أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 08/05/2009   #1
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي حول التسمية سورية / سوريا


أكثر ما يثير الاشمئزاز هنا هو محاولة السلطة هنا لخلق التاريخ.. لخلق تاريخها المنفصل طبعاً ، محاولةً منها لإثبات اسمها في التاريخ، أو بالأحرى لجعل اسمها غير منسي ، حتى لو كان ذلك عن طريق حرق وإتلاف كتب التاريخ والدلائل التاريخية ، وصولاً إلى هدفهم حتى ولو كان ذلك عن طريق التحريف والحذلقة واللعب على مشاعر الوطنية في تغيير التاريخ لصالحهم، أو على ما يبدو استغلال سلطتهم في هذا الوطن وأصبحت لديّ قناعة تامّة بأنهم على استعداد بالعبث بكل شبر أرضٍ فيها، لإثبات ذاتهم مهما كانت الطُرق.
يمكن السكوت عن أي محاولة تتعلق بتحريف تاريخي لأي شخص ، لأي حادثة ، لأي واقعة ، لأي شيء في هذا العالم. لأن التاريخ ما هو إلا لعبة قذرة ، أو على أقل تقدير فهو كمن يكذب الكذبة ويصدقها بل يضيف عليها دائماً ، أنا لن أتحدث عن أي محاولة لتحريف الوقائع التاريخية المتعلقة بأي كان إن كان ذلك في سوريا أو موزمبيق، او اي دولة أخرى
لكن أن يمس ذلك كياناً كاملاً ، وأرضاً وشعباً ووطناً فهذا شيء مرفوض تماماً . حتى ولو كان عبارة عن تغيير بمقدار سكون .

الآن لعبة التاريخ القذرة تعيد نفسها مع حكاية جديدة في محاولة متكررة للتحوير والتحريف واللعب على وترٍ من الأوتار التي تزيد الاحتقان لدى الشعب، فالحكاية تتكرر لكن على المستوى الثقافي - التاريخي ، يحاولون طمس المعالم الباقية لسوريا.
خلال عملي في جريدة محلية تعنى بالقضايا السورية والمطّلع جيداً على كافة الصحف الرسمية السورية.
سيلاحظ أن اسم سوريا المذكور على الدوام هو -سورية : بالتاء المربوطة- وليس سوريا كما كانت بالأصل ولتوضيح الأمر أكثر كان اسم سوريا يطلق في القديم على جميع المناطق التي تقابل البحر الأبيض المتوسط، من خليج اسكندرون في الشمال حتى شبه جزيرة سيناء في الجنوب ومن جبال طوروس شمالاً إلى نهر الفرات وجنوب العربية شرقاً.
وفي هذه المساحة الكبيرة من الأراضي تلاقت الحضارات وانتعشت البلاد ضامة شعوب شتى مما يمكن قوله أن سوريا الحالية انبعثت من العام 1945 بعد أن تقطعت أوصالها من كيانات جديدة واقتطاع جزء من سوريا الحالية وقبل هذا التاريخ أخذت الأحزاب تنمو وهدفها الأول نيل الاستقلال عن فرنسا، لهذا قسمت الفترات التي مرت على سوريا كالتالي:

الأكاديون من الجزيرة العربية سنة 2500 ق.م
الأموريون سنة 2250 ق.م
حمورابي الرافدي يغزو سوريا ويقاتل مملكة ماري سنة 1700 ق.م
الفراعنة سنة 1490 ق.م في عهد تحوتمس الثالث
الدولة الحثية سنة 1450 - 1200 ق.م
الآراميون 1200 - 742 ق.م
الآشوريون يدخلون دمشق سنة 732 ق.م
مجيء الفرس واحتلال سوريا 538 - 332 ق.م
بدء العهد اليوناني ودخول الاسكندر المقدوني دمشق سنة 323 ق.م
فتح دمشق من قبل الرومان وبدء العهد الروماني سنة 64 ق.م ولقبت دمشق بـ مبروبولس أي حاضرة
بداية العهد البيزنطي سنة 330 - 635 م
الفتح الإسلامي سنة 635 م وتميز بعصوره التالية :
1. العصر الراشدي 635 - 661 م
2. العصر الأموي 661 - 750 م
3. العصر العباسي 750 - 961 م
4. العصر الفاطمي 961 - 1075 م
5. عصر السلاجقة الأناكبة 1075 - 1174 م
6. العهد الأيوبي 1175- 1259 م
7. العهد المملوكي 1259 - 1516 م
8. العهد العثماني 1516 - 1918 م


ما يهم من هذا السرد كله أن تسمية سوريا جائت أولاً من العهد الآشوري وكانت حينذاك تسمى آشوريا، ثم لم يدم ذلك طويلاً كأي كلمةٍ تاريخية فتقلبت مع الزمن إلى أن أصبحت سوريا.
ربما لن تروا أي فرق بين الألف والتاء المربوطة، ولكنني عندما ولدت ولدت في سوريا، ولن أستطيع التأقلم مع أي اسم آخر كما ذكرت سابقاً حتى ولو كان بمقدار تغيير "سكون".

هنا التساؤل الذي يثير الاشمئزاز والقرف ، بأي حقٍ يصدر قرار يتم تعميمه على كافة المطبوعات والصحف والوسائل الإعلامية باعتماد التاء المربوطة بدلاً من الألف ومخالفة ذلك تعرض الوسيلة الإعلامية للإغلاق لمدة تتراوح بين 45 يوماً إلى ثلاثة أشهر مع غرامة ماليّة.

عذراً يا أسد ، إن أردت الخلودَ لكّ ذلك ، لكن هناك فرق بين أن تُخلد ذكراك مع كل مدحٍ وحمد ... وبين أن تخلد ذكراك مع كلِّ ذمٍّ وسب !

الموضوع هذا مجرد استبيان حول أحقية الرئيس المذكور بالتغيير في معالم وطن ، هو وطني ويمسّني شخصياً وعلى الأغلب يمس الملايين من الشعب .. بالإضافة إلى البحث عن إجابة حول ما سيعمل من فرق إن غيرّو حرفاً في اسم الدولة
وليس للمهاترات والمجادلات حول شخصية الرئيس.


وشكراً



آخر تعديل ..AHMAD يوم 08/05/2009 في 01:57.
  رد مع اقتباس
قديم 08/05/2009   #2
شب و شيخ الشباب abosleman
مشرف
 
الصورة الرمزية لـ abosleman
abosleman is offline
 
نورنا ب:
Aug 2006
المطرح:
السقيفة...
مشاركات:
2,726

افتراضي


بظن بعد هالسرد التاريخي محدا رح يقدر يغير الاسم ولو تم تعميمو على كافة دول العالم
طالما في تاريخ للاسم فما بظن بيوم وليلة يجي حدا .. اي حدا.. يغير الاسم .. ولو تغير بالمطبوعات
بس رح يبقى الاسم - سوريا- هو الاسم اللي محفور بقلوب السوريين وعقولن

كان اسمه.. .
لا تذكروا اسمه!
خلوه في قلوبنا...
لا تدعوا الكلمة
تضيع في الهواء، كالرماد...

"We ask the Syrian government to stop banning Akhawia"
  رد مع اقتباس
قديم 08/05/2009   #3
شب و شيخ الشباب almurtaja
عضو
-- أخ لهلوب --
 
الصورة الرمزية لـ almurtaja
almurtaja is offline
 
نورنا ب:
Jul 2008
المطرح:
الأمل الذي ليس له وجود
مشاركات:
188

إرسال خطاب MSN إلى almurtaja
افتراضي


يعني أحمد بدي اسألك سؤال بشو رح يفيد الأسد هالتغيير وليش ليعملوا معقولة منشان ينحفظ اسمو بالتاريخ بظن مانو بحاجة لهيك تغيير ليدخل التاريخ لانو دخلو بمجرد جلوسو عكرسي الرئاسة ... هلئ انا معك انو مالازم يتغير شي بالاسم بالعكس لازم نطلب تصحيحو ... وانشالله بدي اعمل بحبشة عن هالموضوع لانو عنجد مهم ...

لا يحزنك إنك فشلت مادمت تحاول الوقوف على قدميك من جديد

الضمير المطمئن خير وسادة للراحة

كن مستمعا جيدا لتكن متحدثا لبقا
  رد مع اقتباس
قديم 08/05/2009   #4
شب و شيخ الشباب عبر المحيط
عضو
-- أخ لهلوب --
 
الصورة الرمزية لـ عبر المحيط
عبر المحيط is offline
 
نورنا ب:
Dec 2008
مشاركات:
259

افتراضي


ابو حميد حبيب قلبي

يا سيدي سموها سوريا او سورية كلاهما جميل وكل اسم اجمل من الثاني
  رد مع اقتباس
قديم 08/05/2009   #5
شب و شيخ الشباب توم و جيري
عضو
-- زعيـــــــم --
 
الصورة الرمزية لـ توم و جيري
توم و جيري is offline
 
نورنا ب:
Nov 2008
المطرح:
syria
مشاركات:
1,309

إرسال خطاب MSN إلى توم و جيري
افتراضي


سلام ابو حميد ...
طيب اكيد ممنوع حدا يغير باسم هالوطن هي واحد ...
بعدين ياريت تاكدلنا بشي مصدر صحة هالكلام او شي تاني ..
لان للاسف دورت لهالكلمة بكل المراسيم التشريعية والقرارات وبكالات الانباء وما لقيت شي ..
بقى جبلنا الخبر ...
عفوا يااما قصدك رئيس الصحيفة او هوي قالكن هيك حابب يتفهمن ..

أحتاج إلى عاصفة...
تنسيني آثار السكون...
وأنتِ يا سمراءُ عاصفتي
...معذبتي .. قاتلتي..
يا جميلة العيون
  رد مع اقتباس
قديم 08/05/2009   #6
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


هلأ ع حسب ما دريت .. مدري من اي مصدر ... ما عاد ازكر .. يمكن بالمدرسة او بالتلفزيون ....
انو سوريا بالالف .. كتبت هيك لأنو لفظ اعجمي (يعني مو عربي)
قاموا تفهمنوا كم زلمة من الجهابذة شيت اللغة العربية ... وقالوا انو لازم تنكتب (سورية) بالتاء المربوطة منشان تصير الكلمة ... كلمة عربية
انو ما بعرف كيف زبطت معهن وكيف طلعت الفكرة براسهن .. بس طلعت !
بالنسبة الي .. بصراحة ما اهتميت كيف بتنكتب ... بس انو ما زال انا عم اقراها سوريا .. فهيي رح تضل سورية ... لو شو ما عدلوا باسمها
وتحيا سوريا رفيق

الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 08/05/2009   #7
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


شو مابدن يكتبوها .....
يتبقى سوريا محفورة بقلوبنا ....

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 08/05/2009   #8
شب و شيخ الشباب ..Jimy
عضو
-- قبضاي --
 
الصورة الرمزية لـ ..Jimy
..Jimy is offline
 
نورنا ب:
Aug 2006
المطرح:
بمدينة الياسمين..بس حياتي بالوادي
مشاركات:
731

افتراضي


سوريا.. اشوريا.. اسيريا..
نسبة للأشوريين.. وهو الاحتمال الاقرب للصحة.. وبتنكت بالالف..

كمان احتمال تاني انو الهنداوربيين لما اجو عسوريا اعجبو بخصوبة ارضها وبشمسها الدافية.. وسموها سوريا اي لشمس باللغلة السنسكريتية..
(ويلي عندو قاموس سنسكريتي-عربي فيه يشوفها).. وكمان بتنكتب بالالف ..


سامان بالنسبي للتعريب..فهوي غير موفق ابدا..
لأن سورية بنقرأها نحنا عداة مشددي عالياء..عكس سوريا..
مثلا برنامج حكاية سورية.. حسب التعريب يمكن اقرئها بطريقتين..
اما حكاية سوريّة
( حكاية ذات طابع سوري)..أو..حكاية سوريا (حكاية بتدور عن سوريا)..

ويعني المفروض التعريب يسهل علينا التواصل وايصال الفكرة.. مو يصعبو ..


وبتضل ورح تضل سوريا هيي سوريا ..

At the end everything will be OK..
If it's not OK..
So...it's not the end.

"Sa'do I Trust In U"
It's Kind Of Revolution
A m a r t a
  رد مع اقتباس
قديم 08/05/2009   #9
شب و شيخ الشباب رجل من ورق
عضو
-- زعيـــــــم --
 
الصورة الرمزية لـ رجل من ورق
رجل من ورق is offline
 
نورنا ب:
Aug 2008
المطرح:
ببحر بعيد
مشاركات:
1,989

إرسال خطاب MSN إلى رجل من ورق
افتراضي


اقتباس:
هلأ ع حسب ما دريت .. مدري من اي مصدر ... ما عاد ازكر .. يمكن بالمدرسة او بالتلفزيون ....
انو سوريا بالالف .. كتبت هيك لأنو لفظ اعجمي (يعني مو عربي)
قاموا تفهمنوا كم زلمة من الجهابذة شيت اللغة العربية ... وقالوا انو لازم تنكتب (سورية) بالتاء المربوطة منشان تصير الكلمة ... كلمة عربية
انو ما بعرف كيف زبطت معهن وكيف طلعت الفكرة براسهن .. بس طلعت !
بالنسبة الي .. بصراحة ما اهتميت كيف بتنكتب ... بس انو ما زال انا عم اقراها سوريا .. فهيي رح تضل سورية ... لو شو ما عدلوا باسمها
وتحيا سوريا رفيق
بالمدرسة لما الالف الممدودة والمقصورة كانوا يصرعونا بايطاليا لزم تصير ايطالية او تركية او فرنسة

قم واضرب المستحيل بقبضتك اليسرى
انت تستطيع ذلك
http://themanofpapers.wordpress.com
  رد مع اقتباس
قديم 08/05/2009   #10
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


سوريا هوي الاسم الاصلي اللي كان متعارف عليه قبل حكم البعث.. بعدين تم تسمية سوريا الجمهورية العربية السورية وبذلك تم تحويل الاسم الى سورية..
مشان هيك في انطباع انو اللي بيستخدم اسم سوريا مو معترف بتسمية الجمهورية العربية السورية ومو معترف بتبعات هيدي التسمية

طائر واحد يكفي لكي لا تسقط السماء
فرج بيرقدار
  رد مع اقتباس
قديم 09/05/2009   #11
شب و شيخ الشباب M@hmoud
عضو
-- أخ لهلوب --
 
الصورة الرمزية لـ M@hmoud
M@hmoud is offline
 
نورنا ب:
Oct 2006
مشاركات:
279

افتراضي


برأيي الشخصي البسيط :

تم التعديل الى سورية لتثبيت حالة وجود لفظ الالف عن طريق كتابة التاءوهكذا بيلتزم الكاتب انو يكتب اللفظ بكتابة كل الاحرف

رح وضح بمثال :
هللق وقت بنقرا سوريا فيلفظ اخر حرف باللغة العربية على انه فتحة لوجود قواعد التشكيل عا عكس بقية اللغات
اذا يمكننا استبداله بالفتحة
يصبح كتابةً...... سوريَّ
اما لفظا.......... سوريا ولا يختلف اي شيئ

لهيك عند تثبيت كتابة الاسم بالتاء المربوطة وهي باللغة العربية اقوى مكانة من الف بأخر الكلمة
سيتم تأكيد ان الفتح بالاخير هي حرف وليس فتحة فقط
وما يؤكد هالشي هو عند استخدام الكلمة سوريا باي موقع اخر كصفة . مضاف . اعرابي او شعري ستتحول الالف تلقائيا الى تاء

لهيك بيكون نية تغيير الاسم حماية له من التغيير عبر الزمن كما تغير الاسم الاصلي من اشوريا الى اسوريا ثم سوريا والأن سورية

اقتباس:
كاتب النص الأصلي : رجل من ورق عرض المشاركة
بالمدرسة لما الالف الممدودة والمقصورة كانوا يصرعونا بايطاليا لزم تصير ايطالية او تركية او فرنسة
وانا بتذكر هالشي تماما وبتذكر انو هنني كمان درسونا تاريخ سوريا بالكامل بدون تغيير
بقى لو عابالهون يغيرو شي لغيروه وقت كنا لسا بعمر نتقبل كلشي

يرجى توخي الحذر برمي الاتهامات جزافا فقط لانو خطرت عابالنا وما عنا شي يثبت صحة او عدم صحة نية الحكومة بهالشي

وبرجع بأكد عا اهمية المصادر

تحية

آخر تعديل M@hmoud يوم 09/05/2009 في 02:49.
  رد مع اقتباس
قديم 09/05/2009   #12
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
كاتب النص الأصلي : abosleman عرض المشاركة
بظن بعد هالسرد التاريخي محدا رح يقدر يغير الاسم ولو تم تعميمو على كافة دول العالم
طالما في تاريخ للاسم فما بظن بيوم وليلة يجي حدا .. اي حدا.. يغير الاسم .. ولو تغير بالمطبوعات
بس رح يبقى الاسم - سوريا- هو الاسم اللي محفور بقلوب السوريين وعقولن
صديقي أبو سليمان
هالسرد التاريخي ما كان الا لتذكر ما تبقى من الماضي
والتاريخ ما هوي الا عبارة عن شوية مطبوعات
برأيك سنة او تنين او تلاتة او عشرة .. والاجيال اللي بعدنا وبعدن وبعد بعدهن ...
حرف هالـ ألف رح يبقى محفور بذاكرتي وبذاكرتك .. وبذاكرة كتير ... بس شو بيضمنلك انو الي بعدنا رح يبقى يعترف بـ سوريا القديمة .. سوريا اللي بالألف مو بالتاء المربوطة ؟
  رد مع اقتباس
قديم 09/05/2009   #13
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
كاتب النص الأصلي : almurtaja عرض المشاركة
يعني أحمد بدي اسألك سؤال بشو رح يفيد الأسد هالتغيير وليش ليعملوا معقولة منشان ينحفظ اسمو بالتاريخ بظن مانو بحاجة لهيك تغيير ليدخل التاريخ لانو دخلو بمجرد جلوسو عكرسي الرئاسة ... هلئ انا معك انو مالازم يتغير شي بالاسم بالعكس لازم نطلب تصحيحو ... وانشالله بدي اعمل بحبشة عن هالموضوع لانو عنجد مهم ...
مرحبا جار ..
خيو ببساطة السؤال الأول بسطرك الأول ما بقدرر أنا جاوبك عليه ، في جهات يفترض انها معنية تجاوب عن هالسؤال هالجهات ذاتها اللي وضعت هالتعميم هاد عالمطبوعات .. هية الي لازم تجاوب عليه، ما بعرف كيف ممكن يتم اتباع هيك طريق لتخليد الاسم بالتاريخ بس بعارضك بفكرة مجرد جلوس شخص ما عالكرسي بيخلد اسمو بالتاريخ لا ابداً يا صديقي، التخليد بيصير بأعمال هالشخص هاد عالكرسي ، مو بالثقل اللي رماه عالكرسي بيخلد اسمو ...
عميل بحبشة يا سيدي وشو بيطلع معك ابقى خبرنا .. لانو انا نفسي اعرف المبرر علّه يكون مبرر مقنع ويخليني اندم انو حكيت بهالطريقة
  رد مع اقتباس
قديم 09/05/2009   #14
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
كاتب النص الأصلي : توم و جيري عرض المشاركة
سلام ابو حميد ...
طيب اكيد ممنوع حدا يغير باسم هالوطن هي واحد ...
بعدين ياريت تاكدلنا بشي مصدر صحة هالكلام او شي تاني ..
لان للاسف دورت لهالكلمة بكل المراسيم التشريعية والقرارات وبكالات الانباء وما لقيت شي ..
بقى جبلنا الخبر ...
عفوا يااما قصدك رئيس الصحيفة او هوي قالكن هيك حابب يتفهمن ..
اهلين حج ...
بدايةً مبروك خسارة الريال

مشان مصدر هالشي اللي عمقولو في قانون المطبوعات وهاد كلو متواجد ... لكن ضمن قانون المطبوعات الي بيتم توزيعه هوي السياسة الداخلية لقانون المطبوعات هاد ما كل العالم بتقدر تحصل عليه .. لكن اذا سنحتلي الفرصة وقدرت الطشو من الجريدة بصوره وبحط صورة عنو هون .. هاد المصدر الوحيد اللي ممكن قدمو ..

يعني فيك تقول هالسياسة الداخلية لقانون المطبوعات متل الأنظمة العامة بالجيش او بالنظام العسكري لكن ما الكل على اطلاع بالقوانين الداخلية ضمن المنظومات العسكرية أو الأمنية بسوريا .. وهاد تقريباً صاير نفس الشي.

بس منحاول
  رد مع اقتباس
قديم 09/05/2009   #15
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
كاتب النص الأصلي : ..Jimy عرض المشاركة


ويعني المفروض التعريب يسهل علينا التواصل وايصال الفكرة.. مو يصعبو ..


وبتضل ورح تضل سوريا هيي سوريا ..
هاي النقطة الثانوية اللي بقدر احكي فيها ، كلمة سورية بتدخلنا بمتاهات كتير ببينما كلمة سوريا بتثبت انو مجرد اسم ليس له احتمال آخر إلا احتمال سورياً .. مثلاً متل جملة "سيبقى الجولان سورياً" وأظنها واضحة كفاية لكن كلمة سورية بتدخلنا بعشرات الاحتمالات والمتاهات وتزبط كاسم وك صفة و ك فعل و ك تأنيث لاسم ما ... الخ

* امير ما رح رد عليك لانه رد جيمي كان كافي بالشرح التبسيطي ..

اقتباس:
كاتب النص الأصلي : رجل من ورق عرض المشاركة
بالمدرسة لما الالف الممدودة والمقصورة كانوا يصرعونا بايطاليا لزم تصير ايطالية او تركية او فرنسة
يمكن ما فهمت عليك زيادة ... قصدك الألفة الممدودة والتاء المربوطة ..

مع اني ما بتذكر تماماً هالتفصيل ... بس يمكن قصدك انو الاسماء الاعجمية متل تركيا وايطاليا وفرنسا .. يصيرو بالتاء المربوطة لأعجميتهن ؟
طيب ما هيك عجّمو سوريا بإضافة التاء المربوطة .. أظنها غير مقنعة بالمرة ازا كانت هي الوسيلة .. بالعكس غلط كبير كان ..

اقتباس:
كاتب النص الأصلي : Nay عرض المشاركة
سوريا هوي الاسم الاصلي اللي كان متعارف عليه قبل حكم البعث.. بعدين تم تسمية سوريا الجمهورية العربية السورية وبذلك تم تحويل الاسم الى سورية..
مشان هيك في انطباع انو اللي بيستخدم اسم سوريا مو معترف بتسمية الجمهورية العربية السورية ومو معترف بتبعات هيدي التسمية
كمان منطقية .... لكن لما تم إطلاق كلمة السوريّة فهنن اضطرو لهالشي على اعتبار انو الجمهورية مؤنث والعربية مؤنث بالتالي سوريا لازم تتأنث ، فيني قول الجمهورية السورية ... والأرض السورية .. لكن بنفس الوقت مافيني قول شعب سورية أو جبل سورية ... أو أو أو الخ ..

+

يمكن بيقصدو فيها اللي مو معترف بتسمية سورية .. غير معترف بتسمية الحزب واللي هوي من اساسات اي حزب الاسم .. بالتالي غير معترف بالحزب أو لا يؤمن به

كمان انها معقولة .. لكن بنفس الوقت حركة غبية جداً بتأنيث اسم وقت الضرورة والاستمرار بتأنيثه حتى بالرجوع لصيغة المذكر !
  رد مع اقتباس
قديم 09/05/2009   #16
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
كاتب النص الأصلي : M@hmoud عرض المشاركة
برأيي الشخصي البسيط :

تم التعديل الى سورية لتثبيت حالة وجود لفظ الالف عن طريق كتابة التاءوهكذا بيلتزم الكاتب انو يكتب اللفظ بكتابة كل الاحرف

رح وضح بمثال :
هللق وقت بنقرا سوريا فيلفظ اخر حرف باللغة العربية على انه فتحة لوجود قواعد التشكيل عا عكس بقية اللغات
اذا يمكننا استبداله بالفتحة
يصبح كتابةً...... سوريَّ
اما لفظا.......... سوريا ولا يختلف اي شيئ

لهيك عند تثبيت كتابة الاسم بالتاء المربوطة وهي باللغة العربية اقوى مكانة من الف بأخر الكلمة
سيتم تأكيد ان الفتح بالاخير هي حرف وليس فتحة فقط
وما يؤكد هالشي هو عند استخدام الكلمة سوريا باي موقع اخر كصفة . مضاف . اعرابي او شعري ستتحول الالف تلقائيا الى تاء

لهيك بيكون نية تغيير الاسم حماية له من التغيير عبر الزمن كما تغير الاسم الاصلي من اشوريا الى اسوريا ثم سوريا والأن سورية
صديقي كافة قواعد اللغة العربية ما بتقدر تُجبر التاريخ يتخذ "سورية" كـ تسمية
لأنه بالأصل كلمة سوريا ليست عربية ولم توجه للعرب لأنه بهداك الوقت ما كان في شيء بهديك المنطقة اسمه عرب أو لغة عربية وبالتالي اللغة العربية ليس لها اي حق أو " موانة " انها تتلاعب باسم وطن كامل كرمال يوافق غاياتها ولو كان هالشيء لازم يتحقق كان لازم يتحقق من أول ما أوجدت اللغة العربية وليس الآن ، بس عفواً منك بآخر جملة الك فيما يخص الحماية ... لنفترض كان اسمها آشورية ... كان رح تضل محمية من التغير لـ آسورية ومن ثم سورية فقط لوجود التاء المربوطة ؟

اقتباس:
وانا بتذكر هالشي تماما وبتذكر انو هنني كمان درسونا تاريخ سوريا بالكامل بدون تغيير
بقى لو عابالهون يغيرو شي لغيروه وقت كنا لسا بعمر نتقبل كلشي

يرجى توخي الحذر برمي الاتهامات جزافا فقط لانو خطرت عابالنا وما عنا شي يثبت صحة او عدم صحة نية الحكومة بهالشي

وبرجع بأكد عا اهمية المصادر

تحية
فيما يخص المصدر .... أكبر مصدر فيك تراجعه :

الثورة - تشرين - البعث - الوطن - بلدنا .. كلها صحف سورية اجتماعية سياسية فيك تراجع كل صفحة فيها لتشوف اذا مذكور اسم غير "سورية" .. وقتها تقلي التأكيد عالمصدر، المصدر هوي عينك .. والمصدر هوي التاريخ الي عمينبنى حالياً .. وبالتالي طالما الشيء واضح مافيني اعتبرو اتهام جزافاً بل مافيني اعتبرو الا مواجهة بحقيقة لا أكثر ولا أقل

ومية
  رد مع اقتباس
قديم 09/05/2009   #17
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


اقتباس:
كاتب النص الأصلي : ..AHMAD عرض المشاركة

* امير ما رح رد عليك لانه رد جيمي كان كافي بالشرح التبسيطي ..



يمكن ما فهمت عليك زيادة ... قصدك الألفة الممدودة والتاء المربوطة ..

مع اني ما بتذكر تماماً هالتفصيل ... بس يمكن قصدك انو الاسماء الاعجمية متل تركيا وايطاليا وفرنسا .. يصيرو بالتاء المربوطة لأعجميتهن ؟
طيب ما هيك عجّمو سوريا بإضافة التاء المربوطة .. أظنها غير مقنعة بالمرة ازا كانت هي الوسيلة .. بالعكس غلط كبير كان ..
لأ مو هيك قصدو ...
ولا هيك قصدي .. القصد انو كتابة "سوريا" هيك بالالف الممدودة يلي ورا الياء .. غير صحيحة قواعدياً باللغة العربية ... لأ "سوريا" بهالطريقة اسم اعجمي...
ولما ساووا الاسم " سورية" بيقصدوا فيها التعريب .. اضافة ليمحوا صفة الاسم الاعجمي عن "سوريا" فا صارت "سورية" ..وليثبتوا العروةب المفترضة ل"سوريا"...
يعني فينا نطرح مثال تاني عملوا نفس الشي تقريباً
"موريتانيا" و "موريتانية" ..كمان لنفس الاسباب تحولت الكلمة ... منشان يثبتوا عروبة "موريتانيا" المفترضة كمان ... ومنشان تصير صحيحة قواعدياً ضمن اللغة العربية

ومرة تانية .....
تحيا سوريا
  رد مع اقتباس
قديم 10/05/2009   #18
شب و شيخ الشباب wile
عضو
-- أخ لهلوب --
 
الصورة الرمزية لـ wile
wile is offline
 
نورنا ب:
May 2009
المطرح:
السعودية
مشاركات:
281

افتراضي


يا حبيب بالأصل ما كان العالم العربي كل هل قد مقسم مشان هيك كانت أسمائه أقل
يعني كانت سورية/ا والأردن وفلسطين ولبنان إسمهن الشام فلما إجا الإستعمار وقسم الدول العربية صار كل دولة بدها تدور على إسم يعني إضطرينا نستخدم أسماء من التاريخ الي تقريبا منسي
فصراحة ما فيك تقول في شي إسم دولة عربية له شي قدسية لأنه مو هي أسماء دولنا الحقيقية
وبعدين مشان التأنيث السعودية إسم مؤنث ومع هيك السعوديين عايشين وما أحلاهن وبالآخر الشغلة لها علاقة بقواعد اللغة العربية

وسلاااااااااااااااااااااا ااااااااااااااااااااااااا م
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 08:52 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.16286 seconds with 11 queries