مقلاية اخوية #3

[فراشة]

كاتب النص الأصلي : أسير التشرد

جملتك الاخيرة جيدة جداً والتزمي بيها ....
تفضلي هالوردة

اي بتأمر ....بس لاتعصب كتير
شكرا على الوردة

[meYnot]

كاتب النص الأصلي : The morning

و يسلمو قبل الغدا و وحده قبل النوم

شكراً للأجابات

انت شخصية مرحة وتحبين السخرية لست حقودة ولكن قد تكونين مزاجية.. تحاولين توجيه الحوار الى محور غيبي سطحي بعض الشيء ليخدم السخرية المرحة التي تتحلين بها!

طفولية في اجوبتك.. وهذا ليس عيباً لأن البراءة من الطفولة... (ليس اطراءً ولا يعتبر ذماً... قد يكون التعبير خيالياً مناسباً اكثر).

10% فقط بأعتقادك ان الناس تفهمك؟
نسبة سيئة بالتأكيد ولكن لن اتطرف الى تحليل .. يكفي هذا

يسلمووواااااا مره اخرى ( كل ستة ساعات .. مضاد حيوي) ... مع احترامي للدكاتره يعني ليروحوا يعتبروني بأنتحل سخصية مو سخصية.. قد أزعر من انذر!

[لاوديسا]

بصراحة انا مع اسير التشرد

مو بيلي قالو عنك لانو ما بعرفك لأحكم عليكي

بس بيلي قصدو من ورا كلامو

يعني انو مو كل الاسئلة بتتاخد تسلاية وفي اسئلة عميقة بطريقة الاجابة عليها منعرف شخصية اللي بالمقلاية

اما اذا كلها اخدناها تسلاية ما منعود منستمتع بالمقلاية ...... وسامحونا

سؤالي الك

انتي عم تقولي دراستك علم نفس

طيب درستيه عن رغبة ولا هيك طلعلك بالمفاضلة ؟

وشو فادك علم النفس يعني بتستفيدي منو بعلاقاتك ؟

وبتقدري تحكمي عالانسان من اول قعدة ولا شو ؟

[hanny dagher]

كاتب النص الأصلي : أسير التشرد

بما انو لا تعليق باجابتك حولي .... رح اعلّق لوحدي..
. انت بتعرف شو كانت قبل التعديل

قبل التعديل ما بعرف بس اكيد كان غباء منك...

في عندي كم سؤال وبدي تكون الاجابات صريحة وواضحة ومن دون اي دبلوماسية او مناورة... خفتي مو هيك لاتخافي اسئلة بسيطة جداً...
اي خوفتني كتير

حقك تخافي ... لانو هيك معدنك ...

اول سؤال ... بأي العقائد انتي تعتقدين؟ وبتشوفي انك قريبة من هالعقائد...؟
عقاد سياسيه ..؟ دينيه؟؟ او اي نوع عقائد؟؟؟؟؟؟؟؟؟؟؟
بتعرفي شو قصدي بالعقائد وفلا تحاولي تناوري بالجواب...

تاني سؤال... من مثلكِ الاعلى من هالشخصيات ...بوذا، زرادشت، موسى، عيسى، محمد ؟
سألوني قبل وقلت ما عندي مثل اعلى شو قصه......... مع احترامي للجميع و اكيد هنن حملو للدنيا اسمى العقائد بس انا ما عندي مثل اعلى بالحياه اجمالا .................................................. .........للاسف

فعلاً للأسف ما عندك مثل اعلى... بعدين شو قصدك بالعقائد السياسي ولا دينية ولا عقائد شو...؟؟

تالت سؤال... شو مفهومك للروح ؟ هل يمكن ان تعتبري روح الانسان مطاطة؟
مطاطه او نقيفه كلو متل بعضو... و الروح ممكن تكون مطاطه حتى اسأل الشباب....

اجابتك بتدل ع انك سطحية جداً للأسف...

رابع سؤال... وبما انك عم تدرسي علم نفس متل ما تفضلي يا سيدتي ... هل بمقدروك انك تحكم بالتناقض بشخصية انسان من خلال جملة ... وكيف بتشوفي التناقض بالشخصية...
أنا ماني عم ادرس علم نفس انا تخصص حياتي هو علم النفس
التناقض هو انو الواحد يحكي شغله و ينسى انو حكاها يقوم يحكي شغله تانيه عكسها و يخلي شكل القدامو يصير

أها قلتي يينسى ... ما كل الناس بتنسى ....

خامس سؤال... بيتعلق بمجال النفس كمان... عندما يسألني شخص عن ديني او عن حياتي (للمعرفة فقط ليس إلا)... فاتهرب من الاجابة شو بكون هالانسان برأيك ... منافق، خايف، ام جاهل؟
متهرب .............شبنا بتوصفو و بتقلي ارجع اوصفو .. لا تكون عم تناقض حالك

عنجد طلعتي غبية بمعنى الكلمة وما فهمتي السؤال ... للأسف


مع ذلك لا تزعلي هاي الوردة منشانك

شبك ولو انبحتت بفرد بحتة
طول بالك شوي على المخلوقة
اسا نازل يللا يللا يللا
على مهلك خدا بحلمك يعني

ليك خيو لقلك شغلة بحياتا ما كانت المقلاي باي نسخة من نسخها تعبر عن شخصية الشخص اللي بالمقلاي
لانو هيي بتتاخد للعب ليس اكثر
يعني لما بدك تتعرف على واحد ما بتجي بتتابع اجوبتو بالمقلاي

لقلك شغلة عني انا ما بفوت على المقلاي لاقرا اجوبة انا السؤال الوحيد اللي بحس انو بينقرا وخرج الواحد يحكي في هوي رايك بالاعضاء (ومو لهالدرجة الكبيرة كمان )

انا بفوت عالمقلاي بس لشوف مين جديد ولشوف شو رايو بالاعضاء وما بقرا اي شي تاني

فروء وطول بالك
وانتي ذا مورنينغ كمان طوليلي بالك ولا تاخدي على خاطرك
اسير على ما يبدو كان معصبلو شوي قام لقاكي بوجهو فش خلقو فيكي

يللا حلوها حبية
وهاي وردة للتنين (تقاسموا بيناتكن لاسير تلت ولذا مورنينغ تلتين لانو هيي البنت )

سلام يبا

[Government]

شو قلبتوا مدبحة

[hanny dagher]

كاتب النص الأصلي : GOVERMENT

شو قلبتوا مدبحة

لا مدبحة ولا شي يا زلمي شوية قتال بالشلمونات ساويتلي يا مدبحة

[لاوديسا]

كاتب النص الأصلي : hanny dagher

لقلك شغلة عني انا ما بفوت على المقلاي لاقرا اجوبة انا السؤال الوحيد اللي بحس انو بينقرا وخرج الواحد يحكي في هوي رايك بالاعضاء (ومو لهالدرجة الكبيرة كمان )

انا بفوت عالمقلاي بس لشوف مين جديد ولشوف شو رايو بالاعضاء وما بقرا اي شي تاني

له ياهاني

يعني ما لقيتلي غير هالسؤال رايك بالاعضاء ومن شوي عم تقول انو المقلاية ما بتعبر عن شخصية الواحد

طيب ليش ما تكون المقلاية تسلاية وفايدة بنفس الوقت

يعني عندك على سبيل المثال ها مع اني متابعة كل المقلاية من اولا اجوبة ذا لايت وسرسورة كانو ممتعين واسئلة بترفلاي نفس الشي

بتمنى ما تزعل مني بس بقلك انو مسابقة الكلمات المتقاطعة هي لعبة كمان بس فيها فايدة ولا شو ؟

انا بايدك بشغلة وحدة بس انو اسير كانت ردود فعلو جارحة كتير ومو عوايدو والافضل لو قلا رايو عالخاص مو هون

سامحونا مرة تانية

[ياسر العضمة]

بمين عم تقلو ؟

[hanny dagher]

كاتب النص الأصلي : لاوديسا

له ياهاني

يعني ما لقيتلي غير هالسؤال رايك بالاعضاء ومن شوي عم تقول انو المقلاية ما بتعبر عن شخصية الواحد

طيب ليش ما تكون المقلاية تسلاية وفايدة بنفس الوقت

يعني عندك على سبيل المثال ها مع اني متابعة كل المقلاية من اولا اجوبة ذا لايت وسرسورة كانو ممتعين واسئلة بترفلاي نفس الشي

بتمنى ما تزعل مني بس بقلك انو مسابقة الكلمات المتقاطعة هي لعبة كمان بس فيها فايدة ولا شو ؟

انا بايدك بشغلة وحدة بس انو اسير كانت ردود فعلو جارحة كتير ومو عوايدو والافضل لو قلا رايو عالخاص مو هون

سامحونا مرة تانية

هلأ فيكي لو مكفاي قراي في جملة بين القوسين بتقول (ومو لهالدرجة الكبيرة كمان)

يعني حتى راي بالاعضاء ما كتير باخد في بس هيك بحبو هالسؤال وبقرا على طول
بس ان اجيتي للحقيقة ما حدا رح يجاوب على المقلاي متل ما بيتوقع اللي عم يسال

يعني كيف بدي قلك اخدين المقلاي للتسلاي فقط

هلأ مسابقة الكلمات المتقاطعة انا من جهتي بعتبرا بتسلي وبتفيد يعني جهتين سوا بس شو غيري بيعتبرا فانا ما بعرف


طيب معلش ما بتحسي احيان في مبالغة ببعض الاجوبة
ما بتحسي في اجوبة تمسيح جوخ انا بقلك وفي وفي كتير كمان

يعني وقت بدك تحددي رايك بشخص ما من خلال انو تسالي اسئلة ما لازم تعطي وقت ليفكر ويطالعلك الجواب المثالي لازم يكون جوابو دغري ولازم يكون بيني وبينو

هلأ مثلا اذا اجيتي سالتي واحد ملحد عن رايو بالله وهوي مثلا عاجبتو بنت بالمنتدى مآمنة مثلا وعم يحاول يلفتلا نظرا بطريقة ما فبتلاقي غير كل فكرتو وصار الله عندو هوي اللي خلق الدنيا

بينما تعي بينك وبينو سالي هالسؤال فرح يقلك انا ما بآمن بالله

ما بعرف انا هيك وجهة نظري او انا هيك بنظر للامور
لهيك ما باخد كتير بحكي المقلاي

[القلب المنادي]

هية الصراحة ايش الفائدة بالموضوع ما في فائدة بنوب

هي للتسلاية فقط مش اكتر

يعني فهميني من ايش بدك تستفيدي

وهاي اّراء شخصية يعني من شو بدك تستفيدي يا لاوديسا؟؟

[لاوديسا]

كاتب النص الأصلي : القلب المنادي

هية الصراحة ايش الفائدة بالموضوع ما في فائدة بنوب

هي للتسلاية فقط مش اكتر

يعني فهميني من ايش بدك تستفيدي

وهاي اّراء شخصية يعني من شو بدك تستفيدي يا لاوديسا؟؟

لو شرحت ما راح تفهمي عليي منشان هيك انا بسحب كلامي

واذا بدك تفهمي ارجعي على اسئلة بترفلاي ولا ويللي
او اجوبة ذالايت او سرسورة

ولا الك خلص اتركيها متل ما عم تقولي تسلاية فقط مش اكتر

[Government]

كاتب النص الأصلي : لاوديسا

بسحب كلامي

اخص

[LaDyInReD]

بعيد الشر "ذا مورنينج"عم تنقلي..

بس قوليلي مين وقعك هالوقعة...

واتركي الباقي عليّ...

الاسئلة:

*بتحبيني؟؟ ( خلي بالك من الجواب لاني رح انتحر اذا لأ )!!

*شو قصتك مع الشبابيك؟؟

*ماذا تعني لك هذه الالوان واي شخص تمثل او تعبر عنه:
أصفر - برتقالي - أحمر - أبيض -أخضر-اسود

*ماذا يعني لك:
الامل :

الحب:

الصداقه :

الاخلاص:

الاطفال :

الحياه :

الوحده :

الحزن:

الحقيقه :

التضحيه :

الموت :

الفشل :

الحقد :

المستحيل :

الابتسامه :

الطلاق :

الخجل :

الزوجه الغيوره :

العاقل :

الانسان :

*أكتر شيء تحبيه وأكتر شيء تكرهيه؟

*شو رد فعلك لو صديقك/صديقتك خانك في يوم وفجأه لقيته جايلك بدموعه يطلب منك السماح ! هل تسامحيه؟؟

*الصباح والاشراق " ذا مورنينج" نوعا ما يوحي للتفاءل والتجدد..هل انت كذلك؟ اي هل يعبر اسمك عن شخصيتك؟؟

*شو مواصفات رجل احلامك؟

* لو اعطوكي 3 وردات تعطيها لمين؟؟

*ولو اعطوكي 3 رصاصات تقتلي بها مين؟؟

* شو الصفة يلي بتكرهيها في نفسك؟

* من تسألي اكتر من الاخر: قلبك او عقلك؟

*لو ما كنتي سورية شو كان نفسك تكوني؟؟

* شو الشغلة المجنونة يلي نفسك تعمليها..؟؟

* لو اعطوكي ساعة فراغ واحدة..وفيها يجب ان تقعدي وتحكي مع انسان لاخر مرة. مين هو هالانسان؟ ولماذا هو بالذات؟

*شو امنياتك من الحياة العملية والعلمية والعاطفية الحالية و المستقبلية ؟

*شو الشي يلي بخليكي تنفصلي عن صديق او صديقة عزيزة!؟

* هل تؤمنى بالحب عبر الانترنت وهل يمكن ان يكون حقيقة ام وهم وتسلية من الطرفين ؟؟

وبس...

[القلب المنادي]

كاتب النص الأصلي : لاوديسا

لو شرحت ما راح تفهمي عليي منشان هيك انا بسحب كلامي

واذا بدك تفهمي ارجعي على اسئلة بترفلاي ولا ويللي
او اجوبة ذالايت او سرسورة

ولا الك خلص اتركيها متل ما عم تقولي تسلاية فقط مش اكتر

لأ حبيبتي والله ما كان اصدي شي بس حبيت اسالك شو الاستفادة بالموضوع؟؟

يمكن هيك اسير افكر متلك واستفيد من شخصيات الاعضاء

بليز ما تزعلي
تحياتي
القلب المنادي

[القلب المنادي]

كاتب النص الأصلي : GOVERMENT

اخص

انتا بالذات يا فتان يا خاين اسكت احسنلك!!

[نيرفانا]

كاتب النص الأصلي : hanny dagher

هلأ فيكي لو مكفاي قراي في جملة بين القوسين بتقول (ومو لهالدرجة الكبيرة كمان)

يعني حتى راي بالاعضاء ما كتير باخد في بس هيك بحبو هالسؤال وبقرا على طول
بس ان اجيتي للحقيقة ما حدا رح يجاوب على المقلاي متل ما بيتوقع اللي عم يسال

يعني كيف بدي قلك اخدين المقلاي للتسلاي فقط

هلأ مسابقة الكلمات المتقاطعة انا من جهتي بعتبرا بتسلي وبتفيد يعني جهتين سوا بس شو غيري بيعتبرا فانا ما بعرف


طيب معلش ما بتحسي احيان في مبالغة ببعض الاجوبة
ما بتحسي في اجوبة تمسيح جوخ انا بقلك وفي وفي كتير كمان

يعني وقت بدك تحددي رايك بشخص ما من خلال انو تسالي اسئلة ما لازم تعطي وقت ليفكر ويطالعلك الجواب المثالي لازم يكون جوابو دغري ولازم يكون بيني وبينو

هلأ مثلا اذا اجيتي سالتي واحد ملحد عن رايو بالله وهوي مثلا عاجبتو بنت بالمنتدى مآمنة مثلا وعم يحاول يلفتلا نظرا بطريقة ما فبتلاقي غير كل فكرتو وصار الله عندو هوي اللي خلق الدنيا

بينما تعي بينك وبينو سالي هالسؤال فرح يقلك انا ما بآمن بالله

ما بعرف انا هيك وجهة نظري او انا هيك بنظر للامور
لهيك ما باخد كتير بحكي المقلاي

سوري ع التدخل بس شفت في تعميم بالحكي إنتو اليوم خليتوني إندم إني فتت ع المئلاية كلها............ولي شو هاد.

[Varon]

varon صديق الطفوله

اهلين والله

[hanny dagher]

كاتب النص الأصلي : نيرفانا

سوري ع التدخل بس شفت في تعميم بالحكي إنتو اليوم خليتوني إندم إني فتت ع المئلاية كلها............ولي شو هاد.

عيني انا ما عم احكي عن هالمقلاي هاي بالتحديد

انا عم احكي عن المقلاي بكل نسخا التلاتة