القضاء السوري يحكم علي مدون معارض بالسجن ثلاث سنوات

[..AHMAD]

على الاقل اللي عايش برا بكون ارتاح من الجحيم اللي جوا وشايف باقي العالم شلون عم يطوروا حياتن ومجتمعاتن

بس هالمجتمعات اللي عميروح الها ..... كانت بظروف متل ظروف هالبلد واسوأ بكتير من هيك اوضاع .... بس كان عندهن شعب عندو اصرار وامل ..

يعني لما الواحد بشوف حالو ببلدو ما الو قيمة ولا حدا معبرو واخد برايو على اعتبارو مواطن بهالبلد

بهالحالة هالمواطن اللي هيك ... هو بكون فرض عحال انو مايكوون الو قيمة ولا حدا يكون معبرو ..... وما بدنا هالاعتبار انو يكون مواطن من هالبلد طالما عند استسلام ضعيف وسريع بنفس الوقت

بحس بالاخير انو ما عد في داعي لوجودو بهيك بلد

اي معك بهالنقطة .... ازا كل مواطن .... ما بيستاهل يتسمى مواطن ..... من هالنمودج .... وقتها مافي داعي لوجودو بالمرة وبغنى عن وجودو هوي وامثالو

[Nihal Atsiz]

مع احترامي لكل الاخوة الذين وضعوا ردودهم و لكنها حقيقة غير مقنعة لاي شاب سوري يريد الغربة , اذا طلعت لبره يمكن ما اقدر غير البلد بس عالقليلة بزبط وضعي اقتصاديا مثلا و ريح مخي , يعني بدل ما اتشنطط بين الكافي نتات هون بسوريا نتيجة الخوف , بره فيني ادخل من بيتي عالنت و بدون اي خوف , يعني هادا مكسب و حلم صار بسوريا.

[..AHMAD]

يعني بدل ما اتشنطط بين الكافي نتات هون بسوريا نتيجة الخوف

ازا خايف لا تحكي ....... ما رح احكي اكتر من هيك

[ayhamm26]

كاتب النص الأصلي : M i i i D O

بس هالمجتمعات اللي عميروح الها ..... كانت بظروف متل ظروف هالبلد واسوأ بكتير من هيك اوضاع .... بس كان عندهن شعب عندو اصرار وامل ..


بهالحالة هالمواطن اللي هيك ... هو بكون فرض عحال انو مايكوون الو قيمة ولا حدا يكون معبرو ..... وما بدنا هالاعتبار انو يكون مواطن من هالبلد طالما عند استسلام ضعيف وسريع بنفس الوقت


اي معك بهالنقطة .... ازا كل مواطن .... ما بيستاهل يتسمى مواطن ..... من هالنمودج .... وقتها مافي داعي لوجودو بالمرة وبغنى عن وجودو هوي وامثالو

انت عم تحكي حكي افلام مصرية , فيك تشرحلي بربك شو معني هالحكي :
بهالحالة هالمواطن اللي هيك ... هو بكون فرض عحال انو مايكوون الو قيمة ولا حدا يكون معبرو

شلون بدك تفرض على حالك انو لما بتفتح تمك باي كلمة انتقاد للحرامية الحقيقيين بهالبلد بتنشحط وبتتبهدل و بالاخبر بيجاكموك بتهمة اضعاف الشعور القومي؟؟
شلون بدك تفرض على حالك انو دولتك من اكبر راس فيها لعند شرطي المرور , ما عاملتلك اهمية ولا اي قيمة الا اذا كان معك مصاري ترشي فلان وتسكت فلان
شلون بدك تفرض على حالك انو انت عم تشتغل بس لتامن حق اكل وشرب ولبس لعيلتك بينما رفاق الصمود والتصدي ولادن عم يشفطو بهالسيارات وانت ما بتسترجي تفتح تمك؟؟

فرجيني حضرتك شلون هيك غير كل هالعالم عايش مبسوط والك قيمة بسوريا الاسد ؟

[..AHMAD]

انت عم تحكي حكي افلام مصرية , فيك تشرحلي بربك شو معني هالحكي :
بهالحالة هالمواطن اللي هيك ... هو بكون فرض عحال انو مايكوون الو قيمة ولا حدا يكون معبرو

شلون بدك تفرض على حالك انو لما بتفتح تمك باي كلمة انتقاد للحرامية الحقيقيين بهالبلد بتنشحط وبتتبهدل و بالاخبر بيجاكموك بتهمة اضعاف الشعور القومي؟؟
شلون بدك تفرض على حالك انو دولتك من اكبر راس فيها لعند شرطي المرور , ما عاملتلك اهمية ولا اي قيمة الا اذا كان معك مصاري ترشي فلان وتسكت فلان
شلون بدك تفرض على حالك انو انت عم تشتغل بس لتامن حق اكل وشرب ولبس لعيلتك بينما رفاق الصمود والتصدي ولادن عم يشفطو بهالسيارات وانت ما بتسترجي تفتح تمك؟؟

فرجيني حضرتك شلون هيك غير كل هالعالم عايش مبسوط والك قيمة بسوريا الاسد ؟

اول شغلة .... شو رايك تشلي رب الافلام المصرية تبعك ..... لانو تشبيه ما بيمت للواقع بصلة ...

تاني شي ..... ما عمانفيلك مافي كبت حريات ... وما في فساد ...... ومافي شي اسمو ملتعن رب هالشعب .....
بس يا فهمان زمانك .... باكبر الدول حضارة .... وباكبر الدول ديمقراطية .... كان في فساد وظلم ..... وزبطت الامور معهن ..... ورجع الفساد ..... ورجعت زبطت .... مافي شي بيدوم ..... يعني فيك تقنعني ..... انو سوريا بحياتها ما مرت بفترة ازدهار ...... ورح ترجع تمر بهالفترة .... ويا سيدي بيشرفني واكبر شرف الي اني احكي واتحاسب ..... مو احسنلي مو احكي وانا متخبي بشي دولة غير سوريا ..... وقتها ما بشرفني كون هيك وما بشرفني اتسمى عالمعارضة اللي متل معارضة هالمرتزقة خدام وامثالو .....

ويا سيدي انا عايش ومبسوط واكتر من هيك بسط مافي ...... مو لاني عايش بسوريا الاسد ..... لاني عايش بسوريا اللي خلقت فيها .... وتربيت على اني حبها ... مو حب نظامها ..... في فرق كبير يا صاحبي .....

يعني لما الواحد بشوف حالو ببلدو ما الو قيمة ولا حدا معبرو واخد برايو على اعتبارو مواطن بهالبلد

بهالحالة هالمواطن اللي هيك ... هو بكون فرض عحال انو مايكوون الو قيمة ولا حدا يكون معبرو ..... وما بدنا هالاعتبار انو يكون مواطن من هالبلد طالما عند استسلام ضعيف وسريع بنفس الوقت

انو احترام هاد لاي شخص كان ..... لما بدو يحكي ... وخايف .... بس بدو فرصة ليهرب لمكان بعيد .... لحتى يفتح تمو .... ووقتها بتبين مراجلو ... ووطنياتو الزائفة ..... اي يا سيدي ..... بهي الحالة بالزات .... هالمواطن هاد بيفرض عحالو عدم الاحترام ...

تحياتي
Ahmad

[Nihal Atsiz]

كاتب النص الأصلي : M i i i D O

ازا خايف لا تحكي ....... ما رح احكي اكتر من هيك

اذا كان هاد مبدأك بالحياة فلا تعليق!!!!
وشغلة تانية اذا كنت بتعترف انو في كبت حريات و فساد و انو الشعب السوري اللي انت جزء منو ملتعن ربو , كيف ترجع بتقول انك مبسوط واكتر من هيك بسط مافي ؟؟؟

[simsima57]

كاتب النص الأصلي : ayhamm26

على الاقل اللي عايش برا بكون ارتاح من الجحيم اللي جوا وشايف باقي العالم شلون عم يطوروا حياتن ومجتمعاتن

يعني لما الواحد بشوف حالو ببلدو ما الو قيمة ولا حدا معبرو واخد برايو على اعتبارو مواطن بهالبلد

بحس بالاخير انو ما عد في داعي لوجودو بهيك بلد

ومين ئلك انو برا الناس رح تعبرك لازم تعرف انو وين ما رحت وشو ما عملت انت رح تبئى "غريييييييييب"

اذا بتضوي العشرة

اذا ما لئيت الحل جوا البلد بحياتك مارح تلائي برا البلد

[..AHMAD]

اذا كان هاد مبدأك بالحياة فلا تعليق!!!!

بظن انو لما يكون عندي مبدأ قابل للمعارضة او للتأييد افضل من انو ( ما يكون عندي مبدأ )

وشغلة تانية اذا كنت بتعترف انو في كبت حريات و فساد و انو الشعب السوري اللي انت جزء منو ملتعن ربو , كيف ترجع بتقول انك مبسوط واكتر من هيك بسط مافي ؟؟؟

اي طبعا مبسوط ....... لانو عايش ببلدي .... بوطني ..... بسوريا ...... ولما قول سوريا عمقول سوريا كوطن ... بس انت مافيك تقول انو مبسوط لانو ذكرك لكلمة سوريا يعني ربط فوري بالنظام ..... لهيك مافيك تقول انك مبسوط ولا رح تكون مبسوط بحياتك

اي ويعني ازا في كبت حريات وفساد و99 بالمية من هالشعب ملتعن دينو ....... لازم حط الحزن بالجرن واقعد اندب بحالي ؟؟؟؟

لا حبيبي ازا انت هيك مو ضروري تشمل كل هالعالم معك ..... بالاخير انا مواطن بدي عيش حياتي اللي بدي ياها غصب عن انف الكل

ودمتم بود