|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
09/02/2008
|
#1 | ||||||
|
عضو
-- قبضاي --
|
زدنا الطين بلة
كسرو الباب علي وهجمو على غرفتي وبدون سابق أنذار كفين وبوكسين اغمي علي فتحت عيوني لاقيت حالي بحمام السوق وحوالي رفقاتي قال عبيمزحو معي واشتغل التغسيل فيني أول تم تاني تم عاشر تم الي عبيغسلني قال للجنبه : يا أخي هذا ما عبينضف روحت عليه لوحين صابون وما نضف وأنا ساكت ما بقدر احكي ولا كلمة بخاف ما أزيد الطين بلة زعيم الشلة قالهم : شيلوه على المكيس ودخلت عند المكيس يعني المفرك قالن المكيس شطحوه (وكان المكيس واثق الخطى يمشى ملكا ) ما كان شايفني واندار علي وشافني مع دهشة قالي : شو هالجلد تقول جلد تمساح وأنا ساكت ما بقدر احكي ولا كلمة بخاف ما أزيد الطين بلة طالع كيس تفريك جديد تركي وأشتغل القشط فيني أشوفه عيونه منفجرات واعصابه فلتت وهو نازل تفريك يفرك يفرك .... يفرك يفرك ما يطلع شي قاله لأجيره روح على خزانتي جبلي ورق حف للحيطان نمرة 3 وأنا ساكت ما بقدر احكي ولا كلمة بخاف ما أزيد الطين بلة وأجا الورق الحف نمرة 3 للجلد السميك واشتغل الحف ويا هاني يا ماني الزلمة اكيد نزل 3 كيلو تعب وارهق حاله وجلدي ما عبينضف مع انه المكيس عنده خدمة 40 سنة بالحمام قالهم لرفقاتي : يا اخي من وين جايبين العينتين هذا متل هيك جلد متتمسح ما عدا علي !!!!! مستحيل هاذا الجلد يكون جلد بنى أدم !!! وأنا ساكت ما بقدر احكي ولا كلمة بخاف ما أزيد الطين بلة قلن: منشان خاطركم وخاطر هالتمساح الي جايبيلي ياه انا أبو غضب المكيساتي معتزل من مهنة التكييس وبدي اقدم استقالتي واخلص لانه بحياتي ما اجاني هيك حيوان وتمساح منشان اكيسه والحاضر يعلم الغايب والداعي ساكت ما بقدر احكي ولا كلمة بخاف ما ازيد الطين بلة بالأخير أجتمعو رفقاتي وقالولي انت مالك انسان طبيعي بدنا نبعتك تصير سفير الولايات المتحدة الأميركية بالمجلس الأمن الدولي وأنا هلق هنيك صرت أحكي وأزيد البلة طين والطين بلة تحياتي
(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]
|
||||||
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 11:11 (بحسب عمك غرينتش الكبير +3)