أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > موسيقى

إضافة موضوع جديد  إضافة رد
 
أدوات الموضوع
قديم 25/07/2006   #1
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


نزولأ عند طلب الزميل gabriel لأغاني فرقة

كلنا سوا


الكلمات :

نزلن على البستان
توزيع إياد الريماوي (تراث)


نزلن على البستان يا عنيدي يا يابا
و الله و حلن شعر هن
كل البنات نجوم يا عنيدي يا يابا
والله هي قمرهن
عيني وضي عيني
يا عنيدي يا يابا
تسوى هلي و كل القرابى
يا عنيدي يا يابا
أنا لما شوف هواي يا عنيدي يا يابا
والله و مقبل عليا
قلبي يقع بالقاع يا عنيدي يا يابا
والله و تموت إيديا
لقعد بتال البيل يا عنيدي يا يابا
والله و اذكر وليفي
و بحجة الحلمان يا عنيدي يا يابا
أنا لامشي ع كيفي

كلشي اسمه جديد
كلمات وألحان أيهم العاني

هي هيه كل القصة لفهمك وين نحنا رايحين
رح أحكيلك و بقلبي غصة هذا القرن الواحد و عشرين
مشكلتك أنك ما بتتركنا لأنا شباب جديد طالعين
بس رح نبقى مثل ما نحنا بيعجبنا كل شي اسمه جديد
عن الموسيقى نحكي هلق لا تسألني أنا جاي منين
يمكن أنا ما عم غني مثلك يا وبور قلي رايح على فين
ما بيعني أني أنا عم أغرق لأنو نحنا محتلفين
أنت بتبقى و نحنا رح نبقى بيعجبنا كل اسمه جديد
لا تزعل لا تتأثر أنا مالي مثلك بيك
مالي رح أتغير رح أبقى دايما" هيك
باكل هيك بمشي هيك بحكي هيك بسمع هيك
اتركنى بحالي يرضى عليك
حياتك عشتها أكيد اتركني جرب هالمرة
ما بدي أرجع عيد قصة حياتك بالمرة
أخي أنت الصح دايما صح هو الصح بيعجبني
و بيعجبني كل شي اسمه جديد
يا عمي إذا مو عاجبك لبسي
أيت على قمبازك خليك
إذا عرقسوس وللا إذا ببسي
أنت اشرب يللي بهنيك
حاجة لاحقني على الدعسة
اتركني بحالي الله يخلليك
مشكلتك هي أني أساسي
بيعجبني كل شي أسمه جديد

قاعد حدك
كلمات وألحان إياد الريماوي

قاعد حدك تأنسى يومي
تهرب من كل الآهات
اهرب من حالي شوي الليلة
اهرب من بين الكلمات
خليكي حدي تأرجع طفل صغير و نام
و أغفى ع إيديكي الليلة
قاعد حدك تانسى غني
انسى اسمع انسى شوف
انسى الكلمة و يمضي يومي
و اصحى ع صوتك و روح
خليكي حدي تأرجع طفل صغير و نام
و أغفى ع إيديكي الليلة

نجمة قطبية
توزيع إياد الريماوي (تراث)
نجمة قطبية طلت عقب الليل عليا

سمرة حمرية خزرتني بعيون غزالة

خزرت عينيا من ذيك الخزرة المذبالة

قلتلها مرحى ضحكت عينيها بافرحى

و قالتلي صحة و المبسم جوهر يتلالا

و مركب سبحة ينطق بحروف البسمالة

نطقت البيه و قالت لي اصلي عربية

جزائرية و بلادي في كل عمالة

و اسمي الحرية و اللي كسبوني رجاله


لما بيعلا صوتي
كلمات وألحان إياد الريماوي

لما بعتم الليل بيعلى صوتي
لما بصلبي من الخوف من البرود
لما بقمبي بحمل هم الماضي
هم أحلامي الخضرة الما بتموت
لما بيسحرني اللحن العايش فيي
و بتسرقني اللحظة المالا حدود
لما بعتم الليل بيحملني صوتي
و بيغسل لون عيوني حجار البيوت
لما بيعلى صوتي فوق همومي و هموم الناس
لما بيعلى صوتي فوق الذل و فوق الخوف
بضل بغني بعتم الليل ليطلع يوم جديد

لحظات بتمرق
كلمات وألحان أيهم العاني

اللحظات بتمرق بتذكرك بالحقيقة
بمشوار العمر الما بينظرنا ز لا دقيقة
رايح و تاركنا وراه
نداوي جروح اثرها ما بيروح
امسكي ايدي و أنسي همومك و الدنيا و أسمي
نسافر بلحظة حلم يرسم ع شفافك بسمة
ويهمس قلبي و يقول
عيونك شمسي وروحك هي النسمة
صوتي بيندهلك بها العتم البارد ردي
يمكن رناته تدفيكي بليل الوحدة
ولما رح أتعد بيبقى طيفك عندي
وصدى صوتي حولك
بيحيي ديما" ذكرى شخص بعيد

علمايا
توزيع إياد الريماوي (تراث)

عالمايا عالمايا عالعين يا ملايا
يا بنية بالله اسقيني عطشان اسقيني مايا
يا ويل ويلي عيونها
عيوي المهى يا عيونها
و إن ذبلتلي جفونها
تدغدغلي الحنايا
يا ويل ويلي طولها
رمح الرديني طولها
و اللي يحاول يطولها
لذوقه المنايا
يا ويا ويلي منها
هالشاغلتني بسرها
و الله لاتبع أثرها
مهما تكون النهاية


سفينة نوح
كلمات وألحان إياد الريماوي

كل شي رح يغرق .. كلن ح يفلو
الناس اللي عاشوا و بقلوبهن عاش الخوف
و لما كل شي بيغرق .. وكلن بيفلو
ما رح بيضلوا الا اللي شافو الضي
لما بيجي الطوفان .. لما بتجي الحقيقة
لما بيطلع نور الشمس فوق بيوتنا الغريقة
رح يحكو انو نوح عنده سفينة كبيرة
حامل كل الدنية اتنين اتنين
تتنجا كل الديرة
بشوفك بكرة .. عسفينة نوح
كل شي رح يغرق .. الدرب اللي كنا
نمشي عالعتمة فيها و نستنى تنوعا
على صوت ينادي .. صوت يغني
صوت يهني العالم برجوع الضي
لما بيجي الطوفان .. لما بتجي الحقيقة
لما بيطلع نور الشمس فوق بيوتنا الغريقة
رح يحكو انو نوح عنده سفينة كبيرة
حامل كل الدنية اتنين اتنين
تتنجا كل الديرة
بشوفك بكرة .. عسفينة نوح


الأغاني المرفقة :

1-ع الميا
2- خاتم تنك
3- دعوة عشا
4- دور دبر
5- رسام الليل
6- سفينة نوح
7- صوتي
8- غدروني
9- قاعد حداك
10- كلما بشتقلك
11- لا تتغير
12- لحظات
13- نجمه قطبيه حفله
14- نزلن على البستان
15- وحياة قلبي وأفراحه
16- وين ع رام الله
17- يا أم الشهيد
18- ياللي عينك

الملفات المرفقة

- لا تقم بإستخدام برامج تنزيل او تسريع تنزيل المرفقات .
- لا تقم بتنزيل اكثر من مرفق بنفس الوقت.
مخالفة هذا او ذلك يؤدي للحجب الأوتوماتيكي لعضويتك عن المرفقات كاملة و عدم قدرتك على تصفح وتنزيل اي مرفقات بشكل دائم.


نوع الملف : rm Kelna Sawa Band(3alyama).rm‏ (551.0 كيلو بايت, 241 قراءة)
نوع الملف : rm Kelna Sawa Band(5atam tanak).rm‏ (578.0 كيلو بايت, 173 قراءة)
نوع الملف : rm Kelna Sawa Band(da3wat 3asha).rm‏ (604.9 كيلو بايت, 146 قراءة)
نوع الملف : rm Kelna Sawa Band(dawer dabber).rm‏ (480.9 كيلو بايت, 135 قراءة)
نوع الملف : rm Kelna Sawa Band(rassam al-lail).rm‏ (707.4 كيلو بايت, 120 قراءة)
نوع الملف : rm Kelna Sawa Band(safeenat noo7).rm‏ (567.2 كيلو بايت, 128 قراءة)
نوع الملف : rm Kelna Sawa Band(lama beye3la sooty).rm‏ (578.0 كيلو بايت, 116 قراءة)
نوع الملف : rm Kelna Sawa Band(ghadaroony).rm‏ (356.9 كيلو بايت, 111 قراءة)
نوع الملف : rm Kelna Sawa Band(qa2ed 7addak).rm‏ (491.7 كيلو بايت, 122 قراءة)
نوع الملف : rm Kelna Sawa Band(kolama beshtaqlak).rm‏ (707.4 كيلو بايت, 121 قراءة)
نوع الملف : rm Kelna Sawa Band(laa tetghayar).rm‏ (955.4 كيلو بايت, 117 قراءة)
نوع الملف : rm Kelna Sawa Band(la7athat betemroq).rm‏ (216.7 كيلو بايت, 103 قراءة)
نوع الملف : rm Kelna Sawa Band(najma qo6beya (7afla)).rm‏ (545.6 كيلو بايت, 106 قراءة)
نوع الملف : rm Kelna Sawa Band(nezlen-3al-bustan).rm‏ (793.7 كيلو بايت, 131 قراءة)
نوع الملف : rm Kelna Sawa Band(we7yat qalby wa afra7u).rm‏ (890.6 كيلو بايت, 87 قراءة)
نوع الملف : rm Kelna Sawa Band(wain 3a ramallah).rm‏ (1,008.6 كيلو بايت, 110 قراءة)
نوع الملف : rm Kelna Sawa Band(ya om al-shaheed).rm‏ (863.4 كيلو بايت, 86 قراءة)
نوع الملف : rm Kelna Sawa Band(yally 3ainek).rm‏ (872.4 كيلو بايت, 105 قراءة)

J.S: Death is the solution to all problems. No man = No problem.
  رد مع اقتباس
قديم 25/07/2006   #2
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


دعوة عشاء
كلمات وألحان إياد الريماوي


بيسعدني وبيشرفني تقبلي دعوتي ع العشا
على سندويشة فلافل وكاسة لبن عيران
واذا جاية ع بالك شاورما
هالاكلة و الله بحترما
لو كانت دجاجا او لحما
وانشا الله عمرينا المصاري
و عمرينا المصاري
واذا بدك شي اكلة منيحة
قوليها و كوني صريحة
لعيونك احلى قرص صفيحة
وانشا الله عمرينا المصاري
و عمرينا المصاري
واذا لابد من التحلاية
باعوامة المنقاية
منكون وصلنا للنهاية
وانشا الله عمرينا المصاري
ما ضل اصلا مصاري
اخر شغلة رح قولها يلعن ابو المصاري


لاتتغير
كلمات و ألحان إياد ريماوي


لا تخلي الزمن يغير فيك
خطوط التكوين البريئة
ينسيك الطفل اللي بيعطيك
شكلك من اول دقيقة
لاتغير لون خدودك الاحمر
لاتتغير .. لا تكبر
لاتغير غنياتك الحرة
لاتغير صوتك بكرة
لاتتغير .. لا تكبر
لاتخلي لايام الجاية تطفي نجومك بلباليك
كون الصرخة كون الضحكة كون الصورة اللي بماضيك
خلي النار اللي مخباية تشعل قلبك و تناديك
خلي عيونك تبقى مراية للانسان المنسي فيك
لاتخلي الزمن يهون عندك
لحظات الفرح الاول
و تصير الاشياء اللي من حولك
تبهت الوانها و تدبل
لا تخلي الزمن يهدي جنونك
لاتخلي العمر يخونك
لاتغير غنياتك الحرة
لاتغير صوتك بكرة
لا تتغير .. لاتكبر

رصاصة مترددة
كلمات وألحان أيهم العاني


صوت و وميض بيمحي عتم الليل الشارد بلحظة شو اللي صار
صار الوقت اترك هالرحم البارد انا مولودالنار
عينه ع الضحية بيعرف لوين يسدد بلمسة عالزناد
لمسة موت، انا لازم فورا" نفذ هدا دوريبالحياة
وصلت الاوامر، و رحلو عمري بديت رحلة قصيرةكتير
بتبدا بالبارود بتخلص بالهدف الميت على اغلبتقدير
ع كتف الريح بسافر، مثل البرق السفرة و بوصل للمكان
بتردد لحظة وحدة، بلاحظ بعيونه نظرة هي نظرة إنسان
رافع بايده الكاس، و من حوله كل الناس
ياترى كان بيعرف معنى الموت
ع وجه كانت مرسومة، احمى ابتسامة
معقولة هو يكون هدفي المقصود
في عندي احساس، خلاني قرب اكثر و اكثر
راقب شو عم بيصير
هالنظرة البريئة، قدامي هلق رح تتكسر
وحدة في ولد صغير
معقولة ابنه يشهد، الاب اللي عم يقتل
بصورة بشعة كتير
لازم قرر فورا، ارجع وللا اتقدم
انتهى وقت التفكير
مولودة لحتى صيد، رح اترك الرحمة بعيد
حياتي بعيشها مرة، ما لازم ابدا خيب
صمت و ناس كتار، بلحظة كل شي صار
هلق صار بيعرف معنى الموت
هدفي صبته بدقة، استقبلني قلبه برقة
و كانت آخر مرة بشوف النور

غدروني
كلمات وألحان إياد الريماوي



غدروني .. غدروني

.. قالو بتدرس و بتتخرج

.. ساعتها شوف و اتفرج

عالسعادة .. و عالمصاري

غدروني


رسام الليل
كلمات إياد ريماوي و أيهم العاني ألحان إياد ريماوي


خلف سوار الارض الأسما النسيان
بين بيوتا الهربت منها الألوان
قاعد بالعتم اللي اسمه رسام الليل
يركب لون و يدهن كل الحيطان
يجمع شمع يضوي عتم المكان
لما الناس اللي نسيوا ألوانن
شافوا بيوتن مزينتا الألوان
فاق الماضي المتخبي بحيطانن
يعانق ريشة رسام الليل
عالمنا صار بيشبه أرض النسيان
مسحت ألوانه صور حروب و أحزان
وينك هلق يلي اسمك رساك الليل
بلاقي عندك إلنا شوية ألوان
بلاقي لحن يلون قلب الإنسان
بلكي الناس اللي نسيوا ألوانن
يشوفوا بيوتن ملونتا الأحان
يغنوا يخلوا صورة أحلامن
تعانق ريشة رسام الليل


خاتم تنك
كلمات وألحان أيهم العاني


اذكري يوم اللي كنا صغار جبتلك خاتم تنك
يومها قلتيلي لا تغار مارح كون الا الك
و سنين مرت تجر سنين هينا التقينا من جديد
ضاع الهوى و ضاع الحنين و قلتيلي ما بذكرك
لا تتناسي يا عنيدة انا مو راجع الك
راجع لاني ع الحديدة
بدي حق خاتمي و بعتقلك
بلا حب بلا تخريف
بيع القلب و اشتري رغيف
ايامنا صارت صعبة
والدنيا منا لعبة
انت و انا شو كنا صحاب وقت الشدة بساعدك
بقينا سوا و الباب ع الباب و اللي الي كان الك
كل واحد فينا راح بطريق و انت اله وفقك
ونسيت انو كان لك صديق و قتلي الله يرزقق
بس انا ما رح انساك بضل برحي بخدمك
لا تفكر كرمال عيونك كرمال الملايين المعك
مافي صداقة للدراويش
كل واحد يادوب يعيش
ايامنا صارت صعبة
و الدنيا منا لعبة


كل ما بشتألك
كلمات وألحان إياد الريماوي


كلما بشتقلك .. بمسك قلم و ورقة
بجرب أرسملك صورة
أو اكتبلك غنية
أو أرسملك بيت صغير
و أرسم شجرة و غيمة و طير
كلما بشتقلك
بشعل شمعة بقلب الليل
ببلش احكيلك عالناس
أو احكيلك عن حالي
أو سليكي بقصة جديدة
حتى ما خليك وحيدة
و كان يا ما كان ...
كان في اميرة بمملكة بها الكون
كرمالا خلق السهر شعرا بيغزل لون بلون
لعيونا يغنوا البشر حراسا شمس و قمر
كانت تنزل من قصرا تبرم تزور الفقرا
مرة من خلف البواب شافت شب من الشباب
هي مزينة بالألماس وهو واحد من هاناس
ما بعمرو شاف الدهب بعيونوا القهر انكتب
وباليل و بعد ما الكون غطى باعتم العيون
طلبت منو عشيقا يكون عانق جنونا بجنون
بأرض بعيدة .. عحدود الدنيي .. بمملكة بها الكون
كلما بشتقلك .. بقدر كل الحكي و السكوت
بقدر كل لحظة بتموت..انتي فيها مو موجودة
كلما بشتقلك .. بعلي فوق الغيم


دوّر دبّر
كلمات وألحان أيهم العاني


بكل هادنية مهما تلف و تدور
و مهما تقطع مسافات و بحور
بتضل تدور وتدور عن حب جديد
رح يبقى سحري المصيربالتاكيد
وقت بتتعب يا ابني اتذكر بانك ترجع
يمكن اغفر لاني ما بحبك انك تركع
ما في غيري بها الدنية بفهم فيك منيح
دور دبر فكر قرر تتهرب لبعيد
اندم افهم اعلم احلم ترجعلي من جديد
احكيلك قصة يمكن صار لها كتير زمان
رح تفهم شو بقصد كونك يبدو فهمان
حوا بتفاحة وحدة جابتنا لهون
و دليلة وقت اللي بدا بتحلق لشمشون
وقت اللرم ظهري لاتفكر انك تلعب
انت بتعرف يا عمري اني الاقوى بها الملعب
ما في غيري بها الدنية بفهم فيك منيح
دور دبر فكر قرر تتهرب لبعيد
اندم افهم اعلم احلم ترجعلي من جديد
  رد مع اقتباس
قديم 04/08/2006   #3
شب و شيخ الشباب ِAbu Alzooz
عضو
-- مستشــــــــــار --
 
الصورة الرمزية لـ ِAbu Alzooz
ِAbu Alzooz is offline
 
نورنا ب:
Jul 2005
المطرح:
السما السابعة
مشاركات:
3,586

افتراضي


يسلمون يا حبيب

*** لنصير مزبلة و بدون تاريخ ***

"محمد الماغوط "

حطم سيفك , تناول فأسك , و اتبعني و ازرع السلام و المحبة في كبد الأرض

"رسالة الرب بعل إلى شعبه السوري "

عالوعد يا كمون


أخوية ... أبو وليام على طول الدرب
  رد مع اقتباس
قديم 19/08/2006   #4
شب و شيخ الشباب solofan
شبه عضو
-- اخ حرٍك --
 
الصورة الرمزية لـ solofan
solofan is offline
 
نورنا ب:
Aug 2006
المطرح:
القاهرة
مشاركات:
54

افتراضي


فرقه حلوه جدا وكلماتها وموضوعاتها جديده ومعاصره شكرا لكم
  رد مع اقتباس
قديم 21/08/2006   #5
شب و شيخ الشباب اب حمرا
عضو
-- قبضاي --
 
الصورة الرمزية لـ اب حمرا
اب حمرا is offline
 
نورنا ب:
Mar 2005
المطرح:
كل قلوب الناس جنسيّتي
مشاركات:
489

إرسال خطاب MSN إلى اب حمرا
افتراضي


بس ازا حدا بيعرفلنا سمعت عم يعملو شي جديد مظبوط هل حكي

المربى غالي
  رد مع اقتباس
قديم 29/09/2006   #6
شب و شيخ الشباب abosleman
مشرف
 
الصورة الرمزية لـ abosleman
abosleman is offline
 
نورنا ب:
Aug 2006
المطرح:
السقيفة...
مشاركات:
2,726

افتراضي


اقتباس:
كاتب النص الأصلي : اب حمرا عرض المشاركة
بس ازا حدا بيعرفلنا سمعت عم يعملو شي جديد مظبوط هل حكي


انا اليوم سمعت غنيه جديده للفرقه
واجيت لشوف اذا في شي موضوع إلهن بالاخويه
وبالصدفه كان ردك عن شي جديد

على كلن اسم الغنيه يلي سمعتها
((كلنا بنقول ))

ورح دور عليها وشوف اذا لقيتها بنزلها

كان اسمه.. .
لا تذكروا اسمه!
خلوه في قلوبنا...
لا تدعوا الكلمة
تضيع في الهواء، كالرماد...

"We ask the Syrian government to stop banning Akhawia"
  رد مع اقتباس
قديم 29/09/2006   #7
شب و شيخ الشباب اب حمرا
عضو
-- قبضاي --
 
الصورة الرمزية لـ اب حمرا
اب حمرا is offline
 
نورنا ب:
Mar 2005
المطرح:
كل قلوب الناس جنسيّتي
مشاركات:
489

إرسال خطاب MSN إلى اب حمرا
افتراضي


اقتباس:
كاتب النص الأصلي : abosleman عرض المشاركة
انا اليوم سمعت غنيه جديده للفرقه
واجيت لشوف اذا في شي موضوع إلهن بالاخويه
وبالصدفه كان ردك عن شي جديد

على كلن اسم الغنيه يلي سمعتها
((كلنا بنقول ))

ورح دور عليها وشوف اذا لقيتها بنزلها
لأ هي كلنا منئول اديمة

بس من يومين نزل البوم لالفوكال تبعون ما بعرف شو اسمو
الو لحالو مو لبائي الفرئة
  رد مع اقتباس
قديم 06/10/2006   #8
شب و شيخ الشباب بسكوت
مسجّل
-- اخ طازة --
 
الصورة الرمزية لـ بسكوت
بسكوت is offline
 
نورنا ب:
Sep 2006
مشاركات:
7

افتراضي


ابصراحة ما عجبتني الفرقة
مشكورررررررررررر
  رد مع اقتباس
قديم 06/10/2006   #9
صبيّة و ست الصبايا بنت الاكارم
عضو
-- قبضاي --
 
الصورة الرمزية لـ بنت الاكارم
بنت الاكارم is offline
 
نورنا ب:
Apr 2006
مشاركات:
803

افتراضي


كل ما بشتألك
كلمات وألحان إياد الريماوي

كلما بشتقلك .. بمسك قلم و ورقة
بجرب أرسملك صورة
أو اكتبلك غنية
أو أرسملك بيت صغير
و أرسم شجرة و غيمة و طير
كلما بشتقلك
بشعل شمعة بقلب الليل
ببلش احكيلك عالناس
أو احكيلك عن حالي
أو سليكي بقصة جديدة
حتى ما خليك وحيدة
و كان يا ما كان ...
كان في اميرة بمملكة بها الكون
كرمالا خلق السهر شعرا بيغزل لون بلون
لعيونا يغنوا البشر حراسا شمس و قمر
كانت تنزل من قصرا تبرم تزور الفقرا
مرة من خلف البواب شافت شب من الشباب
هي مزينة بالألماس وهو واحد من هاناس
ما بعمرو شاف الدهب بعيونوا القهر انكتب
وباليل و بعد ما الكون غطى باعتم العيون
طلبت منو عشيقا يكون عانق جنونا بجنون
بأرض بعيدة .. عحدود الدنيي .. بمملكة بها الكون
كلما بشتقلك .. بقدر كل الحكي و السكوت
بقدر كل لحظة بتموت..انتي فيها مو موجودة
كلما بشتقلك .. بعلي فوق الغيم

احلى شي هالغنيه كتييير حلوه اسمعوها

انا كتييير بحبها لهالاغنيه

يسملوا وشكرا كتيييير هشت نشت
  رد مع اقتباس
قديم 03/11/2006   #10
صبيّة و ست الصبايا .. Yaso
عضو
-- زعيـــــــم --
 
الصورة الرمزية لـ .. Yaso
.. Yaso is offline
 
نورنا ب:
Sep 2006
المطرح:
مافي محل تاني ...بالكويت
مشاركات:
1,273

افتراضي


شكرا لك جزيلا لطرح هذا الموضوع و أنا بحب غنية كلنا سوا كتيييير و الفرقة نفسها كمان ..

HATE U
  رد مع اقتباس
قديم 08/11/2006   #11
شب و شيخ الشباب jojo55
مسجّل
لسا يا دوب
 
الصورة الرمزية لـ jojo55
jojo55 is offline
 
نورنا ب:
Nov 2006
مشاركات:
1

افتراضي


لكم جزيل الشكر والتقدير على هذا الجهد الرائع وأنا أحب هذه الفرقة جداًً ومن زمن طويل وأنا أبحث عن أغنيتهم نزلن على البستان
  رد مع اقتباس
قديم 27/11/2007   #12
شب و شيخ الشباب safoot
مسجّل
لسا يا دوب
 
الصورة الرمزية لـ safoot
safoot is offline
 
نورنا ب:
Nov 2007
مشاركات:
1

افتراضي


thxxx ya m3aalem
  رد مع اقتباس
قديم 27/11/2007   #13
شب و شيخ الشباب was616im
عضو
-- مستشــــــــــار --
 
الصورة الرمزية لـ was616im
was616im is offline
 
نورنا ب:
Oct 2006
المطرح:
حــــومــــــــــــــــــص ام الدنيـــــــــا
مشاركات:
4,444

إرسال خطاب MSN إلى was616im إرسال خطاب Yahoo إلى was616im
افتراضي


يسلمن كتيييييييير معلم الصراحة كنت عم دور ع كم غنية من زمان و هلق لحتى لقيتهن
يسلمن

((((*(*(*(*(*(*(*عصابة الملوك *)*)*)*)*)*)*) ))))

بلا حب بلا تخريف

بيع القلب واشتري رغيف

ايامنا صارت صعبة

والدنيا منها لعبــــة
  رد مع اقتباس
قديم 27/02/2008   #14
شب و شيخ الشباب momen_22
مسجّل
-- اخ طازة --
 
الصورة الرمزية لـ momen_22
momen_22 is offline
 
نورنا ب:
Sep 2007
مشاركات:
2

افتراضي


مشكور و يعطيك الف عافية
  رد مع اقتباس
قديم 08/03/2008   #15
شب و شيخ الشباب DARK87GHOST
مسجّل
-- اخ حرٍك --
 
الصورة الرمزية لـ DARK87GHOST
DARK87GHOST is offline
 
نورنا ب:
Oct 2007
المطرح:
جسد في تونس وروح في الشام.....
مشاركات:
19

افتراضي


معلم hashtnasht أول شي شكراً جزيلاً على التعب الرائع جد دورت كتييير على أغاني فرقة كلنا سوا وما لقيتون غير هون بس في مشكلة صغيرة كتير اني ما بقدر حمل من المرفقات فإزا فيك تقللي منين جيبون او تحطون على شي موقع مشان اقدر نزلون

ومشكور كتير على الشغل الرائع

قرأت مجدك في قلبي و في الكتـب شـآم ، ما المجد؟ أنت المجد لم يغب
بحبــــــــ يا شـــام ــــــــــــك
--------
عفوك فيــــروز ومـــعـذرة أجراس العــــودة لن تُقــرع
--------
ماتت قلوب الناس ماتت بها النخوة.....يمكن نسينا في يوم إن العرب أخوة..!!
  رد مع اقتباس
قديم 28/03/2008   #16
صبيّة و ست الصبايا kab
مسجّل
لسا يا دوب
 
الصورة الرمزية لـ kab
kab is offline
 
نورنا ب:
Sep 2007
مشاركات:
1

افتراضي


يسلموووووووو على الموضوع الحلو
  رد مع اقتباس
قديم 28/03/2008   #17
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


بتذكر بوقتها فتل راسي على الأغاني وكان في عندنا مخيم ولازم نعلم الولاد الاغاني قبل ما نسافر فتت على النت وما شفت ريحة لا للكلمات ولا للأغاني فحطيت طلب عند تنزيل الأغاني


بوقتها كتيييير فرحت عليهم ولهلق بسمعهم وبتذكر كيف كانت الأخوية

رايحة تزور
كوخ مسحور
  رد مع اقتباس
قديم 28/03/2008   #18
شب و شيخ الشباب Syrian Gay
عضو
-- مستشــــــــــار --
 
الصورة الرمزية لـ Syrian Gay
Syrian Gay is offline
 
نورنا ب:
Jun 2007
المطرح:
جبّ الفئران
مشاركات:
3,593

افتراضي


اقتباس:
كاتب النص الأصلي : gabriel عرض المشاركة
وبتذكر كيف كانت الأخوية
كيف كانت الأخوية ؟

وبعدين تعا لهون .. الزلمة مغلّب حالو ومنزّل الموضوع خصوصي بأسمك وانت ما عرفت تردّلك شي رد تشكرو للزلمة
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 00:51 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.16646 seconds with 12 queries