نورنا ب:
Nov 2005
مشاركات:
2,824

افتراضي


ياسيدي حكيك عـ العين و الراس ..

بس ألي تعليق صغير..

اقتباس:
كاتب النص الأصلي : krimbow عرض المشاركة
من سبع سنين لليوم زادت الرواتب 100%،
و كيلو البندورة صار 50 .. و الخيار 60 ..

أن خدعونا مرة .. تباً لهم , أن خدعونا مرتين .. تباً لنا

Amarta <3

ܒܪܠܝܒ
  رد مع اقتباس
قديم 30/04/2007   #17
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
كيلو البندورة صار 50 .. و الخيار 60 ..
و البيوت ولعت، حافظينو هاد الحكي
بس انو يعني برأيك انو الرئيس طلع مرسوم يغلي اسعار الفلافل و البيوت؟؟؟؟

عنا بالبلد مليون عراقي، و العالم كلو عم ياكل هوا بالاقتصاد و نحنا جزء من العالم
يعني سعر برميل البترول عالميا دوبل
و اسعار كل المواد عالميا ارتفعت، و النظام يا عاشق ما بيقدر يصلح النظام الاقتصادي العالمي كلو يللي خربو بوش و جماعتو

انا بلوم النظام لو انو سعر الليرة تبهدل، بس متل مو شايف سعر الليرة السورية احسن من قبل
  رد مع اقتباس
قديم 30/04/2007   #18
شب و شيخ الشباب شامي من طوكيو
عضو
-- أخ لهلوب --
 
الصورة الرمزية لـ شامي من طوكيو
شامي من طوكيو is offline
 
نورنا ب:
Nov 2006
مشاركات:
250

افتراضي


..
جورج غالوي هو مؤيد للحقوق العربية للشعب العراقي والفلسطيني وكافة الدول الي بتعاديها الولايات المتحدة

وبصراحة هالإنسان عندو مواقف شغلة

والسياسة الخارجية مالنا عليها حكي بنوب

من ايام حافظ الأسد وقت كانت حتزبط شغلة السلام ما كانو جايبين سيرة اللاجيئن الفلسطينيين ، كانو مختلفيين على منصات الإنذار وكم متر هون وكم متر هنيك . وتقسيم المياه بالبحيرة والفلسطيين عالأكتر كانو رح ياخدو تعويضات او يروح على غزة وريحو

- سبحان مغير الأحوال صرنا داخليا شي فل اوبشن

( الرئيس بإيدو شغلات كتيرة يعملها بالسبع السنين ) اولها هالقضاء وبتعرفو الكمالة ......

مشروع ب 2.7 مليار تقريبا للحريري - وشركة بن لادن وكم مستثمر سعودي وإماراتي كانت بدها توفر حوالي 70 الف فرصة عمل والمشروع سياحي بحت رح يصير احلى المنتجعات والبلاوي السياحية والمشروع في نجمة لخمسين نجمة حسب قدرة المواطن او سائح جاي من الهاي فاي ( جيبتو معباية ) !
ومشروع ليش توقف حتى سيريانيوز ما عرفت السبب ( هاد الي بيقلك بدهم بطيخ مبسمر والمسؤول الفلاني بدو شي . برج )

شو بدهم بالحكي هرب الملياردير الإمارتي

ولما غرفة التجارة اجتمعو مع كوشة تجار خليجيين طلبو تعديل قانون ( التأميم ) لأنو ايمتى ما بدهم حلقووو

ومستثمر سعودي غير الأمير طلال مافات على هالبلد وطالب سياتو بتعديل القانون بس لا حياة لمن تنادي

-بالنسبة للجامعات والمصارف موجودة بالأردن من 1900 والمصارف بمحافظة صغيرة متل إربد كل حارة في بنك ( متل بياعيين الفول )

صار الحق على المواطن المتخلف يلي بدو ضرب بالبوط العسكري شوفو على هالصدفة الشرطي المواطن اصر عليه على الرشوة غلاء الأسعار المواطن بيعطي زيادة .. بقى درجت الموضة
الشرطي يلي بالهوية مكتوب حد اسم الأب : مجهول . المواطن علمو وعودو ع الرشوة
قصر العدل : سند امانة بخمس ليرات بدو دعوة قضائية بتكلف محامي مع اتعاب 10000 ل.س طبعا غير الرشوة لكاتب العدل ( المفتاح ) و إذا كان السند صحيح ومؤثق بعد 3 سنين بيصدر الحكم ... بيطلع الحق عليك يا حمار يا شامي من الصين ليش دينتو

- رامي مخلوف بلش شغلو بالأمارات ما بقى في شي محرز بالبلد ......


ملحوظة لا تلاحظ :

من روائع مكافحة الفســاد في سوريا صارنا بالمرتبة الرابعة عالميا تصورو والعراق بالمرتبة التانية دفشة صغيرة ومن جيبهم وبناخد الدوري وإذا ثابرنا اكتر رح نجيب الكاس بعزم ( على فكرة الكونغو الأولى )
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 03:25 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.16480 seconds with 13 queries