تعديل خطط الغزل 2007

[Odell]

بدك حبيبتك او صاحبتك تشوف حالها فيك ,,, و تحك لصحباتها عنك اديشك متحرر و زكي

بتفهم ع زوء الصبايا وبتعرف شو تحكي بالوقت المناسب ,,,


باختصار بدك تكون دون جوان حارتك !!

تعا تعلم ,,, و ازا عندك طرق تانية علمنا ولو !!!





1- الاتصال :

* الخطط القديمة : رمي رقم الجوال ولا رمي رقم البيت الخاص

* الخطط الحديثه : ورجي البنت ان عندك موبايل .. بس اعطيها رقم البيجر

ولو صار نصيب يعني .. وسألتك ليش ما عطيتني رقم الموبايل من الاول ,,,, قلها :

انت راح تتصلي بربع وانا راح اتصل بالألوف ,,

غير انه ,,, رقم البيجر ما يطلع رقمه في الفاتورة عندك
شفتوا شلون من بدايتها .. بتكبر في عينها .. والي بدو الشي بدو يتحمل ولو !!





2-
ثانيا : نظرة فابتسامة !!

* فرضا البنت اعطتك وجه وما حدا ادك ,,,, حكيت معها و سمعت صوتها النعوووم

شو رايك تحكي ولاااااا؟؟ يعني فرصة تحكي مو تضرب لخمة !!

شوف هالكم سؤال وجواب

اذا سألتك




*هي :مين مطربك المفضل ؟

الإجابه القديمه : عبد الحليم ,, فريد الاطرش ,, اسمهان ’’’

الإجابه الحديثه : والله ياعيوني كل المطربين صاروا مثل بعض مافي حدا متميز ..

بس لو قررت اسمع بختار اسمع ل( سلين ديون ) و ( جورج مايكل ) و ( بارفآروتي )

هاد الأخير مطرب شعبي عندهم شغل حفلات وعروس واوبرا .


اوعك تقووول هيفا






*اذا سالتك : بتحب الشعر ؟

الإجابة القديمة : إيه أكيـــــــــد .

الإجابة الحديثه : بعد نزار قباني وايليا ابو ماضي مافي شي اسمه شعر

( حلووووووه إليا أبو ماضي ,, شو هالاسم هاد شب والا صبية )




نكمل ,,,




*لوسالتك الانسة : وين بتدرس ؟

الإجابة القديمة : كلية العلوم الإداريه ، كلية الحاسب .

الإجابة الحديثه : والله انا تخرجت .. وجايتني بعثه أدرس في ناسا بس متأجله علشان المشاكل

بين كوبا وامريكا والنجم اللي بدي ادرس عنه موقعه بالضبط بالضبط فوق سماء كوبا ..يعني متاخر مشان السياسة

الحلو: انها ما بتفهم بالسياسة

المشكله رح بتقلك : وانا كمان كان نفسي أدرس النجوم ، طبعا اسمع من هون وطلع من هون

كل شي بدهم يدرسوه بصيرو

تفلسف عليها وقلها ياعمري لسه فيكي تدرسي .. يعني الفرصة بعدها مافاتتك .. خليك مخ





*لوسالتك : شو بتحب تسوي بوقت الفراغ ؟

الإجابة القديمة : بلعب طابة او بطلع مع صحابي.

الإجابة الحديثه : بطلع بخيم في البر ولا الصحراء وأصيد

( احلى شي الصيد ماشي سوقه ..

لا والصيد اله ميزة تانيه ان البنات ما بعرفو عنه شي يعني خذ راحتك وانصب وطقع ومخمخ على

كيفك .. بس لا تبالغ وتقول

صدت آخر مرة اسد وتخرب ستها !!.. قول شي موجود بالاراضي العربية )








منجي للاسئله العيار تقيل شوي






*سؤال : عرفت بنات قبلي ؟


شم هوا شوي ,,,شهيق زفير شهيق زفير ,,, رش عطر مشان ما تدوخ ,,, اعد و جاوب,,

الإجابة القديمة : إيه وما صار نصيب افترقنا ، غلط غلط لا تقول هالجملة انتهت .

الإجابة الحديثه :" اسمحي لي حبيبتي .. لكل انسان ماضي "

وكل ما نبشتلك هالسؤال وتنهد تنهيده قويه مثل أم كلثوم في انتي عمري


ولا تسألها هالسؤال لأنك بتسمع إجابة ملفقه فاختصر على نفسك الوقت وانطم ادخل بموضوع ثاني خليك حدق ودوخها بالأسئله






احم


*سؤال : هل تقبل الزواج من بنت لها علاااقه ؟


امسك اعصابك حبيبي معلش ,,, اشفطلك نفس سيجارة و طلع كل الااااااااه معه

تمدد و مد رجليك ,,, اهدى وهدي اعصابك ,,,رش كمان عطر مشان ما تقلب صرت منيح ! اوك نجي للجواب


الإجابه : قول هالكلمتين ويخلف عليك :" حياة كل انسان هي ملكه,,

احنا ما منقدر نحاسب الناس على ماضيهم لأن كل حدا فينا اله ماضي "

، ارجع شم هوا مرة تانية ,,, امسح العرق ,,,وكمّل

" اللي بطلبه من شريكة حياتي انها تكون مخلصة الي وتحبني لأني بكل ما بقدر رح أكون

مخلص لها ومحافظ عليها ولو ما قدرت تحبني بتمنى انها تعلمني "


* راح تقولك البنت بكل ذهول : ياااااااي ياريت كل الناس مثلك ، ولو ماقالتها اصبر ما تحكي ولا كلمة ,,,

كح اسعل اتشردء اعمل ايا شي يطلعك من الموضوع بهدوووووء

[abosleman]

انت متاكد انو هدول الخطط

جديدة وموديل السنة

[اسبيرانزا]

انا بقترح تغيير العنوان من خطط الغزل الى خطط ( الخداع )
هدى هيه العلاقة بين الشباب والشابات انهم يلبسوا لبعض اقنعة بالكدب
اعتقد ان حياة بهذه الطريقة حياة بلا ادنى امان يعنى كدة البنت متأمنش لاى شاب ولا الشاب يأمن لاى بنت
الحياة لما تكون مبنية على الصراحة بتكون اجمل حياة
تسلم اخى