شكراً كتير على المعلومات القيمة، ويلي لازم نتعلم منها أنو البلاد لا تبنى بالمال بل بالرجال (القصد الانسان يعني رجال ونساء)
أنا الحقيقة زرت ماليزيا، ولا يمكن انو انقل شو شفت ببضع كلمات، عن كل التآخي الديني فيها
، وعن السلام
وحب الطبيعة
، وما رح بالغ اذا كانت ماليزيا صارت أحلى من كتير دول أوروبية.
بس المهم نقطة كتير مهمة، أنو فعلا هي دولة ما عندها موارد، يعني العاصمة كوالالامبور انشئت على منجم واحد فقط للقصدير،
(يعني لا ذهب ولا فضة ولا ألماس ولا بترول ولا........) بس قدروا يصنعو منها بلد حضاري من الطراز الأول
السياحة العالمية في الفترة الأخيرة متجهة لأسيا بشكل قوي جداً، هادا يلي دفع البلدان الأسيوية يلي أصابها التسونامي (موجة الزلزال) ومن ضمنهم ماليزيا، دفعهم لتشكيل لجنة للتحقيق في سبب الموجة، لأنو شاكين أنو أميركا عملت تفجير تحت سطح البحر في مكان مدروس لتدمير الشواطئ السياحية لفترة من الزمن، بسبب خسارة الدول الاوروبية وأميركا قسم كبير من سياحاتها.
وأهم سبب لزيادة السياحة الأسيوية، الخدمات السياحية الرائعة، بأسعار كتير قريبة على بلادنا، يعني كتير رخيصة
مثال:
اذا بدك تسافر مسافة 400 كيلومتر (بين مدينتين)
بسوريا بتدفع 150 ليرة سورية
بآسيا بتدفع بين 100 و 300 ليرة حسب البلد (باستثناء اليابان)
بفرنسا بتدفع 52 يورو يعني 3200 ليرة (ذهاب فقط)
وما عليك إلا الاختيار يا رعاك الله
للمعلومة أعلى برجين بعد سقوط أبراج نيويورك، هما برجا البتروموناس في كوالالامبور، وهما ليسا برجين فقط بل تحفة فنية ومعمارية لا توصف (رح حاول حط صورة للبرجين قريبا)
وشكرا sweetbaby على الموضوع الحلو مرة تانية