هل تعتقد ان الجزيرة صهيونية؟؟؟؟

[BL@CK]

كـ إغناء للموضوع تذكرت هالموضوع يمكن قديم شوي بس كتير حلو عن قناة الجزيرة ..

كاتب النص الأصلي : أبي الحروف

كنا بموضوع سابق اتطرقنا لأحد اشهر مقدمي البرامج في قناة الجزيرة الفضائية "فيصل القاسم " في موضوع
نلفت للسادة المشاهدين انتهاء صلاحية المنتج المدعو "فيصل القاسم".. حليـــــق!

ولما كان من اشارة في ذلك الموضوع لباقي المقدمين و باقي المزيعين سآتي هنا على ايجاز مواعيد التي بإستطاعتك ان تفقش على الريموت كنترول و تنتقل مباشرة بدون تفكير لمحطة أخرى _حين بتبقى فاتح الجزيرة_

لا ضرورة للقول ان كل ما أتيت به و سآتي به هنا هو رأي شخصي بحت و اخذك به او عدمه موضوع يعود لك ........

مقدمي البرامج و البرامج الحيّة


مُرفق 31299

• الإتجاه المعاكس : فيصل القاسم "تناولناه تفنيدا في الموضوع المشار بالرابط في الأعلى"

نلفت للسادة المشاهدين انتهاء صلاحية المنتج المدعو "فيصل القاسم".. حليـــــق!

مُرفق 31283

• أكثر من رآي: سامي حداد

يا سيدي سامي حداد غريب غريب غريب .. غير انو كشكل هيك بيضرب على العصب "هوي فلسطيني" بس بتحسو بحواراتو بإسلوب حوارو "يهودي" يهدوي مش من نيح الإنتماء والإيديولوجيا .. لاء ، اصدي من مصطلح العامة بيهودي..
غير انو بيضرب على العصب بأسئلتو الغريبي (غريبة من حيث بليهة ، و بدائية ومالها نكهة) و بقلمو الي بيضل يلعب فيه ..
غير هذا الزلمي ما بيحتمر محاوريه او الي مستضيفهم ، بيعلي صوتو عليهم تارة، و بيسكت آخر تارة مقاطعا، وعلى ولا شي يعني .. هيك بس انو شخصنة .. بالإضافة لكل ما اسلفت ، بيعاني من مرض "غرور بي بي سي الجزيرة * "

مُرفق 31284

• بلا حدود : احمد منصور

احمد منصور بخلفيتو الإخونجية ما مزعج ، (فما بقاتو عم يبرز اخونجيتو فضائيا)، بس المزعج هوي احمد منصور بشخصيتو المؤوامراتية .. بعدو مصّر من لمن استلم البرنامج انو احنا العرب "شعب الله المختار" الي كل شعوب الأرض عم تتآمر علينا .. و متآمرة لتخلينا جهل ،وانو احنا رهيبين لو بيتركونا لحالنا ، بس كل جهلنا و بلاهتنا سببها الغرب و المؤامرات تبعتون ..
ناهيك عن ذلك شخصيتو الحواراتية و نظراتو هيك بنضارتو و رفعة حواجبو بالبوكر فيس هوي و عم يسأل بتضرب على العصب .. (اكتر دور بيحب يلعبو ، الشهيد الحي، بالمناسبة بيعاني من مرض تيسير علوني* ايضا)


مُرفق 31285

• حوار مفتوح : غسان بن جدو

مدرسة إعلامية كاملة متكاملة بحد ذاتو .. كيف ما زتيتو بيجي واقف ..
1- مهني مهني مهني ..
2- بيحترم ذاتو ، بيحترم المكانة الي هوي فيها "كصحفي" و بيحترم دور الصحافي بالمجتمع و الحياة العامة.
3- بيحترم الي عم بيحاوره مين ما كان يكون ، بيحترمه بالفعل بيحترمه .. مش عم بيمثل الإحترام ..
4- زلمي اخلاقي، عندو اخلاق شخصية عالية (بيفتقر لهذا الكثر الكثر)
5- زكي ، بديهة حاضرة دائما .. بيحضر برامجو من قلب و رب ولهيك بتطلع مميزة ..
6- جريئ فبيتطرق لما يعده البعض خطوط حمراء، لكن بنفس الوقت ما بيتعدى على خصوصية الآخر ، ولا بيتطرق ليها بطريقة محرجة او مهينة للآخر.. وانما بطريقة لبقة جدا ، مهنية جدا ..
7- لاحظلي انو الوحيد الي بيشكر الي ساعدوه بإعداد الحلقة فردا فردا ، من المصور، للمعد ، للمخرج ، لليلي بالكواليس .. وهذا ما بينم غير عن تواضع كبير و اخلاق عالية جدا ، و ذكاء عملاتي ..

بيعيبه شيئ واحد فقط: زوقو بإختيار التياب و الغرافيتات غريب بعض الشيئ
مع العلم انه مؤخرا ما عاد تلاحظ هال الظاهرة ، صار يلبس اشياء كول و موديرن حلوي فاشينبل يعني اكتر.. بس انو يعني ..
ايضا ما بيحلق دقنو لمن بيكون في احداث مهمة ، !! هذا كان بيزعجني بالأول بس هلق صرت انبسط لمن شوفو مش حالق دقنو ،
غالبا ما بيحلق دقنو لمن بيكون في احداث كتير متل ايام حرب لبنان الآخيرة متل هيك شغلات ، بتحسو ما عم بيلاقي وقت ليحلق دقنو اصلا .. فبيطلع شكلو مهدول على التلفزيون بس عاد هاي ميزة حلوي فيه مش سلبية ..

مُرفق 31292

• الشريعة و الحياة: عبد الصمد ناصر ..

هلق كان مضيف البرنامج الرئيسي الشيخ القرضاوي .. الشيخ القرضاوي كبر و صار ختيار .. يعني فيك تقول هيك حاجتو .. من حين للآخر بيجيبو شيوخ تلفزيونيين آخرين متل سلمان العودة و هيك .. هدول للآن لا بأس فيهم .. ولا غضاضة في انك تحضرلك شي حلقة "اذا مصّر" ..


مُرفق 31294

• من واشنطن : عبد الرحيم فقرا (حاليا هوي الي عم بيقدمو)

البرنامج بشكل عام ظريف ، و عبد الرحيم فقرا كتير زلمي منيح ، مثقف جدا ، متفاني بعملو .. بشكل عام من واشنطن برنامج منيح بس بطل متل قبل يتناول قضايا ساخنة مهمة للعرب بالفعل، _مؤخرا_ ، لسبب او لآخر صار إعادة للضوضواء الأمريكية بشؤون ما ، بس بيفضل برنامج مهم ، و انك تحضرو جيد ، خاصة اذا كان الحلقة بمحور ظريف ، لإن تقديم وادارة عبد الرحيم فقرا رح تكون حلوي، _هوي المقدم الي قبلو "حافظ الميرازي" كان اكثر حنكة _برأيي_ على الأقل بتوجيه منحى الحوار العام بحيث كيف ما كان الموضوع الرئيسي كان يعطي للمشاهد العربي معلومة مفيدة بحياته او إخبار عن خبرة ما هناك يمكن الإستفادة منها .. بس انو بيفضل منيح ..


مُرفق 31293

• منبر الجزيرة: ليلى الشايب..

اقلب مباشرة على قناة اخرى .. احسن ما يصيبك نكرزي ، احسن ما تبلش رجليك ترجف بمحلون مثلا ، او هيك .. الغلط مش غلط ليلى الشايب نفسها (مع العلم انها كمزيعة ممتازة بس كمقدمة برامج ما من النوع الي على كيفك ..) بس المشكلة ببرنامج منبر الجزيرة هوي المتصلين الي كلهم بين اصوليين ، و جهّل من المتحمسين يقولو اي كلام .. عاطفيين بدهم بس يبعبعو .. (بعرف انو بيمثلو شريحة واسعة جدا من العرب ، بس هذا ما بيبرر انو نخليهم يحكو على الفضائية ؟؟؟)

• ما وراء الخبر: (بيقدمو كل يوم مزيع غير التاني، بس بشكل عام المزيعين الي عم بيقدموه كلهم لا بأس بيهم او اسلوب سير الحوار لا بأس بيه .. (غالبا لأن الأسئلة يتم تحضيرها جوا بالإستوديو و بيخبروهم ياها من الهيدفون فما كتير دورهم محوري بيكون _للمقدمين_ )

عموما في ما وراء الخبر ،،

مُرفق 31298
لمن تكون "ليلى الشيخلي" #1 هيي الي عم بتقدم الحوار ف إحرص على حضوره ، محاورة ممتازة مهنية جدا ، مثقفة جدا .. مناطق و مخارج حروفها ممتازة ، لغتها جميلة .. وو جه حسن و طلة بهية..

مُرفق 31295
لمن "جمانة نمور" تكون عم بتقدم .. انو منيحة كتير جمانة كمان .. بس عاد بتحاول ما وجدت لذلك سبيا، انها ما تتمشكل بالحلقة و ما تحرج الي مستضيفيتو بأسئلة صعبة .. وعليه اوقات بتكون الحلقة باردي..

مُرفق 31296
لمن "محمد كريشان" .. هلق كريشان بتسحو زلمي مسالم مسالم ليوم المسالمة والسلم ، يعني بيفكر الف مرة قبل ما يسأل الي مستضيفو شي سؤوال خوفا ما يحرجو مثلا او يستفزو .. غالبا حوارات كريشان بتكون باردي.. سلمية جدا .. و رح تسمع بالظبط الحكي الي بدو يقولو المُستضاف (الي محضرو) بمعنى آخر ما رح تسمع شيئ غير متوق، او ما رح يكون في سؤوال يخلي "المٌستضاف بالحلقة" يقول كلام مانو مجهز حالو ليقولو ..

مُرفق 31297
لمن "خديجة بن قنة" تكون عم بتقدم.. خديجة يا صاحبي مهنية جدا ، و مخضرمة جدا جدا ، يعني بتبقى مبسوط بالحوار انت وعم تسمعه و بتبقا مبسوط بإسلوب ادارتها ليه ، وهون ايضا صوتها المميز بيلعب دور كتير مهم .. و طلتها حلوي "الحجاب الأبيض بيلبقلها اكتر من باقي الألوان و بيعطيها هيبة اكتر" .. المهم يعني خديجة ممتازة جدا ..

المذيعون

هم كثر جدا ، بس سآتى على بعضهم فقط ..

مُرفق 31300

• جمال ريان:

كمزيع ممتاز جدا .. بس ما تخلوه يقدم اي برنامج ، كمقدم برامج او محاور فاشل تماما ، على قد ما هو كمزيع مميز ..

مُرفق 31301

• جمانة نمو:

ممتازة ايضا، كمزيعة و كمقدمة برامج او كمحاورة اقصد

مُرفق 31302

• جميل عازر:

مخضرم جدا ، اي نعم كبر بالعمر هلق وصار يتأتئ شوي ، و بيتلبك لمن بيصير شغلة ما محسوبة ، بس بيفضل معلم .. بس لو بيخفف من مصطلح "ألا ترى ... ى ى ى ئ ئ ء ء "

مُرفق 31298

• ليلى الشيخلي:

ايضا تناولناها فوق، مذيعة متميزة جدا ، ذات حضور رهيب.. (ولهجتها على صوتها القوي ) بلكنة عراقية خفيفية هيك .. بيشدك للإصغاء اكثر، وطلعتها ونزلتها على الكلمات انو اصدي كارزما الإلقاء عندها منيحة

مُرفق 31303

• لونا الشبل :

فناني .. مخضرمة جدا ، عندها حضور مميز جدا و تأثير حلو، و ابتسامتها الي بتطالعك فيها بأول تقديمها او لمن بيصير شي هيك او هيك .. على وشها الي متل رغيف التنور السخن الطازة .. رهيبييييييييييي

مُرفق 31305

• إيمان عياد:
  (باربي الجزيرة ..) ليها تأثير سلبي هاي .. انو لمن بتكون ايمان هيي الي عم تقدم النشرة مافيك تقلب ابدا مافيك تغير القناة ولا تطفي التلفزيون ، بس المشكلة انك ما رح تفهم شي من النشرة .. الصبيي حلوي لدرجة بضلك مبحلق فيها بدون ما تفهم شو عم بتقولو يعني ..

هذا انو بالمجمل..
هلق من نيح فهمنتها وادائها ، منيحة لا بأس، بس عاد كيف باردي شوي، انوما بتحرك راصها كتير ما بتعمل حركات بوشها ، ما عندها كاريزما اصدي ادائية ، بس هذا ما بيعيبها .. البنت ما بحاجي لشي لتشدك للنشرة ..

دام ايمان رح نختم بيها .فمنحكي شوي عنها ..
ايمان بنروة (اسمها سابقا) وحاليا ايمان عياد ، طبعا بنورة لإنها كانت متزوجة ولمن اتطلقت رجع اسمها للأصل ..
مشورهة بإم فراس .. اعتقدها فلسطينية .. هيك لكنتها يعني بتشير (بلحظات السهو عن الفصحة )..

اي وهاي كام صورة لباربي الجزيرة .. روقو اعصابكم فيها ..

مُرفق 31306

مُرفق 31307

مُرفق 31308

مُرفق 31309

مُرفق 31310

مُرفق 31311



-----------------------------
* مرض تيسير علوني:
بعد اعتقال يسير علوني و الحملة الإعلامية الشرسة الي قامت بها الجزيرة لرفعه لمصاف الشهداء الأحياء (هوي و سامي الحاج) .. صار في مرض بالجزيرة اسمو تيسير علوني، بيعاني منه جزء لا بأس به من المزيعين - مقدمي البرامج - المراسلين ، بتحس "والعيازو بالله" انو كلهم بصميم قلبهم متمنايين يصير فيهم متلو، متمنايين لو بيتم اعتقالهم لحتى يصيرو ابطااااااال.. فبتلاقي ما بيفوتو فرصة حدى نكشون فيها ليعملولك انو هني الشهداء الأحياء هني المضطهدين الخ الخ الخ ..
طبعا بتشتق من هذا المرض مرض تاني اسمو "مرض سامي الحاج"
هذا بيعاني منه المراسليين تحديدا و باقي المصورين بالجزيرة و باقي التكنيشن يعني.. انو بطريقة او بأخرى ما ظاهرة اعراض المرض على الملئ بس بيعاني منها جزء يسير جدا منهم ..


* مرض غرور بي بي سي الجزيرة:
هذا المرض بيعاني منه مقدمي البرامج و المزيعين القديمين تحديدا اكثر من سواهم ، بيتسم هذا المرض انو بيحسو حالهم انو هني الي عملو الجزيرة ، وانو هني لولاهم الجزيرة الفضائية كانت ولا شيئ، و انو هني الي بخشو الثقب الأسود !!..
اي هذا المرض بيعطي ايضا مظاهر الغرور والفوقية _على ولا شي_،
ومن اكثر الي بتصفو فيه هني القديمين بالجزيرة ، الي كانو فيها من وقت تأسيسها وخاصة الجزء الي اجا من بي بي سي العربية (كان في كمشة لمن سكرت بي بي سي العربية انتقلو للجزيرة بفترة فتحها او سحبتهم الجزيرة وقتها لعندها ، هدول عندهم احساس دائم انو هني الي اختارو اللون الأزرق للسما ، و بدونهم كان رح يكون لون السماء احمر او اخضر مثلا !!)

شوية كركتيرات الشيئ لزوم الشيئ ..

فيصل القاسم (الغوغائي)
مُرفق 31312

احمد منصور (بدك وقعك على شي كتاب ؟؟ _لإنو حضرتو عامل كام كتاب (بايخين) من برنامج شاهد على العصر ، شي عن الشيخ ياسين شي عن جيهان السادات..، هني عبارة عن الكام مقابلة الي عاملهم طابعهم وعامل يابا قال كتاب صار يعني هلق كاتب و مفكر _
مُرفق 31313

وضّاح خنفر مدير عام قناة الجزيرة (الزلمي المنيح لما قدمه للقناة ، و الضعيف الي ما عم يقدر يقيل هال الكام مقدم برنامج الي صارو برامجهم سخيفة وبايخة ولا ترقى لمستوى القناة، نوع قال من الوفاء مثلا او مدري خايف منهم على اعتبار كانو من اوائل الناس بالجزيرة .. )
مُرفق 31314

ليلى الشايف (ع فكرة عندها اخت بتشتغل مزيعة بال bbc بعدها .. رح تعرفها من الصوت فورا صوتون متل بعض)
مُرفق 31315

جمال ريان (بعرض لملكات الجمال قال: اي ملكات جمال .. بس مش كل جمال جمال ريان _مهضوم مابوشي_)
مُرفق 31316

الختيار _جميل عازر_
مُرفق 31317

فرح البرقاوي و النشرة الإقتصادية

[BL@CK]

خيو أبو الوديع نحنا هون بالأخوية بهمنا المصدر .. و عنا شغلة يمكن ما تعجبك بس كتير معباية راسنا .. أي محاولة لزرع فتنة بين الطوائف الفلسطينية حماس أو فتح أو أو .. ما منرغبا و ممنوعة و للأسف ..

بناءا ً على الحكي أعلاه .. حزفنا المشاركات ..

[VivaSyria]

للأسف لغاية اليوم ما تعلمنا نقيم الأمور بشكل موضوعي و حيادي.. يعني من 4 سنين كانت الجزيره بوجهة نظر الحكومه السوريه قناة أسرائيليه صهيونية بحته و مشاهدتها تهمه.. أما اليوم فأصبحت قناة الجزيره قناه وطنيه و شريفة و مسؤولينا بيطلعو عليها أكتر من الفضائيه السوريه.. و بنفس الوقت ت حولت هذه القناة ألى قناة غير مسؤوله بالنسبه للحكومه المصريه و السعوديه مع أنو بأول انطلاقتها كان مكتب مراسلينها الأساسي بالقاهره.. من خلال التوضيح السابق حبيت وضح إنو الرأي الرسمي بأي وسيله أعلاميه (( والذي يلحق به الرأي الشعبي على العمياني)) هو رأي متغير بحسب خدمة هالوسيله الإعلامية لأهدافه و مصالحه و ليس بحسب موضوعية و مصدقية هذه الوسيله..بإختصار اليوم الجزيره قناه شريفه و مافي منا بس اذا بكرا حكو شي كلمه ما عجبتنا أو عملو شي لقاء مع حدا ما منحبو بدقيقه بترجع قناة عميله وناطقه بإسم الموساد..

[ابو الوديع]

كاتب النص الأصلي : BL@CK

خيو أبو الوديع نحنا هون بالأخوية بهمنا المصدر .. و عنا شغلة يمكن ما تعجبك بس كتير معباية راسنا .. أي محاولة لزرع فتنة بين الطوائف الفلسطينية حماس أو فتح أو أو .. ما منرغبا و ممنوعة و للأسف ..

بناءا ً على الحكي أعلاه .. حزفنا المشاركات ..

خيو كلامك على راسي وانا ما قصدنا اعمل فتنة وانا بكره الفتنةد
وبعدين شو وصلنا لهالمواصيل غير الفتنة يا معلم
وهاد الحكي اللي حكيتو انا كلهم بعرفوه
وبعدين انا ما بتهمني المشاركات خيو احزفها المهم انو انا مقتنع بهالحكي
وبعدين على اساس اسمو منبر اخوية الحــــــــــر.!!!!!!!!

[معرف]

هو الموضوع قديم
وبظاهر حدى نكشو بس مومشكل
هي القناه مافي اي شك متعاملهبعض الشيء مع الصهاينه ودليل هو من اول
مافتحت القناه كانت تقول دولة اسرائيل وهي بتوفي لانو القناه عربيه

وهاد انا رئي في هذه القضيه
انت ايش رئيك

[BL@CK]

كاتب النص الأصلي : ابو الوديع

خيو كلامك على راسي وانا ما قصدنا اعمل فتنة وانا بكره الفتنةد
وبعدين شو وصلنا لهالمواصيل غير الفتنة يا معلم
وهاد الحكي اللي حكيتو انا كلهم بعرفوه
وبعدين انا ما بتهمني المشاركات خيو احزفها المهم انو انا مقتنع بهالحكي
وبعدين على اساس اسمو منبر اخوية الحــــــــــر.!!!!!!!!

أسمو منبر أخوية الحر مش معناه أنو منحكي حكي ما إلو مصدر .. قلنالك جيب مصدر و تكرم عينك . .

لا تأطلق إتهامات و تعملي فيا أنو وين الحرية و لشو أسمو منبر حر ..

مش معناه أنو حر منحكي حكي شندي بندي .. الحكي اللي قلتلو أرفقو بمصدر موثوق .. ما منحزفو .. بسيطة خيو

[المحارب العتيق]

حاليا صارت الجزيرة صهيونية بمفهوم المملكة المغربية .

في حملة كبيرة بوسائل الأعلام المحلية المغربية ضد الجزيرة بعد أذاعتها خبر سقوط قتلة في أحدى

المظاهرات بمدينة سيدي ايفني . مع أنو الخبر تناقلتو وسائل أعلام عالمية عدة . والسلطات المغربية

سكرت كل المنطقة المحيطة بالأحداث . حتى لاتصل الصورة الحقيقية للعالم