شوفوا يا وحداوية مقالة مصطفى الآغا عن إتصالو مع أبشاكر - شرشحة

[fady juventus]

17 يونيو 2008:
مصطفى الآغا


ربما اجد بعض الحرج وأنا أكتب عن هذا الموضوع في مطبوعة إماراتية في الوقت الذي تتواجه فيه الإمارات مع سورية يوم الأحد على بطاقة التأهل عن المجموعة الخامسة في تصفيات كاس العالم ... وسبب الحرج أنني سأكتب عن منتخب سوريا ..... ولكن الحقيقة لايمكن حجبها بغربال ولا اعتقد أن أحد سيزايد على وطنيتي ومحبتي للكرة السورية التي عشت معها أجمل سنوات عمري وأعتقد أنني خدمتها ولو بطريقتي الخاصة ...... يوم الأحد أي بعد يوم من خسارة سوريا ( المعتادة على أرضها ) أمام إيران والتي حذرت من نتيجتها عبر هذه المطبوعة تحديدا ... يوم الاحد إتصلت بمحمد قويض الشهير ( بأبو شاكر ) وهو المدرب الحالي للمنتخب السوري والذي جاء مثل عادة كل العربان كمدرب طوارئ بديلا لزميله ومواطنه فجر إبراهيم بعدما عجز الإتحاد السوري والقيمين على الرياضة في سورية من إقناع أي مدرب بتسلم المهمة أو إيجاد مدرب أجنبي ( كبير الإسم والتجربة ) وليس السبب فيهم بل في الطريقة والعقلية التي تدار بها الرياضة في سورية ولايتحمل لا رئيس الإتحاد الدكتور أحمد جبان ولا رئيس الإتحاد الرياضي الدكتور فيصل البصري وزر هذه المسألة لأنها معشعشة في العقلية السورية .... ولأول مرة اسمع نبضات الغضب في حديث أبو شاكر الذي يعرفه القاصي والداني بأنه هادئ هدوء الموتى .... هو لم يكن غاضبا من النتيجة فقط والتي تحملها بكل مسؤولية رغم أنها المباراة الثالثة له مع المنتخب فقط بل كان غاضبا من جماهير العاصمة وتحديدا جماهير نادي الوحدة ( كما سماهم ) والذين شتموه وشتموا لاعبي الكرامة وطالبوا بإدخال نجمهم ( وأحد نجوم سوريا ) ماهر السيد حتى قبل ان تبدا المباراة وعلا صراخهم ضده والمنتخب حتى عندما كانت النتيجة تشير للتعادل .... والتعادل لم يكن سيئا لو حدث .... ووجد المسكين نفسه في موقف الدفاع عن النفس وعن لاعبي الكرامة الذين تواجد خمسة منهم في التشكيلة يوم كان لاعب الوحدة السابق ومدرب المنتخب لاحقا فجرإبراهيم يمسك بزمام المنتخب ... والأنكي أن جماهير كل نادي طالبت بضرورة إدخال لاعبيها أو نجومها الذين يجلسون على الخطوط بغض النظر عن رؤية المدرب أو مصلحة المنتخب لأنهم لم يروا سوى بعيون انديتهم وتعصبهم والكلام دائما لأبو شاكر .... ولأن حديث هذا الرجل مهم جدا ويعتبر سابقة في طريقة التعبير عنه لهذا إسمحوا لي ان اكتب هذه المقالة على عددين ..... ربما ... وأقول ربما يعتبر المدرب السوري محمد قويض المشهور بأبو شاكر الأكثر شهرة بين أقرانه في تاريخ سورية الحديث وأكثرهم رصيدا من المحبة لدى المواطن السوري المتقلب الهوى بطبعه مثل معظم الشعوب العربية .... أبو شاكر هذا لم يأت لتدريب المنتخب السوري كرمى لسواد عينيه ولكن بعدما حقق الإنجاز الآسيوي الأبرز في تاريخ سورية على صعيد فئة الرجال بوصوله لنهائي دوري أبطال آسيا ثم الربع نهائي مرتين متتاليتين فتم ترشيحه لجائزة أفضل مدرب في آسيا وهو تقدم لتدريب المنتخب بالمجان وبعد مطالبات جماهيرية أي أنه لم يكلب ذلك من نفسه .. ولأن الكرامة بات فخر الكرة السورية وهو على مر التاريخ يقدم النجم تلو النجم للكرة المحلية لهذا فليس مستغربا أن يضم المدرب السابق فجر إبراهيم خمسة من لاعبي الكرامة للمنتخب علما أن فجر كان لاعبا في نادي الوحدة الدمشقي ... ولا اخفيكم مدى الحساسية المفرطة بين بعض الأندية السورية وهو أمر مفهوم لانه يحدث في كل مكان في الدنيا ولكن الغير مفهوم إلى اليوم هو أن جمهور المنتخب الوطني لا يرى إلا بعيون أنديته ونجومه وهو ما حدث في مباراة سورية وإيران لدرجة جعلت أبو شاكر يقول علنا في أخطر تصريح لمدرب سوري على شاشة تلفزيون بأنه شعر أنه يلعب في طهران وليس في دمشق ؟؟؟؟ لا بل قال إن الخبراء حذروه من جمهور العاصمة وطالب بنقل المباراة إلى حمص أو حلب .... علما أن الإنجاز الوحيد للكرة السورية وهو تتويجها بذهبية دورة المتوسط عام 1987 حدث ثلاثة أرباعه في حلب والنهائي في اللاذقية .... وللتاريخ أقول إن جماهير اللاذقية نادت قبل وأثناء وبعد المباراة النهائية أمام فرنسا بإسم نجمها عبد القادر كردغلي الذي تم إيقافه عن اللعب قبيل إنطلاق الدورة بقرار جرئ ( ومثير للجدل ) من العميد فاروق بوظو رئيس الإتحاد السوري آنذاك .... جمهور الوحدة رد على ابوشاكر وقال عن ال40 الف متفرج في الملعب ليسوا فقط جمهور الوحدة وأن المدرب الذي سبقه أيضا نال من الشتائم الكثير ولكنه لم يضع اللوم على هذا الجمهور فقط .... ولكن وللأسف الكبير والعيب الأكبر وفقدان الثقافة والحس الوطني الحقيقي لدى البعض وجدنا أن جمهور منتخب سوريا وقبل أن تبدا مباراة مصيرية مع إيران يشتم والدة المدرب وأهله لأنه لم يدخل لاعبا من ناديهم كأساسي ( حتى ولو كان مارادونا فلن تشفع لهم هذه الحجة ) وضربوا المحترفين القادمين من السويد بأشرطة السي دي حتى كادوا يفتحوا رأس سنحاريب رغم أنهم شتموا القويض لأنه لم يشركه كأساسي وشتموا إتحاد الكرة لأنه لم ينهي معاملاتهم قبيل نهاية التصفيات .... أبو شاكر أعلنها صريحة على التلفزيون بأنه قد توقع كل شئ .. أن يخطئ هو ويخطي لاعبوه وأن تفوز إيران ولكنه لم يتوقع أن تشتم الجماهير المنتخب وتشتمه شخصيا ثم ترمي عليهم القاذورات والأوساخ وأعتقد أنه هنا وفي هذه النقطة أخطأ ابو شاكر ... لأن هناك سوابق قريبة وبعيدة لتقلب الجمهور السوري وكان عليه أن يتوقع حدوث أكثر من ذلك .... ليس في سورية وحدها بل في كل بلد يقود فيه جموع المشجعين أشخاص أميي الثقافة والتربية ....



"نقلاً عن صحيفة الإتحاد"

[عاشق رويدا]

اي قريتها ...اليوم كانو حاطينها بكووورة....بصراحة معو حق مية بالمية...
بحياتها ما صارت جمهور يسب مدربو لانو ما فوت لاعبين من الفربق الفلاني ..
او لانو حط اغلب التشكيلة من فريق غير الفريق اللي بشجعوه...منتهى التخلف

[مايسترو]

لا حبيبتي مو مزبوط الحكي ابو شاكر عامللي المنتخب كله كرامة مع العلم انو اسوا مين لعب بمباراة ايران هنن جهاد الحسين وعاطف جنيات و انانيتون واضحة وموضوع ماهر السيد فالكل حكى انو كان من افضل اللاعبين بالمباريات الودية وقدم مستوى اكتر من ممتاز

الجمهور اللي سب مو بس جمهور الوحدة والجمهور كله كان معصب من العقلية اللي تعامل فيها مع المنتخب وهي انو المنتخب كرامة حتى المحترفين السوريين ما اخدلون اعتبار هاد منطق بشرفكون؟


مايسترو

[هدوء البحر]

في الامس انتهت المباراة الختاميه للمنتخب السوري مع نظيره الياباني للتاهل لكاس العالم وفاز منتتخبنا بنتيجة هدف من دون مقابل سجله جهاد الحسين !ولم يخسر المنتخب السوري ايه مباراة بعد هزيمته امام ايران بهدفين نظيفين كان فيها بعض جمهور العاصمه عبئا على المنتخب,وعاملا محبطا لافراد المنتخب,حيث شتموا المدرب واهله والقوا ببعض الترهات على ارض الملعب,وابدوا تعصبا شاذا لناديهم على حساب المنتخب ,ولكن بعد ذلك هزمنا الامارات 3-0 وفي الدور الختامي فزنا بجميع المباريات وتاهلنا وكان اكثر الناس سعادة هؤلاء البعض من جمهور العاصمة ,حيث حملوا المدرب واللاعبين على الاكتاف وهم يهتفون سوريا ....سوريا وجابوا انحاء العاصمة ودموع الاعتذار تنهمر من عيونهم عما بدر منهم سابقا !!!واخيرا اقاموا حفلة تكريمية للجميع استمرت حتى السادسة والربع صباحا موعد استيقاظي على صوت المنبه تررررن .....تررررن...تررررررررررررن وياريتو مارن

[fady juventus]

كاتب النص الأصلي : هدوء البحر

في الامس انتهت المباراة الختاميه للمنتخب السوري مع نظيره الياباني للتاهل لكاس العالم وفاز منتتخبنا بنتيجة هدف من دون مقابل سجله جهاد الحسين !ولم يخسر المنتخب السوري ايه مباراة بعد هزيمته امام ايران بهدفين نظيفين كان فيها بعض جمهور العاصمه عبئا على المنتخب,وعاملا محبطا لافراد المنتخب,حيث شتموا المدرب واهله والقوا ببعض الترهات على ارض الملعب,وابدوا تعصبا شاذا لناديهم على حساب المنتخب ,ولكن بعد ذلك هزمنا الامارات 3-0 وفي الدور الختامي فزنا بجميع المباريات وتاهلنا وكان اكثر الناس سعادة هؤلاء البعض من جمهور العاصمة ,حيث حملوا المدرب واللاعبين على الاكتاف وهم يهتفون سوريا ....سوريا وجابوا انحاء العاصمة ودموع الاعتذار تنهمر من عيونهم عما بدر منهم سابقا !!!واخيرا اقاموا حفلة تكريمية للجميع استمرت حتى السادسة والربع صباحا موعد استيقاظي على صوت المنبه تررررن .....تررررن...تررررررررررررن وياريتو مارن

ههههههههههههههههههه
حلوة
بس مظبوطة شغلة العبىء مو حلم

[بنفسجة]

مهما كانت نتجة المباراة
الشتم من الجمهور امر شائن وغير مقبول
فيون يعبرو عن غضبون بطريقة حضارية وبعيدة عن الغوغائية
بكل بساطة فيون يهتفو للفريق الاخر او يرفعو رايات بيض متل ما بيصير بغير دول
اما الشتم فهي نقطة تسجل على جماهير العاصمة وللاسف جماهير الوحدة بتتحمل كتير من المسؤلية

[المحارب العتيق]

الله رحمو لأبو شاكر ماكانت اللعبة بحلب . لأنو كان صار أبو صرة بعد هاللعب والخسارة

[بنفسجة]

كاتب النص الأصلي : المحارب العتيق

الله رحمو لأبو شاكر ماكانت اللعبة بحلب . لأنو كان صار أبو صرة بعد هاللعب والخسارة

حرام عليكون والله
انا بحبو لابو شاكر
واذا حدا بيتطاول عليه حتى لو كان ابو عباية بذاتو بدي دعوسو

[ابو ريتا]

كاتب النص الأصلي : هدوء البحر

في الامس انتهت المباراة الختاميه للمنتخب السوري مع نظيره الياباني للتاهل لكاس العالم وفاز منتتخبنا بنتيجة هدف من دون مقابل سجله جهاد الحسين !ولم يخسر المنتخب السوري ايه مباراة بعد هزيمته امام ايران بهدفين نظيفين كان فيها بعض جمهور العاصمه عبئا على المنتخب,وعاملا محبطا لافراد المنتخب,حيث شتموا المدرب واهله والقوا ببعض الترهات على ارض الملعب,وابدوا تعصبا شاذا لناديهم على حساب المنتخب ,ولكن بعد ذلك هزمنا الامارات 3-0 وفي الدور الختامي فزنا بجميع المباريات وتاهلنا وكان اكثر الناس سعادة هؤلاء البعض من جمهور العاصمة ,حيث حملوا المدرب واللاعبين على الاكتاف وهم يهتفون سوريا ....سوريا وجابوا انحاء العاصمة ودموع الاعتذار تنهمر من عيونهم عما بدر منهم سابقا !!!واخيرا اقاموا حفلة تكريمية للجميع استمرت حتى السادسة والربع صباحا موعد استيقاظي على صوت المنبه تررررن .....تررررن...تررررررررررررن وياريتو مارن

من كتابتك ياهدوء البحر ولون الخط الي أخدو ، بفكر أنا انو إنت وحدواي ، وبتفهم شعورك إذا ماهر السيد مانو بالتشكيلة الأساسية للمنتخب ، والشي الي صار بالملعب ان كان صحيح متل ما عم يقول المدرب محمد قويض فهدا شي عيب ، بعدين هو المدرب مو نحنا لك إذا باسبانيا في عندك شي اسمو ريالي والتاني برشلوني ، بس لما يصير منتخب اسبانيا مافي لا ريال ولا برشلونة يا ريت نحنا كشعب نفهم هدا الشي ، بتتذكر لما كان فريق الجيش مسيطر على الدوري ، ليش لأنو كان الأفضل وبنفس الوقت المنتخب السوري غالبية عناصرو من الجيش ، وحاليا عم نشوف فريق الكرامة م يقدم عروض قوية ولاعبيه هنن الأفضل ، هاد الحكي مو من عندي ، هادا الشي عم نشوفو ونسمعو ، بعدين هي المباراة الي صارت وللأسف الشي الي صرح فيه المدرب كان غلط لأنو رح تزيد من سلبية النتائج على الفريق ، بالنهاية هادا منتخب سوريا ، يعني لاعبين سوريا وليس لاعبو الكرامة أو الوحدة أو الجيش أو أي فريق تاني .....ياريت كمان نحنا كأعضاء بأخوية نشد على هاد الشي ...

[هدوء البحر]

ابو ريتا

الشي يلي حكيتو مزبوط وماحدا ضد هاد الشي

ولما استلم ابو شاكر زمام الامور متل ما بيئولوا

كلنا فرحنا وانبسطنا

بس من وئت ما استلم المنتخب خسرنا مرتين وفزنا مرة بشلف وبزور

بلعبتنا مع الكويت كانت في اخطاء كتير ما استفاد منها

ولعب بنفس التشكبلة مع ايران

عم يحمل الجمهور الخسارة طيب هاد شي صار باخر ربع ساعة لما شاف انو مافي امل مع هيك تشكيلة

وين كان الفريق بائي المبارة

وهو يلي بلش هجموا على جماهير الشام يعني كانو مافي بالمعلب غير الجمهور الشامي
وطلع على ام بي سي متل ما ال صديقي محارب صار يحكي متل بياعين الخضرة وحمل الخسار للجمهور

وعم تحكي عن الوطينة اذا جمهور الكرامة جاية وجايب معو علم الكرامة ورافعو وعم يشجع ابو شاكر

يعملوا يلي بدهم بس وين الوطنية يلي جايين يشجعوا الكرامة مو المنتخب

سنحاريب ترك بلجيكا منشان يقعد على الاحتياط 7 من لعيبة الكرامة كانو بالمنتخب

يلي ماعملوا شي بمبارة الكويت وكانو انانيين بالعب

وسأل اي حدا شاف المبارة يلي علبناها مع ايران بئلك كانو فريق حارات يلي عم يلعب

الجمهور لما شاف مافي امل ضاج لانو البو على منتخب
لا تعتبرني لاني وحداوي عم احكي هيك انا مع المنتخب وكلنا مع المنتخب

[souriana]

لك معليش شو صار اب شاكر متل النار

[ابو ريتا]

كاتب النص الأصلي : souriana

لك معليش شو صار اب شاكر متل النار

مين فيقك أنت ؟

[مايسترو]

بنفسجة جمهور الوحدة الغير حضاري اللي عم تحكوا عنه هو ذاتو اللي عبر عن رفضه لادارة النادي بقيادة خالد حبوباتي(الله لا يردو)ورفع الاعلام البيضاء وضل ساكت كل المباراة....
(ما عم احكي على مباراة المنتخب لا على مباريات الدوري)

مايسترو

[المحارب العتيق]

كاتب النص الأصلي : هدوء البحر

عم يحمل الجمهور الخسارة طيب هاد شي صار باخر ربع ساعة لما شاف انو مافي امل مع هيك تشكيلة

وين كان الفريق بائي المبارة

طلع كلام الجمهور بأخر ربع ساعة بمباراة أيران هو سبب خسارتنا مع الكويت

[مالي خايف]

يعني الشباب الي عم تحكي على الجمهور انو بس جمهور الوحدة الي عمل كل هالعمايل الملعب كان معبا عالآخر ومتل مافي جمهور عاصمة في جمهور من باقي المحافظات ولا بس بيعرفوا انو جمهور العاصمة الي عمل كل المشاكل وبعدين واضحة من طريقة ابو شاكر انو عم يحاول يلعب الكرماوية بالمباراة قد ما بيقدر بدليل انو حط اللاعب الي جاية من اخر معامر الله على كراسي الإحطياط وما نزلو بالتشكيلة الأساسية لبعدين عم يلعبلي بالمنتخب هواة ما بيعرفوا شكل الطابة كيف....
وبعدين بحب اسألو سؤال لمصطفى الآغا يا ترى ما قلو أبو شاكر شو كان مساعدو عم يعمل للجمهور حركات عم يستفذو فيها ولا متل العادة بنحط الحق على غيرنا وما بنعترف بأخطائنا

[fady juventus]

كاتب النص الأصلي : المحارب العتيق

الله رحمو لأبو شاكر ماكانت اللعبة بحلب . لأنو كان صار أبو صرة بعد هاللعب والخسارة

بايخة كتير ...

[مسطول على طول]

يلي شاف المبارة وحضرها مو بيسب ابو شاكر لا بسب الله وملايكتو هاد مو منتخب وطني هاد منتخب حارات .. هلء الجمهور هوي سبب خسائر المنتخب !!


الجمهور السوري عامتاً مل وقرف من الفشل ومن ثم فشل وفشل وافشل من الفشل

والذي جاء مثل عادة كل العربان كمدرب طوارئ بديلا لزميله ومواطنه فجر إبراهيم بعدما عجز الإتحاد السوري والقيمين على الرياضة في سورية من إقناع أي مدرب بتسلم المهمة أو إيجاد مدرب أجنبي ( كبير الإسم والتجربة ) وليس السبب فيهم بل في الطريقة والعقلية التي تدار بها الرياضة في سورية ولايتحمل لا رئيس الإتحاد الدكتور أحمد جبان ولا رئيس الإتحاد الرياضي الدكتور فيصل البصري وزر هذه المسألة لأنها معشعشة في العقلية السوري

يعني مين بيتحمل النتائج يلي بتخزي ؟؟

[fady juventus]

أبو شاكر بيستاهل اللي صارلو
لأنو كان غبي لما فكر يساعد المنتخب و ينقذو من الأزمة و كان طبيعي يجيب لعيبتو معو
بس بدكن ناس تفهم إنو هاد الشي بيعملو اي مدرب عالمي ..
مثال صغير .. فابيو كابيللو كان عندو إيمان بكم لاعب كان يحاول يشحطن معو وين ما راح .. روما و اليوفي و الريال متل بانوتشي و زيبينا و ايميرسون ...

كان لازم يتوقع انو الجمهور ببلدنا بيعتقد إنو بيفهم أكتر من المدرب .. حتى جمهور الكرامة سابقاً كان يعمل هيك لحد ما إجى أبشاكر بطلوا يتدخلوا لأنو عندن إيمان فيه
بس هالشي مو موجود عند بقية الجماهير و خصوصاً جمهور الوحدة اللي فشل فريقو بمساعدة الإدارات المتعاقبة الفاشلة .. و لو بيندفع على عمال بانياس يللي بيندفع عالوحدة كانوا نافسوا عالدوري
هني كانوا حابين يفوز المنتخب أكيد ما عنا شك .. بس بيفضلوا يفوز بلعيبة الوحدة اللي الله سترو من الهبوط عالدرجة التانية و الله أعلم شو صار بآخر الدوري من تحت الطاولات
بدن المدرب يحط من نادي هربان من الدرجة التانية متل نادي وصيف آسيا و صار الوصول عالدور الربع نهائي فولكلور عندو ... و صارت الفرق الخليجية ترتعب لما تجي ع حمص
و المعلقين الخليجيين بيتفننوا بمدح الكرامة
بيجيني جمهور الوحدة يطالب بلاعبينو بالمنتخب ؟؟؟
المدرب هوي الوحيد اللي بيقرر اللاعب المناسب بالمكان المناسب
الشغلة مو كرامات و واسطات و توزيع حصص متل اتفاق الطائف تبع لبنان .. النادي الأفضل عندو اللعيبة الأفضل
بقى ما يجيني واحد مفزلك يعطي رأيو بلعيبة الكرامة بطل الدوري بدون منافسة "انتبهوا بدون منافسة و ليس منافس"
ولا أبشاكر بحاجة لتقييم هيك ناس مو شاطرة غير بالمسبات و شعارها الفشل و نتائج فريقكن أكبر دليل
أبشاكر أحسن مدرب آسيوي غصب عن رقبة اللي بدو و اللي مابدو ... و الإتحاد الآسيوي هوي قال هالشي مو جماهير الكرامة
بيكفي باسو رجليه ليدرب المنتخب و يا ريتو ما رضي .. ما بيلبقلكن
جد ما بيلبقلكن زلمة محترم متل هاد
يا عيب الشوم بس