تجارة الهامش

رجل من ورق · 06/09/2008

سلام شباب
شو يعني تجارة الهامش كتير عبسمع فيها
فيكون تشرحولنا

محمد ابراهيم · 06/09/2008

مرحبا طارق

هل بتقصد تجارة الهامش المتعلقة بتجارة العملات والاسهم باسلوب الهامش ؟
ولا تقصد شيئ تاني ؟

رجل من ورق · 06/09/2008

مرة واحد رفيقي قلي بدي تاجر بالسيارات باسلوب الهامش وما فهمت عليه شي من شرحه بس قلي انو معي 100 الف وبالهامش بربح ملايين

محمد ابراهيم · 06/09/2008

انا رح اعرض فكرة تجارة الهامش بصفة عامة وانت طبقها على اللي بدك .

بالتجارة العادية اذا معك 1000 دولار بتروح تشتري اللي بدك بقيمة هالمبلغ اللي هو 1000 دولار فقط وبعدين تقوم بالبيع وتحقق ربح او خسارة (لانو التجارة شراء ثم بيع ثم مكسب او خسارة.

تجارة الهامش مختلفة كلية عن التجارة العادية بحيث انو لو معك 1000 دولار بتقدر تشتري بقيمة 10000 دولار على سبيل المثال وهاد معناه انو الالف دولار هامش 10% بالنسبة الى العشرة الاف دولار ،

هاد معناه انو تجارة الهامش بتعطيك امكانية لشراء اضعاف مايمكن شراؤه بالمبلغ اللي تحت يدك
يعني على فرض انو نسبة الربح بتجارتك 20%
لو اشتريت بنظام التجارة العادية ثم قمت بالبيع بتكون حققت 20% ربح يعني صار معك 1000+200 (نسبة ربحك)
اما شرائك بنظام الهامش بيتيح الك شراء ماقيمته عشرة الاف دولار (يعني بتشتري 10 اصعاف الكمية اللي بدك تشتريها على الرغم من انو مامعك غير الف دولار بس) وطبعا رح تحقق ربح قدره 200% يعني 10 اضعاف (نظام هايل مزبوط؟)

دير بالك ما ينطبق على الربح ينطبق على الخسارة

خسارتك فقط 10% في الوضع العادي رح تكون 100% بوضع الهامش (قبل ما تتاجر بالهامش لازم تكون اخدت خبرة بالتجارة العادية ) لحتى ماتخسر كل نقودك بفترة قياسية

رجل من ورق · 06/09/2008

وشو سبب الخسارة يعني لو واحد عم يتاجر بسيارات واو عقارات اي بقرن ما بتنزل اسعارون

محمد ابراهيم · 06/09/2008

اقتباس:

كاتب النص الأصلي : SOURAQIA

وشو سبب الخسارة يعني لو واحد عم يتاجر بسيارات واو عقارات اي بقرن ما بتنزل اسعارون

شوف ياعزيزي ، انا بعرف تجارة الهامش المتعلقة باسواق المال اي البورصات ، الوضع في البورصات دايما محفوف بجانب من المخاطرة (يعني الاسعار في تقلب )
في سوق للذهب وسوق للنفط وسوق لسلعات عديدة (ومن المعروف تارجح السعر دائما)

لازم تحط في اعتبارك انو اللي رح يتيح الك تتاجر بنظام الهامش هو انو في جهة رح تغطي باقي المبلغ بالنيابة عنك
وهاد بحد ذاتو يعتبر قرض والقرض بيترتب عنو تنازلك عن جزء من المال (يعني مالك رح يقل بمقدار هالجزء)

انا ماعندي فكرة عن تجارة الهامش بسوق العقارات او السيارات، بس لاحظ انو اسعار السيارات بتنخفض عالميا مع تطور التكنولوجيا ، على كل حال نظام الهامش نظام خطر
لانو انت بتشتري وتبيع (ولاحظ انو لازم تبيع ومارح ينفع تحتفظ بالسلع لانو في عالم قامت بتغطية اغلب المبلغ بالنيابة عنك، هادول بدون يربحو ومارح يستنو عليك ) .

بالنسبة لنظام الهامش اللي بتحكي عنو هاد (ياترى الو دخل بالبورصة او لاء) منشان اذا ما الو دخل بالبورصة (ما رح اقدر افيدك ) لانو بيكون اسمو قرض ، انا لابفهم بالقروض ولا بفهم في السيارات او العقارات .
أما اذا بالبورصة بيكون في مجال احكي معك على قدر علمي وتجربتي البسيطة بالبورصة .

رجل من ورق · 06/09/2008

ولا يهمك مشكور يا باشا

محمد ابراهيم · 06/09/2008

اقتباس:

كاتب النص الأصلي : SOURAQIA

ولا يهمك مشكور يا باشا

بتعرف ليش هالخطبة العصماء !! منشان تاني مرة تخبرني بالبورصة او لاء (هلاء انا شبه متاكد انو هالموضوع خارج البورصة) بس بصفة عامة نظام الهامش فكرتو وحدة ما بتتغير (بمبلغ بسيط تشتري اضعاف الكمية اللي ممكن تشتريها بهالمبلغ بالوضع الطبيعي)

رجل من ورق · 07/09/2008

اي خارج البورصة اساسا ما عنا لسا بروصة بالشام
وتحديدا للسيارات او اللابتوب

ِAbu Alzooz · 07/09/2008

طيب بس سؤال انا معي ال 1000$

منين بدي اشتري ب 10000$

يعني في 9000$

ضايعين مو

محمد ابراهيم · 07/09/2008

اقتباس:

كاتب النص الأصلي : SOURAQIA

اي خارج البورصة اساسا ما عنا لسا بروصة بالشام
وتحديدا للسيارات او اللابتوب

انت اصلا اغلب وقتك برا سوريا "مشان هيك ما اجى ببالي انك بتحكي عن سوريا!"
على كل حال هو الحكي بعيد عن البورصة لهالسبب كنت شبه متاكد من انو بتحكي عن شيئ غير البورصة .

اقتباس:

كاتب النص الأصلي : ABU WILLIAM

طيب بس سؤال انا معي ال 1000$

منين بدي اشتري ب 10000$

يعني في 9000$

ضايعين مو

مش ضايعين
شوف ياسيدي ، الحكي على اسهم البورصة هلاء

انت معك الف دولار وادامك سهم على سعر 10 دولار ورح تشتري بكامل المبلغ المنطقى انو اللي معك يجيب فقط 100 سهم كالتالي( 1000 دولار / 10 دولار = 100 سهم )
ولكن مع الهامش تقدر تضرب العدد في 10 ويكون معك 1000 سهم بنفس المبلغ (1000 دولار بس)
تجارة الهامش بتعتمد على انك مارح تحتفظ بالاسهم (لانو اصلا انت ما دفعت الا 10% من قيمتها ) فكيف يتركوك تحتفظ فيها وقد ينزل سعرها بس 5% وتتعرض لخسارة نص قيمتهايعني 50 % مثلا !!
تجارة الهامش بتعتمد على انك تشتري وتبيع في وقت قصير ، في مؤسسة او شركة بتؤمن الك ال 90% اللي ما معك وهاد طبعا مقابل نسبة تتحملها انت وتدفعها الون بعد البيع ،
مابدي ادخلك بتفاصيل كتير (في شغلة اسمها صيانة الهامش ) يعني لما السعر ينزل 5% يبقى اجمالي قيمة اسهمك بالسوق اصبحت 9500 دولار (9000) مش الك وال (1000 اللي كانو الك صارو 500 بس) لانو في حالة الخسارة انت اللي بتخسر مش الشركة وبهالحالة بيطلبو منك تعدل الهامش وترجعو لنفس النسبة تاني ،يعني ترجع تحط 500 دولار بحسابك او هما رح ينزلو عدد اسهمك للنص بحيث يكون ال 500 دولار الباقيين بيمثلو 10% مرة اخرى .
خلاصة القول : في شركة او مؤسسة بتدعمك بحيث تقدر تشتري باضعاف المبلغ اللي معك (بس بشرط انك تحافظ على الهامش عند نفس النسبة في حالة نزول الاسعار ) اذا بدك تعتبر انو ال 9000 اللي معك حطتون الشركة ، اوك طالما رح تفهم بهالطريقة ولكن الواقع انو الهامش اللي هو مالك انت ، هو الضمان الون .

Ms. J.A · 07/09/2008

اقتباس:

كاتب النص الأصلي : محمد ابراهيم

انت اصلا اغلب وقتك برا سوريا "مشان هيك ما اجى ببالي انك بتحكي عن سوريا!"
على كل حال هو الحكي بعيد عن البورصة لهالسبب كنت شبه متاكد من انو بتحكي عن شيئ غير البورصة .

مش ضايعين
شوف ياسيدي ، الحكي على اسهم البورصة هلاء

انت معك الف دولار وادامك سهم على سعر 10 دولار ورح تشتري بكامل المبلغ المنطقى انو اللي معك يجيب فقط 100 سهم كالتالي( 1000 دولار / 10 دولار = 100 سهم )
ولكن مع الهامش تقدر تضرب العدد في 10 ويكون معك 1000 سهم بنفس المبلغ (1000 دولار بس)
تجارة الهامش بتعتمد على انك مارح تحتفظ بالاسهم (لانو اصلا انت ما دفعت الا 10% من قيمتها ) فكيف يتركوك تحتفظ فيها وقد ينزل سعرها بس 5% وتتعرض لخسارة نص قيمتهايعني 50 % مثلا !!
تجارة الهامش بتعتمد على انك تشتري وتبيع في وقت قصير ، في مؤسسة او شركة بتؤمن الك ال 90% اللي ما معك وهاد طبعا مقابل نسبة تتحملها انت وتدفعها الون بعد البيع ،
مابدي ادخلك بتفاصيل كتير (في شغلة اسمها صيانة الهامش ) يعني لما السعر ينزل 5% يبقى اجمالي قيمة اسهمك بالسوق اصبحت 9500 دولار (9000) مش الك وال (1000 اللي كانو الك صارو 500 بس) لانو في حالة الخسارة انت اللي بتخسر مش الشركة وبهالحالة بيطلبو منك تعدل الهامش وترجعو لنفس النسبة تاني ،يعني ترجع تحط 500 دولار بحسابك او هما رح ينزلو عدد اسهمك للنص بحيث يكون ال 500 دولار الباقيين بيمثلو 10% مرة اخرى .
خلاصة القول : في شركة او مؤسسة بتدعمك بحيث تقدر تشتري باضعاف المبلغ اللي معك (بس بشرط انك تحافظ على الهامش عند نفس النسبة في حالة نزول الاسعار ) اذا بدك تعتبر انو ال 9000 اللي معك حطتون الشركة ، اوك طالما رح تفهم بهالطريقة ولكن الواقع انو الهامش اللي هو مالك انت ، هو الضمان الون .

ازا كان الحكي الو علاقة بالأسهم عادة اللي بيكمل المبلغ هو ال brokerage firm او شركة الوساطة وازا سعر الاسهم نزل معهم حق يبيعوا الاسهم هاي لما يكون الباقي معك بيغطي الفلوس والتكاليف اللي دفعوها هيك انا بعرف..
والله تعالى أعلى وأعلم

رجل من ورق · 07/09/2008

غريب انو ما في شركات بسوريا تتعامل بهالنظام
يعني في الواحد يتاجر بدون راس مال كبير

Ms. J.A · 07/09/2008

انو مش دايما مربحة فيها كتير risk و ما حدا بيضمن انو السهم هاد يرتفع سعرو خصوصا بوضع العالم اليوم !!

محمد ابراهيم · 07/09/2008

اقتباس:

كاتب النص الأصلي : Ms. J.A

ازا كان الحكي الو علاقة بالأسهم عادة اللي بيكمل المبلغ هو ال brokerage firm او شركة الوساطة وازا سعر الاسهم نزل معهم حق يبيعوا الاسهم هاي لما يكون الباقي معك بيغطي الفلوس والتكاليف اللي دفعوها هيك انا بعرف..
والله تعالى أعلى وأعلم

ببعض الدول المتقدمة (البنوك بتقوم بنفس دور شركات السمسرة )
لكن الفكرة وحدة ومافي اي اختلاف (نفس الفكرة بنفس التطبيق .

اقتباس:

كاتب النص الأصلي : SOURAQIA

غريب انو ما في شركات بسوريا تتعامل بهالنظام
يعني في الواحد يتاجر بدون راس مال كبير

مابعتقد موجود بالبورصات العربية والله اعلم (مش بس سوريا )

اقتباس:

كاتب النص الأصلي : Ms. J.A

انو مش دايما مربحة فيها كتير risk و ما حدا بيضمن انو السهم هاد يرتفع سعرو خصوصا بوضع العالم اليوم !!

المخاطرة بتكون مضروبة في نفس عدد اضعاف المبلغ الي بتؤمنه شركة السمسرة مقارنة بالمبلغ الاصلي .

يعني لو الهامش 10% يبقى المخاطرة = نسبة المخاطرة العادية * 9
وطبعا هاد رقم ضخم جدا جدا جدا (بدو واحد واثق من المكسب او واحد قلبو حديد )

المحارب العتيق · 07/09/2008

اقتباس:

كاتب النص الأصلي : SOURAQIA

غريب انو ما في شركات بسوريا تتعامل بهالنظام
يعني في الواحد يتاجر بدون راس مال كبير

أعتقد أن ماقصده صديقك . هو عبارة مثلا عن المضاربة بالعقارات

بيشتري بيت بالتقسيط . بيكون دفع دفعة أولة . ومادفع كل الثمن . بعد بفترة بيطلع البيت وبيبيعوا . وبيكون عمل أرباح بدون مايكون دفع ثمن البيت كاملا

طفوله · 26/09/2008

اقتباس:

أعتقد أن ماقصده صديقك . هو عبارة مثلا عن المضاربة بالعقارات

بيشتري بيت بالتقسيط . بيكون دفع دفعة أولة . ومادفع كل الثمن . بعد بفترة بيطلع البيت وبيبيعوا . وبيكون عمل أرباح بدون مايكون دفع ثمن البيت كاملا

مثـالـك ممـكـن نــوعــا مــا يفيـد بشــرح الفكـره .. لــكــن .. بســوريـا صـعـب نصــنف المضـاربـه العقـاريـه ضـمـن تجـارة الهـامـش .. لأنــو فعـليـا تجـارة الهـامـش بتحـمـل كتيـر مـن المخـاطـر

بينـمـا المضـاربـه العقـاريـه .. غــير خطــره ع نفـس القـدر .. بالنسـبه لسـوريـا (وعلـى عكـس اقتصـاديـات الدول الكــبرى) .. تعتــبـر تجـاره ذات اربـاح مضمـونـه ..

محمد ابراهيم · 26/09/2008

اقتباس:

كاتب النص الأصلي : المحارب العتيق

أعتقد أن ماقصده صديقك . هو عبارة مثلا عن المضاربة بالعقارات

بيشتري بيت بالتقسيط . بيكون دفع دفعة أولة . ومادفع كل الثمن . بعد بفترة بيطلع البيت وبيبيعوا . وبيكون عمل أرباح بدون مايكون دفع ثمن البيت كاملا

فهمني معنى "بعد بفترة بيطلع البيت وبيبيعوا"

بتقصد يشتري ارض بالتقسيط وبعدين يبنيها بيت وبعدين يبيع؟
او يشتري البيت جاهز بس بالتقسيط وبعدين يبيعو ؟

على كلا الحالتين هاد ليس تجارة الهامش من الاصل