أخوية

أخوية (http://www.akhawia.net/forum.php)
-   علوم و تكنولوجيا (http://www.akhawia.net/forumdisplay.php?f=24)
-   -   مهمة ستار دست و الغبار الكوني (http://www.akhawia.net/showthread.php?t=42665)

oliver68 18/06/2006 14:02

مهمة ستار دست و الغبار الكوني
 
مرحبا يا جماعة، انا جديد عندكن، يعني ضيف، و حابب تكون أول مشاركة موضوع مفيد و حلو، مشان هيك اسمعوا هالقصة:
هادا يا أحباب عام 1999 بعتت ناسا مركبة اسما(star dust) و هاي المركبة كانت مهمتا تجمع الغبرة تبع الفضاء، إي لا تستغربوا، غبرة الفضاء، طيب لييييييييييش؟ لأن علماء الفلك متوقعين يلاقوا معلومات جديدة عن الكون و تاريخو، و كمان متوقعين يلاقوا دلائل و براهين على نظرية الانفجار الكبير، المهم هاي المركبة ضلت شي 7 سنين بالفضاء و رجعت بأول ال2006 و جايبة معاها الغبار الكوني، يعني المهمة نجحت نجاح تاااااااااااااااااااااااا اااااااام، هادا كلو حلو لحد هلأ، بس الأحلى إنو عملوا موقع خاص لستار دست، لييييييييش؟؟؟ مشان يعطونا معلومات عن المهمة و عن المركبة، و كيف جمعت الغبار الكوني، و لسا في سبب أحلى و أحلى، و هوي إنو الموقع منزل برنامج اسمو(virtual microscope)، يعني المجهر الافتراضي هادا المجهر بنقدر نزلوا على الكمبيوتر تبعنا و نصير نحنا ندور على ذرات الغبار الكوني، و اللي بلاقي ذرة رح تتسجل باسموا، و ياخد شهادة بهالشي، أنا لما دخلت كنت العربي الوحيد بهالموقع، و عنجد حزت بنفسي كتيييييييييير، و من خلال أخوية بدي اعطيكن الموقع الخاص بستار دست مشان تسجلوا فيه، و تعرفوا عن ستار دست، و ياريت اللي مهتم و آخد الموضوع جد يسجل و يفوت، بس اللي بدو يضيع وقت و يتمسخر ما ضروري يفضحنا بين الأجانب، رح أعطيكن موقعين، الأول موقع ستار دست مشان تاخدو معلومات عنها، و تسجلوا مشان تنزلوا المجهر الافتراضي، أما التاني فهوي منتدى مشان النقاش عن ستار دست و بعض المعلومات العلمية و الفضائية، و يا ريت بس الآخد الموضع جد يسجل، و ما في داعي للفضايح.
http://stardustathome.ssl.berkeley.edu/
http://stardustathome.ssl.berkeley.edu/forum/index.php


الساعة بإيدك هلق يا سيدي 11:19 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02152 seconds with 10 queries