أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > سياسة

إضافة موضوع جديد  إضافة رد
 
أدوات الموضوع
قديم 21/11/2009   #1
شب و شيخ الشباب العيثوب
عضو
-- أخ لهلوب --
 
الصورة الرمزية لـ العيثوب
العيثوب is offline
 
نورنا ب:
Jul 2009
المطرح:
بين أوربا والميدل إيست
مشاركات:
244

افتراضي قانون الأحوال المدنيه جاهز للتوقيع والعمل به قريب


اليوم لفت إنتباهى فى النعوه اليوميه (الأخبار) خبر بأنه مجموعه من المثقفين السوريون تقدموا لسعادته برساله توسل و تبويس أرجل منشان سعادته يرفض القانون التقسيمى الجديد و الذى تمت الموافقه عليه من قبل الشله الخفيه و التى تعمل من خلف الكواليس بالحكومه السوريه -يظنوا المساكين أن هذه الرساله سوف يأخذ بأمرها وغاب عنهم أنه من أولويات التطبيع مع الإتحاد الأوربى وإسرائيل هى الموافقه على هذا القانون وذلك لكى يتم تصنيف طبقات المواطنين و الأقليات وتحريك الأقليات لزعزعه الوضع الإجتماعى لأنو هدول اللى بيهموهم الأقليات و ليس الأكثريات لأنو الأقليات دائما عندهم نزعه عنصريه و شعور بالإظطهاد من الأخرين وهذا الشعور يتوارثوه ويولد معهم والدول الكبيره متل الإتحاد الأوربى الذى يمثل إسرائيل و اليهود بشكل خاص قد جهز العده للغزو الحديث للأمه العربيه و العرب السوريون لأنه إذا إستطاع السيطره عليهم فقد يسيطر على نصف العرب وهذه البدايه فانون الأحوال الشخصيه المحدث و الذى سوف يعمل به من السنه الجديده إقرأو البيان أكئر من مره وسوف تجدون كل مره التناقض الموجود والهدف منه ليست المرأه ولا حريه المرأه ولكن السر المخبأبين طيات القانون و هو نصره الأقليات و الإعتراف بهم رسميا حتى تكثر مقاعد البرلمان ولا تقوم قائمه الأكثريه بالسيطره على الحكم بالمستقبل (أبوحاتم)

طــليق فـــــى غربتـى و سجيــــــن فــــى وطنــــــى
  رد مع اقتباس
قديم 21/11/2009   #2
شب و شيخ الشباب العيثوب
عضو
-- أخ لهلوب --
 
الصورة الرمزية لـ العيثوب
العيثوب is offline
 
نورنا ب:
Jul 2009
المطرح:
بين أوربا والميدل إيست
مشاركات:
244

افتراضي


اقتباس:
كاتب النص الأصلي : العيثوب عرض المشاركة
اليوم لفت إنتباهى فى النعوه اليوميه (الأخبار) خبر بأنه مجموعه من المثقفين السوريون تقدموا لسعادته برساله توسل و تبويس أرجل منشان سعادته يرفض القانون التقسيمى الجديد و الذى تمت الموافقه عليه من قبل الشله الخفيه و التى تعمل من خلف الكواليس بالحكومه السوريه -يظنوا المساكين أن هذه الرساله سوف يأخذ بأمرها وغاب عنهم أنه من أولويات التطبيع مع الإتحاد الأوربى وإسرائيل هى الموافقه على هذا القانون وذلك لكى يتم تصنيف طبقات المواطنين و الأقليات وتحريك الأقليات لزعزعه الوضع الإجتماعى لأنو هدول اللى بيهموهم الأقليات و ليس الأكثريات لأنو الأقليات دائما عندهم نزعه عنصريه و شعور بالإظطهاد من الأخرين وهذا الشعور يتوارثوه ويولد معهم والدول الكبيره متل الإتحاد الأوربى الذى يمثل إسرائيل و اليهود بشكل خاص قد جهز العده للغزو الحديث للأمه العربيه و العرب السوريون لأنه إذا إستطاع السيطره عليهم فقد يسيطر على نصف العرب وهذه البدايه فانون الأحوال الشخصيه المحدث و الذى سوف يعمل به من السنه الجديده إقرأو البيان أكئر من مره وسوف تجدون كل مره التناقض الموجود والهدف منه ليست المرأه ولا حريه المرأه ولكن السر المخبأبين طيات القانون و هو نصره الأقليات و الإعتراف بهم رسميا حتى تكثر مقاعد البرلمان ولا تقوم قائمه الأكثريه بالسيطره على الحكم بالمستقبل (أبوحاتم)

تشهد سوريا حالياً سجالات واسعة حول مسودة مشروع قانون الأحوال الشخصية المقترح بسبب تدخله، بحسب كثير من النشطاء، في أحوال الطوائف الدينية والمذهبية المتعددة في سوريا.

كما يواجه مشروع القانون الكثير من الاعتراضات بسبب سرية اللجنة التي قامت باقتراحه، ولعدم الأخذ بآراء القيادات الروحية للطوائف أو آراء رجال القانون وبسبب ما فيه من تعارض وتناقض بين مواده ومواد الدستور السوري الخاصة بحرية المعتقد والأحوال الشخصية للطوائف والمساواة بين جميع المواطنين وعدم التفريق بين الجنسين.

وقد نفى رئيس الوزراء السوري محمد ناجي عطري أن يكون قد تم إيقاف مشروع القانون وقال إنه "مجرد ورقة عمل لم تعرض على مجلس الوزراء حتى الأن".
وقال عطرى انه سيتم استطلاع رأي جميع الجهات المعنية حول مشروع القانون قبل رفع صيغته النهائية إلى مجلس الشعب لمناقشته وإقراره, موضحا ان فكرة تعديل قانون الأحوال الشخصية ظهرت قبل ثلاث سنوات في إطار خطة متكاملة "لتعديل عدد من القوانين وتحديثها بشكل ينسجم مع المرحلة الراهنة".

وكانت مصادر قد نقلت عن رئيس مجلس الشعب محمود الأبرش تأكيده إيقاف مشروع القانون دون ذكر تفاصيل إضافية.

وقالت المصادر إن الأبرش أعلن أنه تمّ ايقاف مشروع القانون الذي أعدته اللجنة المكلفة بذلك من قبل رئاسة مجلس الوزراء.

وتثير مختلف الهيئات السورية الاجتماعية والمدنية والأهلية نقاشا حادا حول مشروع القانون الجديد الذي يصفه نقاده من مناصري المرأة ومناصري قضية المواطنة في سورية بأنه "خطوات إلى الوراء" و"هزيمة للفكر التنويري".

وفيما رحب بعض الناشطين في الهيئات المدنية والأهلية بالإعلان عن إيقاف مشروع القانون ووصفها بسام القاضي، مدير مرصد "نساء سورية" في تصريحات صحفية بأنها "نصف خطوة" وقال "لماذا الإيقاف بدلاً من الإلغاء فالكل يعرف الفرق بين الكلمتين، فالإلغاء هي الكلمة الصحيحة في هذا الموقع".

ورحبت الدكتورة منى غانم مديرة "مركز التنمية للدراسات" بإعلان رئيس مجلس الشعب.

وقالت إن المجلس والحكومة اتخذوا القرار الصحيح الذي يعبر عن وجه سوريا الحقيقي وصورة الحكومة السورية التي قدمت الكثير للمرأة السورية يشكل سبقت فيه نساء دول المنطقة، في حين وصفت المشروع الذي أوقف بأنه كان دخيلاً ولا علاقة له بصورة سوريا وحكومتها وشعبها.
"لايراعي مكانة المرأة"
وكان عدد كبير من الناشطين المدنيين ومناصري حقوق المرأة والأقليات ورجال دين مسلمين ومسيحيين انتقدوا بشدة مشروع القانون الجديد.

ووصف النائب السوري ومدير مركز الدراسات الإسلامية محمد الحبش المشروع بأنه "مخيف، والنقطة الإيجابية الوحيدة في القانون هي إصدار قانون واحد للسوريين".

وقالت الناشطة سوسن زكزك إن المشروع يتحدث عن تنظيم عادات معروفة قبل الإسلام مثل الإيلاء، ولا يراعي مكانة المرأة السورية واحتلالها لمواقع هامة في صنع القرار، وهي التي انطلقت منذ أوائل القرن العشرين إلى ساحات العلم والعمل.

وتابعت زكزك أن المشروع يكرس أن المرأة "تابع مستلب، وحتى أمومتها ليست جزءاً منها، بل هي خدمة من الخدمات التي تقدمها للرجل الذي (اشتراها)، والذي هو الأصل في كل شيء.. وحتى إن الأولاد له وحده. ومن هذه التعابير على سبيل المثال: النكاح، الموطوءة، أجرة إرضاع الولد".

وانتقدت إباحة المشروع تعدد الزوجات بشكل مطلق وشروط الحضانة وتخفيض سن الزواج إلى سن الطفولة.

على صعيد آخر رحب ناشطون حقوقيون ومدنيون سوريون بالتعديل الذي ادخله الرئيس بشار الأسد على المادة 548 من قانون العقوبات التي كانت تحل القاتل الذي "فاجأ زوجه أو أحد أصوله أو فروعه أو اخته في جرم الزنا المشهود أو في صلات جنسية فحشاء مع شخص آخر ، فأقدم على قتلهما أو ايذائهما أو على قتل أو ايذاء أحدهما بغير عمد" من العقوبة.

واستبدل المرسوم التشريعي الجديد رقم (37) المادة القديمة بنص يقول "يستفيد من العذر المخفف من فاجأ زوجه أو أحد أصوله أو فروعه أو أخته في جرم الزنا المشهود أو في صلات جنسية فحشاء مع شخص آخر فأقدم على قتلها أو إيذائها أو على قتل أو إيذاء أحدهما بغير عمد على أن لا تقل العقوبة عن الحبس مدة سنتين في القتل".

ولكن الناشطين رأوا أن التعديل الجديد غير كاف.
  رد مع اقتباس
قديم 21/11/2009   #3
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


الحقيقة انو الموضوع فايت ببعضو شوي.. او كتير...
1- القانون اسمو قانون الاحوال الشخصية وليش قانون الاحوال المدنية
2- الشخص المقتبس منه المقال الاول شخص غير مطلع على الاطلاق.... وأكثر ما يثير الضحك بكلامه هو الجملة الاخيرة وربطه الحديث حول مشروع الاحوال الشخصية بكراسي البرلمان ..
3- يبدو أنك لا تعرف أن هناك مسودتين لمشروع قانون الاحوال الشخصية وأنك تحدثت في ردك السابق عن المشروع القديم وذكرت ردود الافعال حوله.. بينما موضوعك الاصلي يتحدث عن المشروع الجديد

طائر واحد يكفي لكي لا تسقط السماء
فرج بيرقدار
  رد مع اقتباس
قديم 21/11/2009   #4
شب و شيخ الشباب العيثوب
عضو
-- أخ لهلوب --
 
الصورة الرمزية لـ العيثوب
العيثوب is offline
 
نورنا ب:
Jul 2009
المطرح:
بين أوربا والميدل إيست
مشاركات:
244

افتراضي


[quote=Nay;1360106]الحقيقة انو الموضوع فايت ببعضو شوي.. او كتير...
1- القانون اسمو قانون الاحوال الشخصية وليش قانون الاحوال المدنية
2- الشخص المقتبس منه المقال الاول شخص غير مطلع على الاطلاق.... وأكثر ما يثير الضحك بكلامه هو الجملة الاخيرة وربطه الحديث حول مشروع الاحوال الشخصية بكراسي البرلمان ..
3- يبدو أنك لا تعرف أن هناك مسودتين لمشروع قانون الاحوال الشخصية وأنك تحدثت في ردك السابق عن المشروع القديم وذكرت ردود الافعال حوله.. بينما موضوعك الاصلي يتحدث عن المشروع الجديد[/quote

يبدو لى إنو نظرتك الإستراتيجيه محدوده لأنو الهدف بعد التطبيق و مافرقت بين الشخصيه و المدنيه على الحالتين نحنا المتخوزقين مع إحتلاامى للجميع وهذا نحنا اللى فالحين فيه عطول منعمل سبابيك للمناقشه و تبطيل المعنى بس يبدولى إنك من المتفيدين من هذا القانون
  رد مع اقتباس
قديم 21/11/2009   #5
شب و شيخ الشباب العيثوب
عضو
-- أخ لهلوب --
 
الصورة الرمزية لـ العيثوب
العيثوب is offline
 
نورنا ب:
Jul 2009
المطرح:
بين أوربا والميدل إيست
مشاركات:
244

افتراضي


[quote=Nay;1360106]الحقيقة انو الموضوع فايت ببعضو شوي.. او كتير...
1- القانون اسمو قانون الاحوال الشخصية وليش قانون الاحوال المدنية
2- الشخص المقتبس منه المقال الاول شخص غير مطلع على الاطلاق.... وأكثر ما يثير الضحك بكلامه هو الجملة الاخيرة وربطه الحديث حول مشروع الاحوال الشخصية بكراسي البرلمان ..
3- يبدو أنك لا تعرف أن هناك مسودتين لمشروع قانون الاحوال الشخصية وأنك تحدثت في ردك السابق عن المشروع القديم وذكرت ردود الافعال حوله.. بينما موضوعك الاصلي يتحدث عن المشروع الجديد[/quote

يبدو لى إنو نظرتك الإستراتيجيه محدوده لأنو الهدف بعد التطبيق و مافرقت بين الشخصيه و المدنيه على الحالتين نحنا المتخوزقين مع إحتلاامى للجميع وهذا نحنا اللى فالحين فيه عطول منعمل شبابيك للمناقشه و تبطيل المعنى بس يبدولى إنك من المتفيدين من هذا القانون
  رد مع اقتباس
قديم 22/11/2009   #6
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


حطيتلك كم نقطة مشان وضحلك الاغلاط اللي عم تحكي فيها..
يا اخي لما منحكي يلغة قانونية ما بيصير نقول احوال مدنية ونحنا عم نحكي بالاحوال الشخصية.. هادا خطأ وخطأ فادح كمان.. هادا شي وهداك شي تاني تماما..

واضح تماما انو كمان ما فهمت مسألة وجود مسودتين للقانون.. ونك خالط تماما بين المسودتين..
انا ما عم اعمل شبابيك للمناقشة لأنو انت مو حاطط موضوع متماسك أساسا .. انت حاطط موضوع انت مو فهمانو ومو مطلع عليه..
بتمنى تبحث اكتر..
تحياتي
  رد مع اقتباس
قديم 22/11/2009   #7
شب و شيخ الشباب jano.
عضو
-- قبضاي --
 
الصورة الرمزية لـ jano.
jano. is offline
 
نورنا ب:
Jan 2008
مشاركات:
478

افتراضي


بالنسبة لمشاركتك رقم 2 فهي متعلقة بالمسودة الأولى يلي التغت من كم شهر لحسن الحظ. أكيد اتذكرتا مو؟ قامت القيامة وقتا لأنو..

أما مشاركتك الأولى يا أبو حاتم يعني بجد فايتة ببعضها ومالها علاقة بالعلّاقة. كأنو مانك من سوريا وما بتعرف شي عنها.
الطوائف بسوريا من زمان ألها قوانينها الشخصية الخاصّة (بشكل عامّ)، والمسودة الجديدة (2) ماغيرت شي إيجابي بالنسبة للطوائف (أو متل ما بتحب تسمع: ما عطتهم ميّزات جديدة تخليهم يحتلّوا البرلمان! يعني اسرائيل ما استفادت شي ) بالعكس المسودة الجديدة لغت بعض التعديلات الخاصة بالطوائف المسيحية يلي تم تطبيقها 2004 و 2006 وهادا شي مؤسف طبعاً.

بالأخير ذكرت أنو "الهدف من القانون ليست حريّة المرأة" بهي معك حق ميّة بالميّة...

ياريت توضّح مشاركتك أكتر، خاصّة مؤامرة الاتحاد الأوربي واسرائيل. من كلامك بحس أنك متأكد من معلوماتك، فياريت تشاركنا فيها لأنو متل ما بتعرف قرّبت سنة ال 2012، و 2012 هيي نهاية العالم. عالقليلة بنموت فهمانين.

هوامش
الأحوال المدنية متل ماذكرت ناي غير الأحوال الشخصية
والأحوال الشخصية مألها علاقة بالأقليات متل ما ذكرت بمشاركتك، الأحوال الشخصيّة متعلقة بالطوائف.

haa haaaa haatshuuu!!!!!!!..... Sorry, I'm allergic to bullshit!

Urhoy سابقاً
  رد مع اقتباس
قديم 22/11/2009   #8
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


شكرا الك جانو..
بكل الاحوال للي ما بيعرف في سوريا..
قانون الاحوال الشخصية هو قانون مصدره التشريعي الاول هو الشريعة الاسلامية يتحدث بشكل رئيسي عن الزواج والطلاق وأثارهما والخطبة وآثارها وحضانة الاولاد.. ويتحدث عن الميراث بشكل مفصل ويحوي موادا مختصة ببعض الطوائف الاسلامية والمسيحية

بينما القانون المدني السوري هو قانون وضعي يعني من وضع الانسان مصدره الرئيسي التشريع الفرنسي ثم التشريع اللبناني والمصري وآراء الفقهاء ومحاكم النقض اضافة الى مصادر التشريع التقليدية الاخرى ولا يعتمد على نصوص الشريعة الاسلامية كمصدر تشريعي رئيسي.. يقسم لأاقسام كثيرة لا مجال لذكرها هنا.. لكن بشكل عام هو قانون يتحدث عن مجموعة القواعد التي تنظم تعاملات الناس والالتزامات والحقوق العينية و تنظيم العلاقات المالية وطرق التنفيذ والتعويض بشكل عام .. ويتصل القانون المدني بكافة القوانين في الدولة فهو من جهة متصل بقانون العقوبات ومن جهة بالقانون التجاري وغيره من أقسام القانون الخاص
  رد مع اقتباس
قديم 23/11/2009   #9
شب و شيخ الشباب aladdinjad
مسجّل
-- اخ طازة --
 
الصورة الرمزية لـ aladdinjad
aladdinjad is offline
 
نورنا ب:
Aug 2006
المطرح:
Jeddah, Saudi Arabia
مشاركات:
9

إرسال خطاب MSN إلى aladdinjad
افتراضي السلام عليكم


أول شي أنا بدي انتقد صاحب الموضوع على طريقة عرضو و شرحو للفكرة لأنه ما فيها أي نوع من المعرفة بالقانون ولا حتى بالنقد ...
تاني شي أنا اضطلعت على مشروع القانون بالنسخة التانية منه طبعا الي مغيرين فيه كلمة موطوءة و ناكح و ما بعرف شو ..
المهم اني لقيت انو الموضوع معطي أكبر من حجمو بكتير يعني مواد القانون جدا عادية و مافيها أي اثارة للنعرات الطائفية أو تكريس للطائفية لأنه القانون مأخوذ من تشاريع الدين الاسلامي و على مذهب الامام الحنفي و من المعروف أنو المذهب الحنفي من أيسر المذاهب السنية ..
و شي طبيعي يكون القانون مستمد من الشريعة الاسلامية لأنه اكتر من 80% من الشعب السوري مسلم سني .
أما بالنسبة لحقوق المرأة فأكيد المشرعين أو اللجنة الي حطت القانون مو طلاب مدرسة ولا ناس ما الها علاقة بالدين او القانون أكيد ناس فهمانة كتير منيح شو عم تعمل و التشاريع الي ذاكرين فيها المرأة أو الي تخص المرأة مستمدة من الدين بس هني مفسرينها على عصرنا الحالي .
و كمان شفت انو هني ما هضمو حق أي أقلية أو طائفة تانية لأنه في بنود خاصة بالطائفة الدرزية و المسيحية و اليهودية و في تعديل للفقرات الي فيها تعارض بين الطوائف بتفصيل كل منها على حسب تشريع الطائفة و هذا برأيي قمة العدل و المساواة .

و بصراحة أنا كتير متفاجئ من الهجوم على القانون و أنا متأكد بعد ما قريت كتير من التعليقات على غروب على الفيس بوك من الناس الي عم تهاجم انو مو قاريين شي منه ولا بيعرفو عن شو عم يحكو بس مجرد ببغاءات عم تقلد شو سمعت بدون اي دراسة للموضوع .. بس الي جذبني لأني رد بأخوية انو الناس الي عم ترد فهمانة عن شو عم تحكي .
و بتمنى أنو نتناقش بالموضوع بشفافية و حيادية بعيدا عن التعصب .
و خاصة انو الناس الي عم تروج للحملة ضد القانون ناس هدفها بس تعمل زعزعة و نعرات طائفية و خلونا قولها بصراحة و هاد رأيي انو هي الناس هي من العلمانيين او من الناس الي عم يحاولو يبعدو أهل السنة او يثيرو الاقليات ضدهم .
و تقبلو مروري ..
  رد مع اقتباس
قديم 23/11/2009   #10
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : aladdinjad عرض المشاركة
أول شي أنا بدي انتقد صاحب الموضوع على طريقة عرضو و شرحو للفكرة لأنه ما فيها أي نوع من المعرفة بالقانون ولا حتى بالنقد ...
تاني شي أنا اضطلعت على مشروع القانون بالنسخة التانية منه طبعا الي مغيرين فيه كلمة موطوءة و ناكح و ما بعرف شو ..
المهم اني لقيت انو الموضوع معطي أكبر من حجمو بكتير يعني مواد القانون جدا عادية و مافيها أي اثارة للنعرات الطائفية أو تكريس للطائفية لأنه القانون مأخوذ من تشاريع الدين الاسلامي و على مذهب الامام الحنفي و من المعروف أنو المذهب الحنفي من أيسر المذاهب السنية ..
و شي طبيعي يكون القانون مستمد من الشريعة الاسلامية لأنه اكتر من 80% من الشعب السوري مسلم سني .
أما بالنسبة لحقوق المرأة فأكيد المشرعين أو اللجنة الي حطت القانون مو طلاب مدرسة ولا ناس ما الها علاقة بالدين او القانون أكيد ناس فهمانة كتير منيح شو عم تعمل و التشاريع الي ذاكرين فيها المرأة أو الي تخص المرأة مستمدة من الدين بس هني مفسرينها على عصرنا الحالي .
و كمان شفت انو هني ما هضمو حق أي أقلية أو طائفة تانية لأنه في بنود خاصة بالطائفة الدرزية و المسيحية و اليهودية و في تعديل للفقرات الي فيها تعارض بين الطوائف بتفصيل كل منها على حسب تشريع الطائفة و هذا برأيي قمة العدل و المساواة .

و بصراحة أنا كتير متفاجئ من الهجوم على القانون و أنا متأكد بعد ما قريت كتير من التعليقات على غروب على الفيس بوك من الناس الي عم تهاجم انو مو قاريين شي منه ولا بيعرفو عن شو عم يحكو بس مجرد ببغاءات عم تقلد شو سمعت بدون اي دراسة للموضوع .. بس الي جذبني لأني رد بأخوية انو الناس الي عم ترد فهمانة عن شو عم تحكي .
و بتمنى أنو نتناقش بالموضوع بشفافية و حيادية بعيدا عن التعصب .
و خاصة انو الناس الي عم تروج للحملة ضد القانون ناس هدفها بس تعمل زعزعة و نعرات طائفية و خلونا قولها بصراحة و هاد رأيي انو هي الناس هي من العلمانيين او من الناس الي عم يحاولو يبعدو أهل السنة او يثيرو الاقليات ضدهم .
و تقبلو مروري ..
بما انك مهتم بهادا الموضوع بتمنى تشوف موضو نزل بالمنبر بيحكي عن مواد النسخة الاولى من مشروع القانون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



وفي مو ضوع حلو كتير نزلو الصديق رجل من ورق بقسم الصالون عن المشروع بنسخته الاولى
وفي كمان موضوع بقسم حصاد المواقع نزل مبارح بيحكي عن الفرق بين النسختين من مشروع القانون الاولى والتانية

وبالنسبة لكلامك حول انو في نسبة كبيرة من الشعب السوري مسلمين فهادا الموضوع ما بيسمح انو يكون القانون قانون مستمد من الشريعة الاسلامية .. لأنو جميع القوانين بسوريا قانون العقوبات والقانون التجاري والقانون المدني هيي قوانين وضعية مستمدة من تشريعات سابقة وما بتلعب فيها الشريعة الاسلامية سوى دور هامشي.. والاصوات المعارضة للمشروع هيي أصوات عم طالب انو يكون قانون الاحوال الشخصية السوري هو قانون مدني تماما كما باقي القوانين في سورية
  رد مع اقتباس
قديم 24/11/2009   #11
شب و شيخ الشباب aladdinjad
مسجّل
-- اخ طازة --
 
الصورة الرمزية لـ aladdinjad
aladdinjad is offline
 
نورنا ب:
Aug 2006
المطرح:
Jeddah, Saudi Arabia
مشاركات:
9

إرسال خطاب MSN إلى aladdinjad
افتراضي


سيدي الكريم ..
أنا اضطلعت على موضوعك الي بالمنبر .. بس الموضوع طويل و بحاجة لوقت و رد على كل فقرة منه و حاليا ماعندي الوقت ولا القدرة إني ناقشك فيه بحجج منطقية مستمدة من الشرع بس بوعدك انو ناقشك فيه قريبا .
أما بالنسبة لموضوع انو قانون الاحوال الشخصية لازم يكون قانون مدني فطيعا و برايي انو الموضوع شبه مستحيل لأنه وقتها رح تصير المعارضة للقانون اكبر بمليون مرة من المعارضة الحالية لأنه انا برايي و متأكد انو المعارضة على هاد القانون اجت من الطوائف الاقلية او من الناس العلمانيين الي مو قادرين يتنصلو من الاسلام او حتى يغيرو دينهم لاسباب كثيرة مو بمحور بموضوعنا . و الدليل انو الموضوع ما اخد ضجة كبيرة لهذا الحد .
و في شغلة تانية أنت لما بتئول انو لازم يكون القانون مدني فانت عم تلغي قوانين بيلتزم فيها اكتر من 80% من الشعب بدون حتى ما يرجعو للقانون تبع الدولة لأنه بتندرس اصلا في المدارس و الجامعات و انا اصلا ما بعرف بالدين كتير ولا بالقانون بس كل الي ذكره القانون انا دارسه بالمدرسة و لهاد الشي ما لئيت بالقانون شي بيضرني لأني مقتنع ان الاسلام عقيدة و نظام حياة و مقتنع مية بالميةانو قانون الأحوال الشخصية الخاص بالمسلمين لازم يكون مستمد من الشريعة لأنه من اسمه بيقلك قانون أحوال شخصية يعني قانون بينظم العلاقات بين الأشخاص و أنا متأكد و مؤمن انو مافي مشرع بالدنيا رح يعمل قانون أعدل و أحكم من رب العالمين .
و في شغلة برجع بكررها انو القانون اتعمل للمسلمين فقط و فيه طبعا مواد خاصة للطوائف التانية كل حسب التشريع الالهي الخاص فيه .
عذرني على الاطالة و بتمنى تكون فهمت وجهة نظري و انشالله قريبا رح رد على موضوعك التاني و بكل شفافية و موضوعية .و شكرا الك
  رد مع اقتباس
قديم 24/11/2009   #12
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : aladdinjad عرض المشاركة
سيدي الكريم ..
أنا اضطلعت على موضوعك الي بالمنبر .. بس الموضوع طويل و بحاجة لوقت و رد على كل فقرة منه و حاليا ماعندي الوقت ولا القدرة إني ناقشك فيه بحجج منطقية مستمدة من الشرع بس بوعدك انو ناقشك فيه قريبا .
أما بالنسبة لموضوع انو قانون الاحوال الشخصية لازم يكون قانون مدني فطيعا و برايي انو الموضوع شبه مستحيل لأنه وقتها رح تصير المعارضة للقانون اكبر بمليون مرة من المعارضة الحالية لأنه انا برايي و متأكد انو المعارضة على هاد القانون اجت من الطوائف الاقلية او من الناس العلمانيين الي مو قادرين يتنصلو من الاسلام او حتى يغيرو دينهم لاسباب كثيرة مو بمحور بموضوعنا . و الدليل انو الموضوع ما اخد ضجة كبيرة لهذا الحد .
و في شغلة تانية أنت لما بتئول انو لازم يكون القانون مدني فانت عم تلغي قوانين بيلتزم فيها اكتر من 80% من الشعب بدون حتى ما يرجعو للقانون تبع الدولة لأنه بتندرس اصلا في المدارس و الجامعات و انا اصلا ما بعرف بالدين كتير ولا بالقانون بس كل الي ذكره القانون انا دارسه بالمدرسة و لهاد الشي ما لئيت بالقانون شي بيضرني لأني مقتنع ان الاسلام عقيدة و نظام حياة و مقتنع مية بالميةانو قانون الأحوال الشخصية الخاص بالمسلمين لازم يكون مستمد من الشريعة لأنه من اسمه بيقلك قانون أحوال شخصية يعني قانون بينظم العلاقات بين الأشخاص و أنا متأكد و مؤمن انو مافي مشرع بالدنيا رح يعمل قانون أعدل و أحكم من رب العالمين .
و في شغلة برجع بكررها انو القانون اتعمل للمسلمين فقط و فيه طبعا مواد خاصة للطوائف التانية كل حسب التشريع الالهي الخاص فيه .
عذرني على الاطالة و بتمنى تكون فهمت وجهة نظري و انشالله قريبا رح رد على موضوعك التاني و بكل شفافية و موضوعية .و شكرا الك
وجب التنويه أنا بنت...
  رد مع اقتباس
قديم 24/11/2009   #13
شب و شيخ الشباب aladdinjad
مسجّل
-- اخ طازة --
 
الصورة الرمزية لـ aladdinjad
aladdinjad is offline
 
نورنا ب:
Aug 2006
المطرح:
Jeddah, Saudi Arabia
مشاركات:
9

إرسال خطاب MSN إلى aladdinjad
افتراضي


انا من شوي اكتشفت .. بعتذر منك و بتمنى اسمع ردك على مشاركتي ..
  رد مع اقتباس
قديم 24/11/2009   #14
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


بغض النظر عن رأيك ورايي بموضوع القانون وقناعاتنا كأشخاص بكون هادا القانون وضعي او شرعي.. الا انو ببلد متل سوريا جميع أحكامها وضعية "من وضع الانسان"
في القوانين السورية الربا مسموح والدين بفائدة وأنظمة البنوك وأشكال الشركات التجارية مخالفة للاسلام..
في قانون العقوبات لا يوجد عقوبات جسدية فلا قطع يد ولا قطع عنق ولا يتم المعاقبة على الارتداد عن الاسلام ..
والامثلة لا تحصى في مخالفة القانون السوري للشريعة الاسلامية رغم انتماء 80 بالمئة من سكان سورية للدين الاسلامي..
سوريا دولة تقدم نفسها على انهادولة ذات طابع علماني.. ولا ذكر في الدستور لدين الدولة انما فقط يذكر في المادة الثالثة منه دين رئيس الدولة.. ومن هنا انطلق لأقول أن الاصوات المطالبة لتمدين قانون الاحوال الشخصية السوري لا تكون خارجة عن نهج ودستور الدولة السورية..

أرجو منك عدم الرد برأي شخصي كما فعلت سابقا.. لأن آرائنا الشخصية عندما نناقش يجب أن تكون مستندة الى معلومات والا فلا طائل منها..
أعتذر للخلط بين العامية والفصحى .. إلا أنني على عجلة قليلا..
تحياتي
  رد مع اقتباس
قديم 24/11/2009   #15
صبيّة و ست الصبايا أم الجود
عضو
-- زعيـــــــم --
 
الصورة الرمزية لـ أم الجود
أم الجود is offline
 
نورنا ب:
Dec 2008
المطرح:
من فسط برج إيفل
مشاركات:
1,478

افتراضي


اقتباس:
كاتب النص الأصلي : aladdinjad عرض المشاركة
المهم اني لقيت انو الموضوع معطي أكبر من حجمو بكتير يعني مواد القانون جدا عادية و مافيها أي اثارة للنعرات الطائفية أو تكريس للطائفية لأنه القانون مأخوذ من تشاريع الدين الاسلامي و على مذهب الامام الحنفي و من المعروف أنو المذهب الحنفي من أيسر المذاهب السنية ..
و شي طبيعي يكون القانون مستمد من الشريعة الاسلامية لأنه اكتر من 80% من الشعب السوري مسلم سني .
حسب

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

تبين انو السنة ما بيشكلوا أغلبية حتى ، يعني عددهن أقل من خميسن بالمية ، و الأغلبية هي لمجموعة الأقليات :

الســـــنّة ( 45% ,8.100 ملايين) - العلــــويون(20%,3.600 ملايين) - الأكــــراد ( 15%,2.700 ملايين) – المسيحيون( 12% , 2.160 ملايين) - الـــدروز(3% ,0.540 ملايين) – المرشديون(3% , 0.540 ملايين) – الإسماعيليون(1.5% , 0.270 ملايين) – الشيعة(0.5% , 0.090 ملايين)
يعني رقم ال80 بالمية مو دقيق بنوب .. إلا إذا خلال 4 سنين قدروا ينطوا من ال45 لل80 بالمية !!!

اقتباس:
كاتب النص الأصلي : aladdinjad عرض المشاركة
أما بالنسبة لحقوق المرأة فأكيد المشرعين أو اللجنة الي حطت القانون مو طلاب مدرسة ولا ناس ما الها علاقة بالدين او القانون أكيد ناس فهمانة كتير منيح شو عم تعمل و التشاريع الي ذاكرين فيها المرأة أو الي تخص المرأة مستمدة من الدين بس هني مفسرينها على عصرنا الحالي .
و كمان شفت انو هني ما هضمو حق أي أقلية أو طائفة تانية لأنه في بنود خاصة بالطائفة الدرزية و المسيحية و اليهودية و في تعديل للفقرات الي فيها تعارض بين الطوائف بتفصيل كل منها على حسب تشريع الطائفة و هذا برأيي قمة العدل و المساواة .
طيب إذا هالناس فهمانة شو عم تعمل ليش لتتخبى ؟؟
اللجنة سرية و لهلأ و بعد كل الضجة اللي عملها القانون ما حدا قدر يعرف مين اللي حط هالقانون ، و كل النقابات و الجهات الرسمية اللي المفروض تكون معنية بتشريع هيك نوع من القوانين نفت مشاركتها فيه .. فإذا هو قانون سمنة و عسل متل مو حضرتك شايفو و ما بيهضم حق حدا ولا بينتقص من كرامة حدا ، فليش لحتى يتخبوا اللي حطوه متل اللي عامل عملة ؟؟!
بعدين من وين استشفيت انو القانون ما هضم حق الطوائف و الأقليات التانية ؟؟ واضح إنك مو قاري منيح البنود المتعلقة بـ"أهل الذمة" متل ما سماهن القانون ... بس يصير معك وقت ابقا اقرا الكلام المكتوب بالروابط اللي عطتك ياها ناي مشان لما تجي تناقش تكون عرفان مظبوط عن شو النقاش و ما تصير متل هدول الببغاوات اللي قلت عنن ...
لو بدن ما يهضموا حق حدا كانوا ما نزلوا بنود تعديل لهالقوانين مستمدة من الشريعة الإسلامية .. يعني شو رأيك هلأ لو الشغلة بالمقلوب و انته إلك قانونك الإسلامي الخاص بدولة مو إسلامية أجي عدّل بقوانينك و أفرض عليك أمور من أديان تانية !!؟

اقتباس:
كاتب النص الأصلي : aladdinjad عرض المشاركة
و بصراحة أنا كتير متفاجئ من الهجوم على القانون و أنا متأكد بعد ما قريت كتير من التعليقات على غروب على الفيس بوك من الناس الي عم تهاجم انو مو قاريين شي منه ولا بيعرفو عن شو عم يحكو بس مجرد ببغاءات عم تقلد شو سمعت بدون اي دراسة للموضوع ..
متفاجئ ما ؟!!؟ والله الحق بإيدك .. لشو ما رح يعجبك إذا كان بيكرس تبعية المرأة للرجل و انته رجل ، و إذا كان بيحط الأقليات غير المسلمة بدرجة تانية من حيث حقوق المواطنة و انته مسلم ..!

اقتباس:
كاتب النص الأصلي : aladdinjad عرض المشاركة
و بتمنى أنو نتناقش بالموضوع بشفافية و حيادية بعيدا عن التعصب .
و خاصة انو الناس الي عم تروج للحملة ضد القانون ناس هدفها بس تعمل زعزعة و نعرات طائفية و خلونا قولها بصراحة و هاد رأيي انو هي الناس هي من العلمانيين او من الناس الي عم يحاولو يبعدو أهل السنة او يثيرو الاقليات ضدهم .
و تقبلو مروري ..
هادا بقا الإرهاب الفكري بعينو ..!
يا بتقبلو باللي عم ينحكى و يتخطط يا أما تهمتكون جاهزة : عم تحاولوا تثيروا النعرات و تخربوا استقرار و أمن البلد .. أما اللي حط هيك قانون فهو ملاك بست جناحات كان كل همو هو و عم يحط هالقانون التحفة يصون و يحمي الاستقرار و الأمن ...

و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول
  رد مع اقتباس
قديم 24/11/2009   #16
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


اقتباس:
كاتب النص الأصلي : أم الجود عرض المشاركة
الســـــنّة ( 45% ,8.100 ملايين) - العلــــويون(20%,3.600 ملايين) - الأكــــراد ( 15%,2.700 ملايين) – المسيحيون( 12% , 2.160 ملايين) - الـــدروز(3% ,0.540 ملايين) – المرشديون(3% , 0.540 ملايين) – الإسماعيليون(1.5% , 0.270 ملايين) – الشيعة(0.5% , 0.090 ملايين)
الاكراد قومية ...مالن طائفة

واغلبون سنّة.....

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 24/11/2009   #17
صبيّة و ست الصبايا أم الجود
عضو
-- زعيـــــــم --
 
الصورة الرمزية لـ أم الجود
أم الجود is offline
 
نورنا ب:
Dec 2008
المطرح:
من فسط برج إيفل
مشاركات:
1,478

افتراضي


اقتباس:
كاتب النص الأصلي : ابو نجبو عرض المشاركة
الاكراد قومية ...مالن طائفة

واغلبون سنّة.....
ابو نجبو عيوني انته أكيد أفهم مني بهالخصوص بس أنا بذكر إني قريت هالكلام من فترة و بحبشت عليه لأستشهد فيه رداً على نقطة ال80% تبعيت الأخ علاء الدين ... و بالنهاية كلامي مو موجه ضد طائفة أو دين أياً كان ..
و حتى لو كانوا السنة بيشكلوا عن جد 80% بتصور -وبظن بتوافقني الرأي- هادا ما بيعطي تشريعهن الحق بأنه يلغي حقوق بقية الأديان و الطوائف بأنه يكون الهن خصوصيتها بتحديد قوانينها بالطريقة اللي هي بتشوفها مناسبة و متوافقة مع قناعاتها و عقائدها ...
  رد مع اقتباس
قديم 24/11/2009   #18
شب و شيخ الشباب aladdinjad
مسجّل
-- اخ طازة --
 
الصورة الرمزية لـ aladdinjad
aladdinjad is offline
 
نورنا ب:
Aug 2006
المطرح:
Jeddah, Saudi Arabia
مشاركات:
9

إرسال خطاب MSN إلى aladdinjad
افتراضي


أنا بدي علق بشكل سريع لأنه انا بالشغل و ما في وقت اني علق بشكل موسع .
بس في نقطة انو الدراسة الي استندي عليها للتوزيع الديموغرافي لسوريا مأخوذ من إحصائية عملتها الدولة و من 4 سنين .. و طبعا أنا ما رح ناقشك فيها لأنه انا ما بعترف بهيك إحصائية معمولة من قبل نظام ما عندو أي مصداقية.
و رح حاول اتأكد من معلوماتي و معلوماتك عن التوزيع الديموغرافي و من مصدر حيادي و موثوق ..
بتمنى منك بس انو تخفي من حدة توترك و هجومك عليي لأنه بلشت خاف منك و أنا لما عم ابدي رأيي فأنا عم قول من وجهة نظري و على حسب ما فهمت بنود القانون و متل ما ذكرت أنا لاني متدين أو و ماني حقوقي نحنا جماعة تبع رياضيات و كمبيوتر و معادلات يعني ما بفهم بهيك أمور . و كل الفكرة انو حبيت قول رأيي . و شكرا الكم ..
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 05:53 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.17578 seconds with 11 queries