أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > درجة تانية > ملطوشات

إضافة موضوع جديد  إضافة رد
 
أدوات الموضوع
قديم 19/09/2009   #1
شب و شيخ الشباب فايق ورايق ومدايق
عضو
-- أخ لهلوب --
 
الصورة الرمزية لـ فايق ورايق ومدايق
فايق ورايق ومدايق is offline
 
نورنا ب:
Sep 2009
المطرح:
في نعشٍ في مقبرة الزمان
مشاركات:
195

إرسال خطاب MSN إلى فايق ورايق ومدايق
Unhappy بتتذكروا أيام زمان بسوريا


بتتذكروا ،،،،

بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع.

‏ بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر....

بتتذكروا المصاص الأحمر يلي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ومحطو على الشمعة أو الغاز وننفخ منشان نساوي فقاقيع وطبعاص ماتطلع النفيخة لحتى تطلع زلاعيمك وراها وتنحرق كل أصابعك.



بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله
وبعدين نحطو بطاسة مي أو بالمغسلة وناكلو عم يشرشر.

بتتذكروا.. يوم الجمعة ... ‏نقوم من الصبح مشان نسمع أغنية في قصص الشعوب قصائص لا تنتهي
وعالم حلو بهي يسكن في القلوب في قصص الشعوب .

بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.

‏ بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك.

‏ بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة.

بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..

بتتذكروا..لما كنا نستقبل الحجاج بكامل الفرحة واللهفة على الهدية والعيدية وآخر شي: مسواك ومسبحتين والكاميرا الحمراء وسجادة وللبنات قطعة قماش مبرقعة وساعة.


بتتذكروا... عزايم قبل والسفرة ومفرش الطاولة اللي عليه صورة (‏فواكه) ‏وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.

بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف

بتتذكروا... أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة ..... ‏ولازم طبعاً يمر على أولاد الحارة ويطلعوا معو شي خمسين واحد
بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...
يقول لك: مو رصيفكن هادا رصيف الحكومة
كلام منطقي, ‏ويتم يمرق قدام البيت ويقول لك مادخلك.

بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله.

بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن.


بتتذكروا...لما نشيل الطراريح والشراشف ونعملهن خيم ...أو ناخذ المخدات الكبيرة ونعملهن بيوت.






واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام
أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..
أول ما يفتح التلفزيون بتلاقيه يتفرج ع هيفا ونانسي وروبي
وعلى أيامنا قصص عالمية و حديث الجمعة الديني وسهرة صباحية ع الشدة كل ليلة خميس
وأم عمار ببرنامج ما يطلبه الجمهور
وعصمت رشيد يغني بين الشوطين


ويوم الجمعة سيران والله أيام


أييييييييييييي دنيا يلعن طحطح

أنا دائماً لوحدي ,,, بعزفي ,,, ونزفي ,,, وأحتراقي ,,, وجبروتي ,,, وسعادتي..
أشياء غير قابلة للتفاوض (قـــلــبـي ,, هــــي ,, و أنـــــا)
  رد مع اقتباس
قديم 19/09/2009   #2
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي



في شغلة كمان عملناها.. زيادة على كل هدول

ألا وهي:

لعبة "الدكتور" مع بنت الجيران..

وهات يا كشف وطق إبر..


وشو تكون الإبرة فكرك؟


شي عودة خشب أو قلم رصاص


وتقوم هي من الوجع حرام.. تشتكيك لإمها..


وتاع كول بهدلة.. من إمها.. ومن إمك!!


(المهم ما توصل للوالد وكل شي منيح)


هههههههههههههههه

سقى الله






ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 23/09/2009   #3
صبيّة و ست الصبايا rama1985
عضو
-- أخ لهلوب --
 
الصورة الرمزية لـ rama1985
rama1985 is offline
 
نورنا ب:
Feb 2008
المطرح:
بهالعالم
مشاركات:
272

افتراضي



بتزكر بوالين المي الكنا نزتها من السطح عالعالم ...

ونخلص اللعبة بعدها بقتلة من شي حدا كبير


وبتزكر لما كنا ننزل ع الشام بعز الصيف و الشوب
نضل نبكي على أهلنا لحتى يخلونا
نام برا ع السطح أو البرندا
و نطلع لننام ... و ال نتسلى بعد النجوم
يجو أهلنا يقلولنا
(( حاجي تعدوهن هلأ بيطلع على لسانكن تالول ))
و نصير نخاف ... و نحاول ما نطلع ع السما أبداً


بس الشي يلي مابنساه منوب اديش كانت انسة اللغه الانكليزيه تشبعنا قتل

انا والشله ومابدي احكيلكن كل عصاي ااااااخ الله لايدوءها لحدا


ايييييييييه س الله ايام زمان


سوريا يا بلدي يا أحلى البلاد ... دبحتيني بحبك اي حاجي عاد

متى ستعرف كم اهواك يا املا ابيع من اجله الدنيا ومافيها
لو تطلب البحر في عينيك اسكبه او تطلب الشمس في كفيك ارميها

I want to be with you all the time

الكلمات الجميلة تشبه اصحابها
  رد مع اقتباس
قديم 23/09/2009   #4
شب و شيخ الشباب قليل مروة
عضو
-- أخ لهلوب --
 
الصورة الرمزية لـ قليل مروة
قليل مروة is offline
 
نورنا ب:
Aug 2005
المطرح:
بتعلوس انجلوس
مشاركات:
240

إرسال خطاب MSN إلى قليل مروة بعات رسالي عبر Skype™ ل  قليل مروة
افتراضي


اخ ذكرتوني
ايام كنا نعمل طيارات من ورق
ولما تكون جيبتا معباية دحل( كلول)وتوق من جيبتنا بالصف تك تك تك والاستاذ يعمل حملة تفتيش وبعدين يجمع الدحل كلها وتاني يوم نشوف ابن الاستاذ جيبتو معباية دحل
ومين بيذكر لما كان في صندوق تبرع للفدائيين كل يوم خميس وبعد التبرع بشي ساعتين نشم ريحة بقدونس مكتوت ونشوف طنجرة كبيرة فيها تبولة وليش مستغربين يطلع جيل خربان وحرامي؟؟؟
مين بيذكر طقوس العيد عيديةو تياب ممكن تكون جديدة ممكن لا بعدين نروح السنيما ونستاجر بسكليت
مين بيتذكر ايام مجلات تان تان والمغامرون الخمسة تختخ وعاطف ونوسة ومحب ولوزة والشاويش فرقع والكلب زنجرىىمين بيتذكر مجلات فوتو ريما وفرانكو داني؟؟؟؟اخ يمكن تقلت العيار شوي هاد من الزمن الاغبر من الغابر على فكرة ممكن تشوفوا تاريخ ميلادي حتى تعرفوا عن اي زمن عم احكي

نصف الدفء يقتلني
ونصف الموقف يقتلني اكثر

الارض طاولة
حذائك مزهرية
  رد مع اقتباس
قديم 23/09/2009   #5
صبيّة و ست الصبايا marochka
عضو
-- قبضاي --
 
الصورة الرمزية لـ marochka
marochka is offline
 
نورنا ب:
Apr 2009
المطرح:
بلبنان، مجبرٌ أخاك لا بطل
مشاركات:
915

إرسال خطاب MSN إلى marochka
افتراضي


أنا أكتر شي بتذكر الخمس حجار، من أد ما كانت موضة بتذكر أنو بالمدرسة منعوها بالفرصة. وهي اللعبة مدري شو كان اسمها: طابتين مربوطين بخيطين وحلقة وبيطقطقو بس يضربو ببعضون.

إبحث أنت عن المعرفة فالمعرفة لا تبحث عن أحد

Whether humanity will consciously follow the law of love, I do not know. But
that need not disturb me. The law will work just as the law of gravitation
works, whether we accept it or not

Ghandi
  رد مع اقتباس
قديم 23/09/2009   #6
شب و شيخ الشباب el3ageed
عضو
-- قبضاي --
 
الصورة الرمزية لـ el3ageed
el3ageed is offline
 
نورنا ب:
Dec 2008
المطرح:
بين الأسلاك الشائكة التي تفصل وطني عن وطني
مشاركات:
628

إرسال خطاب MSN إلى el3ageed إرسال خطاب Yahoo إلى el3ageed بعات رسالي عبر Skype™ ل  el3ageed
افتراضي


فتّحت جروحات أديمة و الله يعطيك العافية على هـ الموضوع
و رح زيدك من الشعر بيت :
هلاء لي عاش بالشام الأديمة يعني متل ساروجة و العيبة و العمارة ما بينسى بحياتو

و على سيرة بتزكرو ...

نحنا من سوء ساروجة حارة قولي .... من المعروف إنو هالحارة من أئدم حواري الشام و حوليها عين الكرش و حارة الجورة و حارة النهر و حارة الورد ...
ما بنسى كيف كنا نجتمع بالخرابة و نلم مصرينا لنشتري طابة و نلعب فيا و نادر لحتى نلعب فيا تاني يوم لأنو يا بتعلاء على شي سطح أو بيتبرع شي واحد من كبارية الحارة بشأ الطابة لأنو ما عم يئدر ينام
و ما بنسى شجر الأكدنيا و الزنزلخ و كيف كنا كل يوم لازم نعمل غارة على كل شجر الأكدنية لي من حارتنا حتى شارع بغداد و العدوي و المزرعة يعني مسح شامل ...و كمان حبات الزنزلخ و راس أناني البقين لي كنا نعملا نئيفات و شو بدو الواحد يحكي ليحكي ...
ليش أيام الجمعة و الروحة عـ المسبح (( الفيحاء و الشرق و الربوة و تشرين )) و الخنايء بشان أجرة المسبح و حء الصندويشة و ياما رايحين مشي و رجعانين مشي و الأكسجين و مئالب الشباب ببعضا و هادا ما مشي حالو (( يعني ما شئرّ شعرو و هادا كبولو على راسو العلبة و شو بدو الواحد يتزكر ليتزكر ...))
و مين فينا بينسى أيام العيد و ليرتك خمسة و المسكليتات و المتورات السنفور لي كانو يأجروا بالمزرعة و الحمير الله يعز الجميع و صندويشة الفلافل (( الله يرحم أيام الفلافل )) و الشاورمة من عند أبو العبد و العربي ...
و أحلى شي لما تئلك أمك أوم روح جيب خبز يعني مشوار يا على أفران العيبة يا على أفران إبن العميد و هالخبزات على راسك و سحاب و كول ما بتوصل عـ البيت إلا شي نص ربطة طايرة ....
و أيام المدرسة (( شو بدي أحكي لأحكي عالمدرسة و الجوزة و حولة مولة (( اس الله على هديك الأيام ))
مين فينا ما تصرمح عند مدارس البنات و لف الجاكيت تبع البدلة على خصرو و آل شو مو سائل و ألبو عم يعمل حء بءعلىتطليعة من شي وحدة ...
و عرباية العوجا و الفول و الترموس و التمر الهندي بالحمدية و الحجاز و صحن الفول لي مسأسأ بالزيت سأسئة و خبز المشروح و ... حاجة رح موت من أهري وين كنا و وين صرنا
الله يرحم أيام زمان و بس
و الله معك حء لي ما عاشو هديك الأيام ما عاشو ...


خذيني معك أييتها الطيور ...فقد مللت الانتظار ...
مللت الانتظار وحدي ...ولا محطة ...ولا مسافرون ...ولا قطار...

el3ageed.blogspot.com

........................................................................
  رد مع اقتباس
قديم 23/09/2009   #7
صبيّة و ست الصبايا ورده بغداد
عضو
-- مستشــــــــــار --
 
الصورة الرمزية لـ ورده بغداد
ورده بغداد is offline
 
نورنا ب:
Apr 2006
المطرح:
في قلب أخويـــــــه
مشاركات:
2,335

افتراضي


ذكريااااااااات حلوووووووه

je te vois ke tu es fort sans pleurer ..... et de lamour ni
  رد مع اقتباس
قديم 23/09/2009   #8
صبيّة و ست الصبايا marochka
عضو
-- قبضاي --
 
الصورة الرمزية لـ marochka
marochka is offline
 
نورنا ب:
Apr 2009
المطرح:
بلبنان، مجبرٌ أخاك لا بطل
مشاركات:
915

إرسال خطاب MSN إلى marochka
افتراضي


حدا فيكن كان يتصرمح أدام مدرسة بسام حمشو ؟؟
  رد مع اقتباس
قديم 23/09/2009   #9
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


و الله ذكرتني بأشياء كثيرة لا تعد و لا تحصى و خاصة أني في الغربة و هذه الأشياء من أكثر الأشياء التي تخطر على البال

منها مثلاً : الكيلة الفارغة لحليب النيدو كنا نحط فيها شمعة ونضوي في الليل

من الألعاب اللي كنا نلعبها طارت زحلت طنجت بركيت

أو : يا عمي يا صرماياتي أه يا عين عمك

أو : حرمية بولسية

أو من الألعام التي تضايق الجيران كنا في وقت الظهيرة نربط السقاطة بخيط و نبتعد عن الباب ثم نقوم بشد الخيط ليطرق الباب و من ثم يفتحو الباب فلا يجدو أحد و نقوم بتكرارها مرات عديدة

الله يرحم أيام زمان

هي غير لعبت التوش و كان لكل لعبة موسم

مشكور على الموضوع

{ إن في خلق السموات والأرض واختلاف الليل والنهار لآيات لأولي الألباب }
  رد مع اقتباس
قديم 23/09/2009   #10
شب و شيخ الشباب فايق ورايق ومدايق
عضو
-- أخ لهلوب --
 
الصورة الرمزية لـ فايق ورايق ومدايق
فايق ورايق ومدايق is offline
 
نورنا ب:
Sep 2009
المطرح:
في نعشٍ في مقبرة الزمان
مشاركات:
195

إرسال خطاب MSN إلى فايق ورايق ومدايق
افتراضي


والله ياشباب بحس أحياناً انو أيامنا راحت ...

احلى شباب وصبايا دمتم ودامت ذكرياتكم
  رد مع اقتباس
قديم 23/09/2009   #11
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


و الله يا شباب ما بزل عليكن بحرف , هاي القصص اللي عم تحكو عنها كانت حياتنا اليومية يعني , أنو يعني ببساطة هيك كنا عايشين , ما منعرف غير هيك يعني .
بس من القصص اللي ما ممكن تروح من ذاكرتي , و الل كنت حس بوقتها انو هي شيئ خارق للطبيعة , و ابتكار ثوري , و عمل يستحق التقدير و الشو اسمو , هو اختراع مثير للدهشة بيتألف من التالي :
1- بوجية سيارة : اللي ما بيعرف شو هي البوجية هي ال spark plug , يعني شمعة الاحتراق بالعربي .
2- قطعة نربيج صغيرة , 15 - 20 سم ...اللي ما بيعرف شو هو النربيج ..يعني Hose pipe
3- ريش طبيعي , ريش حمام , ريش نسر ..اي شي , المهم يكون ريش كبير نسبياً يعني طول الريشة 10 - 15 سم
4- كبريت , عودان كبريت عادية
5- بسمار كبير ( وقتها كنا نحسو كبير ) مسمار حديد عادي بطول 4 سم تقريبا

طبعا أول شي لازم تجيب بانسة و مطرقة و مفكات و حجار و تقعد تشتغل شي ساعتين بالبوجية لحتى تقدر تسحب السيخ النحاس اللي بكون من جهة السيراميك, بعد ما نشيل هاد السيخ , بصير في تجويف بعمق شي 1.5 ل 2 سم و بقطر تقريبا قد قطر البسمار .
بتدخل الطرف التاني من البوجية ( المحلزن يعني ) بالنربيج و بتحصرهن مزبوط بشي سقفة خشبة صغيرة بتلاقيها بالشارع بين الوسخ .
من الجهة التانية للنربيج بتركب الريش , هاي بدها فن و معلمية , بس بتزبط يعني ,بعد كذا مرة بتصير فنان فيها .

هلأ ببساطة بتجيب عودين تلاتة كبريت و بتفرط المادة الحمرا اللي براس العود جوات التجويف اللي عملناه بالبوجية و بتدخل البسمار بتخلي الجهة المسننة للبسمار لجوا , و بتحصر البسمار جواة البوجية بعود كبريت .

هلأ بكل بساطة كمان ..بتمسك هالاختراع و بتشلفو لفوق ...شاقولياً يعني , بحكم قوانين الجاذبية , رح تتجه البوجية نحو الاسفل و تسقط شاقولياً باتجاه الارض ...بلحظة الاصطدام رح ينضغط البسمار بقوة باتجاه البارود و يحتك و يسبب اشتعال البارود داخل فراغ ضيق ..و النتيجة هي صوت انفجار ظريف ...بوووووووووووووووووووووو وووووووووووم

طبعا و الكبريت ببلاش ..بتستناول الكبريتة من ع الغاز من حط طنجرة البرغل و بتركض ...و بلا فتيش بلا مصروف بلا طعمة ..و بتخلي جارك اللي شقلك الطابة من يومين يكفر باللاتيني

انا لا زلت حتى هذه اللحظة أكن خالص الاحترام و التقدير للجندي المجهول اللي كان ورا هالاختراع العظيم ....اي و الله و الله و الله أنو كيفنا

J.S: Death is the solution to all problems. No man = No problem.
  رد مع اقتباس
قديم 23/09/2009   #12
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


اقتباس:
كاتب النص الأصلي : حلبي عرض المشاركة
و الله ذكرتني بأشياء كثيرة لا تعد و لا تحصى و خاصة أني في الغربة و هذه الأشياء من أكثر الأشياء التي تخطر على البال

منها مثلاً : الكيلة الفارغة لحليب النيدو كنا نحط فيها شمعة ونضوي في الليل

من الألعاب اللي كنا نلعبها طارت زحلت طنجت بركيت

أو : يا عمي يا صرماياتي أه يا عين عمك

أو : حرمية بولسية

أو من الألعام التي تضايق الجيران كنا في وقت الظهيرة نربط السقاطة بخيط و نبتعد عن الباب ثم نقوم بشد الخيط ليطرق الباب و من ثم يفتحو الباب فلا يجدو أحد و نقوم بتكرارها مرات عديدة

الله يرحم أيام زمان

هي غير لعبت التوش و كان لكل لعبة موسم

مشكور على الموضوع
من الالعاب اللي كنت اكرهها هي لعبة قن الجاج , و لعبة جحش مخدة , بالاضافة للعبة تقطيع الصبارة عن بعد بالسكاكين ...انا شوف عيني في كتير ناس قعدت منيح بالمستشفيات من ورا هالالعاب الطفولية
  رد مع اقتباس
قديم 23/09/2009   #13
شب و شيخ الشباب jano.
عضو
-- قبضاي --
 
الصورة الرمزية لـ jano.
jano. is offline
 
نورنا ب:
Jan 2008
مشاركات:
478

افتراضي


اقتباس:
كاتب النص الأصلي : HashtNasht عرض المشاركة
و الله يا شباب ما بزل عليكن بحرف , هاي القصص اللي عم تحكو عنها كانت حياتنا اليومية يعني , أنو يعني ببساطة هيك كنا عايشين , ما منعرف غير هيك يعني .
بس من القصص اللي ما ممكن تروح من ذاكرتي , و الل كنت حس بوقتها انو هي شيئ خارق للطبيعة , و ابتكار ثوري , و عمل يستحق التقدير و الشو اسمو , هو اختراع مثير للدهشة بيتألف من التالي :
1- بوجية سيارة : اللي ما بيعرف شو هي البوجية هي ال spark plug , يعني شمعة الاحتراق بالعربي .
2- قطعة نربيج صغيرة , 15 - 20 سم ...اللي ما بيعرف شو هو النربيج ..يعني Hose pipe
3- ريش طبيعي , ريش حمام , ريش نسر ..اي شي , المهم يكون ريش كبير نسبياً يعني طول الريشة 10 - 15 سم
4- كبريت , عودان كبريت عادية
5- بسمار كبير ( وقتها كنا نحسو كبير ) مسمار حديد عادي بطول 4 سم تقريبا

طبعا أول شي لازم تجيب بانسة و مطرقة و مفكات و حجار و تقعد تشتغل شي ساعتين بالبوجية لحتى تقدر تسحب السيخ النحاس اللي بكون من جهة السيراميك, بعد ما نشيل هاد السيخ , بصير في تجويف بعمق شي 1.5 ل 2 سم و بقطر تقريبا قد قطر البسمار .
بتدخل الطرف التاني من البوجية ( المحلزن يعني ) بالنربيج و بتحصرهن مزبوط بشي سقفة خشبة صغيرة بتلاقيها بالشارع بين الوسخ .
من الجهة التانية للنربيج بتركب الريش , هاي بدها فن و معلمية , بس بتزبط يعني ,بعد كذا مرة بتصير فنان فيها .

هلأ ببساطة بتجيب عودين تلاتة كبريت و بتفرط المادة الحمرا اللي براس العود جوات التجويف اللي عملناه بالبوجية و بتدخل البسمار بتخلي الجهة المسننة للبسمار لجوا , و بتحصر البسمار جواة البوجية بعود كبريت .

هلأ بكل بساطة كمان ..بتمسك هالاختراع و بتشلفو لفوق ...شاقولياً يعني , بحكم قوانين الجاذبية , رح تتجه البوجية نحو الاسفل و تسقط شاقولياً باتجاه الارض ...بلحظة الاصطدام رح ينضغط البسمار بقوة باتجاه البارود و يحتك و يسبب اشتعال البارود داخل فراغ ضيق ..و النتيجة هي صوت انفجار ظريف ...بوووووووووووووووووووووو وووووووووووم

طبعا و الكبريت ببلاش ..بتستناول الكبريتة من ع الغاز من حط طنجرة البرغل و بتركض ...و بلا فتيش بلا مصروف بلا طعمة ..و بتخلي جارك اللي شقلك الطابة من يومين يكفر باللاتيني

انا لا زلت حتى هذه اللحظة أكن خالص الاحترام و التقدير للجندي المجهول اللي كان ورا هالاختراع العظيم ....اي و الله و الله و الله أنو كيفنا


حيّووووووووووووو حيّو
فعلاً أحلا لعبة (إذا فينا نسميها لعبة ) على كلن هيي أحلا اختراع وبيدعم التطور الذكائي والتعليمي والشخصي والفكري والتنموي عند الأطفال يعني شي صحي مو متل الألعاب الكهربائية الي بتضوي وبتزمّر هي كلا مصروف عالفاضي و"بتغبّي" الأطفال..

بس كأني نسيت شغلة مهمة بهالاختراع.. نحنا كنا نربط المسمار بخيط قوي أو سلك معدني من طرف والطرف التاني بنثبتو بالبوجيّة، لأنو هيك ما بيطير المسمار وما بيضيع (هالشغلة نصحني فيها الوالد زمانية أنا كنت الوحيد بالحارة الي أبي كان بيأمنلي كل احتياجاتي لتصنيع الألعاب الشيطانيّة )
أي ونحنا ماكنا نستعمل النربيج، كنا نثبت الريش مباشرة عالبوجية، أكيد بتعرف أنو بالطرف التاني للبوجية في شق دائري وبنص الدائرة بتجي الشو اسما تبع الاحتراق، فكنا ندخل الريش بالشق وبعدين بنلف سلك حولين.

اييييييييييه عالكبريت
بأيام الشدة لما ماكنا نلاقي بواجي وريش كنا نجيب مسمار طويل شي 10 سم وندقو بالشارع شي 4 سم بعدين نطلّعو ونعبي الحفرة كبريت وندخل المسمار كمان مرة ونزت فوقو شي حجرة هون كان الانفجار أقوى بكتير. بس هالشغلة كنا نلجألا فعلاً بس بوقت الضيقة، لأنو حصل وبعض الشباب نسيو المسامير بمحلا والضحية كانت دائماً دواليب السيارات
أي ولما يكون الكبريت مأمن بكميات كبيرة كنا نبعزق شوي ونتقّل العيار!
كنا نطلع عالاساطيح ونكسر شي شبر من أنتينة التلفزيون تبع الجيران، المعدن هوي المنيوم طري اذا ماني غلطان، وبما أنو مجوف فكنا نسكّر أحد الأطراف (طوي بالبنسة بعدين كم دقّة بالشاكوش) وبعدين نعبي البوري كبريت (أحياناً 10 علب كبريت) بعدين كنا نحط شوية كرتون ونسكّر الطرف التاني بنفس الطريقة وبالأخير بنحفر حفرة شي نص متر ونعبيا جرايد ونحط القنبلة بالنص ونولعها والباقي عندك

أي ولسى في كتير ألعاب ممتعة
بس فيك تقول أنو البوجية والنقيفة كانو التجهيزات الستاندارت يلي بجيبتي..

haa haaaa haatshuuu!!!!!!!..... Sorry, I'm allergic to bullshit!

Urhoy سابقاً

آخر تعديل jano. يوم 23/09/2009 في 20:48.
  رد مع اقتباس
قديم 23/09/2009   #14
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


اقتباس:
كاتب النص الأصلي : jano. عرض المشاركة

أي ولسى في كتير ألعاب ممتعة
بس فيك تقول أنو البوجية والنقيفة كانو التجهيزات الستاندارت يلي بجيبتي..
طيب جربت شي مرة تعمل مظلة parachute يعني , من كيس نايلو و بطاطاية

بالمناسبة ..اسمها صايرة و صايرة ...بتتحدا طبون ع البسكليتات
  رد مع اقتباس
قديم 23/09/2009   #15
post[field7] النمر اللبناني
عضو
-- أخ لهلوب --
 
الصورة الرمزية لـ النمر اللبناني
النمر اللبناني is offline
 
نورنا ب:
Sep 2009
المطرح:
كوكب عطارد
مشاركات:
138

افتراضي


ذكريات جميله جدا شكرا

ماطار طير وارتفع الا كما طار وقع
  رد مع اقتباس
قديم 23/09/2009   #16
شب و شيخ الشباب jano.
عضو
-- قبضاي --
 
الصورة الرمزية لـ jano.
jano. is offline
 
نورنا ب:
Jan 2008
مشاركات:
478

افتراضي


اقتباس:
كاتب النص الأصلي : HashtNasht عرض المشاركة
طيب جربت شي مرة تعمل مظلة parachute يعني , من كيس نايلو و بطاطاية

بالمناسبة ..اسمها صايرة و صايرة ...بتتحدا طبون ع البسكليتات
أي لكان لكان براشوت البطاطة شغلة رهيبة... بس جرب باتنجاناية بدل البطاطة... البراشوت بيطول أكتر بالهوا

طبّون عالبسكليت ما فهمتا هي
معقول شغلة فيها بسكليت وما أعرفها
أحكي احكي! أكيد بعرفها بس التسمية مختلفة
  رد مع اقتباس
قديم 23/09/2009   #17
شب و شيخ الشباب jano.
عضو
-- قبضاي --
 
الصورة الرمزية لـ jano.
jano. is offline
 
نورنا ب:
Jan 2008
مشاركات:
478

افتراضي


المشاركة 13 فايتة بالحيط كأنو
شو عم يصير هون
على كلن هادا الرد كمان مرة
--------------------

حيّووووووووووووو حيّو
فعلاً أحلا لعبة (إذا فينا نسميها لعبة ) على كلن هيي أحلا اختراع وبيدعم التطور الذكائي والتعليمي والشخصي والفكري والتنموي عند الأطفال يعني شي صحي مو متل الألعاب الكهربائية الي بتضوي وبتزمّر هي كلا مصروف عالفاضي و"بتغبّي" الأطفال..

بس كأني نسيت شغلة مهمة بهالاختراع.. نحنا كنا نربط المسمار بخيط قوي أو سلك معدني من طرف والطرف التاني بنثبتو بالبوجيّة، لأنو هيك ما بيطير المسمار وما بيضيع (هالشغلة نصحني فيها الوالد زمانية أنا كنت الوحيد بالحارة الي أبي كان بيأمنلي كل احتياجاتي لتصنيع الألعاب الشيطانيّة )
أي ونحنا ماكنا نستعمل النربيج، كنا نثبت الريش مباشرة عالبوجية، أكيد بتعرف أنو بالطرف التاني للبوجية في شق دائري وبنص الدائرة بتجي الشو اسما تبع الاحتراق، فكنا ندخل الريش بالشق وبعدين بنلف سلك حولين.

اييييييييييه عالكبريت
بأيام الشدة لما ماكنا نلاقي بواجي وريش كنا نجيب مسمار طويل شي 10 سم وندقو بالشارع شي 4 سم بعدين نطلّعو ونعبي الحفرة كبريت وندخل المسمار كمان مرة ونزت فوقو شي حجرة هون كان الانفجار أقوى بكتير. بس هالشغلة كنا نلجألا فعلاً بس بوقت الضيقة، لأنو حصل وبعض الشباب نسيو المسامير بمحلا والضحية كانت دائماً دواليب السيارات
أي ولما يكون الكبريت مأمن بكميات كبيرة كنا نبعزق شوي ونتقّل العيار!
كنا نطلع عالاساطيح ونكسر شي شبر من أنتينة التلفزيون تبع الجيران، المعدن هوي المنيوم طري اذا ماني غلطان، وبما أنو مجوف فكنا نسكّر أحد الأطراف (طوي بالبنسة بعدين كم دقّة بالشاكوش) وبعدين نعبي البوري كبريت (أحياناً 10 علب كبريت) بعدين كنا نحط شوية كرتون ونسكّر الطرف التاني بنفس الطريقة وبالأخير بنحفر حفرة شي نص متر ونعبيا جرايد ونحط القنبلة بالنص ونولعها والباقي عندك

أي ولسى في كتير ألعاب ممتعة
بس فيك تقول أنو البوجية والنقيفة كانو التجهيزات الستاندارت يلي بجيبتي..
  رد مع اقتباس
قديم 01/10/2009   #18
شب و شيخ الشباب العيثوب
عضو
-- أخ لهلوب --
 
الصورة الرمزية لـ العيثوب
العيثوب is offline
 
نورنا ب:
Jul 2009
المطرح:
بين أوربا والميدل إيست
مشاركات:
244

افتراضي


اقتباس:
كاتب النص الأصلي : el3ageed عرض المشاركة
فتّحت جروحات أديمة و الله يعطيك العافية على هـ الموضوع
و رح زيدك من الشعر بيت :
هلاء لي عاش بالشام الأديمة يعني متل ساروجة و العيبة و العمارة ما بينسى بحياتو

و على سيرة بتزكرو ...

نحنا من سوء ساروجة حارة قولي .... من المعروف إنو هالحارة من أئدم حواري الشام و حوليها عين الكرش و حارة الجورة و حارة النهر و حارة الورد ...
ما بنسى كيف كنا نجتمع بالخرابة و نلم مصرينا لنشتري طابة و نلعب فيا و نادر لحتى نلعب فيا تاني يوم لأنو يا بتعلاء على شي سطح أو بيتبرع شي واحد من كبارية الحارة بشأ الطابة لأنو ما عم يئدر ينام
و ما بنسى شجر الأكدنيا و الزنزلخ و كيف كنا كل يوم لازم نعمل غارة على كل شجر الأكدنية لي من حارتنا حتى شارع بغداد و العدوي و المزرعة يعني مسح شامل ...و كمان حبات الزنزلخ و راس أناني البقين لي كنا نعملا نئيفات و شو بدو الواحد يحكي ليحكي ...
ليش أيام الجمعة و الروحة عـ المسبح (( الفيحاء و الشرق و الربوة و تشرين )) و الخنايء بشان أجرة المسبح و حء الصندويشة و ياما رايحين مشي و رجعانين مشي و الأكسجين و مئالب الشباب ببعضا و هادا ما مشي حالو (( يعني ما شئرّ شعرو و هادا كبولو على راسو العلبة و شو بدو الواحد يتزكر ليتزكر ...))
و مين فينا بينسى أيام العيد و ليرتك خمسة و المسكليتات و المتورات السنفور لي كانو يأجروا بالمزرعة و الحمير الله يعز الجميع و صندويشة الفلافل (( الله يرحم أيام الفلافل )) و الشاورمة من عند أبو العبد و العربي ...
و أحلى شي لما تئلك أمك أوم روح جيب خبز يعني مشوار يا على أفران العيبة يا على أفران إبن العميد و هالخبزات على راسك و سحاب و كول ما بتوصل عـ البيت إلا شي نص ربطة طايرة ....
و أيام المدرسة (( شو بدي أحكي لأحكي عالمدرسة و الجوزة و حولة مولة (( اس الله على هديك الأيام ))
مين فينا ما تصرمح عند مدارس البنات و لف الجاكيت تبع البدلة على خصرو و آل شو مو سائل و ألبو عم يعمل حء بءعلىتطليعة من شي وحدة ...
و عرباية العوجا و الفول و الترموس و التمر الهندي بالحمدية و الحجاز و صحن الفول لي مسأسأ بالزيت سأسئة و خبز المشروح و ... حاجة رح موت من أهري وين كنا و وين صرنا
الله يرحم أيام زمان و بس
و الله معك حء لي ما عاشو هديك الأيام ما عاشو ...


والله إنك أصبت الجرح ولعب الدحل و الصور تبع مسكه أبولو وتمارى و كعك والهوى رماك ياناعم أنا من الصالحيه أبوجرش والشيخ إبراهيم نفس الذكريات كانت أحلى ايام الله يرحم أيام الطفوله اليوم كله جيل غريبه وويلى على شباب الغريبه واللى فرط حبه (أبوحاتم)
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 04:30 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.18499 seconds with 11 queries