أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > عناوين الأخبار

إضافة موضوع جديد  إضافة رد
 
أدوات الموضوع
قديم 26/04/2009   #1
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي أوباما يمتنع عن وصف مجازر الارمن ب (الإبادة)


أوباما يمتنع عن وصف مجازر الارمن ب (الإبادة)... ويعد بمواجهة كل من ينكر حقيقة «المحرقة النازية»



واشنطن - (أ.ف.ب):
أكد الرئيس الاميركي باراك اوباما أمس الاول في مراسم ذكرى ضحايا محرقة اليهود في الحرب العالمية الثانية، التزام الولايات المتحدة القوي باسرائيل وتعهد بمحاربة الذين ينكرون المحرقة. وقال اوباما في مقر الكونغرس حيث اقيمت المراسم التي نظمها متحف الولايات المتحدة لمحرقة اليهود وبحضور يهود نجوا منها ان "هناك الذين يصرون على ان المحرقة لم تحدث ويرتكبون كل اشكال التعصب من عنصرية ومعاداة للسامية وكره للاجانب وتمييز بين الجنسين وغيرها".

واضاف "ادينا فرصة لمكافحة هذه الآفات وهذا واجبنا".


وتابع "لدينا الفرصة للالتزام بمكافحة الظلم والتعصب بكل اشكالهما، بمواجهة الذين يطلقون الاكاذيب بشأن التاريخ وبأن نبذل كل جهد ممكن لمنع وقوع فظائع مثل تلك التي حدثت في رواندا ودارفور".
وتأتي كلمة اوباما بعد خطاب الرئيس الايراني محمود احمدي نجاد في مؤتمر الامم المتحدة لمكافحة العنصرية حيث وصف اسرائيل بانها "حكومة عنصرية".


من جهته، استغل ايلي فيزل الذي نجا من معسكري الاعتقال النازيين في بوشنفالد واوشفيتز المناسبة ليهاجم الرئيس الايراني. وقال ان احمدي نجاد "يحتل المرتبة الاولى بين الذين ينكرون المحرقة". واضاف ان الرئيس الايراني "استخدم منبرا رسميا لاجتماع للامم المتحدة لاهانة دولة اسرائيل بطريقة لا يقوم بها اي شخص متحضر". من جهة اخرى امتنع الرئيس الجمعة عن وصف المجارز التي ارتكبتها الامبراطورية العثمانية بحق الارمن في العام 1915، بانها عمليات «ابادة»، الا انه قال انه غير نادم على استخدام هذا المصطلح اثناء حملته الانتخابية. واتبع اوباما التقليد الدبلوماسي الاميركي الحديث باصدار بيان في يوم ذكرى المجازر الارمنية واصفا عمليات القتل التي راح ضحيتها اكثر من 1,5 مليون شخص بانها «واحدة من اكبر الفظائع التي ارتكبت في القرن العشرين». الا انه وبعد ضغوط من تركيا التي تجري حاليا محادثات مصالحة مع ارمينيا، لم يستخدم اوباما كلمة «ابادة». وقال اوباما ان التصالح مع الماضي هو افضل طريقة بالنسبة للاتراك والارمن للتقدم الى الامام والعمل لتجاوز «التاريخ المؤلم.. بطريقة صادقة ومنفتحة وبناءة».



المصدر :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


رايحة تزور
كوخ مسحور
  رد مع اقتباس
قديم 26/04/2009   #2
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


ما حسيت انو في كتير ضرورة لذكر كلمة ابادة طالما ذكر اوباما انو "من اكبر الفظائع الي ارتكبت في القرن العشرين"
يعني كلام الرئيس الامريكي يؤدي لنفس النتيجة بالنسبة للارمن وهوي انو موقفو متعاطف بشدة مع الارمن وتجاوز التاريخ المؤلم بطريقة صادقة ومنفتحة وبناءة هوي الحل الامثل.. طبعا بعد اعتراف واعتذار تركيا رسميا عن المجازر..

بذكر على هامش الخبر انو العثمانيين ابادو ايضا جزءا كبيرا من الشركس بالتواطؤ مع الروس في نهايات القرن التاسع عشر وبدايات القرن العشرين..

طائر واحد يكفي لكي لا تسقط السماء
فرج بيرقدار
  رد مع اقتباس
قديم 29/04/2009   #3
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


هلا انا ماالي مصلحه لا مع الارمن ولا مع الدولة العثمانيه
بس مجازر الارمن كلها حكي فاضي هديك المرة احمد منصور (وهو شخص معروف بقوة مصادرو) كان بلا حدود بتكلم عن مجازر الارمن والمبالغه بعدد الضحايا وحكى الشخص اللي استضافو انو كان اكتر احصائية لأعداد الارمن هداك الوقت مليون وتلاتمائة الف وكيف وبقولو الضحايا مليون ونص ! كيف زبطت والعدد الحقيقي 20 وهدول قتلو لأنهم كانو يحاربو مع الجيش الروسي ضد الدوله العثمانيه ازا معلوماتي غلط يا ريت حد يصححها

*هنا يرقد جبر من بطن امو للقبر

*بحب اللي بحبو المنسف
  رد مع اقتباس
قديم 29/04/2009   #4
شب و شيخ الشباب توم و جيري
عضو
-- زعيـــــــم --
 
الصورة الرمزية لـ توم و جيري
توم و جيري is offline
 
نورنا ب:
Nov 2008
المطرح:
syria
مشاركات:
1,309

إرسال خطاب MSN إلى توم و جيري
افتراضي


يمكن الو مصلحة قريبة مع تركيا ..
بعدين بترجع نفس الاسطوانة ..
بعدين ما بيتاخد عن تمو شي وين وصفو لمجازر اميركا واسرائيل بالمنطقة ؟؟

أحتاج إلى عاصفة...
تنسيني آثار السكون...
وأنتِ يا سمراءُ عاصفتي
...معذبتي .. قاتلتي..
يا جميلة العيون
  رد مع اقتباس
قديم 30/04/2009   #5
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : Nay عرض المشاركة
ما حسيت انو في كتير ضرورة لذكر كلمة ابادة طالما ذكر اوباما انو "من اكبر الفظائع الي ارتكبت في القرن العشرين"
يعني كلام الرئيس الامريكي يؤدي لنفس النتيجة بالنسبة للارمن وهوي انو موقفو متعاطف بشدة مع الارمن وتجاوز التاريخ المؤلم بطريقة صادقة ومنفتحة وبناءة هوي الحل الامثل.. طبعا بعد اعتراف واعتذار تركيا رسميا عن المجازر..

بذكر على هامش الخبر انو العثمانيين ابادو ايضا جزءا كبيرا من الشركس بالتواطؤ مع الروس في نهايات القرن التاسع عشر وبدايات القرن العشرين..
فكرة ازدواجية المعايير هية اللي خلتني انقل الخبر
من جهتي بحس انه ضروري وكتير ضروري يتم التوقف على طريقة التعامل مع الأوضاع .. التطهير العرقي ( بحسب التسمية المعتمدة من قبل الأرمن ذاتن ) اللي تعرض لها ارمن الشمال السوري والشمال العراقي صايرة لعبة بايد الدول الكبيرة .. كلما حبت تنتقد تركيا بتذكرها بحرب العالمية الاولى وايام ال 1915 .
تماما متل ما اللعب صاير على نقطة الهولوكوست الاسرائيلي .. لكن الفرق بأن الأرمن ما عندن هلنفوذ القوي اللي مخلي العالم تركض ليرضاهون ويحصلولن حقوقن ، فبتبقى مطالبن باعتراف دولي ضرب من المستحيل .

بخصوص الاعتذار التركي لجرائم اتاتورك وشلته .. فعلى علمي كان في جلسة حوار تركي ارمني 20 بالشهر .. لسخافة القدر قبل ذكرى المجزرة بـ 4 أيام
  رد مع اقتباس
قديم 30/04/2009   #6
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : nour333 عرض المشاركة
هلا انا ماالي مصلحه لا مع الارمن ولا مع الدولة العثمانيه
بس مجازر الارمن كلها حكي فاضي هديك المرة احمد منصور (وهو شخص معروف بقوة مصادرو) كان بلا حدود بتكلم عن مجازر الارمن والمبالغه بعدد الضحايا وحكى الشخص اللي استضافو انو كان اكتر احصائية لأعداد الارمن هداك الوقت مليون وتلاتمائة الف وكيف وبقولو الضحايا مليون ونص ! كيف زبطت والعدد الحقيقي 20 وهدول قتلو لأنهم كانو يحاربو مع الجيش الروسي ضد الدوله العثمانيه ازا معلوماتي غلط يا ريت حد يصححها
كتير كتير حلو كيف ان مليون وستمية انسان ماتوا بعملية تصفية عرقية وتفضلتي حضرتك من منبرك هاد عما توصفي الحادثة بالـ " حكي فاضي "
احمد منصور شو ما كان تكون مصادره بالنهاية في شي اسمه تاريخ متوارث .. في شي اسمه احداث مؤثرة .. في شي اسمه مفهوم احترام لضحايا معظمهم كان من الأطفال .

غريب كيف العالم بتطالب بتأييد قضاياها واحترام امواتها وبنفس الوقت بكل بساطة بتهين المشاعر القومية للآخرين بكل بساطة ..

اذا مع الأيام صار ورحتي على ارمينيا فينك تشوفي اكبر حديقة في العاصمة الأرمنية يريفان ، لعلمك حاطين فيها 1600 نافورة مي تقديسا للمليون وستمية الف ضحية اللي تم تصفيتن ... على اقل تقدير فينك تحترمي مشاعر العالم اللي كانت هلحادثة نقطة محورية بتاريخن العرقي ...
  رد مع اقتباس
قديم 30/04/2009   #7
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : توم و جيري عرض المشاركة
يمكن الو مصلحة قريبة مع تركيا ..
بعدين بترجع نفس الاسطوانة ..
بعدين ما بيتاخد عن تمو شي وين وصفو لمجازر اميركا واسرائيل بالمنطقة ؟؟
غنية وصلوا العسكر لكلنا سوا كتير بتنفع بهلحالة
  رد مع اقتباس
قديم 30/04/2009   #8
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
كاتب النص الأصلي : nour333 عرض المشاركة
هلا انا ماالي مصلحه لا مع الارمن ولا مع الدولة العثمانيه
بس مجازر الارمن كلها حكي فاضي هديك المرة احمد منصور (وهو شخص معروف بقوة مصادرو) كان بلا حدود بتكلم عن مجازر الارمن والمبالغه بعدد الضحايا وحكى الشخص اللي استضافو انو كان اكتر احصائية لأعداد الارمن هداك الوقت مليون وتلاتمائة الف وكيف وبقولو الضحايا مليون ونص ! كيف زبطت والعدد الحقيقي 20 وهدول قتلو لأنهم كانو يحاربو مع الجيش الروسي ضد الدوله العثمانيه ازا معلوماتي غلط يا ريت حد يصححها
طبعاً غلط... و اذا بدنا نكذّب عيوننا و عيون آبائنا و أجدادنا مشان نصدّق المدعو أحمد منصور (بفرض هو حاكي هيك) فلا والله.. فشر أحمد منصور

الأرمن تدبّحو قدام عيون أجدادنا اللي كانو يلمو الأطفال الرضع من أحضان أمهاتهون المتوفيات بطريق التهجير (و ما أكثر الأطفال الأرمن اليتامى اللي تبنوهون عائلات عربية بمنطقة الجزيرة, و لهلأ بتشوفي أولاد و أحفاد هدول انو ملامحهون قوقازية لما باقي العائلة أو العشيرة ملامحهون ملامح عرب)... و العدد بنوب مانو مبالغ فيه لأنو في اللي مات بالمجازر و اللي مات من الجوع و المرض بطريق التهجير الهمجي و الطرد من أراضيهون.. و اللي مات ع ايد قطاع الطرق...

كتير كلاسيكي في فكر العرب قولبة التاريخ حسب الايديولوجيا و الاعتقاد .. و معروف انو قطاع واسع من الاسلاميين يحنون لأيام الخلافة حتى لو ع ايد العثمانيين.. و سبحان الله وقت نحب حدا ما نشوف أخطائو.. حتى لو ضحاياها مئات الآلاف

اقتباس:
غريب كيف العالم بتطالب بتأييد قضاياها واحترام امواتها وبنفس الوقت بكل بساطة بتهين المشاعر القومية للآخرين بكل بساطة ..
تماماً... يعني وقت يطلع حدا ايديولوجي الصهاينة و يقول انو الفلسطينيين اللي تهجّرو من فلسطين ما انطردو انما هاجرو لأنو باعو بيوتهون بمحض ارادتهون و طلعو الجماعة (أي في مين يحكي هيك.. و كمان ينحكى عنو انو مصادرو قوية).. وقت نسمع هيك حكي يعبي صراخنا الدنيي, بس نروح و نعمل اللي يأذينا بغيرنا

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 30/04/2009   #9
شب و شيخ الشباب ..Jimy
عضو
-- قبضاي --
 
الصورة الرمزية لـ ..Jimy
..Jimy is offline
 
نورنا ب:
Aug 2006
المطرح:
بمدينة الياسمين..بس حياتي بالوادي
مشاركات:
731

افتراضي


* عهامش الموضوع:
بذكر انو اليوم (الخميس يعني) الساعة 6:00 pm رح يطلع حلئة عن الأرمن ضمن برنامج "حكاية سورية" عالأورينت..

At the end everything will be OK..
If it's not OK..
So...it's not the end.

"Sa'do I Trust In U"
It's Kind Of Revolution
A m a r t a
  رد مع اقتباس
قديم 30/04/2009   #10
صبيّة و ست الصبايا jovia
عضو
-- زعيـــــــم --
 
الصورة الرمزية لـ jovia
jovia is offline
 
نورنا ب:
Apr 2009
المطرح:
احلا بلد عربي الامارات
مشاركات:
1,402

افتراضي


والله انا بصراحة ماني متثقفة سياسيا لدرجة كبيرة وكلامكن كتير حلو والموضوع عن جدمثير للاهمية بس عندي تعليق انو امريكا واوباما هاد للي اجى من كم شهر ما حيكون احسن من للي سبقو واكيد بدو يسمع كلمة اسرائيل بكلاش كعب 12 وعصاية طولها امتار
يعطيك العافية ابو توني

انـــــا آســــف لأنــــــي ما كنـــش غصـــب عنـــي.... بيـــن الســـحاب ادوب وارحـــــل بين الدروب
...... وعــــن حبــــك اتـــوب.. وانســـى انـــــ كنتـــــي منـــــي .... ماكنـــش غصــب عنـــي مــا كنش غصـــب عني


انـــــــــا آســــــف
  رد مع اقتباس
قديم 30/04/2009   #11
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : nour333 عرض المشاركة
هلا انا ماالي مصلحه لا مع الارمن ولا مع الدولة العثمانيه
بس مجازر الارمن كلها حكي فاضي هديك المرة احمد منصور (وهو شخص معروف بقوة مصادرو) كان بلا حدود بتكلم عن مجازر الارمن والمبالغه بعدد الضحايا وحكى الشخص اللي استضافو انو كان اكتر احصائية لأعداد الارمن هداك الوقت مليون وتلاتمائة الف وكيف وبقولو الضحايا مليون ونص ! كيف زبطت والعدد الحقيقي 20 وهدول قتلو لأنهم كانو يحاربو مع الجيش الروسي ضد الدوله العثمانيه ازا معلوماتي غلط يا ريت حد يصححها
نحنا ما عدنا مانع نقتبس من ال CIA او جريدة نيو يورك تايمز ... من الخبر يطلع يتماشى مع مصالحنا العربية !!


اختي .. الارمن كان يعيشوا في شرق تركيا قبل مية سنة ... و اليوم شرق تركيا بلا ارمن ... اختفوا الارمن من المنطقة و من القرى و من البيوت اللي كانوا يملكوها

على حكيك و حكي احمد منصور ... اما الارمن انتحروا .... او الارمن قرروا يلعبوا لعبة الغميضة !


الارمن من وصلوا على مدينة الموصل ... كانوا اطفال و مراهقين ... لان عبر الطريق تعرضوا للابادة من قبل الجيش التركي و الميليشيات اللي كانت مدعومة من جند الخيالة الحميدية

صدر امر السلطان عبدالحميد بتهجير كل الارمن من منطقة بحيرة فان لانهم اتهمو بالخيانةو العظمى و العمالة للسوفيت بالتعاون مع ارمن روسيا

و كان القائد الخالد اتاتورك قائد الجيش آنذاك


و لذلك لا احمد منصور و لا غيرو ... يقدر يغير التاريخ ... لاعتبارات دينية بحتة ...

يا ريت لو يقعد يبحوش على مصادر عن حكم محمد علي الالباني و كيف حكم مصر يكون احلى !

أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران

اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟

لن نبق اسرى الماضي ...

آخر تعديل suryoyo يوم 30/04/2009 في 03:20.
  رد مع اقتباس
قديم 30/04/2009   #12
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : Nay عرض المشاركة
ما حسيت انو في كتير ضرورة لذكر كلمة ابادة طالما ذكر اوباما انو "من اكبر الفظائع الي ارتكبت في القرن العشرين"
يعني كلام الرئيس الامريكي يؤدي لنفس النتيجة بالنسبة للارمن وهوي انو موقفو متعاطف بشدة مع الارمن وتجاوز التاريخ المؤلم بطريقة صادقة ومنفتحة وبناءة هوي الحل الامثل.. طبعا بعد اعتراف واعتذار تركيا رسميا عن المجازر..

بذكر على هامش الخبر انو العثمانيين ابادو ايضا جزءا كبيرا من الشركس بالتواطؤ مع الروس في نهايات القرن التاسع عشر وبدايات القرن العشرين..

الشرق الاوسط قبل الحرب العالمية .. كان بيد الاحتلال العثماني (الرجل المريض) و كان لا بد من انتهاء دولة بني عثمان


اتفاقية سايكس بيكو ليست وليدة 1916 ... هي اقدم بكثير ... و العثمانيين احسوا بالخطر و قاموا بعمليات تطهير عرقية حتى يحتفظوا بأكثر مساحة ممكنة ...

طبعا بذلك الوت كانت مصر تحت حكم محمد علي وو الحجاز حكم ذاتي ...

بقت ولايات تركيا الحديثة و العراق و الشام ... و قاموا بعمليات كثيرة بالتوطئ مع الروس و مع الانجليز

و سنة 1916 طلعت الاتفاقية سايكس بيكو ... بعد ما تغيرت ديموغرافية المنطقة ...


اكثر قول يعجبني عن الحرب العالمية الاولى .... انو العراق هو البلد الوحيد اللي زاد عدد سكانه بعد الحرب و فعلا .. كان تهجير الكثير باتجاه العراق و سوريا حتى تبقى تركيا للجنس التركي ... بموافقة بريطانيا العظمى


و اكبر دليل على كلامي ... ما تقسمت تركيا الى دولتين مثل ما تقسم الهلال الخصيب !
  رد مع اقتباس
قديم 30/04/2009   #13
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


اقتباس:
كاتب النص الأصلي : Abu ToNi عرض المشاركة
كتير كتير حلو كيف ان مليون وستمية انسان ماتوا بعملية تصفية عرقية وتفضلتي حضرتك من منبرك هاد عما توصفي الحادثة بالـ " حكي فاضي "
احمد منصور شو ما كان تكون مصادره بالنهاية في شي اسمه تاريخ متوارث .. في شي اسمه احداث مؤثرة .. في شي اسمه مفهوم احترام لضحايا معظمهم كان من الأطفال .

غريب كيف العالم بتطالب بتأييد قضاياها واحترام امواتها وبنفس الوقت بكل بساطة بتهين المشاعر القومية للآخرين بكل بساطة ..

اذا مع الأيام صار ورحتي على ارمينيا فينك تشوفي اكبر حديقة في العاصمة الأرمنية يريفان ، لعلمك حاطين فيها 1600 نافورة مي تقديسا للمليون وستمية الف ضحية اللي تم تصفيتن ... على اقل تقدير فينك تحترمي مشاعر العالم اللي كانت هلحادثة نقطة محورية بتاريخن العرقي ...
اقتباس:
كاتب النص الأصلي : yass عرض المشاركة
طبعاً غلط... و اذا بدنا نكذّب عيوننا و عيون آبائنا و أجدادنا مشان نصدّق المدعو أحمد منصور (بفرض هو حاكي هيك) فلا والله.. فشر أحمد منصور

الأرمن تدبّحو قدام عيون أجدادنا اللي كانو يلمو الأطفال الرضع من أحضان أمهاتهون المتوفيات بطريق التهجير (و ما أكثر الأطفال الأرمن اليتامى اللي تبنوهون عائلات عربية بمنطقة الجزيرة, و لهلأ بتشوفي أولاد و أحفاد هدول انو ملامحهون قوقازية لما باقي العائلة أو العشيرة ملامحهون ملامح عرب)... و العدد بنوب مانو مبالغ فيه لأنو في اللي مات بالمجازر و اللي مات من الجوع و المرض بطريق التهجير الهمجي و الطرد من أراضيهون.. و اللي مات ع ايد قطاع الطرق...

كتير كلاسيكي في فكر العرب قولبة التاريخ حسب الايديولوجيا و الاعتقاد .. و معروف انو قطاع واسع من الاسلاميين يحنون لأيام الخلافة حتى لو ع ايد العثمانيين.. و سبحان الله وقت نحب حدا ما نشوف أخطائو.. حتى لو ضحاياها مئات الآلاف

تماماً... يعني وقت يطلع حدا ايديولوجي الصهاينة و يقول انو الفلسطينيين اللي تهجّرو من فلسطين ما انطردو انما هاجرو لأنو باعو بيوتهون بمحض ارادتهون و طلعو الجماعة (أي في مين يحكي هيك.. و كمان ينحكى عنو انو مصادرو قوية).. وقت نسمع هيك حكي يعبي صراخنا الدنيي, بس نروح و نعمل اللي يأذينا بغيرنا
اقتباس:
كاتب النص الأصلي : suryoyo عرض المشاركة
نحنا ما عدنا مانع نقتبس من ال CIA او جريدة نيو يورك تايمز ... من الخبر يطلع يتماشى مع مصالحنا العربية !!


اختي .. الارمن كان يعيشوا في شرق تركيا قبل مية سنة ... و اليوم شرق تركيا بلا ارمن ... اختفوا الارمن من المنطقة و من القرى و من البيوت اللي كانوا يملكوها

على حكيك و حكي احمد منصور ... اما الارمن انتحروا .... او الارمن قرروا يلعبوا لعبة الغميضة !


الارمن من وصلوا على مدينة الموصل ... كانوا اطفال و مراهقين ... لان عبر الطريق تعرضوا للابادة من قبل الجيش التركي و الميليشيات اللي كانت مدعومة من جند الخيالة الحميدية

صدر امر السلطان عبدالحميد بتهجير كل الارمن من منطقة بحيرة فان لانهم اتهمو بالخيانةو العظمى و العمالة للسوفيت بالتعاون مع ارمن روسيا

و كان القائد الخالد اتاتورك قائد الجيش آنذاك


و لذلك لا احمد منصور و لا غيرو ... يقدر يغير التاريخ ... لاعتبارات دينية بحتة ...

يا ريت لو يقعد يبحوش على مصادر عن حكم محمد علي الالباني و كيف حكم مصر يكون احلى !
يا جماعه انا لا ارمنيه ولا تركيه انا باحثه عن الحقيقة
هلا مثلا محرقة اليهود صحيحه 100% بس الكزبه كانت بالعدد
يعني لما نحكي مليون ونص اندبحو قبل 100 سنه وبأمكانيات هداك الوقت بحسا شي مستحيل يعني متل ما تقول 15 مليون بوقتنا
احنا جدودنا لما كانو يحكو عن الهجرة في 48 اليهود كانو يفوتو على قرية يدبحولهم 100 او 200 واحد يقومو شي 5000 واحد من القرى اللي جنبها يخافو ويهاجرو حتى ما يصير هيك فيهم فهمتو قصدي بجوز الدولة العثمانيه نفس الشي عملت مع الارمن لتخلص منن وطبعا طريقه اجراميه انها تدبحهم كبر العدد او صغر بس مشاركتي كان هدفها البحث عن الحقيقة وبس
  رد مع اقتباس
قديم 30/04/2009   #14
صبيّة و ست الصبايا Genifer
عضو
-- أخ لهلوب --
 
الصورة الرمزية لـ Genifer
Genifer is offline
 
نورنا ب:
Aug 2007
مشاركات:
222

افتراضي


اول شي شكراً Abu toni ع هالمشاركة يلي من زمان كان لازم نحكي عليها


اقتباس:
كاتب النص الأصلي : yass عرض المشاركة
الأرمن تدبّحو قدام عيون أجدادنا اللي كانو يلمو الأطفال الرضع من أحضان أمهاتهون المتوفيات بطريق التهجير (و ما أكثر الأطفال الأرمن اليتامى اللي تبنوهون عائلات عربية بمنطقة الجزيرة, و لهلأ بتشوفي أولاد و أحفاد هدول انو ملامحهون قوقازية لما باقي العائلة أو العشيرة ملامحهون ملامح عرب)... و العدد بنوب مانو مبالغ فيه لأنو في اللي مات بالمجازر و اللي مات من الجوع و المرض بطريق التهجير الهمجي و الطرد من أراضيهون.. و اللي مات ع ايد قطاع الطرق...
صح انا ماكتير بفهم بالسياسة بس الواقع انه المدابح والمجازر يلي صاروا
( مع العلم انه في مسيحية كتار كانوا ضحية هالابادة كمان)

ع القليلة يقولوا الأتراك انه نحن عملناها ما يقولوا كله كذب الاتراك اندبحوا و بس عدد صغير كانوا ارمن ..متل ماصار بمقابلة من كم يوم
اي جريمة بالعالم بتصير بيقولوا مين المجرم وبيحاكموه
طيب اذا تركيا ماعم تعترف ليش ما عم يعملوا محكمة دولية ويحققوا ..
في حقوق وفي تعويضات لازم تصير... وين العدالة
Abu toni و yass معلوماتكن عن هالابادة دقيقة 100%
انا بحترم كل الشعب الارمني يلي عم يطالب بهالحق وياريت ننضم نحن الشعب المسيحي معهن ونطالب بحقوق اجدادنا
  رد مع اقتباس
قديم 30/04/2009   #15
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
يعني لما نحكي مليون ونص اندبحو قبل 100 سنه وبأمكانيات هداك الوقت بحسا شي مستحيل يعني متل ما تقول 15 مليون بوقتنا

لما الأمر يتعلّق بالقتل و آلياتو... مافي شي مستحيل (هاي من طباع البشر)
  رد مع اقتباس
قديم 30/04/2009   #16
شب و شيخ الشباب عياش
عضو
-- أخ لهلوب --
 
الصورة الرمزية لـ عياش
عياش is offline
 
نورنا ب:
Aug 2006
مشاركات:
292

افتراضي


أمريكا لا تبحث إلا عما تريده أن يكون حق أو حقيقة ومجازر الأرمن لن تحظى بدعم أمريكي للاعتراف بها لأنه لا مصلحة لأمريكا.

أما موضوع تكذيب المجازر الذي جاء على لسان مفكرين من ذوي التوجهات الاصولية الاسلامية فمرده لموقف تركيا من االدول الاسلامية بعد عجزها عن الدخول في الاتحاد الأوربي نتيجة عدم اعترافها بحقوق الأقليات ومن ضمنها حق الأرمن بالاعتراف بالمجازر، الأمر الذي اعادها للبوتقة العثمانية الاسلامية القديمة ولكن لا تركيا ولا الأصوليون قادرون على نفي مجازر واضحة وضوح الشمس.

برأي التركيز الأرمني يجب أن يكون على الاتحاد الأوربي للحصول على حقهم بالاعتراف التركي بهذه المجازر.

لو كان نبيٌّ مصابًا بالبَرَص، بُعِثَ إلى قوم من البُرْص، لكانت الإصابة بهذا الداء شرطًا من شروط الإيمان بالله.
.
.
.
عندما أصر على أن أجعلك شبيها بي، فأنا في الواقع أصر على أن ألغيك.
  رد مع اقتباس
قديم 30/04/2009   #17
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


اقتباس:
كاتب النص الأصلي : عياش عرض المشاركة
.

برأي التركيز الأرمني يجب أن يكون على الاتحاد الأوربي للحصول على حقهم بالاعتراف التركي بهذه المجازر.
مو بس يعترف بالاول بمجازر اسرائيل الي صارت اول مبارح بعدين بعترف بمجزره عمرها 100 سنه ما كتير تعتمد ع الاتحاد الاوروبي
  رد مع اقتباس
قديم 30/04/2009   #18
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
كاتب النص الأصلي : nour333 عرض المشاركة
مو بس يعترف بالاول بمجازر اسرائيل الي صارت اول مبارح بعدين بعترف بمجزره عمرها 100 سنه ما كتير تعتمد ع الاتحاد الاوروبي
ما كتير بفهم نحنا كيف ندحش مشاكلنا بكل شي!! شو دخل الأرمن بشو عملت اسرائيل؟ هنن عندون قضيتون و من حقهون يطالبو فيها و مو مشكلتون اذا نحنا خروق ما خرجنا نطالب بشي...

عن جد يعني حاج... اذا عرس هيفا ندحش اسرائيل, اذا انفلونزا ضراب السخن ندحش اسرائيل.. اذا انصاب كرستيانو رونالدو ندحش اسرائيل... انو شو دخل هاي بهاي؟!!!!! شوية موضوعية رجاءً
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:56 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.14729 seconds with 11 queries