عقدة اللهـــجة اللبنــانية ...

[BL@CK]

كاتب النص الأصلي : الحاج متولي

ونسي اقلك إني كتير من البنانية إذا سالتهن إنته عربي بقلك لأ ....أنا لبناني .....وصدقوني هي صارت معي وسمعتها بأداني أكتر من مرة............دخلكن ممكن حدا يفسرلي شو معناتها هي

اي و أنا سألني رح أقلك أنا سوري و أرضي عربية .. سمائي وطن الحرية أبية أبية ..

بلا بيروت الشرقية بلا بيروت الغربية بلا بيروت اللي بالنص ..

ترا بنات بيروت الغربية شغلي .. بالألوان

المهم معلم ..

المظاهر بعمرا ما بتدوم لذلك اللي عبتصنع لهجة ما كرمال يبين أنو انسان سينيه ..

مع احترامي لشخصيتو

بس معو عقدة نفسية اسما النقص

كل واحد فينا لازم يفتخر بأصلو و اللي بنسا أصلو مالو أصل

و لهجة كل واحد فينا جزء من هالأصل

بس الموضوع ما بدو كل هالعصبية أحياناً بتكون القصة عبارة عن دلع متل ما قالت مورنينج

بس التصنع هو المشكلة

اي و يقبرني تشنق وشك تشنق تشنق

[Government]

كاتب النص الأصلي : BL@CK

اي و أنا سألني رح أقلك أنا سوري و أرضي عربية .. سمائي وطن الحرية أبية أبية ..

ترا بنات بيروت الغربية شغلي .. بالألوان

المهم معلم ..

المظاهر بعمرا ما بتدوم لذلك اللي عبتصنع لهجة ما كرمال يبين أنو انسان سينيه ..

مع احترامي لشخصيتو

بس معو عقدة نفسية اسما النقص

كل واحد فينا لازم يفتخر بأصلو و اللي بنسا أصلو مالو أصل

و لهجة كل واحد فينا جزء من هالأصل

بس الموضوع ما بدو كل هالعصبية أحياناً بتكون القصة عبارة عن دلع متل ما قالت مورنينج

بس التصنع هو المشكلة

اي و يقبرني تشنق وشك تشنق تشنق

لك ابوس روحك انت وتش وئفى

[الثائر]

والله إنوا مافي أحلى من اللهجة السورية والشامية خصوصا
مو لأنوا أنا من سوريا لا أعوذ بالله بس يا أخي باينة
اللهجة السورية أكابر خفيفة مهذبة

طبعا أنا بما أني من قرية (قرية الناصرية بريف دمشق بعيدة سبعين كيلو عن الشام)
في فرق بين لهجتنا واللهجة الشامية واللي بيحكي عنا شامي بيقولوا عنوا كتيرر نعنوع
بقا كيف إذا حكى لبناني يادلي

[صديقة الحزن]

انا بنسبة الي ما بحكي غير باللهجة الفلسطنية وهي على فكرة كثير دفشي بس انا ما بحب التصنع
والي بحكو لبناني بخجلو باصلهم
وانا ما بحب اللهجي اللبنانية لانها كثير بايخة ودمها ثقيل

[Stylish Girl]

انا مش سوريه بس بصراحه انا كتير بتعجبني اللهجه السوريه

[Government]

كاتب النص الأصلي : صديقة الحزن

انا بنسبة الي ما بحكي غير باللهجة الفلسطنية وهي على فكرة كثير دفشي بس انا ما بحب التصنع
والي بحكو لبناني بخجلو باصلهم
وانا ما بحب اللهجي اللبنانية لانها كثير بايخة ودمها ثقيل

ايش يابا
بس بعرظي اللهجة الفلسطينية حلوة كتير
وخاصة الغزاوية يما

[Government]

كاتب النص الأصلي : Stylish Girl

انا مش سوريه بس بصراحه انا كتير بتعجبني اللهجه السوريه

وع فكرة اللهجة السورية بتحبك كمان هه

[الموسيقار]

ببساطة بلبنان في نسوان ..

حتى الخليجي اللي ما خرج يعوج لسانو لأنو معووج خلقة .. و رافعة هيدروليك كاتر بيلار جي اس تي ما بتزبطو ..

عم يعوج لسانو أنو شو يباه .. بلكي بياخدلو .. بوسة زيادة عالتسعيرة اللي حاطينها بكازينو لبنان
عكل حال .. الله لا يوصلنا لهالمواصيل .. وخلي لبنان بلبنان .. وخلي السعودية .. كمان بلبنان ..

[Government]

بلكي بياخدلو .. بوسة زيادة عالتسعيرة اللي حاطينها بكازينو لبنان

والله كلامك جواهر

[مايا *]

كاتب النص الأصلي : الموسيقار

ببساطة بلبنان في نسوان ..

حتى الخليجي اللي ما خرج يعوج لسانو لأنو معووج خلقة .. و رافعة هيدروليك كاتر بيلار جي اس تي ما بتزبطو ..

عم يعوج لسانو أنو شو يباه .. بلكي بياخدلو .. بوسة زيادة عالتسعيرة اللي حاطينها بكازينو لبنان
عكل حال .. الله لا يوصلنا لهالمواصيل .. وخلي لبنان بلبنان .. وخلي السعودية .. كمان بلبنان ..

......

أنو فظيع أنت !!!!!

[Government]

ع سيرة الكم بوسة من الكازينو ..

ع فكرة هون في بعد الشركات بقطر بعض طبعا مو الكل
اذا في موظف لبناني بين عدة موظفين من جنسيات مختلفة (سوري وفلسطيني ومصري واردني مثلا )
وطبعا كانوا كل هالموظفين بنفس المؤاهلات ونفس الميزات وماحدا بفرق عن التاني لابخبرة ولا بشي ..




فطبعا اخونا البناني بتمتع بميز اكتر من الموظفين التانيين متل مثلا راتب اكتر ودلال اكتر والو حرية بالحركة واجازات اكتر الخ ...
يعني بالمشرمحي بكون مدلل اكتر من الموظفين التانيين مع انو الاخ مابفرق عنن لا بالمؤهلات ولا بالتحصيل ولا بالخبرة ومع ذلك هو بتميز اكتر عنن وبدلل اكتر
وطبعا بشهادة ناس كانو قاعدين وعايشو هالشي بعينن يعني مالي جايبو من عندي ..


ليش هالتمييز للبناني الله وأعلم ...

غير الله مابيعرف



فتأمل يارعاك الله ....

[الموسيقار]

أنا بعرف .. معلش ئول ؟

[maged-syrian]

كاتب النص الأصلي : GOVERMENT

ولا اللهجة الحلبية ..

اخ اذا في احلى يازلمة هيك وخاصة وقت بتكون من واحد حلبي اح جاي من الاصيلة مثلا ..

يااخي شي برد الروح والله

لك عراسي حلب وأهل حلب
عليي الحلال كل حلبي بشوفوا هون بالسعودية قبضاي وبيعتمد عليه وزكرتي
والنعم والله بأهل حلب

تحياتي

[abu-wdea3]

"ابوس روحك شقد بحب حكياتك" قال لبناني قال

[Government]

كما ع سيرة البنانية


يازلمة هلأ طلعت مع واحد سوري بالصدفة وانا راجع
يازلمة حكالي قصتو مع شركة لبنانية
قسما بالله من قهري اجا عبالي اتعربش ع ضهر واحد واتم اضربوا اتم اضربوا لياكل هوا

[Government]

كاتب النص الأصلي : maged-syrian

لك عراسي حلب وأهل حلب
عليي الحلال كل حلبي بشوفوا هون بالسعودية قبضاي وبيعتمد عليه وزكرتي
والنعم والله بأهل حلب

تحياتي

لك ع راسي ياملك

فدا شوارب الطيبين نحن

[petar parcar]

كاتب النص الأصلي : صديقة الحزن

انا بنسبة الي ما بحكي غير باللهجة الفلسطنية وهي على فكرة كثير دفشي بس انا ما بحب التصنع
والي بحكو لبناني بخجلو باصلهم
وانا ما بحب اللهجي اللبنانية لانها كثير بايخة ودمها ثقيل

انا مصرى يعنى خارج المنفسة دى بصراحة حرام تقول على اللهجة اللبنانة دمها تقيل بصراحة ظريفة انا بحبها بترتيب بعد لغتى الامم المصرى وبعدين اللهجة السورية ظريفة بردة وعندك كمان الفلسطينية قوية جدا لكن الكدب خيبة اللهجة الخليجية والسعودية مش بستظرفها

[monk]

كاتب النص الأصلي : GOVERMENT

في سؤال عم يدور براسي

ليش عنا بما يسمى عقدة اللهجة اللبنانية

ليش البنت لما بدها تعمل أنها كتير سينيه واتيكيت وهاي بتحكي لبناني؟؟

ليش الشب بس بدو يعمل انو هو كتير هاي و كتير أكابر وكتير اتيكيت
بيعوج لسانو وبيحكي لبناني؟؟


طيب المذيعات والمذيعين السوريين ؟
بمحطات الراديو او حتى عالتلفزيون
ليش بلاقوا اقرب فرصة ليحكو شي كلمة لبناني؟؟


هادي وشادي اسود الي مثلوا سوريا بسوبر ستار ليش بيحكوا لبناني والانكى من هيك مهند مشلح اللي من فصت حلب لما اشترك بسوبر ستار صار يحيك لبناني ونسي انو منفصت حلب ونسي اصلو؟؟؟


يعني هلأ معقول اللهجة البنانية أحلى من اللهجة السورية ؟


ومية وردة

بتعرف و حياة ربك إنو ما في أحلى من اللهجة السورية بالوطن العربي كله
مع العلم إني فلسطيني و معروف عنا بفلسطين إنو أحلى لهجة اللهجة السورية يعني معتدلة مش مايعة كتييييييييير ، تأبش ألبي