أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > درجة تانية > السقيفة

إضافة موضوع جديد  إضافة رد
 
أدوات الموضوع
قديم 06/11/2005   #1
شب و شيخ الشباب احمد ن.
شبه عضو
-- اخ حرٍك --
 
الصورة الرمزية لـ احمد ن.
احمد ن. is offline
 
نورنا ب:
Oct 2005
مشاركات:
34

افتراضي اصبحنا نعتقد بأن "الكبة" و "التبّولة" و "الميجانا" و "العتابا" من أصل سوري.


لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ.
و الله اصبحنا نعتقد و من بعد 30 سنة من احتلالنا للبنان بأن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"... نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين و محاولة سرقة تاريخهم و عقائدهم.
  رد مع اقتباس
قديم 06/11/2005   #2
شب و شيخ الشباب صياد الطيور
عضو
-- مستشــــــــــار --
 
الصورة الرمزية لـ صياد الطيور
صياد الطيور is offline
 
نورنا ب:
Jun 2005
المطرح:
في قلب حبيبتي
مشاركات:
12,956

إرسال خطاب MSN إلى صياد الطيور
افتراضي


يا سيدي أنا معجب بمواضيعك كتير كتير كتير
لأنها بتدل على ثقافتك العالية والقوية ...

التبولة والحمص والفتوش لبنانية الأصل ماهيك ؟؟؟؟ مشكلتك فهمان ..

(( merci" "oui" non" "مش معقول" "bay bay" )) هي كلمات لبنانية يا فهمان ماهيك !!!!

محاولة سرقة تاريخهم وعقائدهم ...لعمى ...من أيمت صار عندهم تاريخ وعقائد ..
ولك شو كانت لبنان بالنسبة لسوريا


(( حتى "الميجانا" و "العتابا" و "الزجل"... نريد ضمّها الينا، )) كمان ...

الميجانا والعتابا مانها ألنا ؟؟؟؟ ما قلتلك انك مثقف زيادة عن الزوم ..

روحي عمو روح ... تغطى منيح قبل ما تنام

ســــــــــــــــــوريا قلعة الصمود العربي
  رد مع اقتباس
قديم 06/11/2005   #3
شب و شيخ الشباب jordi
شبه عضو
-- اخ حرٍك --
 
الصورة الرمزية لـ jordi
jordi is offline
 
نورنا ب:
Apr 2005
مشاركات:
29

افتراضي


صح الحقيقة انو اللبنانيين شاطرين كتير متل ما عم تقول، عندن كل حارة الها زعيم و رئيس، لهيك صار عندهن حوالي 100 رئيس لكل حارة وطايفة ومدينة وضيعة. الله يسهل عليهن وعلينا.
  رد مع اقتباس
قديم 07/11/2005   #4
شب و شيخ الشباب الضياء
مسجّل
-- اخ طازة --
 
الصورة الرمزية لـ الضياء
الضياء is offline
 
نورنا ب:
Nov 2005
مشاركات:
8

افتراضي


اقتباس:
كاتب النص الأصلي : احمد ن.
لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ.
و الله اصبحنا نعتقد و من بعد 30 سنة من احتلالنا للبنان بأن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"... نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين و محاولة سرقة تاريخهم و عقائدهم.
-----------------------------------------------------------------------------
ولك شو عبقري وبتعرف باللغات واتكيت ومساف وفهمين وياي

بد ل ما تقضي وقتك بالمنتديات 000 قرالك كم كتاب لانو تعليقاتك كلا بتدل على ضعف ثقافتك

او انتا باحث بشؤون التبوله --- يافهمان
عموا 000 تعلم واقرا 00 ثم شارك بالمنتديات لانو هيك 000 عيب
تشاو
  رد مع اقتباس
قديم 07/11/2005   #5
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


اقتباس:
كاتب النص الأصلي : احمد ن.
لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ.
و الله اصبحنا نعتقد و من بعد 30 سنة من احتلالنا للبنان بأن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"... نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين و محاولة سرقة تاريخهم و عقائدهم.
شو هاد ... شو عم يصير يا جماعة

انا بحياتي بعرف سوريين كتير (شو هالصدفة).. و ولا واحد بيعمل اللبنانيين مثال إلو!! بالعكس... كل يلي بعرفهم بيشفقوا على اللبنانيين على العنهجية و التعصب الموجود فيهم ... ما بعرف اذا انت الوسط تبعك هيك فهاي مشكلتك... بس رجاءا رجاءا لا تحكي على السوريين اذا هيك

ثم انت شو عرفك بأصل التبولة و الفتوش و الجزل حتى قررت انها لبنانية؟ يعني هدول الأكلات ما دخلوا على القاموس السوري إلا من بعد 1975 مثلا؟؟؟

ثم شو هاي سرقة التاريخ و العقائد؟؟ اول مرة بسمع بهيك مصطلح!!

أصلا الموارنة اصلهم سوري بقى اذا بدك تجي على الحق هني يلي نسبوا العقيدة المورانية إلهم و خلوها مساوية للقومية اللبنانية.. و هي أصلا هوية سورية

ذكرى مرور عام على وفاة الأديب العالمي سيبيري ماسكوليه 1932 - 2008
  رد مع اقتباس
قديم 09/11/2005   #6
شب و شيخ الشباب احمد ن.
شبه عضو
-- اخ حرٍك --
 
الصورة الرمزية لـ احمد ن.
احمد ن. is offline
 
نورنا ب:
Oct 2005
مشاركات:
34

افتراضي


احد المثقّفين قال : "...محاولة سرقة تاريخهم وعقائدهم ...لعمى ...من أيمت صار عندهم تاريخ وعقائد ... ولك شو كانت لبنان بالنسبة لسوريا..."

مهما قيل و كتب من روايات، فحقيقة التاريخ واحدة ولا احد يستطيع تغييرها.
فمهد الحضارة بدأت من فينيقيا و بالتحديد من العاصمة "Byblos - جبيل" وتاريخها يعود الى اكثر من 12000 سنة قبل الميلاد، حينها لم تكن موجودة سورية بالطبع، على خارطة التاريخ و لا حتى كلمة تعرف بسورية.
الفينيقيين و هم الموارنة في وقتنا الحاضر هم الشعب السامي الوحيد على الارض. فنحن العرب و اليهود ساميون في لغتنا فقط اما الموارنة فليس بلغتهم اللآرامية فقط بل و بعرقهم السامي ايضا و خصوصا الموارنة الذين يسكنون جبال لبنان.
ففلسطين و سورية و ارضنا السورية المحتلة من قبل تركيا هي أرض "فينيقيا الأم" او "Levant" او "أرض الرب" كما يسموها اللبنانيين، أي أرض "لبنان الكبير".
فنحن السوريون، و الأصح، القبائل السورية هي قبائل أصلها من الجزيرة العربية و بالتحديد من اليمن.
هذا ما قرأت في كتب التاريخ والحضارات العالمية العديدة و ليس في كتاب التاريخ السوري لعائلة "الاسد".
قول الحقيقة صعب، ولكن الحقيقة تضعك على طريق تحرير نفسك ومن بعدها تحرير الوطن.

من أجل تحرير الجولان و من أجل سورية حرّة من عائلة الأسد.
  رد مع اقتباس
قديم 09/11/2005   #7
شب و شيخ الشباب jordi
شبه عضو
-- اخ حرٍك --
 
الصورة الرمزية لـ jordi
jordi is offline
 
نورنا ب:
Apr 2005
مشاركات:
29

افتراضي


السيد المحترم أحمد الكلام الي اوردته كلام جميل ولكن للاسف تاريخيا نصه او تلات ارباعه غلط في غلط، يعني ببساطة عم بتخبص. ايمتا كانو المورانة ساميين على افتراض انو كلامك صحيح وانو العرب واليهود مانون ساميين، لكن مين ضل سامي، ممكن اسألك الاشوريين شو بيكونوا؟ وحضرتك لغيت وجود سوريا من الخريطة، شو هالسخافات. وشو جاب الفينيقيين للاراميين؟ يعني بدك تقنعني انك بروفيسور تاريخ؟؟؟؟ والله غريبة هالايام، يعني العرب صاروا ولا شئ والناس بتتبرا منن، لك ازا الموارنة اصلا عرب اكتر مني ومنك، ولعلمك انو الي بيحاول ينسب نفسه لحضارات سابقة وعظيمة مثال المصريين الي بينسبو نفسهن للفرعونيين واللبنانيين بينسبوا نفسهن للفينيقيين هو متل السحلية التي بتشبه نفسها للديناصور الي انقرض من ملايين السنين.
  رد مع اقتباس
قديم 10/11/2005   #8
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


عزيزي المسكّف احمد نون!

أولا.. التسمية التاريخية للبنان كانت و فقط كانت محصورة بجبال لبنان الغربية. و تعود إما إلى كلمة لبن (من الثلج الأبيض) أو إلى مادة كانت تستخرج من أجل صناعة البخور و هي كلمة يونانية. أما الدولة الفينيقية فمن الغباء التفكير بحصرها بجبل لبنان... بل جبل لبنان كان جزءا من الدولة الفينيقية التي كانت حدودها من طرسوس في تركيا إلى جنوب فلسطين أو لربما إلى سيناء.. و أيضا دولة فخر الدين كانت تشمل جبل لبنان و ليس "لبنان" هو دولة فخر الدين. لا وجود لشيء اسمه لبنان الكبير إلا بعد 1925... و جميع الأقضية التم إضافتها إلى قضاء جبل لبنان الكبير.. و التي هي سهل البقاع و المنحدرات الغربية لجبال لبنان الشرقية كانت أكثر تبعية من النواحي الثقافية و الاجتماعية لولاية دمشق و ليس لولاية بيروت... اما الأقضية الشمالية فكانت تابعة لحمص.
و حمص تلك.. و التي قد تكون قد شملتها حضرتك بالقبائل العربية السورية!! كانت إحدى أهم مراكز الديانة الكنعانية .. ففي إيميسا (حمص) كان يوجد أكبر معبد للإله بعل و يقال ان المغول من دمروه و محو اثره.. و مدن لبنان الحالية (مثل بعلبك) كانت تابعة لحمص و ليس العكس بيوم من الأيام.. صحيح ان بعلبك تعني بيت بعل.. و لكن بعلبك لم تكن مدينة يوما بل كانت معبدا فقط لا أحد يعلم من بناه بالتحديد... و لكن الفكرة التي أريد ان اقولها هي ان اغلبية مدن لبنان الحالي هي من كان تابعا لمدن سوريا الداخلية و ليس العكس... و يستثنى من ذلك جبل لبنان الغربي و بيروت

أما تسمية سوريا فهي بالطبع أقدم من تسمية لبنان.. و هي تأتي من اشوريا.. و اليونان ليس لديهم حرف الشين فأصحبت اشوريه سوريه بعد ان سقط حرف الألف من المقدمة

و باعتراف رجل موراني متعصب جدا للموارنة و من المهتمين بالتاريخ و اللغة السريانية... قال لي بنفسه ان اصل اللغة و الأبجدية الاولى لا يمكن معرفة ما اذا كانت حقا من فينيقا ام من اشوريا الداخلية... فهناك احتمال ان تكون اللغة قد جاءت من اشوريا إلى فينيقا إلى اليونان... أو من فينيقا و تصدرت إلى اشوريا و اليونان..

و أساس حضارة رأس شمرا (اوغاريت) هي من وجد فيها أقدم آثار للأبجدية و ليس بيبلوس.. و لو ان هذا الكلام ليس له معنى كبير... فأنت تقول انه من 12000 سنة قبل الميلاد لم يكون هناك اسم سوريا.. هذا شيء طبيعي جدا! لأنه أصلا لم يكن هناك ابجدية لتسجيل الأسماء و تسميه المناطق... فلم يكن هناك ايضا لا لبنان و لا فينيقة.. و كلمة فينيقا لم تظهر إلا بعد فترة طويلة عند احتكاك الفينيقيين باليونان و هم من أطلق عليهم هذا الاسم

الموارنة ليسوا فينيقيين... أغلبية الموارنة جاؤوا من قلب سوريا الداخلية من منطقة قرب حلب.. كانوا سريان ارثوذكس و استوطنوا جبل لبنان.. و طبعا يمكن القول ان سكان جبل لبنان الأصليين قد تحول منهم إلى المورانية.. و لكن من المنطقي ان تكون أغلبية الموارنة اصلهم من حلب و ليس من جبل لبنان

اذا أردت ان تعرف من هو الفينيقي الحقيقي... فانظر في اللاذقية و طرطوس و طرابلس و بيروت و يافا ... هذا الشعب.. كله متل بعضه... تخلف بتخلف... هؤلاء هم فينيقيو اليوم! (تضرب فينيقيا يلي جابتهم)

لا أدري اذا كان حضرتك من دير الزور.. اذا كان كذلك فغالبا انت عربي فعلا... و لو أردنا الحقيقة فمدن دير الزور و الجزيرة أقرب لكونها امتدادا للعراق منها لسوريا... اما سوريا فهي من يشمل كل حوض نهر العاصي و حلب و كل الساحل السوري و دمشق و فلسطين.. و اذا احببت ان تطلق على الساحل السوري اسم لبنان.. لا أحد يستطيع منعك,,, و لكنه تشويه للحقيقية و اتمنى الا تنغر بالشوفينية المورانية الزائدة و الاعلام اللبناني الذي يصور لبنان على انه الاشرفية و الكسليك.. بينما يغط لبنان بالتخلف من شماله لجنوبه (يعني متل سوريا بالضبط اذا ما أسوأ!)
  رد مع اقتباس
قديم 10/11/2005   #9
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


احمد ن عم يخترع تاريخ من عندو

خخخخخخخخخ

على راسي والله

مافي امل

يلعن ابو التخلف

ضاع الهدف




ابرة ليساعد هلق لصلاح وعدتو
بقى رئيدة زدير, اسيرا فهيم رايح
  رد مع اقتباس
قديم 10/11/2005   #10
to live is to die
عضو
-- زعيـــــــم --
 
الصورة الرمزية لـ to live is to die
to live is to die is offline
 
نورنا ب:
Mar 2005
المطرح:
برشلونة اسبانيا
مشاركات:
1,483

إرسال خطاب MSN إلى to live is to die إرسال خطاب Yahoo إلى to live is to die
افتراضي


اقتباس:
كاتب النص الأصلي : احمد ن.
لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ.

متل ما بدك خلينا نكون صريحين:
أنا لما بكتب بعبر عن رأيي وأنت لما بتكتب بتعبر عن رأيك مو عن رأي 20 مليون سوري
أنا بشوف اللبنانيين من وجهة نظري أنو متقدمين علينا بشغلة السهر والضحك والشخلعة بس هنن مانون مثال يحتذى به بالنسبة إلي ليك عزيزي حتى للسهر والرقص والأكل أصول متعارف عليها وهي بتدل على رقي أو تخلف ابتذال أو اتقان حرفةأو بدعة فن أو تقليد
بالنسبة للأكل أنا عايش برات سوريا وباكل أكل عربي متل الاسبان بالمطاعم الاسبانية وهي ماعاد اسمها أكلات عربية هاد أكل وبالعكس بالنسبة للأكل باعتبارك جبت سيرتو ضافولو تعديلات جديدة يعني اذا المشكلة مشكلة أكل أنو سوري أو لبناني فما في حدا بالكرة الارضية غيرك عم يقولأنو لبناني
أما بالنسبة للبس حبيب ففي شي بالعالم اذا سمعان عنو اسمو موضة وهاد الشي مانو اختراع للعبقرية اللبنانية يلي نحنا برأيك سرقناها من لبنان
اذا برأيك هي سرقة أو فضل أو اي تسمية بتحب تسمها بتمنى منك تشتكي للأمم المتحدة لأنو البنات بشكل كتير كبير والشباب هون باسبانية كلون بي يحطو كوفية على الرقبة أو الخصر
يعني حبيب شوف كيف عم يسرقو تراثنا حسب رأيك
أما بالنسبة للضحك يعني هي أول مرة أنا بسمع بهالشي هاا هاا هي هي هوهو كه كه هي انا ما فهمتا ما الضحك ما إلو جنسية أو لون أو لغة
و الله اصبحنا نعتقد و من بعد 30 سنة من احتلالنا للبنان بأن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"... نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".
يعني انا بس احكي انكليزي مع اخي بكون عم قللد اللبنانيين؟؟؟؟
أو لما بتعلم فرنسي بكون عم قللد اللبنانيين؟؟؟
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين و محاولة سرقة تاريخهم و عقائدهم.
حبيبي انت حابب تعتذر عن سرقت نظام سوريا الدكتاتوري تاريخ الأكل اللبناني وعقائدهم بالموضة والكلام الفرنسي والانكليزي اعتذر تصطفل
هاد الموضوع بخصك يعني هاد الشي مشان نكون صريحين هاد شي غريب
بعدين مشان سرقة أموال اللبنانيين صحيح صار سرقة اموال
بس انا ما سمعت اعتذار من واحد لبناني على المعاملة السيئة للعمال السوريين في لبنان من عام 1960 انا ما سمعت اعتذار لبناني عن المقولة التي كانت تردد في تظاهرات وفاة الحريري (توت توت توت سوريا عمتموت)
حبيب نحنا ولو قام بعض السوريين من ضعفاء النفوس بلبنان نحنا قدمنا للبنان دم دعمنا (بنظامنا الدكتاتوري) كما تقول دعمنا مقاومة رعينا اتفاق الطائف هاد الحكي قالو الرئيس بشار الأسد وهاد الشي صحيح
ليك يا حبيب في عنوان ديوان لمحمود درويش هاد العنوان بحد ذاتو فيه حكمةلا تعتذر عما فعلت)
حبيب انا بعتذر من هدول بلبنان حزب الله حركة امل انا بعتذر من كل لبناني بحب سوريا بقدس سوريا
بس مابعتذر من كل لبناني بيفتح تمو بحرف أو بس بيفتح تمو أو قبل ما يفتح تمو وهو وعم يفكر بشي سيء تجاه سوريا انا ما بعتذر هاد بيستاهل الموت
ليك حبيب سوريا على نظاما احسن من كل مافي العالم بل هي ام العالم وام الحضارة واذا جبتلي تارخ موثق بعكس هاد الشي فهاد التاريخ مزور ليك حبيب سوريا صرلها عم تتحاصر شي 40 سنة من اعظم دول العالم وما سقطت سوريا يا حبيب اعظم دول العالم


الحياة سيجارة طبعاً سيجارة
HASHiiIIIIIIIIIIIIIIIIIiiiiiiiSH
مو غلط الواحد يسمع جاد شويري
الحياة سيجارة
ممكن أكتر
يعني تقريباً كروز
أو أكتر.......
يعني تقريباً هيك شي
بس السيجارة هي الأساس
يا أخي الحياة سيجارة
فعلاً......الحياة سيجارة
  رد مع اقتباس
قديم 11/11/2005   #11
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


مرحبا شبيبة

بصراحة ما كنت ناوي رد ع الموضوع ابدا ...

بس احد الاصدقاء بعتلي الموضوع و متخيل انو طالب مني رد ...

يعني ببساطة ما بعرف كيف ممكن رد ع شخص عم يقللي " الشمس تشرق من الغرب" باسلوب بعيد عن التهكم الشخصي

يعني اساسا لما منشوف انو صاحب الموضوع حاططو بقسم السياسة ... ما بعود بقدر رد اطلاقا لأنو ما بفهم بسياسة البابا غنوج و التبولة

اي شبيبة ....

قلت و برجع بقول ... سوريا ما بحاجة لمين يدافع عنها ... و بنفس الوقت ... ما رح هاجم اللبنانيين لأنو بحبهم ... بحب عاصي الرحباني و فيروز يللي غنت شام يا ذا السيف و سائليني يا شآم و قرأت مجدك و يا شام عاد الصيف و حملت بيروت
و وديع الصافي يللي غنا الله معك يا بيت صامد بالجنوب
و نصري شمس الدين يللي مات ع مسرح معرض دمشق الدولي
و فيلمون وهبي يللي غنا "وقفلي خليني بوس شبابيك الحلوة بطرطوس"
و الصبوحة يللي غنت " من موسكي لسوق الحميدية "
بحب لبنان يللي ولد فيه فارس الخوري اعظم سياسي بالشرق الاوسط
و جبران يللي كان دايما يقول (انا سوري من سوريا)
عدا عن ايليا ابو ماضي و ميخائيل نعيمة و خليل مطران و بطرس البستاني
و نجيب الريس يللي انسجن بسجن ارواد و كتب اروع قصيدة بتعبر عن ظلم السجون " يا ظلام السجن خيم"

بحب الرابية يللي كان ساكن فيها جورج وسوف، بحب راس بيروت يللي انعدم فيه انطون سعادة

مسرحيات الرحابنة و اغاني فيروز خلتني زور كل الضيع بلبنان قبل ما زور ضيع الوادي بسوريا ... متل ميس الريم و تنورين و مشغرة و صنين

ما عم اذكر اسم الكتاب يللي كان عم يحكي عن تاريخ العائلات بزحلة و اكد انو اكبر سبع عيل بزحلة اساسهم من حوران و هنن يللي عمروا زحلة ... زحلة يللي غنالها محمد عبد الوهاب " يا جارة الوادي"

مليون حريري و عشرين مليون جنبلاط و ترليون تويني ما ممكن انو يخلوني اكره لبنان لحظة وحدة

و بالختام بحب اقتبس من اللبناني زياد الرحباني لما قال: العالم وصلوا ع القمر و نحنا لسا عم ندور ع مين لحن الدلعونة "

عجب

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you
  رد مع اقتباس
قديم 11/11/2005   #12
hwman
عضو
 
الصورة الرمزية لـ hwman
hwman is offline
 
نورنا ب:
Oct 2005
المطرح:
Russia-S.petersburg
مشاركات:
206

افتراضي


اقتباس:
كاتب النص الأصلي : احمد ن.
لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون.
.
what you,ve said can be applied only to you, cause, obviously u r retarded
  رد مع اقتباس
قديم 11/11/2005   #13
شب و شيخ الشباب Danito
مشرف متقاعد
 
الصورة الرمزية لـ Danito
Danito is offline
 
نورنا ب:
Apr 2005
المطرح:
The Bridge Tonowhere
مشاركات:
877

افتراضي


اقتباس:
كاتب النص الأصلي : احمد ن.
لنكن صريحين مع انفسنا. نحن السوريون نعلم ان اللبنانيين متقدمون علينا بكثير
لا علم لي بهذا الموضوع .. مع أني كنت شري مري علبنان.. يعني هو لبنان منفتح أكثر كنظام سياسي و اقتصادي و لذلك عندهم فرص أحسن بس هنن مانون متقدمين علينا

اقتباس:
و نعلم ايضا ان كل شيئ لبناني هو "مثال" بالنسبة لنا. كل شيئ
.
يعني بجوز الك بس مو الي حبيب..

اقتباس:
كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ
.
مرة ثانية لا تعمم يعني صحي في "نايت لايف" أقوى بلبنان من سوريا بس يعني مو كلها من النوع اللي يبرفع الراس.. يعني و سهرة بمرمر أحلى و أرتب بـ 1500 مرة من أي سهرة بالمعاملتين و فهمك كفاية

اقتباس:
و الله اصبحنا نعتقد و من بعد 30 سنة من احتلالنا للبنان
حبيب أنا ما احتليت لبنان... و لا أبي ما احتل لبنان و لا حدا من عيلتي ما احتل لبنان.. و بالرغم من أنو النظام السوري خبص بآخر كم سنة بلبنان و مطمط وجود الجيش بس وجود الجيش كان بدعوة لبنانية و السيطرة السورية على لبنان كانة بواسطة أمراء الطوائف اللبنانية و ليس بسبب وجود الجيش ..

ب
اقتباس:
أن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"...
مافيني قلك الا تخبيص بالفصة .. و الشباب جوابوك و كفوا و فوا
اقتباس:
نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".
الفرانكو فونية مو منشأها لبنان و سوريا كانت مستعمرة فرنسية أصلا بوقتها ما كان في لبنان و سوريا و على فكرة باي باي بتنكتب : "bye bye"
اقتباس:
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين
يعني بجوز كان في تجاوزات من الأفراد أو حتى مجموعات من الفاسدين السوريين بلبنان بس لعلمك اقتصاد سوريا أقوى من اقتصاد لبنان بعشرات المرات لأنو سورية دولة منتجة للنفط و عندها اكتفاء ذاتي و عدد سكانها حوالي 6 أضعاف عدد سكان لبنان و عندها حدود برية مع خمس دول بينما لبنان محصور بين سوريا و فلسطين يعني بشكل إجمالي اقتصاد لبنان لولا الدعم السوري و الإقليمي و العالمي بيطير ..
اقتباس:
و محاولة سرقة تاريخهم و عقائدهم.
جاوبوك الشباب عليها

أخيرا و ليس آخرا يعني مبين عليك لبناني عم تحاول تتخبى ورا شخصية سوري و اسمحلي اذكرلك كم ملاحظة:
- بشد على أيد كريمبو و اللي ذكره أنه في أخوة و تاريخ مشترك بين البلدين و العيلات مقسومة بالنص يعني و كل اللي صار هو بمصلحة اسرائيل
- في كثير من اللبنانيين مغرر فيهم و كلو بسبب التركيبة الطائفية المعقدة (برايي بسيطة كثير) للبنان يعني و الأحداث الأخيرة كانت فرصة لهدول الزعماء الطائفيين ليعلقوا غسيلهم الوسخ على السوريين كما لو أنهم لم يكونوا الأداة الأولى و المستفيد الأكبر من الوضع و التشويه اللي صار للعلاقات السورية اللبنانية على مدى السنوات (خلينا نقول) الـ 15 الأخيرة
- فقراء البلدين هم المتضررين من كل اللغط اللي صار يعني عفوا منك السوريين اللي كانوا ينزلوا علبنان ليتبضعوا و يصرفوا ملايين الدولارات اسبوعيا هي كلها كانت تفيد اللبنانيين و لو أنو ما كانوا صرفوها بلبنان كانوا صرفوها بمكان تاني بلش من الأردن و تركيا و مر بتايلاند و فرنسا و لا تهدي بأميركا.. يعني السوري اللي معوا مصاري مانوا منتظر اللبناني ليعلموا كيف يلبس و بتمنجه و يصرف بس كانوا يستقربوا النزلة علبنان لأنها أرخص و أسرع و مافارقة معوا كثير إذا سكروا الحدود و نفس الشي اللبناني اللي وضعوا مريش مو فارقة معو لأنوا ما بيلاقي بالنزلة عسوريا و التبضع فرصة ليوفر بالمصروف بس العمال السوريين (مو شحادين عم يشتغلوا بعرق جبينين) و متوسطي الدخل و فقراء اللبنان اللي كانوا يسترخصوا النزلة عسوريا هنن المتضررين
يلا أنا مليت من الكتابة كيف اللي عم يقرا

تحيا سوريا!

الحرية لسوريا و السوريين

I'm going to buy this place and start a fire
Stand here until I fill all your heart's desires
Because I'm going to buy this place and see it burn
Do back the things it did to you in return
  رد مع اقتباس
قديم 11/11/2005   #14
شب و شيخ الشباب احمد ن.
شبه عضو
-- اخ حرٍك --
 
الصورة الرمزية لـ احمد ن.
احمد ن. is offline
 
نورنا ب:
Oct 2005
مشاركات:
34

افتراضي


اولا اشكرك على اعتقادك بانني لبناني - "لك يا ريت"، و اشكرك على عدم تسميتي بالصهيوني او الامبريالي او الرجعي كما اعتدنا جميعنا باستعمال هذه العبارات الأسدية، و هذا جيّد.
ثانيا انا لست لبناني، انا سوري اي انا "فاعل"، لأن كل شخص سوري و مهما علا شأنه او لم يعلي، فالسوريون يبقوا دائما "فعالة" بالنسبة للبنانيين... سترها... نبقى نهرّب "ربطة خبز" من لبنان و نعمل فيها حفلة و نعزم الجيران و نبقى شي جمعة نتفاخر انه كان عندنا "ربطة خبز" من لبنان... سترها...
انا مصرّ ان اقول الحقيقة مهما جرحتنا و هذا لمصلحتنا نحن "الفعالة".

سورية فوق الجميع.
  رد مع اقتباس
قديم 11/11/2005   #15
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


اقتباس:
كاتب النص الأصلي : احمد ن.
اولا اشكرك على اعتقادك بانني لبناني - "لك يا ريت"، و اشكرك على عدم تسميتي بالصهيوني او الامبريالي او الرجعي كما اعتدنا جميعنا باستعمال هذه العبارات الأسدية، و هذا جيّد.
ثانيا انا لست لبناني، انا سوري اي انا "فاعل"، لأن كل شخص سوري و مهما علا شأنه او لم يعلي، فالسوريون يبقوا دائما "فعالة" بالنسبة للبنانيين... سترها... نبقى نهرّب "ربطة خبز" من لبنان و نعمل فيها حفلة و نعزم الجيران و نبقى شي جمعة نتفاخر انه كان عندنا "ربطة خبز" من لبنان... سترها...
انا مصرّ ان اقول الحقيقة مهما جرحتنا و هذا لمصلحتنا نحن "الفعالة".

سورية فوق الجميع.
sorry but what the fish are you talking about???????

السوريون يهربون الخبز من لبنان إلى سوريا؟؟ انت مجنون؟؟؟ نحن من يزرع الخبز و لديه فائض في القمح و الحبوب و يصدرها ... و ليس العكس... مستر ليبانون الله يخليك حاج تخبيص
  رد مع اقتباس
قديم 11/11/2005   #16
شب و شيخ الشباب احمد ن.
شبه عضو
-- اخ حرٍك --
 
الصورة الرمزية لـ احمد ن.
احمد ن. is offline
 
نورنا ب:
Oct 2005
مشاركات:
34

افتراضي


هل هناك أحد منكم يتجرأ و يشرح لأخونا "جو" صحّة قولي ؟


سورية فوق الجميع.
  رد مع اقتباس
قديم 11/11/2005   #17
صبيّة و ست الصبايا layla
أميـــــــــ
 
الصورة الرمزية لـ layla
layla is offline
 
نورنا ب:
Apr 2005
المطرح:
USA
مشاركات:
4,894

افتراضي


اقتباس:
كاتب النص الأصلي : احمد ن.
هل هناك أحد منكم يتجرأ و يشرح لأخونا "جو" صحّة قولي ؟


سورية فوق الجميع.
بس ليكون في 0.00000000000001 % من كلامك بيدخل للمخ منبقى منشرحلو ل جو
ماطبيعي انت

ادعـــي علـــي بالموت.. ولا سمني
بس لا تفارقني دخيــل الله و تغيب
طاري السفر يا بعد عمري همني
شلون اودع في المطار اغلـــى حبيب :cry:
تعال قبل تروح عني ضمني
اقرب من انفاسي ترى حالي صعيب
ابنتثر قدام عينك لمني
وابسألك هل نلتقي عما قريب
نسيت حتي اسمي دخيلك سمني
باللى تسمينى البيلك واجيب
مجنون عاقل ما علي من لامني
انا مع نفسي واحس اني غريب


  رد مع اقتباس
قديم 11/11/2005   #18
to live is to die
عضو
-- زعيـــــــم --
 
الصورة الرمزية لـ to live is to die
to live is to die is offline
 
نورنا ب:
Mar 2005
المطرح:
برشلونة اسبانيا
مشاركات:
1,483

إرسال خطاب MSN إلى to live is to die إرسال خطاب Yahoo إلى to live is to die
افتراضي


اقتباس:
كاتب النص الأصلي : Joe
sorry but what the fish are you talking about???????

السوريون يهربون الخبز من لبنان إلى سوريا؟؟ انت مجنون؟؟؟ نحن من يزرع الخبز و لديه فائض في القمح و الحبوب و يصدرها ... و ليس العكس... مستر ليبانون الله يخليك حاج تخبيص
للأسف يا جوي الحكي مظبوط الخبز صحيح
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:15 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.18964 seconds with 11 queries