|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
![post[field7]](images/gender/undisclosed.gif)
30/01/2006
|
#20 | ||||||
|
مشرف متقاعد
|
طريقة الكتابة هون , كتير قريبة لطريقة جغل بالكتابة (( اللي هو كاتب الحقيبة السرية )) مدري ليش شاكك إنون نفس الشخص, بس إذا كان نفس الشخص بدو بهدلة .. لأنو لازم يكفي قصة الحقيبة السرية بالأول وبعدين يرجع يكفي هاي .. لأنو التنتين كتير كتير حلوات ..
بس ما بعرف شو صايرلي .. كتير عمبنشد بسرعة على القصص هدول .. بيجوز لأنو لغتون كمان كتير كتير سهلة بتخلي الواحد يدخل لقلب القصة بدون يحس .. أبو طريق .. أنا ناطر منك تفسير .. وسلامات
أنا أفكر ... إذا الفكر موجود
أنا أتألم .. إذا الحزن موجود أنا أضحك .. إذا فالسعادة موجودة أما (( أنا )) فهي حقيقة قائمة بذاتها بدون إثباتات , و لولاها لما كان كل من الفكر و السعادة و الحزن موجود ....
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
14/02/2006
|
#21 | ||||||
|
عضو
-- مستشــــــــــار --
|
مشكلة السعودية هي الاسلام تبعها حيث اخترعوا اسلاما سعوديا مقرف جدا هادا راي ما حدا يزعل مني عشت بهديك البلاد تسع شهور كاملين وما بقى بحط اجري فيها لو بدي موت قال يا سيدي طار عقلي وقلت يا ولد العالم بتدفع اللي فوقها واللي تحتها لتحج وانت هنيك ليش ما تحج ( وبيني وبينكم الشركة اللي اشتغلت فيها تقريبا ما ضل فيها حدا الا رايح عالحج واذا رح اقعد كنت رح اقعد لحالي متل القرد اللي قاتلوا صاحبو ) المهم بلا طول سيرة حجيت وشفت العجايب من المسلمين ما علينا قررت امسكها حنبلية وصرت صلي لك يا جماعة 5 مرات باليوم لك ما كتيرة يعني لو عملوها مرة ما علينا المهم التزمت بالصلاة بس بلا سنة انا الفرض وكنت اكل همو هلق عحظي السعيد ما بعرف ليش حظي كتير احيان حلو ما بعرف وين كنت رايح وادن ادان العصر ماشي ورايح بدي اشتري غرض ( من النوادر اني كنت امشي ما حدا بيمشي ياجماعة بهديك البلاد ) المهم ما شفتلكم الا سيارة جيب نطلي منها قردين تلاتة لابسين جلابيات للركبة لزوم الاغراء ودقون مقرفة وصرخوا فيني ليش ما رايح عالجامع لتصلي لا حول ولا قوة الا بالله (يعني لما صرنا نصلي اتفرجوا شو الله بعتلي شكلوا رب العالمين هو ما بدوا ياني صلي ) قلتلهم شو خصكم انتوا ( كان هذا الذنب الاعظم ) ضبوني متل المجرمين بسيارتهم وسحبوني وانا بحسي الامني العالي قلت هدول متل المخابرات عنا نشف دمي وقلت رحت فيها يا هوبليس والله لتضل تاكل قتل لتفرق عسوريا كلها يا كافر يا عدو الله قعدت ادعي وقول يا رب انفد المهم اخدوني عاوضة وبعتولي واحد ليهديني لشو بدو يهديني ما بعرف اجا الزلمي شرحتلوا انو انا مسلم ولله الحمد والمنة صرت احكي متل خطيب المنبر ولا افهم ليش جايبيني لهون قعد يشرحلي عن الصلاة وانها عماد الدين ومن تركها فقد هدم الدين قلت له اي انا بصلي نظر لي نظرة كلها تكذيب وقال كلون بيقولوا اننون بيصلوا طيب ليش ما رحت عالجامع قلتلوا كنت مستعجل بدي اشتري ما بعرف شو كمان الصلاة معها وقت ساعتين تلاتة شرحلي انو ما بيصير ولازم اذا سمعت الادان اتوجه للمسجد مباشرة قلتلوا لك انا بعرف سيدنا محمد ما كان يشحط الناس عالجوامع اللي بدو يصلي كيفوا هو وربوا رد علي انو سيدنا عمر كان يضرب اللي ما يروح عالجامع بالعصاية قلت لحالي وليييييييييييي هلق بدنا ننضرب بالعصاية ما بعرف منوين اجتني وقوة القلب وقلتلوا اي انا بدي اتبع سيدنا محمد وما علي بسيدنا عمر وهون كان الذنب الاعظم من الاعظم الرجال احمر وشو وبلشوا شفايفوا يرقصوا وهر بزاق من تمو من كتر التعصيب ونده لاصحابوا وقال انو حاسسوا قلبوا من اول ما شافني اني شيعي العمى طلع الشيعي مصيبة المصايب يعني كون مسيحي ملحد لك شو ما بدك بس ما تكون شيعي كنا بواحد صرنا بتلاتة اربعة الجماعة مصرين يسننوني صاروا يحكوا عن شغلات بعمري ما سمعان فيها اصلا ائمة وال البيت وشيل واطرح والدليل الشرعي قررت فورا عدم الدخول باي نقاش شرحتلون اني سني بس ما كتير بفهم بالدين قالولي هالتقية ما بتمشي معنا قلتلهم طيب شو بدكم بسب الامام علي وبتفكوني وقعنا بمشكلة تانية قعدوا يشرحولي انو حاخاماتنا ( قصدهم ايات الله تبع الشيعة ) بيفهمونا انو هنني بيسبوا الامام علي بس هنني بالعكس بيحبوه لك ويا جماعة شو حافظين ايات واحاديث المهم بلا طولة سيرة قعدوني 8 ساعات لا بعرف ليش دخلت ولا ليش طلعت النتيجة من يومها لليوم بطلت الصلاة نهائيا قلت خليني كسبهم سيئات وخطيتي برقبتهم وما فارقة معي روح عجهنم وييجيني مليون ذنب بس ييجيهم هنني ذنب واحد من ورا راسي وصرت ما امشي بالشارع نهائيا نهائيا بادان وبلا ادان اذا بدي اشتري باكيت دخان روح للبقالة اللي بلزقي بالسيارة وما انزل منها حتى قلوا للبياع ناولني باكيت دخان شو بدي مين بيضمن انك تحط اجرك بالشارع وتقبع بعقل الشيخ ويروح مأدن وتعا بقى ليش ما رايح عالجامع و8 ساعات ما بتفهم شي من كل شي حكوه قالولي ستمية الف حديث وقروا القران الكريم فوق راسي يا رب حط كل ذنوبي بترك الصلاة برقبتهم لهالمجانين طيب نص الذنب لك شو ماكان بس حطلهم هيك شوية ذنوب من ورا راسي لك وطلعوني شيعي هي لحالها اخدوا فيها 4-5 ساعات نقاش ما بعرف عن شو بيحكوا اصلا وقررت اذا مرة تانية صدفت وصارت معي رح قلهم مباشرة انني مسيحي واعتذر اشد الاعتذار لانني امشي بالشارع واركض ركض اتخبى باي مدخل بناية اذا سمعت الادان
عـــــــــــــــــــــــــــــبـــــــــــــــايــــــــــــــــــــــــــــــــــــــــــــــــــــة
زورو موقع الدومري : http://aldomari.blogspot.com |
||||||
|
|
|
11/09/2006
|
#23 | ||||||
|
مشرف متقاعد
 |
يا جماعة سدقوني انو هادا الحكي اكتر من خيال
قولكون ايمت رح يكفيلنا قصتو لهوبيليس والله شتقنا لهالحكي الحلو الله لا يخلي السبب الي خلى هيك شب يغيب عنا 
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله عقلي يخبرني اني لن استطيع فهم هذا الالله وقلبي يخبرني انه لا داعي لكي افهمه We ask the Syrian government to stop banning Akhawia |
||||||
|
|
|
12/09/2006
|
#24 | ||||||
|
مشرف متقاعد
|
بدي اعطي لحالي الحق اني كمل اللي بلشو طارق.... مع تمنياتي انو هالشي مايدايق طارق
وحابة انقل شو كتب هوبليس الاب عن بنتو رحلة اب مع ابنته ابنتي رحلتي معك طويلة جدا بدات قبل ان تصرخي صرختك الاولى تعذبنا كثيرا انا وامك حتى حملنا بك وكان خبر حملك من اسعد الاخبار وعيدا قوميا بعائلتك الى اليوم لم يسعدني خبر كما اسعدني ذاك الخبر ابتدأ بهذا الخبر مشوارنا مع بعض حمدت الله الف مرة لقراره ان يكون نمو الجنين ببطن الانثى هل تعلمين لماذا لانني كنت ساضطر الى تناول كل انواع الطعام التي لا اطيقها فقط لكي اغذيك اعلمي جيدا انك لو كان الله قدر ان يكون الحمل من نصيب الرجال فما كنت لاتوانى عن اكل اي شيء من اجل عينيك وانت تعلمين جيدا كم هو ابوك نزق بالاكل وكثير من الطعام لا يؤكله هوبليس الهوبليسين الذي لا يدع السمك يدخل بيته لانه لا يطيق رائحته اصبح يجلب السمك لامك مرتين بالاسبوع لان الطبيب قال ان افضل انواع الغذاء للحامل ووليدها هو السمك قد لا تصدقين انني كنت انظف السمك بيدي من اجلك وقد كنت اصاب بحالة من الغثيان ان مررت بمتجر للاسماك فاصبحت انظف السمك بيدي ولم ارضى ان اجلب لك سمكا من مطعم لاني خفت الا يكون طازجا راقبتك في بطن امك وكبرت على يدي شعرة بشعرة ابتدات سعادتي تزدادا حين ابتدات انت بالرفس هل تذكرين كيف كنت امرر يدي على بطن امك وانت تلاحقين يدي كنت اشعر بك تراقبين يدي وتتبعيها من اليمين الى اليسار ومن اليسار الى اليمين وكم قضيت ليالي اداعبك وانت ببطن امك حبيبتي قد لا تعلمين انك حركاتك ظهرت لنا بشهرك الخامس وقد كنت كثيرة الحركة بشهرك السابع بشهرك السابع علمت انك سترثين كل طباعي بشهرك السابع كنت تتبعين حركات يد ابيك بشهرك السابع كنتي تريدين الخروج شعرت بك تريدين الخروج فقد كنتي تذهبين الى طرف بطن امك وتحاولين بشتى الطرق ان تخرجي من ذلك البطن وانا اصرخ واشجعك واقول لكي اخرجي اخرجي انا اعلم جيدا انك تتحركين من اول يوم خلقت به فانتي ابنتي ما زالت سماعة دقات القلب التي اشتريتها كالاهبل لكي اسمع نبضك في بيتنا و كل الناس قالوا لي انك لن تسمع نبضها بسماعة الاطباء ولكنني كنت اسمع نبضات قلبك كنت اسمعها بقلبي لا باذني هل تذكرين الحكايا التي حكيتها لك وانت ببطن امك لم تمر ليلة يا ابنتي الا وحكيت بها لك حكاية هل كنت ترقصين على الاغاني التي غنيتها لك ببطن امك غنيت لك مختلف انواع الغناء وانا الذي صوتي لا يستطيع احد ان يستسيغه ولكنك انتي فقط احببتيه هل تعلمين ان امك كانت تقول لي انك مجنون وتردفها بعبارة وانا اعشقك لانك مجنون هل تعلمين ان امك لم تغار من انثى بالعالم كما غارت منكي حتى قبل ان تاتي الى الدنيا هل تذكرين حالة الرعب التي عاشها ابوك بسبب نزيف بسيط حصل لوالدتك بشهرك الثاني هل تعلمين ان امك بوحمها وترجيعها كانت تقتل اباك فقد كنت اشعر ان روحي تغادر جسدي مع كل حركة وحام من امك هل تعلمين اني صليت للرب شهرا كاملا ليل نهار لكي يحفظك واستجاب الرحمن الرحيم الاكرم لصلواتي هل تذكرين هل تعلمين كيف كنت اقلبك من جهة اليمين الى جهة اليسار كنت امسح على بطن امك بكل رفق وحنان واتابع واتابع و اصبر الى ان تستجيبي وتتقلبي وتاتي الى يدي فان لم تفعلي كنت اخبط بطن امك خبطات خفيفة رقيقة باصابع يدي حتى تستجيبي واملا الدنيا صراخا وضحكا وامك تقول انك كنت ستتقلبين سواء وضعت يدي ام لا ولكنني وحدي كنت اعلم انك تسمعيني وتستجيبين لي علمتك الحركة والمشي والكلام والغناء والرقص وانت ما زلت ببطن امك هل تعلمين اننا توقفنا عن ممارسة الجنس طوال فترة حملك هل تعلمين ان الطبيب قال انه لا مانع وهناك نسبة قليلة جدا من حالات الحمل لاتتعدى ثلاثة بالالف قد يؤثر الجماع بها على الحمل ولكن هذا الطبيب لم يعلم انه لو قال ان تلك النسبة تبلغ واحد بالمليار لتوقفت عن ممارسة الجنس من كثرة حبي لكي هل تعلمين ان امك قالت لي ارجوك دعني انام ولا داعي ان تتصل كل نصف ساعة لتطمئن علينا نحن بخير ارجوك اتركني انام فانا تعبة واتفقنا ان تخبرني حين تريد النوم لاتوقف عن الاتصال على ان تتصل هي بي لحظة استيقاظها هل تعلمين انني عطلت الكثير الكثير من سفري وعملي فقط لاحكي لك حكاية وانتي ببطن امك ولارقص معك على صوت ابيك يدندن باغنية لا يسمعها احد الا انا وانتي وامك هل تعلمين انني اجبرت امك على اخذ اجازة من عملها في شهورك الثلاث الاولى يا ابنتي ذكرياتي معك وانت ببطن امك لا تكفيها الصفحات فساكتفي بهذا واتابع معك مشواري |
||||||
|
|
|
12/09/2006
|
#27 | |||||||
|
مشرف متقاعد
|
اقتباس:
انت اللي فقعتني بكى ,,
كل جنون بينكتب بالدم ..
|
|||||||
|
|
|
12/09/2006
|
#29 | |||||||
|
مشرف متقاعد
|
اقتباس:
بس طارق ذكر باول الموضوع انو هالحكي كلو لشخص من منتدى تاني وذكر انو اسمو hopeless يعني ماحدا فيه يحتج او يتهجم علينا  |
|||||||
|
|
|
12/09/2006
|
#30 | ||||||
|
مشرف متقاعد
|
ابنتي
منذ تكونت وانتي كثيرة الحركة نطناطة تقفزين وتركضين لسبب ما لم تكملي اشهرك التسعة وانا اعتقد من كثر ما رفست ولرغبتك العارمة بالخروج الى هذا العالم وقد يكون من حسن حظي انني حضرت ولادتك التي لم تريدي لها ان تكون كبقية اطفال العالم طبيعية فقد شابها الكثير من المخاوف وخصيصا بنهاية شهرك السابع وكان قرار الطبيب ان يولد امك قيصرية بمنتصف الثامن لانك يا ابنتي لم تجلسي ببطن امك كبقية الاطفال فانت مميزة كما قلت من يوم ما الله خلقك انت مميزة ولانك عفريتة فقد طيرت ماء الراس ببطن امك والله يبارك بهالكفار اللي بفضل علمهم لم تموتي انتي وامك وبقيتم شمسا ساطعة بحياتي المهم يا ابنتي يوم ولادتك كان يوما مشهودا كان المطر يهطل بشكل فظيع كان السماء فتحت ابوابها للخير ولعمري تفائلت كثيرا بذلك كانت ولادتك بشكل مفاجئ وسريع وقبل الوقت المقرر باسبوعين فقد حدد طبيبك اول يوم بشهرك التاسع كيوم ولادتك ولكنك اثبتتي انك صاحبة القرار واتيت قبل ذلك قلب اباك اصبح خارج جسده لان جدتك قالت له انه خطر جدا الولادة بالشهر الثامن وانه من الافضل للوليد ان ياتي بالشهر السابع او التاسع لا ادري من اين اتت جدتك بهذا الكلام ولكنه زرع الرعب في قلبي وجعلني فاقد لاعصابي واذهب لون الحياة من وجهي وقلبني الى وحش مارد يريد ان يدمر المشفى بمن فيه كنت اركض قرب امك اشعر بانه اتاني الطلق اشعر بالالم انتظر بلهفة اي حركة اي كلمة اي همسة اي اشارة اتربص بطاقم المشفى كله من البواب الى عمال النظافة الى الاطباء والممرضات الى الادارة والملاك لو احد منهم نطق بحرف يخصك لقفزت فورا اريد ان اعرف ماذا يقول وماذا يقصد وماذا وراء ذلك الحرف سالوني هل تريد الدخول لغرفة العمليات لم اتردد قلت نعم والله يعلم انني لا استطيع مشاهدة ذبح دجاجة وانني اخاف جدا من منظر الدم وان قلبي ضعيف ولا افهم كيف يستطيع الاطباء بهذه البساطة ان يبعبصوا بجسد الانسان بمشارطهم ويفتحوا ويغلقوا ويخرجوا من الانسان ما يخرجونه بارك الله بهم انا اعتبرهم جبابرة ولا اقدر ان اتخيل نفسي اشك ابرة بجسد انسان اخر رغم كل ذلك دخلت مع امك غرفة العمليات وهؤلاء الكفار الاجانب يا ابنتي يضعون في حسبانهم ان هناك بالدنيا اناس مثلي فوضعوا حاجزا وافهموني بشدة انني لا يجوز باي شكل من الاشكال ان احاول النظر الى ما يفعلون واقعدوني قرب راس امك العب لها بخدها وادعو لها ولكي كانت ما تقارب 45 دقيقة مرت علي كانها 45 قرنا من الزمان كانت روحي بمناخيري كنت اريد بلع السجائر ولكن هيهات كان ممنوع التدخين كنت اريد فقط ان اعرف ماذا يفعلون ماذا جرى واخاف ان اتنفس ولو نفسا يلفت انتباههم عما بين ايديهم فلم اشأ ان يلتفتوا الي كنت اريدك سليمة انت وامك فقط حاولت ان استرق النظر لارى اي رد فعل فلم استطع نظرت بعيني طبيب التخدير عسى ان اجد ردا على تساؤلاتي فلم ارى الا بسمة جعلت اوصالي ترتعد قلت لنفسي لم يبتسم ايريد ان يهون علي اهناك مصيبة حصلت ويريد التخفيف عني ببسمته كدت ان اجن يا ابنتي ومضى الوقت بطيئا بطيئا وروحي تاكل روحي ومخي ب دقيقة 45 دار كواكب الدنيا محاولا ان يعرف ماذا يجري وقلبي توجه لرب العالمين مخلص النية بالدعاء ان ييسر امرك وامر امك وفجأة صرخت الممرضة مبروك فقال لها الطبيب لحظة حتى يسمع صوتها مما جعل الدم ييبس بعروقي لقد ظننت للحظة انك ميتة وان لا صوت لك وان الممرضة البلهاء لا تدري ماتقول وكانت صرختك الاولى هي اجمل صرخة واعذب صوت نسي بها هوبليس الدنيا ولم يتمالك نفسه من القفز من الكرسي قرب راس امك فصرخ بي الطبيب بصوت آمر لا مجال به للاعتراض ابقى مكانك اياك ان تتحرك فعاد لي القلق والجنون ماذا يجري هل هناك مشكلة لم لا يريدني ان اتحرك هل انت مشوهة قلق العالم كله ساورني جنون الدنيا كله اتاني شياطين وجن الدنيا لبست روحي كنت اريد ان آخذ روح هذا الطبيب فقط لاعلم ماذا يجري ولكنه بعد دقيقتين فقط قال خذوها وحملوك يا ابنتي الي لاراك فقط جننت قفزت صرخت بكيت صوتي اصبح اشبه بعواء كلاب الشوارع ضحك الجميع وقالوا لي اصبر واخذوك الى طاولة صغيرة لم تتوقفي يا ابنتي ولو للحظة عن الصراخ واباك جن جنونه اخذ يسال لم تصرخ لم تبكي هل هي جائعة هل هناك ما يؤلمها كيف ستؤكل وامها تحت تاثير المخدر ماذا ساطعمها هل هناك مسكن للالم ان كانت تتالم ضحكوا ايضا وقالوا اصبر ايها المجنون فهذا طبيعي لم اصدق قفزت الى طاولتك وقلت خرا عليكم وعلى تعليماتكم اريد ان ارى وليدتي رايتك عن قرب وكان دهان بوية امسك فرشاية الطرش ودهنك وش اساس متل البوشاتو لونك ابيض ( قالوا لي انه سائل يحيط بجسد الطفل الوليد به مادة صمغية قريب من المخاط ليسهل خروج المولود ان كانت الولادة طبيعية ) اخذت اراقب كل شيء لك عينان واذنان وفم ومنخار حمدت الله كل شيء موجود عددت اصابع يديك رايتهم عشرة ورجليك ايضا عشرة سالتهم هل تتنفس قالو نعم سالتهم هل هله هلهله هللههه قالو لي اخرس ودعنا نتابع عملنا والا اخرجناك خارج الغرفة مع نظرات مشفقة وصارمة فخرست راقبتك يا ابنتي رايتك تفتحين يديك وتغلقيها قالوا لي بعدها ان هذا نادر جدا ان يفتح الطفل يديه عند الولادة رايتهم ينظفونك يضعون اشياء غريبة بمنخريك وفمك جننت ماذا تفعلون ببنتي لم تفعلون هذا اقسموا انهم سيخرجوني ان لم اسكت نهائيا وقالوا يا هوبليس بنتك بصحة جيدة ونحن نفعل معها ما نفعله مع كل مولود حاولت ان اشرح لهم انك لست ككل الاطفال فقلت لن يفهموا ذلك واخيرا لفوك بقطعة من القماش وقالوا لي يمكنك ان تحملها حملتك كم كنت خفيفة يا ابنتي شعرت انني احمل قطعة من لحمي شيئا من داخلي وحين حملتك توقفت عن البكاء كان عمرك عشر دقائق حين توقفت عن البكاء حين حملك اباك ذهبت بك الى امك ولكن هيهات كانت تحت تاثير المخدر قربت وجهك من خدها عسى ان تستيقظ لترى الملائكة بام عينيها قالوا لي يجب ان تخرج الان بامكانك مرافقة ابنتك ومراقبتها حيث ستاخذين حمامك الاول قلت ماذا عن زوجتي قالوا امامها ساعة لتستعيد وعيها خرجت مسرعا بانتظارك بغرف الاطفال شاهدتك من خلف زجاج لم يسمحوا لي ان احميك حمامك الاول كم تمنيت لو انهم سمحوا لي بالدخول وقفت خلف زجاج وعيني لا تستطيع ان ترا سواك من الاطفال ودموعي تكاد تنزل من عيني وضحكت الممرضات الرقيقات وحملوك لي واروني اياكي ولفوكي وبرموكي لكي يراكي اباك كم كنت وما زلت جميلة حمامك الاول يا ابنتي لم يكن به ماء لا ادري فوط كثيرة وانت تتحركين كسمكة خرجت من مياه البحر وكانك لا يعجبك ما يفعلون وتريدين اباك بقربك تسمرت امام جمالك اردت تكسير ذاك الزجاج لاصل اليك هل تعلمين يا ابنتي انني سجلت صرختك الاولى على شريط كاسيت لقد ترجيت الدكتور ان ادخل معي شريط كاسيت لاسجل صرختك الاولى ولكنه رفض بالبداية وامام الحاحي ووعدي له ان اسجل فقط صرختك وان يقوم هو بالدوس على زرار التسجيل فقد فهمت انه لا يجوز تسجيل ما يتم من حوار اثناء العملية خوفا من استغلال هذا الحوار باي نزاع قانوي لا سمح الله ان حصل لكي او لامك مكروه كدت ان ابوس قدميه ليقبل ان يسجل هو صرختك ويكبس زرار التسجيل بالوقت الذي يحدده هو واستجاب لي وما زلت محتفظا بشريط كاسيت صنعت منه ثلاث نسخ عليه صرختك الاولى ما اجملها |
||||||
|
|
|
12/09/2006
|
#32 | |||||||
|
مشرف متقاعد
|
اقتباس:
|
|||||||
|
|
|
12/09/2006
|
#34 | ||||||
|
مشرف متقاعد
|
ما بدي إسأل مين كتب تتمة المواضيع .. بس بدي إشكر إمرأة من ورق من كل قلبي لأنو رجعتنا بلحظات قراءة مذاكرات الأب , إلى اللحظات اللي كنا نحس فيها و نحنا عمنقرا قصص هوبليس فوق , أو مسلسل الحقيبة السرية .. أو .. أو .. أو ..
طارق .. عنجد إشتقنا لقلمك .. و و إشتقنا لأفكارك .. و معارضتك لكلشي .. كنت أكبر مشاغب بالمنتدى و مع هالشي كنت من الأعضاء اللي تركو بصمتهون هون ... بتمنا أعرف أخبارك بهاللحظة .. عفواً يا جماعة, بس ما قدرت إلا إنو إكتب الشغلات اللي بقلبي .. و حابب هون خبركون شغلة صارت .. بيوم من الأيام كانت دايقة خلاقي و ماشي جنب النهر لوحدي (( مع إنو ما كتير بحب المشي .. )) و كنت عمفكر بهالحياة ... إنو الحياة حلوة أو مانها حلوة .. و هيك .. وقت وصلت عالبيت فتحت النت بس مشان إبعت رسالة لطارق و حكي عن الحياة .. و كتبتلو رسالة .. إنو أنا أخباري منيحة و الحياة حلوة و كنت عمبستنا الرد منو .. و بالنهار اللي بعدو سمعت إنو الشباب راحو فيها ... و بعتقد إنو الرسالة ناطرتو لطارق بصندوق الواد تبعو .. هالشي بسأل حالي دائماً شو رح يكون جوابو على هالرسالة ؟ قبل ما يتم إعتقالو . و هلأ .. و مرة تاني شكراً لإمرأة من ورق .. لا تقطعينا من هيك كتابات حلوين |
||||||
|
|
|
13/09/2006
|
#35 | ||||||
|
مشرف متقاعد
|
SABE
اللي كتب اللي انا نقلتو هوي هوبليس نفسو اللي كان ينقلو طارق كنت مشتركة بموقع تاني وكان مشترك معي طارق وهوبليس فلما شفت هاد الموضوع مابعرف ليش حبيت كمل اللي بلشو طارق على امل انو يرجع قريبا ويشوفو .....ويابيزعل مني يابعرف انو كملت الموضوع لاني بحترمو كتير وبيرضى عني وشكرا كتير |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 05:46 (بحسب عمك غرينتش الكبير +3)