أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > اقتصاد > أخوية الإقتصاديّة العامة

إضافة موضوع جديد  إضافة رد
 
أدوات الموضوع
قديم 07/10/2008   #1
شب و شيخ الشباب fady juventus
عضو
-- مستشــــــــــار --
 
الصورة الرمزية لـ fady juventus
fady juventus is offline
 
نورنا ب:
Aug 2005
المطرح:
______________
مشاركات:
2,432

افتراضي تهاوي البورصات العالمية


شفتو إنو التخلف أحياناَ بيكون نعمة !!!

بما إنو سوريا ما عندها بورصة ...
و بما إنو القطاع المصرفي عنا بمرحلة الطفولة " بس طفل منغولي "
و بما إنو إقتصادنا لساتو بين قوسين إشتراكي و لساتو ما تحول لما يسمى و كمان بين قوسين ... اقتصاد السوق الإجتماعي "ولا رح يتحول"
و بما إنو أميركا محاصرتنا و قاطعة عنا المي و الكهربا و ما إلنا منفس على كلشي مغرِب
و بما إنو و بما إنو ... و العد يطول ...
لذلك ...
فينا نقعد نتفرج عالإقتصاد العالمي و هوي عم ينهار و لا ينهزلنا جفن
و فينا نسمع خبر تهاوي البورصات الخليجية و العربيةو الآسيوية و نحنا عم نضحك عليهن
و فينا نراقب أسهم البورصات العالمية عم تسقط كزخ المطر و ما نخاف يلطشنا شي سهم طايش
و فينا نراقب افلاس بنوك العالم بدون أي اهتمام يذكر !!!

طيب هاي مو نعمة ؟
هلأ تهاوي البورصات العالمية كان مستمر خلال أسبوع العطلة بالدول الإسلامية .. مشان هيك ما كان فينا نشوف شو الإنعكاس على العرب و الخليج تحديداً

اللي ذكرني بالقصة اليوم هوي خبر خسارة البورصة السعودية و فور بدءالأعمال اليوم بنسبة 10 %
رقم مخيف و بوقت قياسي ... باقي دول الخليج الخسارات كانت بحدود 5 %
و مبارح كان خسارات بورصات الإمارات بنسب حوالي من 5 % كمان
و أكيد بورصات موسكو و طوكيو و أوروبا عم تنزف كمان بعد الأميركية

خلال العطلة كانوا الإقتصاديين العرب الأغبياء طبعاً عم يحاولوا يطمنوا المستثمرين و يقولوا إنو بالخليج ما رح يتأثرو مشان ما حدا يسحب أسهمو

بشرفكن تفرجوا على شي قناة اقتصادية و شوفو الأسهم باللون الأحمر

يعني أنا بصراحة شمتان .. و هاي هيي نتائج "الإباحية" الإقتصادية .. إن جاز التعبير

أنا بصراحة ما بتخيل إنو سوريا ممكن تتأثر بالأزمة و إزا طلع شي خبير اقتصادي سوري خصوصاً الرجل الغامض المدعو "مصدر مسؤول " و طلع يحكي غير هالحكي فأنا بشك يكون مشان الشحادة مو أكتر .

خلونا نراقب و نشوف آخرتا لهالأزمة التاريخية .. لأنو 90% آخرتا رح تكون وخيمة و نتائجها رح تغير وجه العالم الحالي و يمكن خارطة القوة العالمية .

أعـشق عـمري لأنـي إذا مـتُّ أخجل من دمـع حـبـيـبـتـي ... و أمـي
______
في حضرة الإمبراطور اليوفي و الأسطروة دل بييرو .. يركع الملكي المدريدي
______
احذروا قناة العربية
لأنها قناة حريرية عبرية أميريكية سعودية قذرة
همها الأوحد تشويه صورة سوريا العظيمة
  رد مع اقتباس
قديم 07/10/2008   #2
شب و شيخ الشباب BL@CK
مشرف
 
الصورة الرمزية لـ BL@CK
BL@CK is offline
 
نورنا ب:
Apr 2007
المطرح:
Aleppo-Syria
مشاركات:
4,345

افتراضي


من يومين بالصدفة بمكتب رفيقي فا حاط عالقناة الأرضية حسيت إني الشماتة السورية وصلانة لأوجا .. يا عمي بالشريط الأخباري عاملين حفلة عن الأزمة تاعيت أميركا ..

و اليوم كتير كنت سعيد بأخبار بورصات الخليج .. هاي نهاية الإرتباط و الشراكة و التوأمة مع أميركا ألله يخليلون ياها ...

الخبر الحلو أنو إغلاق بورصة الكويت اليوم لأني أسهما وصلت خساراتا لأكتر من 10 % بالمية .. جد شي برد الروح ..

عموما ً ألله يقدم اللي فيه الخير لأني بالنهاية حتتأثر سوريا لو ما في عنا أسواق أسهم فا ألله يستر ..

و آخرا ً و ليس آخرا ً .. قسم أخبار العالم للأخبار المنقولة من مصادر أخبارية .. لذلك الموضوع مطرحوه ب "أخوية الإقتصادية العامة"

شكرا ً جزيلا ً جدا ً ..


ويحَ زمَنٍ أصبَحَ فيهِ عاشِقُ الوطَنِ يُهان ..

ويُشطَبُ مِن ذاكرةِ عشقِهِ ..

ومِن قائِمَةِ بني الإنسان !!



.
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 21:45 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.04968 seconds with 11 queries