أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > استجمام > سفراء اخوية

إضافة موضوع جديد  إضافة رد
 
أدوات الموضوع
قديم 24/03/2005   #1
جينو
مشرف متقاعد
 
الصورة الرمزية لـ جينو
جينو is offline
 
نورنا ب:
Jul 2004
المطرح:
دبي
مشاركات:
454

افتراضي دبي


كان تأسيس دبي في العام 1833 عندما استقر ما يقارب من 800 شخص ينتمون إلى قبيلة بني ياس بقيادة آل مكتوم عند منطقة الخور، حيث يشكل الخور ميناء طبيعي وهو ما أدى إلى بروز دبي كمركز لصيد الأسماك واللؤلؤ والتجارة. مع بداية القرن 20 ، كانت دبي ميناء شهيراً، وكان السوق الواقع في جهة ديرة هو الأكبر في منطقة الساحل وقد أحتوى على أكثر من 350 محلاً ومثل وجهة يقصدها التجار والزوار بشكل مستمر. بحلول عقد الثلاثينيات كان عدد سكان دبي ما يقارب 20,000 نسمة، شكل المقيمون نسبة الربع منهم. في الخمسينيات، وللأعداد المتزايدة من السفن، امتلأ ميناء دبي بالغرين، فكان قرار حاكم دبي المغفور له صاحب السمو الشيخ راشد بن سعيد آل مكتوم بكري الخور قراراً جريئاً طموحاً، دل على بعد نظر ورؤى سديدة. كانت هذه الخطوة السبب في زيادة عدد السفن التي يقوم باستقبالها الميناء وزيادة حجم البضائع الواردة إلى دبي، مما أدى إلى تقوية وتدعيم مركز دبي كمركز تجاري مهم ومركز أساسي لإعادة التصدير. بعد اكتشاف النفط في العام 1966 ، عمل الشيخ راشد على استخدام واردات النفط لتطوير البنية التحتية في دبي. فقام بتشييد المدارس والمستشفيات وشق الطرق بالإضافة إلى تأسيسه لشبكة اتصالات حديثة، كما تم تشييد مبنى ومرفأ حديثين في مطار دبي الدولي وتطوير لمدرج الهبوط ليستوعب كافة أنواع الطائرات. كذلك تم تشييد أكبر ميناء اصطناعي في العالم في منطقة جبل علي وأسست منطقة التجارة الحرة. بانت معادلة التطوير الناجحة التي اختطها دبي لنفسها جلية المعالم للجميع, قيادة حكيمة ذات رؤية واضحة, بنية تحتية متكاملة, بيئة ودودة مفتوحة لاستقبال الجميع, عدم وجود الضرائب على الدخل الشخصي والمؤسسي بالإضافة إلى رسوم مخفضة على المواد المستوردة. كانت المحصلة هي أن دبي سرعان ما صارت مركز جذب سياحي وتجاري للمنطقة الممتدة من مصر إلى شبه القارة الهندية ومن جنوب أفريقيا إلى ما يعرف اليوم باسم اتحاد الدول المستقلة.
منذ الستينات, كان حلم صاحب السمو الشيخ زايد بن سلطان آل نهيان الذي كان في ذلك الوقت حاكماً لأبوظبي وصاحب السمو الشيخ راشد بن سعيد آل مكتوم حاكم دبي إنشاء اتحاد الإمارات, وصار هذا الحلم حقيقة في عام 1971 عندما انضمت تحت لواء الوحدة كل من أبوظبي ودبي والشارقة وعجمان وأم القيوين والفجيرة ثم شاركتهم رأس الخيمة التعاضد في العام 1972 ليعلنوا للعالم انطلاق دولة الإمارات العربية المتحدةاليوم تفخر دبي لامتلاكها لمجموعة فنادق وعمارة لا تضاهى, بالإضافة إلى استضافتها لأبرز الفعاليات الرياضية والفنية العالمية, ففندق برج العرب المطل على ساحل الجميرا هو الفندق الوحيد في العالم المصنف كفندق 7 نجوم.
وهناك أبراج الإمارات التي يبلغ ارتفاعها 350 متراً والتي تمثل أعلى مبنى في منطقتي الشرق الأوسط وأوروبا ما هي إلا أحد الأمثلة الكثيرة التي تؤكد الثقة التي اكتسبتها دبي كمركز عالمي للأعمال والتجارة. تستضيف دبي وعلى مدار العام العديد من الفعاليات الرياضية العالمية, فبطولة "دبي ديزرت كلاسيك للجولف" هي أحد أبرز المنافسات التي تدخل ضمن فعاليات منظمة الجولف للمحترفين.
أما بطولة دبي للتنس فتدخل ضمن فعاليات رابطة التنس للمحترفين, ويشهد كأس دبي العالمي للخيول تنافساً شديداً يشارك فيه أفضل خيول العالم ويعتبر أغنى سباقات الخيل على الإطلاق ويحضره محبو الخيل من كافة أرجاء العالم.
الصور المرفقة
نوع الملف : jpg _____________.jpg‏ (37.8 كيلو بايت, 130 قراءة)
نوع الملف : jpg __________473.jpg‏ (21.8 كيلو بايت, 130 قراءة)
نوع الملف : jpg ____________848.jpg‏ (9.6 كيلو بايت, 129 قراءة)
نوع الملف : jpg ______________.jpg‏ (24.2 كيلو بايت, 125 قراءة)

ملأى السنابل تنحني بتواضعٍ................ و الشامخات رؤوسهن فوارغ
  رد مع اقتباس
قديم 24/03/2005   #2
عاشق من فلسطين
مشرف متقاعد
 
الصورة الرمزية لـ عاشق من فلسطين
عاشق من فلسطين is offline
 
نورنا ب:
Nov 2004
المطرح:
حيث هناك ظلم ... هناك وطني..
مشاركات:
4,992

إرسال خطاب MSN إلى عاشق من فلسطين إرسال خطاب Yahoo إلى عاشق من فلسطين
افتراضي


مشكورة كتير سنيورتنا .. والله دبي حلوة كتير .. بس بعد دمشق القديمة لسا الله ما خلق ..

..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت ..
  رد مع اقتباس
قديم 24/03/2005   #3
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


مشكورة كتير يا سفيرتنا بدبي....وتحية لكل الشباب و الصبايا السوريين بالامارات العربية

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 25/03/2005   #4
شب و شيخ الشباب architecturer
مشرف متقاعد
 
الصورة الرمزية لـ architecturer
architecturer is offline
 
نورنا ب:
Dec 2003
المطرح:
U.A.E ... Abu Dhabi
مشاركات:
1,626

إرسال خطاب MSN إلى architecturer إرسال خطاب Yahoo إلى architecturer
افتراضي


جايكي سنيورة

الشغلي مانا مطولي

ماعاد في اعصاب تحمل

كي تكوني في عيوني

ومن حنيني وبس فيني

ومو بدوني ....... مذهلة
  رد مع اقتباس
قديم 25/03/2005   #5
شب و شيخ الشباب philip
مشرف متقاعد
 
الصورة الرمزية لـ philip
philip is offline
 
نورنا ب:
May 2004
المطرح:
أحلى حارة
مشاركات:
2,435

إرسال خطاب MSN إلى philip إرسال خطاب Yahoo إلى philip
افتراضي


اقتباس:
هاد الدوار جنب شغلي بديرة - دبي
يا ستنا ميرسي كتير الك بس اكتر شي عجبني هوي دوار الساعة شبه الساعة القديمة عنا الخالق الناطق سبحان الله يخلق من الشبه 1

......ابعد يا موت عني لا حبا بالحياة بل خوفا على دموع امي ......
  رد مع اقتباس
قديم 26/03/2005   #6
to live is to die
عضو
-- زعيـــــــم --
 
الصورة الرمزية لـ to live is to die
to live is to die is offline
 
نورنا ب:
Mar 2005
المطرح:
برشلونة اسبانيا
مشاركات:
1,483

إرسال خطاب MSN إلى to live is to die إرسال خطاب Yahoo إلى to live is to die
افتراضي


اقتباس:
مشكورة كتير سنيورتنا .. والله دبي حلوة كتير .. بس بعد دمشق القديمة لسا الله ما خلق ..

الحياة سيجارة طبعاً سيجارة
HASHiiIIIIIIIIIIIIIIIIIiiiiiiiSH
مو غلط الواحد يسمع جاد شويري
الحياة سيجارة
ممكن أكتر
يعني تقريباً كروز
أو أكتر.......
يعني تقريباً هيك شي
بس السيجارة هي الأساس
يا أخي الحياة سيجارة
فعلاً......الحياة سيجارة
  رد مع اقتباس
قديم 02/04/2005   #7
صبيّة و ست الصبايا عبير
مشرف متقاعد
 
الصورة الرمزية لـ عبير
عبير is offline
 
نورنا ب:
Oct 2003
المطرح:
سوريا
مشاركات:
705

افتراضي


كتير حلو اي والله يا جينو فتقتيلنا جروحاتنا وذكرتينابأيام الشغل وبرجمان والبحر اسقى الله
اشتقتلكون جينو

دخلك يا يسوع وطنا موجوع
يا نبع المحبة وحدك ساكن قلبي
  رد مع اقتباس
قديم 02/04/2005   #8
شب و شيخ الشباب philip
مشرف متقاعد
 
الصورة الرمزية لـ philip
philip is offline
 
نورنا ب:
May 2004
المطرح:
أحلى حارة
مشاركات:
2,435

إرسال خطاب MSN إلى philip إرسال خطاب Yahoo إلى philip
افتراضي


اقتباس:
كتير حلو اي والله يا جينو فتقتيلنا جروحاتنا وذكرتينابأيام الشغل وبرجمان والبحر اسقى الله
اشتقتلكون جينو
تحيا حمص العظيمة
  رد مع اقتباس
قديم 03/04/2005   #9
جينو
مشرف متقاعد
 
الصورة الرمزية لـ جينو
جينو is offline
 
نورنا ب:
Jul 2004
المطرح:
دبي
مشاركات:
454

افتراضي


اقتباس:
كاتب النص الأصلي : عبير
كتير حلو اي والله يا جينو فتقتيلنا جروحاتنا وذكرتينابأيام الشغل وبرجمان والبحر اسقى الله
اشتقتلكون جينو
و نحنا كمان عبورة كتير اشتقنالك
  رد مع اقتباس
قديم 03/04/2005   #10
شب و شيخ الشباب philip
مشرف متقاعد
 
الصورة الرمزية لـ philip
philip is offline
 
نورنا ب:
May 2004
المطرح:
أحلى حارة
مشاركات:
2,435

إرسال خطاب MSN إلى philip إرسال خطاب Yahoo إلى philip
افتراضي


اقتباس:


و نحنا كمان عبورة كتير اشتقنالك
ونحنا كمان
  رد مع اقتباس
قديم 03/04/2005   #11
شب و شيخ الشباب minime1967
عضو
-- قبضاي --
 
الصورة الرمزية لـ minime1967
minime1967 is offline
 
نورنا ب:
Mar 2005
مشاركات:
914

افتراضي الفقاعة


طبعا الله يعطي بيت مكوم العافية اللي ساوو جنة عل الأرض .. بس أنا ما حبيتها :

اولا : مصطنعة .
تانيا : بلا روح .
تالتا : مليانة "مواطنين" بيلبسو دشداشة بتعبر عن الغباء .
رابعا : أغلب الشباب السوريين اللي فيها طاقق مخون .
خامسا : الشام أحلى .
سادسا : اذا كنت شاطر لاقيلك كتاب متل العالم والناس .
سابعا : الروسيات والمغربيات . "مو جمعة مغربية الأكلة الطيبة"


واللي مايطول العنب , حامضا عنو يقول .
  رد مع اقتباس
قديم 04/04/2005   #12
شب و شيخ الشباب Godfather
~
 
الصورة الرمزية لـ Godfather
Godfather is offline
 
نورنا ب:
Oct 2003
المطرح:
E m i r a t e s
مشاركات:
2,289

افتراضي إلى السيد minime1967 يلي عم يتفلسف


حبيب المواطنين هون بالإمارات بيلبسو كندورة ( دشداشة) بسبب الشوب والرطوبي المو طبيعيين... و بسبب إنو إتعودو من هني و صغار (بالعمر) يلبسو الكندورة .... و بسبب إنو أريح و بتبورد.... و بسبب إنو مو كل ما بدون يطلعو برات البيت بدون يفكرو شو يلبسو و أيا كنزي بتلبئ مع أيا بنطلون.... ! يعني شغلي خفيفي نضيفي و كتير مرتبة بنفس الوقت. و أكيد هادا الزي الإماراتي التقليدي..... بئا مشان هيك بيلبسو الكندورة... و هادا مو إسمو (غباء) متل ما حضرتك إتفضلت... بدي أعطيك نصيحة مو بس لئلاك, لكل شخص : إحترم ثقافة و حضارة و تقاليد الآخرين , ليحترموا ثقافتك و حضارتك و تقاليدك.....
بعدين شو إصت إنو( أغلب الشباب السوريين اللي فيها طاقق مخون ) ؟؟؟؟؟ عيب عليك
و بتمنى إنو ما تفكرو إنو عم بتفلسف... للأنو هادا الشي يلي كتبتو, عن تجربي و مشان إتفلسف متل السيد minime1967

و بتمنى إنو ما يتاخد الرد على محمل شخصي, للأنو أنا ما بعرفو ل minime1967, و لا هوي بيعرفني.
  رد مع اقتباس
قديم 04/04/2005   #13
شب و شيخ الشباب minime1967
عضو
-- قبضاي --
 
الصورة الرمزية لـ minime1967
minime1967 is offline
 
نورنا ب:
Mar 2005
مشاركات:
914

افتراضي الأخ Godfather


أشكرك من قلبي لأنك أكدتلي أنو أغلب الشباب السوريين اللي بدبي طاقق مخون .. ولعلمك اللي بدو يرد , لازم يرد على كل النقاط مو بس على اللي بيعجبو ... وبعدين في شعوب بأفريقيا بياكلو لحم البشر , هل ياترى بتريدني احترم هل الشي لأنو هي "ثقافتهم" ؟؟؟

بعدين :

ماني حر أكره الكندورة ؟؟؟

ماني حر أكره أنو الشباب السوريين اللي بيروحو عع عجمان بيشترو ويسكس وبعدين بيرجعو عدبي وبيشخو تحتون رعبة وهني مارين بالشارقة ؟

ماني حر أكره أنو يتغنو بأسوء شي بدبي ؟ الشغلات اللي أهلها بيكرهوها ,صار السوريين بيدافعو عنا ؟

ماني حر أكره سلوك أغلب السوريين بدبي اذا عرفت أنو تاني أكتر جنسية الها قضايا شيكات بلا رصيد وقضايا أخلاقية بدبي هي السورية بعد اللبنانية ؟ والكلام لضاحي خلفان اللي كان قائد شرطة بظن ؟

ماني حر قول أنو الشام بلللي فيها "بأكل خ..." بالنسبة ألي أحلى ؟

ذكرتني بالبطرك صفير الله يغمقلو , آخر مرة كان بأمريكا طلب من الرعية تبعو أنو يخلصوا لأمريكا ثم للبنان .. والله الديوث أممي أكتر من ماركس...

لا تواخذنا يا أبونا الروحي ... الموضوع كلوا نقد ذاتي الغرض منه لفت النظر للي بدو... بس أنا جلف وغليظ ..
  رد مع اقتباس
قديم 04/04/2005   #14
صبيّة و ست الصبايا nana
مشرف متقاعد
 
الصورة الرمزية لـ nana
nana is offline
 
نورنا ب:
Jan 2004
المطرح:
lattakia
مشاركات:
492

إرسال خطاب AIM إلى nana
افتراضي


اقتباس:
كاتب النص الأصلي : GodFather
و مشان إتفلسف متل السيد minime1967
ما كان عم يتفلسف كان عم يعطي رايو بظن
اقتباس:
كاتب النص الأصلي : minime1967
ولعلمك اللي بدو يرد , لازم يرد على كل النقاط مو بس على اللي بيعجبو
يلي بدو يرد بيرد عشو ما بيحب و على النقط يلي بتهمو
اقتباس:
كاتب النص الأصلي : minime1967
ماني حر ؟؟
ماني حر أكره
ماني حر قول ؟ ..
انت طبعا حر بشو ما بدك تكره و تقول

بيضل يلي حكيتو هو وجهة نظرك الشخصية فقط بس ياريت شوية احترام للعضو يلي قدامك مشانك ما مشان حدا تاني

~ How wondeRful life is now u R In woRld ~
  رد مع اقتباس
قديم 05/04/2005   #15
شب و شيخ الشباب Godfather
~
 
الصورة الرمزية لـ Godfather
Godfather is offline
 
نورنا ب:
Oct 2003
المطرح:
E m i r a t e s
مشاركات:
2,289

افتراضي


شكلو الموضوع أخد منحى تاني و حجم أكتر ما بيستاهل... و الظاهر أخونا "minime1967" صدق بوصف حالو(جلف وغليظ) ......

بالبداية أنا ما رديت على بقية النقاط لأنو بوافق عليون ... و النقاط هيي:

اولا : مصطنعة .
تانيا : بلا روح .
خامسا : الشام أحلى .>>>>>> (حمص أحلى)
سادسا : اذا كنت شاطر لاقيلك كتاب متل العالم والناس .
سابعا : الروسيات والمغربيات .

بعدين أكيد إنك حر تكره الكندورة >>>>>> بس مانك حر إنو تئول إنو بتدل على الغباء, لأنو إذا بدك تحكي من "باب" الحرية , المواطنين لهم الحرية يليس الكندورة و إنت إلك الحرية لتكرهها و ليس شتمها و نعتها بصفات سيئة . فالحرية هي حرية الرأي و ليست حرية شتم حرية الآخرين.

و كما كتب الأخ minime1967:
(ماني حر أكره أنو الشباب السوريين اللي بيروحو عع عجمان بيشترو ويسكس وبعدين بيرجعو عدبي وبيشخو تحتون رعبة وهني مارين بالشارقة ؟ )

أنا مستغرب ليش حطيت السوريين مقياس, في حين إنو كل الجاليات العربية و الأجنبية بيعلو نفس الشي .... إلا إذا كنت بتعتبر إنو بقية الجنسيات الغير سورية معصومة عن الخطأ.....
و مع ذالك إلك الحرية لتكره هالفكرة...

و كما كتب الأخ minime1967:
ماني حر أكره سلوك أغلب السوريين بدبي اذا عرفت أنو تاني أكتر جنسية الها قضايا شيكات بلا رصيد وقضايا أخلاقية بدبي هي السورية بعد اللبنانية ؟ والكلام لضاحي خلفان اللي كان قائد شرطة بظن ؟

أنا بوافق على هالنقطة...

و كما كتب الأخ minime1967:
ذكرتني بالبطرك صفير الله يغمقلو , آخر مرة كان بأمريكا طلب من الرعية تبعو أنو يخلصوا لأمريكا ثم للبنان .. والله الديوث أممي أكتر من ماركس...

إنت هوني إذا كنت عم تشبهني بالله لا يوفئو (البطرك صفير) بتكون عم توصفني يالخيانة لبلدي و إستنكاري لجنسيتي السورية ,,,, و مشان علمك و علم غيرك أنا بفتخر بجنسيتي السورية الحمصية.
ومع العلم أنا عم بدرس بالإمارات صرلي 3 سنين و نص بالجامعة و عايش لحالي (أهلي عايشين بسورية) و أهلي ما مأصرين عليي بشي و مع هيك تأريبا" كل يوم بتذكر حمص و ما بسدىء إيمت يجي الصيف أو عيد الميلاد مشان إنزل على سورية.

و كما كتب الأخ minime1967:
لا تواخذنا يا أبونا الروحي ... الموضوع كلوا نقد ذاتي الغرض منه لفت النظر للي بدو

الموضوع مانو نقد ذاتي الغرض منه لفت النظر..... لأنو لو كنت بدي "إلفت النظر" من زمان كان فيي "إلفتو" و الشاهد على ذلك تاريخ تسجيلي بالموقع و عدد الردود يلي بتنعد على الأصابع , و كمان الشاهد التاني هوي ("أخي" مؤسس ومستشار موقع الأخوية أكيد الكل بيعرفو) ما طلبت منو مثلا" يحطني مستشار أو أي شي تاني مشان "إلفتو للنظر" متل ما حضرتك إتفضلت.....

كما كتبت الأخت nana:
ما كان عم يتفلسف كان عم يعطي رايو بظن

كان لازم يعبر عن رأيو بإحترام مو بنعت الآخرين بصفات سيئة

كما كتبت الأخت nana:
بس ياريت شوية احترام للعضو يلي قدامك مشانك ما مشان حدا تاني

أنا بحترم الكل
  رد مع اقتباس
قديم 05/04/2005   #16
شب و شيخ الشباب minime1967
عضو
-- قبضاي --
 
الصورة الرمزية لـ minime1967
minime1967 is offline
 
نورنا ب:
Mar 2005
مشاركات:
914

افتراضي شكرا للكل ...


الأخ Godfather أنا قصدت أنو أنا عمبلفت نظر مو أنت...

أنا ماوصف حدا معين .. أنا رأيي أنو ألخلجيين أغبياء .. طبعا مابدها شرح كتير أنو مو الكل .. الغالبية ..أو نسبة الغباء عند الخليجيين أعلى منها عند السوريين ... وطبعا هي مو عنصرية .. لأنو الغباء المقصود هنا مكتسب وليس خلقة الله.

اذا كان باقي الشباب العرب بيخبصو متلنا , هدا لايعني أنو تخبيصنا صار طبيعي .. الطبيعي لازم يكون الصح مو التخبيص..

كل تعميم هو خاطىء ...

أنا متشكر لنانا وللألك ...
  رد مع اقتباس
قديم 05/04/2005   #17
شب و شيخ الشباب minime1967
عضو
-- قبضاي --
 
الصورة الرمزية لـ minime1967
minime1967 is offline
 
نورنا ب:
Mar 2005
مشاركات:
914

افتراضي الأخ Godfather


أنا أولا ما بيحقلي انتقد وطنيتك لعدة أسباب :

اولا أنا مو وطني أبدا .. طبعا بوعدكم جميعا أنو بس صير مغترب رح حب وطني كتير متلكم.
تانيا بالنسبة لألي الوطنية مو هالميزة اللي بينعاب اللي بيفقدها.
تالتا كل الشباب والصبايا اللي هون وطنيين , يعني مجرد التواجد هون بحد ذاته بيوضح هالوطنية.

شكرا كتير لأنك وافقت أو أكدت بعض النفاط الهامة ...

أنا مرة كنت بدبي مع شركات من كل العالم ,, يعني سيمينار ,,, كل الموجودين كانو مفلوجين من دبي .. واخص شي "الرزالة" يعني بالله عليكم الانكليزي ولا السنغافوري ولا التايواني أو الياباني شو ممكن يحب بدبي ؟ البنايات العالية ؟ السيارات الجديدة ؟ للأسف هالشغلات بتلفت نظر بس الناس المفتقدين لها ببلادون .. متل الموزمبيقيين أمثالي ..

اللي فلج الكل .. أنو بالحساب دبي بلد شرقي اسلامي عربي ... بس بالخقيقة كل هالعلاك مو صحيح ...الانكليزي قال كلمة رهيبة : أنو بعمره ما اتوقع أنو الانسانية تنحط بهالشكل اللي بدبي ..

طبعا أنا دبت فيني الحمية البدوية وسلختو الاجابة المسكتة : شو عمبتخبص ..اي نحنا منعرف سوهو ستريت بلندن ..

قال لي : بعمرك شفت أو اسمعت أنو الصبح الساعة عشرة , وحدة روسية واقفة عل برندة , تيابها نص مشلحة , عم بتعيط لواحد هندي راتبو ألف درهم وتفاصلو على السعر بتفاصيل مخجلة من فوق لتحت وبأعلى صوت ؟؟؟

والله أنا خرست .
  رد مع اقتباس
قديم 08/10/2007   #18
صبيّة و ست الصبايا احلاهم واتحداهم
شبه عضو
-- أخ لهلوب --
 
الصورة الرمزية لـ احلاهم واتحداهم
احلاهم واتحداهم is offline
 
نورنا ب:
Oct 2007
المطرح:
البحريـن ديرتي نور عيني
مشاركات:
78

افتراضي


بحــكم تسجيلي اهني في المنتدىى وتصفحت كم موضوع مادري ليش انتو ماخذين فكرة عن الخليجيين بأنهم اغبياء ومتخلفين واشياء كثيرة ....انة اتغاضيت عن جم رد وجم موضوع عن الخليجيين استفزني صراحة بس ماحبيت ارد واسوي شوشرة وقيل وقال بس مو معناة ان اجوف وماانجرح تراني انجرح بس من داخل ومااتكلم. تراا نحناعرب وكلنا نمثل بعضنا..وتحداكم تروحون منتدى خليجي اجوفونهم يتكلمون عن اهل الشام بشي كلمة نااقصة لا احنا نحترمكم صراحة يعني من الي جفتة انتو كلشش بين لي ان ماتحبونا مادرري لييش واذا انة مضايقتكم في المنتدى ترى بانسححب ...واذا على سالفة الغررب ان احنا الي مسووين صورة التخلف عند العرب حق الغررب انتو بجذي تخلوون الغررب يتشمتون اكثر يقولون هذول العرب مو متوحدين ولايحبون بعضهمم !! لأنة انة ك ذا موضوع جفتة تقولون الخليج مشوهين صورة العرب عند الغررب


والأخ minime1967 واييد شايل على الخليجيين ويقولن ععنا متخلفين واغبياااء ..ليششش عاااد اذا على التحضر والثقافة كل انسان يعمل لنفسسة في هذا الشي كل انسان يمثل نفسة يعني في الي يقرا وفي الي مايقرا مثل انتو عندكم يعني انتو كلكم تقرون وكلكم مثقفييين كل بلدة الها مميزاتها ويقولون لو خليت خربت


انة ابغي بس كم سبب على انكم ليش فاهميين الخليجيين غلط

مثل ماقلت لكمم انةة مارديت على اول اساءة لكم للخليجيين لا انة من بعد ماجفت كم رد يسيئ النا تكلمتت

وقلت لكم اذا صج ماتحبون الخليجيين واذا انة ثقيلة دم على قلبكم ترى قولو لي عشان انسحب



وبرد اقول لكم كل انسان في هدنيا مايرضىى على بلدتة او وطنةة واهلة ومجتمعة


        اوـد أن الـــتقي بالحياااة.. كــي اهـــمس لها ببضــع كلــــمات            
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 22:11 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.12555 seconds with 14 queries