|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
30/04/2008
|
#1 | ||||||
|
شبه عضو
-- اخ حرٍك --
|
30 يوم كمسلم (30 days as muslim)
وثائقي بعنوان (30 يوم كمسـلم) من سلسلة (30 يوم)
Morgan Spurlock الكثيرون يعرفونه من فيلم (Super Size Me), حيث قام بإجراء فحوصات شاملة ثم ودع خطيبته النباتية وعاش لمدة 30 يوم على McDonalds.ثم قام بإجراء فحوصات مرة أخرى ليرى نتيجة ال مكدونالدز على جسده  فيلم 30 يوم كمسلم, مرشح للأوسكار كأفضل فيلم وثائقي لهذا العام.... أحد أقرباء مورجان (دايفـد) وهو مسيحي متدين , أي يواظب على حضور صلاة وقداس الأحد في الكنيسة ويمارس الطقوس المسيحية, متزوج ولديه طفل... كأغلب الأمريكين لا يعرف الكثير عن الإسلام, وبعد أحداث الحادي عشر من سبتمبر صارت.. الخوف والإرهاب والعنصرية والقنابل البشرية , كلمات مرتبطة بالإسلام! مورجان يطلب من قريبه التخلي عن حياته والعيش لمدة 30 يوما كمسلم؟؟؟!!! ليتعرف على الإسلام أكثر ! أول مايفعله هو إرتداء جلباب ومن ثم السفر ليلتقي بعائلة أمريكية مسلمة سيعيش معها فترة التجربة. في المطار نظرات الناس إليه ملؤها الشك والريبة والحذر... وطبعا يقوم رجال الأمن في المطار بتفتيشه بشكل دقيق,ما رايكم؟؟؟ يلتقي بعد رحلة غير سارة بالعائلة وهي من أصل باكستاني الزوج طبيب والزوجة طالبة تدرس المحاماة.... حياتهم في أمريكا كانت عادية حتى الحادي عشر إياه, الزوجة كانت أكثر من يعاني بسبب زيها الإسلامي (الحجاب).... يزور المسجد يتعلم الصلاة حسب الطقوس الإسلامية ويتعرف على الإسلام وعلاقته بالإديان الإبراهيمية الأخرى (اليهودية والمسيحية)........ لا أريد ان أطيل ولكن الفيلم يحمل الكثير من المفاجآت للجميع عربا ومسلمين وأمريكين... الفيلم قام برفعه الصديق [Shah Jahan](شاه جهان) على رابط مباشر حجم الفيلم حوالي 150 ميجا فقط بجودة DivX Format: AVI Length: 150 MiB for 45mn 44s 976ms Video #0: Intel H.264 at 391 Kbps Aspect: 512 x 384 (1.333) at 23.976 fps Audio #0: MPEG-2 Audio layer 3 at 48 Kbps Infos: 2 channels, 24 KHz صور من الفيلم:          رابط التحميل:
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
الفيلم سيظل على السيرفر لفترة محدودة, لذا أرجو تحميله بأسرع وقت وأمانة كل من يرغب في نقل الموضوع إلى منتدى آخر ,ذكر اسم كاتب الموضوع واسم المنتدى وشكرا اخوكم سامي أبوالعـلا Samy Abul-Ela
We All Belong to Adam & Eve
We All Belong to GOD! |
||||||
|
01/05/2008
|
#4 | ||||||
|
عضو
-- مستشــــــــــار --
|
اول شي بعتذر من صاحب الموضوع عن الرد الأول لأني دخلت بالحيطان وقت شفت وثائقي واوسكارومدري شو
كون حجم الفيديو كتير كبير بالنسبة لخطوطنا الرهيبة اللي بأحسن احوالها بكون الداون لود فيها 5 كيلو بالثانية قررت اني نزل الفيديو واعمل متل ملخص عن الحلقات وادعم الملخص بالصور بمحاولة نستعيض عن الفيديو مشان بقية الأعضاء . الفيديو اللي محطوط فوق هوي منقول من قناة dbb الأميركية للمحطة احد برامجها واللي بسمى 30 يوم 30 days تقديم Morgan Spurlock  اختيارهم بالحلقة هي كان حول الاسلام والمسلمين والشخص اللي اختاروه هو مسيحي من فيرجينيا بالبداية بقدموا متل لمحة بسيطة عن الاسلام كيف ان الشعب الأميركي كان سابقا ما بيمتلك اي صورة عن الاسلام وما كان حدا بيوعى على ناس اسمهم مسلمين كانت افكارهم بتنحصر بانهم فئة من الناس بتعيش بالصحراء بتهوى الرقص وتربي الأفاعي    الا انه في القرن الواحد والعشرين وأصبحت الصورة مختلفة جدا وتحولت إلى هذا الشكل    تم استبدالها بطائرات 11 ايلول     بعد المقدمة بيطلع المذيع حتى يبدا برنامجه بحلقة المسلمين في اميركا وبقول : بسب احداث 11 ايلول بدئنا نسمع بكلمة اسلام الاسلام هو الدين الثاني انتشارا حاليا في العالم و 1.5 مليار في العالم   ما هي تعاليمهم ؟! بكمل المذيع وبقول بدنا ننتقل إلى ميتشيغان حتى نعيش نعمل نأكل وننام مثل المسلمين بيعرضوا اجزء من احداث 11 ايلول الشخصية اللي اختاروها اسمه دايفيد ستايسي من شارلسترون اللي بتقع في غرب فيرجينيا   "قبل ما يتم ارسال ديفيد بالمهمة جلس مع المذيع وسأله وقت بقول لك كلمة مسلم او اسلام شو اللي بتتخيله !؟ الجواب : بتخيل امرأة متحجبة   بس هي صورته ) وبيعطيه مجموعة من القواعد اللي لازم يلتزم فيها كونها خاضع لتجربة البرنامج القاعدة الأولى انه بده يعيش مع عائلة مسلمة وبدك تشاركهم عاداتهم وتقاليدهم القاعدة الثانية بدك تدرس القرآن القاعدة الثالثة بدك تظهر بشكل انسان مسلم وبيعطيه كيس فيه عباية " عبضحك لأن صاحبنا بينصدم وقت بشوف العبائة وبيمسكها " ساميلي عبيضحك "  وكأنك مانك انت !!! بودع ديفيد زوجته وبينطلق برحلته اللي بدها تستمر 30 يوم بيوصف تجربته بالمطار بانها غريبة جدا  عند اول نقطة تفتيح بوقفوه وبيطلبوا منه خلع حذائه للتفتيش  وبقول المذيع بالرغم من ان المسلمين ينتشرون بأميركا بشكل ملاحظ إلا ان العيدد من الامريكيين لا يعلمون شيء عن الاسلام ديفيد ليس مستثنى من هذه المعلومة بينتقل دايفيد إلى احدى الجوامع حتى يلتقي الرجل اللي بده يستضيفه عنده بالبيت لمدة 30 يوم وبكون الرجل بلحظتها عبصلي    المضيف وزوجته اميركيان مسلمين من اصل باكستاني طبيب وزوجته تدرس المحاماة بحطوا له لقمة اكل وهنن عبياكلوا بيحكوا له عن معاناتهم بأميركا وعلى التمييز اللي عبعانوا منه خصوصا بعد احداث 11 سبتمبر وكيف ان الزوجة بسبب ارتدائها الحجاب عبتتعرض للتميز بالمجتمع بالوقت اللي ما بتعاني منه الامرأة المسيحية او اليهودية , بعد العشاء بيسلتم ديفيد نسخته من القرآن اللي بده يدرسها بحسب الشرط الثاني للبرنامج   بينتقلوا لتعريف المشاهد شو هو الاسلام وشو هو مرتكزاته بقولوا في 5 اعمدة بيرتكز عليها الاسلام الأولى عبادة الله الواحد      اكمّل ولا بتفضلوا تنزلوا الفيلم |
||||||
|
01/05/2008
|
#5 | |||||||
|
مشرف
|
اقتباس:
صعبة تنزيلة الفيلم هلأ
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||
الملاكمة|
02/05/2008
|
#6 | |||||||
|
عضو
-- مستشــــــــــار --
|
رؤيا شخصية من جهة وتوضيح من جهة اخرى
كون الموضوع قامت الدنيا فيه امبارح وخوفا من اعادة تكرار نفس الأحداث اللي حصلت حسيت انه لازم احط توضيح للشي اللي صار او بالاصح للشي اللي انا عملته بداية اول ما قريت اسم الموضوع توقعته انه متله متل امثاله الكثر اللي بيحكوا عن اشخاص مسيحيين بعد ما كانوا مؤمنين بدينهم تركوا المسيحية وانتقلوا إلى الإسلام الشي اللي خلاني احط موضوع بالبريد استفسرت فيه عن شو موقف الأخوية من الافلام الدينية الوثائقية كان الرد من جانب المشرفين والمنسيقين كتير مقنع بوجهة نظري وحسيت انه معهم حق 100 % وبالتحديد سامر قال لي ما منقدر نحكم على الفيلم لحتى نشوفه وباعتبار الخطوط سيئة حاليا ما منقدر نشوفه بدنا ننتظر حدا يشوفه ويحط رد حتى نعرف شو هوي . قمت انا نزلت من بيتي وفتت على كافيه انترنت نزلت الفيلم وحضرته بالبيت تبين اني كنت على غلط والفيلم ابعد مما تصورته بكتير لا بل عجبني لأبعد الحدود . يمكن كوني مسيحي تختلفوا معي عن الشي اللي عجبني . كمسلمين بالتاكيد بتشجعوا الافلام اللي بتشابه الفيلم هاد كونها بشكل او بآخر بعرف عنكم بشكل افضل . اما انا فاعجبت جدا بالفيلم كونه أميركي اولاً ولو كان عربي يمكن ما كنت كتير اهتميت فيه بس كونه اميركي كتير احترمته لأني شفت فيه انه بينقل صورة كتير حلوة . كون الفيلم اميركي وموجه بشكل خاص للمجتمع الأميركي كان بالنسبة الي شي كتير عظيم انه يصير بين ايدينا لأن بوضح لنا كيف انه الشعب الأميركي عنده صورة عن المسلمين تشكلت بشكل او بآخر ومع هاد الشي نشوف الأعلام الأميركي قام بالبحث وبالاتصالات وحب ينقل صورة جديدة للشعب الاميركي كيف انه الاسلام بعكس الشي اللي متخيله الشعب الأميركي بمعنى آخر حاول انه يحسن من صورة الاسلام عند المجتمع . الشي اللي عجبني برجع بقول هو حيادية البرنامج اللي منشوف ما اتخذ اي موقف متطرف تجاه عرض الحلقة لا بل بالعكس أظهر الاسلام على انه دين سماوي ودين محب وانحاز لجانبه بعدة مواقف والمشاهد لا بل حتى في بعض المشاهد منشوف كيف ان المخرج حاول تمرير بعض الصور والشعارات اللي بتتنافى مع الواقع لكنها بتدعم فكرة الـبرنامج متل الصورة اللي بدي احطها واللي بتقول " بارك الله أميركا "  واللي عجبني اكتر هوي اختيار احد المؤمنين المسيحيين وكيف انه ما كان عنده مشكلة انه يفوت على بيت مسلم ويعيش معه ويقرا بالقرآن ويسمع تعاليمهم ويصلي متلهم بالرغم من الفكرة المتكونة عنده عن الجماعة اللي بدهم يستضيفوه متل ما شفنا انها قال بيتخيل الرجال المسلمين حاملين أسلحة . من كتراعجابي بالحلقة وطريقة تقديمها حبيت انا كمان اقتدي فيهن واعمل متلهم اني اشيل كل الأفكار اللي عندي على المسلمين ولاسلام المتكونة براسي بطريقة او بأخرى " اكيد مانها موضع نقاشنا هلق " والتزم الحياد لا بل اكتر من هيك اني ابذل بعض الجهد لمساعدة الأخوة اللي حابين يطلعوا على الفيلم سواء كانوا مسحيين حتى ما يوقعوا بالفخ اللي انا وقعت فيه او من المسلمين حتى يعرفوا شو هو موضوع الفيلم وطريقة عرضه . الحكي هاد اللي كتبته كنت ناوي اكتبه بالنهاية بعد ما انتهي من تصوير الفيلم " تحويله إلى صور " حتى اني بديت افكر بالاسلوب المناسب وكتبت بعض الاجزاء من اللي بدي اكتبه بالنهاية اقتباس:
آخر تعديل Abu ToNi يوم 02/05/2008 في 01:07. |
|||||||
|
02/05/2008
|
#7 | ||||
|
عضو
-- مستشــــــــــار --
  |
يعطيك ألف عافية جابريل ع المجهود المميز وبدك مين يقدّر.
فيلم حلو وممتع و هي تسجيل متابعة. 
صديقي الله .
لا أحسدك على معرفتك مصير كل منا . لأنك قد تبكي على مصير حزين بينما صاحبه سهران يضحك. وتعرف الفرح قبل وقوعه فلا ترى مثلنا لذة المفاجأة. .... |
||||
|
02/05/2008
|
#8 | ||||||
|
عضو
-- مستشــــــــــار --
|
متابع معك غابرييل .. ولح نزل الفلم وشوفو كمان .. بس يصحلي
يعطيك العافية
شاورما ©
كمّون © Calculater © " لو .. رجعت الشام .. لـ حضن الشام .." 2011 |
||||||
|
02/05/2008
|
#9 | ||||||
|
عضو
-- مستشــــــــــار --
|
البرنامج قُدم بصيغة رهيبة .. جد ..
صراحة .. عجبني كتير .. وخصصوصي الجملة اللي بيحكيها اخر شي . الاستاز اللي درسو العربي .. بقلو بمعناها .. انو انت مسيحي .. والله يقويك .. بس متل انو لو سمعت شي عن الاسلام .. لو بتحسن انك تعرفهلم ياه .. حسب ما شفتو وعرفتو .. مو حسب ما كنت مفكر متلهم وكيف عم يحكو .. صراحة يعطيك العافية .. لصاحب الموضوع .. لانو جد روعة وان شا الله يكون عكس صورة منيحة عند الامريكان عن المسلمين .. ويعطيك العافية لجابرييل على الشرح .. وناطرين البقية منشان باقي الشباب اللي ما قدرت تنزل الفلم .. |
||||||
|
02/05/2008
|
#11 | ||||||
|
شبه عضو
-- اخ حرٍك --
|
اي اي اي هادا الفلم حضرتوا ابل يومين وثائقي شيق صراحة انسجمت معه ,, يسلموا 
انا وما انا
انا وما انا انا كالهواء الذي ينساب بين الاشجار انا وما انا كالماء الصافي يروي كل ما يلمسه انا وما انا كالريحانة التي تتفتح وتنظر حولها انا وما انا كالعصفور المتبسم المغرد فوق الشجرة ramzy تحياتي :) |
||||||
|
02/05/2008
|
#12 | ||||||
|
عضو
-- مستشــــــــــار --
|
ألف شكر
أجمل الأمهات ..... التي انتظرت ابنها ..... أجمل الأمهات التي انتظرته
وعاد ..... ..... عاد مستشهدا ..... ...... فبكت دمعتين و وردة ...... ولم تنزوي في ثياب الحداد آه ياريتا على فقيدك ... بحبك بلا ولا شي... بحبك يا ضيعتي البعيدة بيت ياشوط... |
||||||
|
03/05/2008
|
#13 | ||||||
|
عضو
-- مستشــــــــــار --
|
بازن الله ان بكرا جابي ما قبل انو يكملو بحاول اني كمل .. الفلم انا ..
عفكرة طريقة جابريل ما فيا هالشي .. اللي مشددين عليو الكل جماعة .. هدو الوضع وحكيو للزلمة كان عادي .. |
||||||
|
03/05/2008
|
#14 | ||||||
|
شبه عضو
-- اخ حرٍك --
|
الحمدلله على نعمة الاسلام
قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآناً عَجَباً{1} يَهْدِي إِلَى الرُّشْدِ فَآمَنَّا بِهِ وَلَن نُّشْرِكَ بِرَبِّنَا أَحَداً{2} وَأَنَّهُ تَعَالَى جَدُّ رَبِّنَا مَا اتَّخَذَ صَاحِبَةً وَلَا وَلَداً
|
||||||
|
03/05/2008
|
#15 | ||||||
|
عضو
-- مستشــــــــــار --
|
شرح للفيلم الوثائقي 30 يوم كمسلم يقدم لنا مورغان سبورلوك معد البرنامج السيد ديفيد ستيسي المسيحي الأمريكي من مدينة شارلستون بولاية فرجينيا الغربية, كونه المثال المطلوب للمسيحي الملتزم بتعاليم دينه ولأنه يحب شرب الجُعة و يأكل لحم الخنزير بنَهَم, يقبل ديفيد التحدي, ليتقرر اختياره بطل للعيش كمسلم لمدة 30 يوما في ديربورن أحد مدن ولاية ميتشغان الأمريكية. بعد تجربة مريرة مع الأمن في المطار حيث تم توقيفه للمرة الأولى في حياته و تم تفتيشه بدقة و ُطلب منه نزع الحذاء إلى ما في ذلك من الإجراءات الروتينية... يكتشف ديفيد مباشرة الهوة الشاسعة بين الثقافتين الإسلامية و الأمريكية، من خلال إقامته مع أسرة مسلمة, ففي الليلة الأولى, هو مطالب بالاستيقاظ لصلاة الفجر و هو أمر لم يستسغه بتاتا... يحاول ديفيد جاهدا أن يزج بنفسه في تقاليد و طقوس الإسلام رغم إحساسه بالغربة و الضياع و اختلاف المعتقدات... ما يلاحظه المتفرج من خلال التجربة, هو إيجابية الأسرة المسلمة الشابة التي كانت مثالية من ناحية المعاملات و العبادات, حيث بينت له الأمثلة الجيدة في الدين الإسلامي, و حاولت احتواء ديفيد لإحساسه بالتيه وسط عائلته الجديدة و افتقاده لزوجته و طفلته... بعد ذلك يأتي لقاؤه مع "الأئمة المسلمين" أولهم كان الإمام الحسيني الذي يمثل المذهب الشيعي من خلال مركز كربلاء الإسلامي الذي بدل إقناعه بالحكمة و الموعظة كما أمرنا رسولنا صلى الله عليه و سلم, اعتمد أسلوب التحدي لمحاجة ديفيد و هذا أسلوب خاطئ ينفر الغير مسلم و يبعده كل البعد، و قد يلاحظ المتفرج فشل الإمام الحسيني في احتواء حالة الإحباط و التيه التي غمرت ديفيد الذي ظلت تساؤلاته دون إجابة... و هنا يطرح سؤال في غاية الأهمية: كيف يُمَثَل الإسلام في دولة بحجم الولايات المتحدة الأمريكية بواسطة أشخاص عديمي العلم و الكفاءة و لا يستطيعون حتى شرح ما هو الإسلام؟ إن لم أقل لا يعرفون هم أنفسهم دينهم!! حتى أن الإمام الحسيني ادعى أن الأنبياء هم أبناء الله الروحيون!!!؟ كما أنه لم يتوفق طيلة 15يوما لكي فقط يشرح الصلاة له الشيء الذي دفع ديفيد للبحث عن إمام آخر, ليجد ضالته في مدينة ديترويت عند الإمام عيد علوان هذا الأخير توفق في الأمر إلا حد ما, حيث قدم له رسوم و وثائق تشرح له أوضاع الصلاة و الغرض منها و ما معنى الأذان و كلماته مما خلف ارتياحا ملحوظا لدى ديفيد... من جهة أخرى التقى ديف بأستاذ اللغة العربية أمير في المركز الإسلامي الأمريكي بشكل منتظم لتعلم أبجديات اللغة العربية و لمعرفة بعض مفردات القرآن و الأذان و الصلاة... خلال تعلمه اللغة العربية, أبدى ديفيد إعجابه الشديد بها رغم صعوبة النطق و مخارج الحروف عليه, كما أنه قام بزيارة للمذابح الإسلامية لمعرفة مفهوم اللحم الحلال و لكي يطلع على طريقة الذبح الإسلامية... في اليوم الأخير من التجربة يعلق ديف : "يمكننا استقطاب عدة ملايين منهم -أي المسلمين- شخصيا سأدافع عن هؤلاء الناس و سأدافع عن عقيدتهم" ما يمكن استخلاصه من هذا الشريط و من خلال استطلاعات الرأي و الاستجوابات التي يقدمها من حين لآخر هو عدة رسائل مشفرة و منها: 1/ مدى جهل المواطن الأمريكي من هم المسلمون حقا مثال ذلك: ربط الإسلام بالإرهاب و الإرهاب بالإسلام, أيضا اختزال الإسلام فصورة المرأة المحتجبة و الرجل الملتحي برشاش كلاشنيكوف, كما يظهر عدوانية بعض الأمريكيين ضد مظاهر الدين و الثقافة الإسلاميين, كانزعاج بعضهم من صوت الأذان فضلا عن رسائل التهديد التي يتلقها المركز الإسلامي الأمريكي عبر البريد الإلكتروني... 2/ عدم معرفة العديد من المسيحيين أن الإسلام يتفرع من نفس الشجرة الإبراهيمية كما هو الحال بالنسبة للمسيحية و اليهودية, و كذا اندهاشهم من أن الإسلام يعترف بالنبيين عيسى و موسى. 3/ حقيقة المسلمين تختلف اختلافا كبيرا عن ما تروج له وسائل الإعلام الأمريكية. 4/ علماء و أئمة المسلمين هم مطالبون بالخروج من قواقعهم و التنديد بالإرهاب و إعلان موقفهم الصريح في كل وسائل الإعلام و خصوصا الأمريكية, من هذه الظاهرة الدخيلة على الإسلام الذي هو بريء منها, كما هم مطالبون بالتعريف بحقيقة الإسلام في العالم عبر الإعلام الهادف و البعثات الدينية بواسطة الدعاة الإسلاميين الشباب كما هو الحال كمثال لا الحصر مع بعثات الديانة المورمونية التي تجوب العالم.  |
||||||
|
04/05/2008
|
#16 | ||||||
|
عضو
-- مستشــــــــــار --
|
ماشاء الله وكان ... يا عيني على الاسلوب العظيم المحايد بنقل احداث الفيلم.
أما كفاءة تستحق التصفيق وخلع القبعة بروفسور ماغنوم... يا اما بتتفضل بتنقل الفيلم متل ما هوي وبدون رأيك الشخصي الي ادعيت انك انزعجت منو بتصوير جابي للفيلم .. يا اما بلالك هالفوتة من اساسها ازا ما فيك غير تنتقد شي وتجي متلو وباسلوب اوضح لسه: اقتباس:
هادا تغطية للفيلم ولا رأي شخصي ! اقتباس:
وهالاستنتاجات التاريخية من سياق الفيلم ومن قراءتك المحايدة !!! وما رح اطرق لاستنتاجاتك الأربعة بنهاية التعليق تبعك لأنها ما شخصية ومو تغطية للفيلم. يعني الي ما بدو ينزل الفيلم لازم يقرا الفيلم من الزاوية الي حضرتك شفتو منها ومن خلال نظرتك للفيلم. |
||||||
|
04/05/2008
|
#17 | ||||||
|
مشرف
|
الموضوع مغلق للتعزيل
انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 16:58 (بحسب عمك غرينتش الكبير +3)