أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > أدب > الشعر

إضافة موضوع جديد  إضافة رد
 
أدوات الموضوع
قديم 17/12/2009   #1
صبيّة و ست الصبايا حنين.
عضو
-- زعيـــــــم --
 
الصورة الرمزية لـ حنين.
حنين. is offline
 
نورنا ب:
Oct 2008
المطرح:
L'Algérie mon amour
مشاركات:
1,516

افتراضي جمال بخيت


مش باقى منى
غير شوية ضي في عنيا
انا حديهملك
وأمشى بصبرى فى الملكوت
يمكن فى نورهم تلمحى خطوة
تفرق معاكى بين الحياة والموت

مش باقى منى
غير شوية نبض فى عروقى
خدى وعيشى
و أفتحيلى تابوت
افرح بريحة ورد فرعونى
وربنا فى عونى
اذا دخلت الجنة ولا النار
حاشتاق الى ضحكتك
وقاعدتى فى الدار
و القهوة متحوجة من طيبة العطار
فى كل يوم الصبح اشرب حليب قبطى
وفى النهار
و المسا
امسك ستار الكعبة لو سبتى
و اثبت اذا هربتى
أهديكى عمرى
و حسى
وجوارحى
أهديكى جرحى
هو الى باقى فى دنيتى
لما خلص فرحى

مش باقى منى
غير شوية لحم فى كتافى
بلاش يتبعتروا
فى البحر
بلاش يتحرقوا
فى قطر الصعيد فى العيد
بلاش لكلاب الصيد تناوليهم
خدى الى باقى من الأمل فيهم
وابنيلى من عضمهم
فى كل حارة مقام
وزورينى
مرة وحيدة
لو كل الفين عام
ألم الجراح يتلم

مش باقى منى
غيرشوية دم
متلوثين بالهم
مرين وفيهم سم
كانوا زمان شربات
والنكتة سكرهم
شربتهم الخفافيش
فى قلب اوكارهم

مش باقى منى
غيرشوية دم
مقدرشى
اسقيكى مواجعهم
وبرضو مقدرشى
ارميكى و ابعهم
يمكن فى مرة تعوزى
تطلبينى شهيد
حاحتاج يوميها الدم
يمضى على شهادتى

مش باقى منى
غير شوية قوة
فى ارادتى
على شوية شعر
من خطى
حاسبى عليهم
وانتى بتخطى
وانتى فى صبح الدلال
بتعطرى شطى

مش باقى منى
غير شوية ضى فى عنيا
انا مش عيزهم
لو كنت يوم حلمحك
وانتى بتواطى
فى معركة مفيهاش
لاطيارات
ولاجيش
وانتى فى طابور العيش
بتبوسى ايد الزمن
يناولك لقمة
من حقك المشروع


مش باقى منى
غير .. شهقة
شهقة فى نفس مقطوع
بفتحلها سكة
ما بين رئة وضلوع
ما بين غبار و دموع
وانا تحت حجر المقطم
فى الدويقة بموت
انا والعطش و الجوع
يئن تحت التراب
وانا صوتى مش مسموع
يا حلمنا الموجوع
من المرور ممنوع
مستنى لما يمر
موكب سلاطينك


مش باقى منى
غير شوية رحمة من طينك
على شوية صبر من دينك


مش باقى منى
غير حبة غنى تايهين
فى الضلمة
مش لقين
حس الفواعلية
ولاصوت مراكبى عفى
فوق المعادية
ولا صوت بناتى العزارة
فى كل صبحية
والغنوة امنية
يما نفسى اقابل حبيبى
وانا ع زراعية
صوتك و صوتهم غاب
وانا تحت حجر المقطم
باموت لواحدية
الليلة
راحت عيونى
تطل عالبستان
وجناين الرمان
رجعتلى توصف
عناد الغل و الدخان
وسحابة سودة تضلل
على الغنى الغلبان
رجعتلى توصف
هبوب الموت
على الألوان
رجعتلى توصف
خيال الزل
فى موائد الرحمن
رجعتلى توصف

مش باقى منى
غير شوية كفر بشروقك
وانا منبع الأيمان

مش باقى منى
غير شوية ضى
وعنيا مش قادرة تلمحنى
فى وحدتى محنى
خايف اموت من الخوف
والضعف يفضحنى
السجن عشش فى قلبى
وماشى فى شوارعك
نفس الى باعنى انا
بالرخيص بايعك
أشيل حمولى انا
ولا حاشيل حملك
ما عدت املك شئ
فيكى ولا فيا
ولا قيراط ولابيت
ولانسمة صافية
تلاغى النيل بحرية

مش باقى منى
غير شوية حب
جارحنى
ولاباقى منى
غير شوية ضى
فى عنيا

جمال بخيت

جـزائـر يـال حـكــايـة حـبي ..ويا من حـملـتي السلام لقـلـبي
ويامن سكبت الجمال بروحي ..ويا من أشعت الضياء بدربي

لحظة شروق الشمس.. لحظة غروب اليأس..
ننسى دموع الأمس.. بين الامل نطويها..
  رد مع اقتباس
قديم 17/12/2009   #2
صبيّة و ست الصبايا حنين.
عضو
-- زعيـــــــم --
 
الصورة الرمزية لـ حنين.
حنين. is offline
 
نورنا ب:
Oct 2008
المطرح:
L'Algérie mon amour
مشاركات:
1,516

افتراضي


اللي يحب يسمعها عاليوتيوب من

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 18/12/2009   #3
صبيّة و ست الصبايا ورده بغداد
عضو
-- مستشــــــــــار --
 
الصورة الرمزية لـ ورده بغداد
ورده بغداد is offline
 
نورنا ب:
Apr 2006
المطرح:
في قلب أخويـــــــه
مشاركات:
2,335

افتراضي


مرسي

كتير حلووووه

je te vois ke tu es fort sans pleurer ..... et de lamour ni
  رد مع اقتباس
قديم 22/12/2009   #4
صبيّة و ست الصبايا حنين.
عضو
-- زعيـــــــم --
 
الصورة الرمزية لـ حنين.
حنين. is offline
 
نورنا ب:
Oct 2008
المطرح:
L'Algérie mon amour
مشاركات:
1,516

افتراضي


وردة لوردة
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 14:24 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.10373 seconds with 13 queries