بثينة شعبان مالكة البيوت الأولى بين أهل السلطة السورية

[dani75]

بثينة شعبان مالكة البيوت الأولى بين أهل السلطة السورية
عبد الرؤوف مدلّل

وزيرة وكاتبة ومترجمة وجزء من الفساد وصانعة له

بثينة شعبان مالكة البيوت الأولى بين أهل السلطة السورية

لو استطاعت الدكتورة والوزيرة السورية بثينة شعبان أن تمتلك في كل شارعٍ بيتاً، لما قصَّرت. ولو استطاعت أن تستحصل من رئيس الدولة كل يوم على استثناء ليسمح لها بالتسجيل في جمعية سكنية جديدة لما قصّرت. من وزارة الخارجية لها بيت، ومن اتحاد الكتّاب لها بيت، ومن المؤسسة العامة للصناعات الغذائية لها بيت بسبب أنها أقنعت الراحل حافظ الأسد بتعيين زوجها العراقي مديرا عاما للصناعات الغذائية. وهي رئيسة تحرير مجلة الآداب الأجنبية، وعضو مكتب تنفيذي في اتحاد الكتاب العرب، وتكتب مقالا اسبوعيا في "الشرق الأوسط" اللندنية، ومقالا اسبوعيا في "تشرين" السورية، ومقالا مثله لدى علي جمالو في موقعه الالكتروني المتورّم. هذا فضلا عن أنها تؤلف كتابا كل شهر يكتبه زوجها في العادة كما يكتب مقالاتها أيضا، وكذلك كانت مترجمة الراحل حافظ الأسد، وهي الآن وزيرة المغتربين، أيضاً..
سرّ قوة بثينة شعبان، خصوصا بعيد رحيل الأسد الأب، هو علاقتها برئيس الاستخبارات السورية اللواء آصف شوكت، فهي صحّحت له مؤلفاته وحسّنت علاقته بالرئيس الراحل ودعمته مع الرئيس الابن الذي كان يفكّر بالاستغناء عنها بسبب عدم حاجته لها كونه يجيد التكلم بالانكليزية أكثر من إجادته العربية. في هذه الفترة الحرجة بالنسبة اليها، ظهرت على "المستقبل" اللبنانية لتقدم عرضا بكائيا على الرئيس الراحل بحيث يتم لفت انتباه الرئيس الابن خصوصا أنها دبّجت له الكثير من العبارت المادحة. واعتبرت أن العالم انتهى بسبب رحيل الأسد الأب. هنا، وعبر خدماتها السابقة لآصف شوكت والعلاقات الطويلة التي كانت تجمعهما وبشرى أخت الرئيس، فقد تمت تزكيتها من قيادة حزب البعث العربي الاشتراكي فرع دمشق لتصبح في اللجنة المركزية (منصب نسينا أن نذكره في البدء!) وبعدها رشحت للوزارة ونالتها ومازالت.
كل ماتفعله الآن، هو الاستغاثة بمراكز الأبحاث الأمريكية التي تدعوها بين فينة وأخرى، تذهب هناك وتحدثهم عن ضرورة أن يتكلم الأمريكيون مع بشار الأسد، وتجتمع لهذا الغرض مع مارتن إنديك تحديدا، الذي مازال يفشّل مساعيها حتى هذه اللحظة. ومهمتها الأخرى هي الظهور على قناة "العربية" أو "الجزيرة" والتحدث عن خطة سورية محكمة لاسترجاع الجولان من خلال صواريخ التوت الشامي أو من خلال زعقة صوت لصباح فخري. وأكثر نقطة تجمعها بالرئيس الشاب هو عجز الاثنين عن لفظ حرف السين، فينطقانه "ثيين" والمشكلة أن أول حرف في اسم الدولة هو السين، فكثيرا مالايعرف المستمعون عن أي بلد تتحدث الوزيرة والرئيس الشاب خصوصا بالقول :" ثووريا ألا حاميها"!
لا تشبع الوزيرة من الوظائف، ولا من الرواتب، ولا من الاستكتاب بالصحف بصفتها كاتبة درجة ثالثة بشخص وزيرة، ولاتشبع من امتلاك البيوت التي تملكها وفاق عددها السبعة بيوت. وهي التي أتت من حمص السورية ومن عائلة فقيرة يزينها الكدّ والعصامية والتعفف، إلا أن الأمر عند الوزيرة بعيد التأثر برامي مخلوف، رمز الفساد المحمي بالرئيس، اختلف وباتت لايسكنها حس بالأمن إلا لو أخذت ربما من أهل الشام بيوتهم. ومابين حماية الدكتورة للفساد كونها جزءا منه بعلاقتها بآصف شوكت ورامي مخلوف وماهر الأسد وبشرى، وتحت عين الرئيس ورضاه، فإن أي سوري يكتفي بالقول لها: ألله لايشَبّعك ..

[abo aljoud]

يعني اذا مستشارة للرئيس عم تعمل كل هالشي ما عتب ع الحرامية الصغار لك آآآآآآآآآآآآآآآآآآآآآآآآآ آآآه لوين آخدين هالبلد

[بنفسجة]

مصدر الكلام والمعلومات
ولا صف حكي كالعادة

[سمر1]

كاتب النص الأصلي : بنفسجة

مصدر الكلام والمعلومات
ولا صف حكي كالعادة

انت لازم تسالي حالك انه هالكلام صح ولا لآ؟؟

يعني شورح يفيدك المصدر ولا لحتى تتأكدي منه؟؟

على كل لو كان صف كلام متل ما انتي قلتي بيضل كلام مظبوط ومن عندي بقلها الله لا يشبعك ....

[المحارب العتيق]

عقبال لما تنحل أزمة السكن . ويلاقي كل شب بيت يسكن فيه

[ابو نجبو]

كاتب النص الأصلي : المحارب العتيق

عقبال لما تنحل أزمة السكن . ويلاقي كل شب بيت يسكن فيه

اي انشالله....
سمعنا انو رح يفتحو سكن شبابي بالبوكمال ...لاهل حلب و الشام اللي مالن ملاقيين شقفة قبر ينسترو فيه...
وعلى هوا ما سمعنا انو مافي واسطات و لا بطيخ مبسمر "مع بعض الاستثنائات اللي مابتتجاوز ال85 بالمية" ..يعني الكل رح ياخد .....بهالحياة ولا بالحياة القادمة الكل رح ياخد....

والله لا يشبعنا....حكي

[رجل من ورق]

خود بقا
هلأ خبرونا من وين جايبين هالحكي

[توم و جيري]

اذا هيك بلا التاكيد ...
انا بعد شوي رح حط خبر انو اعضاء اعلان دمشق عم يوزعو اسلحة لعناصرون ...
وصارو موزعين شي 10000 سلاح من مختلف الانواع ...
مفي داعي للمصدر ...
من عندي بقلن الله لايوفقن ....
مشي نتاكد من قول الله لا يشبع ...
مو هيك حكي عالطاير ...

[abo aljoud]

كاتب النص الأصلي : توم و جيري

اذا هيك بلا التاكيد ...
انا بعد شوي رح حط خبر انو اعضاء اعلان دمشق عم يوزعو اسلحة لعناصرون ...
وصارو موزعين شي 10000 سلاح من مختلف الانواع ...
مفي داعي للمصدر ...
من عندي بقلن الله لايوفقن ....
مشي نتاكد من قول الله لا يشبع ...
مو هيك حكي عالطاير ...

هلاء فيك تحكي اللي بدك بس مين يسدق ، يا عيني بما انو الحكومة فاسدة والناس ما عندا ثقة بأعضاء هالحكومة ف كلشي عنن بيتسدق

[ayhamm26]

يعني هالخبر والجدل اللي صاير علي هون بذكرني ببرنامج شفتو بزماني كان المتحاورين في صبحي حديدي الكاتب السوري اليساري المعارض و من الجهة التانية يحيى العريضي اللي كان بهداك الوقت لساتو مدير القناة التانية بالتلفزيون السوري
واثناء المناقشة ذكر صبحي حديدي مثل للفساد بسوريا وهو علي دوبا الرئيس السابق للمخابرات العسكرية و قال انو ثروتو بالمليارات فرد علي العريضي وقلو ما بتصير تلقي اتهامات بدون ادلة فكان رد صبحي حديدي انو قلو لو رحت على ضيعة علي دوبا بتلاقي قصر معلق ولا قصور هارون الرشيد بزمانو لو سالت اي انسان هدا لمين فورا بقلك هدا للمعلم علي دوبا .


يعني انا بدي اسال المدافعين عن السلطة , اذا بشار الاسد شريف وماهر الاسد شريف و اصف شوكت شريف و محمد منصورة شريف و علي مملوك شريف و هشام بختيار شريف ورامي مخلوف شريف وكل رجالات السلطة ماشاء شرفاء , لكن فهموني بس من هني حيتان الفساد بهالبلد؟؟ مين اللي عم يدير الفساد ويستفيد منو؟؟؟ وزير الاوقاف ولا وزرير الزراعة ولا ناجي عطري؟؟؟

[zen]

مع انو ما بحبها وبالذات من بعد قصة الفيس بوك
بس نحنا هوون عطول منطلب مصدر
يعني بيسموها مصداقية العمل الصحفي

[abo aljoud]

كاتب النص الأصلي : zen

مع انو ما بحبها وبالذات من بعد قصة الفيس بوك
بس نحنا هوون عطول منطلب مصدر
يعني بيسموها مصداقية العمل الصحفي

والله الواحد قبل ما يجيب مصدر بجيبوا أجلو المهم هالناس ما عنا ثقة فيون

[بنفسجة]

كاتب النص الأصلي : سمر1

انت لازم تسالي حالك انه هالكلام صح ولا لآ؟؟

يعني شورح يفيدك المصدر ولا لحتى تتأكدي منه؟؟

على كل لو كان صف كلام متل ما انتي قلتي بيضل كلام مظبوط ومن عندي بقلها الله لا يشبعك ....

بالنسبة لالك اكيد رح يكون مظبوط
اما انا مش متاكدة وحتى اتاكد بدو يلي بيزت اخبار وقصص يجبلي مصدر او معلومة اكيد
مش موضوع تعبير
مشان اقتنع مو مشان شي وحياتك انا ماعم قول انها شريفة من الشرفاء
بس ما عندي عليها اي دليل على الفساد وهالحكي تبع الكتب والمقالات والتحشيش
فلهيك هاتو دليل لصدق مش اكتر يعني

[dani75]

كاتب النص الأصلي : المحارب العتيق

عقبال لما تنحل أزمة السكن . ويلاقي كل شب بيت يسكن فيه

روحوا قولوا لبثينة تسكنكم ببيوتها ..........

.

.

[المحارب العتيق]

أنا سمعت كمان أنها مهووسة بالسيارات الحديثة . والمصدر . هيك واحد قلي . ( يعني على ذمتو ) . بدنا حدا يروح لقدام بيتها ويخبرنا . لنقطع الشك باليقين .

[butterfly]

يا أخي .. أنا وقت كنت أقرا مقالات مكتوبة بإعلامنا ، كنت أقرف " إي إي " اعلاميينا بيثيرو مللي وقرفي وبالزور يا دوب بكمل السخافات اللي بيكتبوها
بعد ما اقرف كنت اوقف هيك
وعد لحالي مبررات الكتابة السيئة : ضوابط وخطوط حمر كتار ، الرغبة بإرضاء السلطة يعني تملق وتمسيح جوخ ، شعارات عفى عليها الزمان بس ملزومين فيها . رقابة بتقص الانفس . وناس اللي عم تكتب وصلانة لمناصبها بالواسطة مو بالفهم

بس وين المشكلة اني احيانا بقرا مقالات .. معارضة او مدري شو تصنيفا .. لك من تحت الشو أسمو لتحت المزراب يعني أضرب من هدوليك بمراحل ،

وأكثر نقطة تجمعها بالرئيس الشاب هو عجز الاثنين عن لفظ حرف السين، فينطقانه "ثيين" والمشكلة أن أول حرف في اسم الدولة هو السين، فكثيرا مالايعرف المستمعون عن أي بلد تتحدث الوزيرة والرئيس الشاب خصوصا بالقول :" ثووريا ألا حاميها"!

يعني عمي عندك .. موضوع فساد مهم وعندك معطيات وأدلة وأشيا بالفعل حرجة وبتدين شخصية تحت الضوء بسوريا ! مانك مضطر تكتبلي ياها بالسخافة وبهالأسلوب المبتذل
يعني الجملة اللي فوق عييت وأنا أفهم شو حطها بنص المقالة

يا زلمي ..

اما بخصوص في فساد .. اي يا جماعة في ومشرش وورمان وسرطاني
وما في داعي حدا يجبلي اثباتات رقمية .. يغططلي فيها ع قلبي ، منستنى كام سنة وقت بتنشق بثينة شعبان شوي .. وبيطالعولها هني لحالن دفاترها السود

[I_Love_Syria]

حسب معلوماتي يلي عمرها سنة بثينة شعبان ساكنة ببناية من بنايات الفيلات شرقية بالمزة, طبعاً مو كل البناية الها هي ساكنة بشقة من شقق البناية

على موضوع محاربة الفساد قصة صارت معي بآخر نزلة نزلتها عالشام يعني من شهرين تقريباً
كان عندي معاملة بدي ساويها بمؤسسة من مؤسسات الدولة المعاملة تبعي مابتستحمل وقت أكتر من ساعة كلون أربع توقيع يلي بدي ياهن
قرّرت قبل ماروح بلّش بمحاربة الفساد من نفسي يعني قررت روح وما ادفع لحدا ولا ليرة حتى سماسرة
فتت عالدائرة الساعة 9.30 الصبح طلعت الساعة 1 الضهر, يعني طلعت بوضع لا يرثى له ولقيت انو أغلب الموظفين إذا ما دفعت ما بتمشي...
بس لسّاني مُصِر انو ما ادفع لأي موظف عم يقوم بواجبه أي ليرة

[Elephant And Castle]

على فكرى ..ما بعرف ليش الناس بتقول عنها انها متحدثة من الدرجة الأولى ..يعني مرة عملو معها اتصال من الجزيرة انترناشيونال ...و الله انصدمت من لكنتها الأنكيزية المكسرة !! غير هيل مقدم البرنامج عاد عليها نفس السؤال عشر مرات و هي عم تجاوبو بالغرب (درس قومية مبتذل) حتى اخر شي قطع الأتصال

مع العلم انو من كبار المتحدثين عنا بسوريا ....
يعني خلصت الناس بسوريا !